♥ ♥ رومانسيات ♥ ♥ مساحه لكل الأعضاء

[نديم]

ضمّني حبيبي ..

وكسّر ضلوعي ..

ضلع ..

ضلع ..!!

ياحلو كسر الظلوع ..

وضمّها....!!





ضمّني موت وحياة ..!!

عطني أنفاسكـ عطر ..

وتمتمـ بحرفين شوق ..

وأنت ذوقكـ بالهوى من جدّ ذوق ..



ودي أشرب ..

الظما يجرح لهاتي ..

وسال دمّي من شفاتي ..!!

يا غناتي ..

مابقى بالكاس صبر ..

ولا بقى بالقلب ما يقوى عليه ..

لمّني ..

شمّني ..

انتفض مثلي وله ..

خلّني أحسّ إنّ الهوى يحفر عروقكـ ..

خلّني أذوق الموت في لحظة أذوقكـ..!!



حرّكـ شفاهكـ شويّ ..

خلّني أكتب قصيدة ..

قل كلامكـ ..

وإن قضى حكيكـ أبي تكفى تعيدهـ ..!!





وخلّ أقولكـ شي ..!!

يمكن إنّه عند غيري شي عادي ..

بس في قلبي كبير..!!



ويمكن إنّه عند غيري بس كذبة ..

بس أنا عندي حقيقة ..

تدري وش هو ..

وربّي اللّي كوّن الكون الكبير ..

إنّ غلاكـ اكبر شويّ ..

وإنّكـ بـ قلبي شمال ..

وإنّكـ بـ عقلي خيال ..

وإنّكـ بـ دمّي دلال ..

وإنّكـ بـ نبضة وريدي كلّ شي..!!

وإنّكـ حروفي بـ قصيدي ..

وإنّكـ الضّحكة بـ عيدي..!!

وإنّكـ أحلى من سنيني ..

وإنّكـ أقرب من شراييني لقلبي ..

وإنّكـ إحساسي وشعوري ..

وإنّكـ النّاس بـ عيوني ..

وإنّ سواليفكـ مطر ..

وإنّ العرق بكفكـ عطر ..

وإنّي أقهر فيكـ شمس الصباح ..

وأغيض القمر ..!!

[الدموني]

نتابع بمتعة
ونعيش مع عذب الكلام المفعم بالاحاسيس الصادقة

لوحة تلو لوحة وكل لوحة فيها احاسيس ووجدان سطرها كاتبها من اعماقه وبلاغة يراعه

[نديم]

اقتباس : المشاركة الأصلية كتبت بواسطة الدموني [ مشاهدة المشاركة ]

نتابع بمتعة ونعيش مع عذب الكلام المفعم بالاحاسيس الصادقة لوحة تلو لوحة وكل لوحة فيها احاسيس ووجدان سطرها كاتبها من اعماقه وبلاغة يراعه

:
الدموني
هلابك ياغالي وبمجرد مرورك ذا شرف كبير وتسلم على كلماتك الرائعه ومتابعتك الرائده فكن باالقرب وانتظر ايظآ مشاركاتك تقبل كل التقدير

[نديم]

أصبر ياقلبي وأنتظر خل الحزن مكتوم

كل المعاني تغيرت وأتضحت الصوره

صار الصدق في هالزمن مثل الوفا معدوم

ونفوسنا تجرحت والفرحة مكسورة

كل المبادئ تنشري واللي معاه يسوم

حتي المشاعر ارخصت والكلمة مهدوره

[نديم]

ليلة مطر شق الرعد جـو الانفـاس

وامطر جنون العاصفه من حروفـي

اعد واذكر ناس .. وانسى بعض ناس

اشباح ذكرى تسكن اطلال شوفـي

كان الزمان لصادق الحـب نبـراس

وكان المكان اطهر مكـان لوقوفـي

طفولتي ياحلـم ياغربـة احسـاس

يابعد شق بخنجـر البعـد جوفـي

[نديم]

يا بنت شوفي جروحي والجراح طابيـن=ماعاد فيهـن سـوى آثـار وهميـه
آثار ترثي حكاية حـب مـن عاميـن=راحت من الروح وانزاحت من النيـه
راحت مع طيفك اللي طاف بي شهرين=وانا ارتجي بس شوفـك يـا هواويـه
راحت جروحي وروحي روحت روحين=روح المـروٌح وراحـت روح مرثيـه

[نديم]

لوْ آلمَطر يغسّل " حنيني وشوقي " .. !

وًقفت تحتهْ. . . . . .

منَ ضحى آلآمسْ لليوم‘

[نديم]

:


قطفتُ جورية ًحمراءْ ...

وتراودَ في ذهني سؤال :

أيُهما أكثر ألما ً وتفردا ً الوردُ بلا شوكه ِ أمْ الشوكُ بلا َ وردهـ ِ ؟
..}

[محبة الإسلام]

يا سعادة السمو أخي الفاضل نديم يخرج من فيك الدرر ولبصماتك عزمنا الميسر نزلت فينا كروعة الديباج فزيد عطانا وزيد الهنا فوصلك نرتجيه وندرك كالعاج فالمعزة بيننا تكون والغلا وتقبل حضوري ليل نهار فما اجمل الهديان في رومانسيات لكل الإعضاء من أختك في الله محبة الإسلام

[نديم]

اقتباس : المشاركة الأصلية كتبت بواسطة محبة الإسلام [ مشاهدة المشاركة ]

يا سعادة السمو أخي الفاضل نديم يخرج من فيك الدرر ولبصماتك عزمنا الميسر نزلت فينا كروعة الديباج فزيد عطانا وزيد الهنا فوصلك نرتجيه وندرك كالعاج فالمعزة بيننا تكون والغلا وتقبل حضوري ليل نهار فما اجمل الهديان في رومانسيات لكل الإعضاء من أختك في الله محبة الإسلام

:
سلمت روحك اختي الفاضله والكريمه على مرورك ورقة حروفك فقد اسعدني هذا الحضور الذي يشع باالجمال فنحن بوجودك نستحضر التألق وانتي أهله وناسه وننتظر مشاركاتك الجميله والرائعه كروعة وجودك بيننا _ لروحك جوري يفوح بعبير الجمال : تحيتي