احتلال الحضارم وذلهم (قصيده للشاعر نايف الجويري )

[طالب النعماني]

هذه القصيده للشاعر نايف شيخ الجويري
من ابناء الصعيد محافظة شبوه ارسلها لي بعد ان التقيت به في احد المناسبات في الرياض
في زامل شعبي وبعد اللقاء الساخن ارسل هذه الابيات مع احد اصحابه وطلب الرد
وماكان امام خيار الا الرد بالمثل
واليكم البدع والجواب ارجوا ان ينال اعجابكم



قصيده الشاعر نايف شيخ الجويري

قال بو شيخ بالله يارسولي تجمل=شل خطي تجمل لنته من اهل الجماله
قل لطالب يكلمني على الرقم لوّل=حيث صلى على محمد وصحبه واله
كيف مابايصلي والزمن قد تحول=والعصاء فوق راسه هذه اكبر حواله
قله ان الجويري شل حمله وكفل=لكن المشكله ثارت لنقل الكفاله
يوم لا عاد في صاحب ولا عاد معمل=لا ولا في نــــــــظام العـــــــمل والعمـــــاله
عاد شي حل والا الكل عاجز عن الحل=وين حمّيرو تبّع حالته خس حاله
ماسمعت البرت والاربي والمعدل=ذي بهاء كل مظلوم استعاد العداله
وانت يالحضرمي لازلت عاجز ومحتل=صعب تحرير من يرضاء بذل احتلاله
مابصرناك يوم اصبح لها صوت يشمل=يوم عدناء جنوب ارض اليمن لا شماله
يوم خذناء البلد معقل بمعقل=والعسر في الحظارم قام يلبس عقاله
واهل سئؤن والغناء تدور لشرشل=كل واحد قنع وحط كوته وشاله
بعد ذاء قال نايف كل ماقلت برسل=خفت لا يفتهم بالعكس معناء الرساله
من سأل عننا قل كيف بالله تسأل=من يعرف الاجابه مايكرر سواله
كيف تسأل على تاريخ واضح مسجل=الزمن سجله غصبا بقوة رجاله
وانت عادك صغير السن جاهل مدلل=محتمل ماتدل العرف لهوج دلاله
او تربيت على الهمبر وشرب المشكل=واهل لسواق طبعا شكل تتبع شكاله
مامنهم سوى نظره من الطرف لكحل=وانتماءا الوطن من حيث موطن حلاله
انتبه لايغرك شكل واحد مبهذل=النمر مايهمه مظهره وامتثاله
عاد لـه قلب من بعد المحبين مامل=والمروه وبعض الكبرياء راس ماله
خذ نصـيحه وكن فارس شــــــبيه المهــــلهل=واعرف البدر واعرف كيـــــف مطلع هلاله
وان ضوى ضيف قل حياء وسهلا تفضل=لا تقفي وضيفك قيم في وسط صاله
نحمد الله ان اصـلي وفــــصلي مفصـــــــــل=لست زيدي ولا اناء حضرمي في بقاله
اناء من شعاب شبوه ذي لهاء الجن تكمل=والوفاء والمروه والكرم في كماله
لا هناء وارقم المعنى بكوبي وبركل=خاف ربعك في المحفل عطوك الوكاله
مابودي اقول اكثر ولا الناس تزعل =ذا لطالب وطالب طاب ليه نزاله
بالرويه كيـــف الناس تعــــــمل وتفـــــــــعل=بالخماسي ولصـــــــفر ذي حســـــــينه فعاله
واختم القــــــــــــول بمحّمد وقراّّّّن مــــــنزل=يالحضرمي على محـــــــمد والـــــــــه

جواب الشاعر طالب بن حسن باتيس النعماني ابوراضي

الف حياء وسهلاء برسول المرسّل=لي وصل عندناء عاني وجاب الرساله
مرحباء به على الحاصل وذي هو مسهل=مرحباء به في الشده ويوم السهاله
حط حمله على ظهري وناء باتحمل=من تحماء بناء سيفي ودرعي حماء لـه
كافي الخصم في الميدان ماناء معوّل=والشجاع البطل عالكنش رباء عياله
تعرف اسمي على سبعين صفّه مسلسل=من ملوك اليـــمن نعم النسب و السلالــــه
في الميادين دايم بيدي الربط والحل=والجويري جويري يعلم الله بحاله
احسب انه من المحفد ومن شعب ينجل=قلت يمكن من اصحاب السمؤ والجلاله
خاب ضني لحقته للمعاريس يطبل=ياخساره وياخس العمل والبطاله
لادعيته على داعيك يرقص ويزمل=والمزامير في يده وشي في الزماله
والله انه ضعيف النفس بالهون يقبل=كيف يقدم لبوراضي ويوقف قباله
شاعر الحضر والبدوان في كل معقل=لا هدر هيج شد حبله ومكّن عقاله
داهل الجود في كل المغازي مجمّل=والعدول الثقيله باتشله جماله
يوم دارت رحاهاء كل صنديد هلل=حسينون في الميدان شفتوا هواله
والسييلي معه قسمين في الحط والشل=والحبايب معه كلن تعصر بشاله
شفت حيدر وبو عدنان كلن تبسّل=بين نوّح وسيبان الوفاء البساله
لكن العيب منك جيت بالخفؤ تعمل=في صحابك وربعك قد قبلت العماله
بعت شرعك ودينك للغريب الموّل=بعت تاجك ودسمالك طمع في رياله
ماتقابل وياريتك تواجه وتقبل=مايهد المنافق صدق قدهاء مقاله
والكرامه تــــباء مخلوق عاقـــــــــل مكمّل= ماتبـاء شخص يانايف يذم في رجــــــــاله
والحضارم لهــــم تاريـــــخ من زام لـــــوّل=فالــــهم فال مامثله خلق في الفوالــــــــــه
منهم رجــــــــــل مامثــــله ولا بـي تمـــــثل=في بــــــلاد العرب ماباتحصل مـــــــــــثاله
تعرفه زيـــن في الميدان دايـــــــم مجمّل=زوّع الغـــــرب وامريــــكاء وهو في جباله
زلــــزل الكــــــون كله مثل زلزال زلــــزل=من تـــــولع بـــهم ياحـــسرته يازوالـــــه
واختم القول صلو عد مالغـــــيث ســــــبّل =عالنبي الهاشمي ذي كلمته الغــــــــزاله

[العولقي1]

لبدع والجواب مايحتاج بس اريد اعرف الاخ الجويري لوسمحت تعرفني بنفسك اكثر حتى اعرف اتكلم

[احمد سعيد]

والحضارم لهم تاريـخ مـن زام لـوّل =فالهم فال مامثله خلـق فـي الفوالـه
منهـم رجـل مامثلـه ولا بـي تمثـل =في بـلاد العـرب ماباتحصـل مثالـه
تعرفه زين في الميـدان دايـم مجمّـل =زوّع الغرب وامريكاء وهو فـي جبالـه
زلزل الكون كلـه مثـل زلـزال زلـزل =مـن تولـع بهـم ياحسرتـه يازوالـه

أحسنت ياأبن الاجاويد طالب باتيس النعماني ، والله انك قدها وقدود 0

لك شكرى وتقديرى ،،،

[طالب النعماني]

شكرا للاخ العولقي على مروره الكريم
الجويري هو نايف شيخ الجويري من اهالي الصعيد
وهو من رعاياء قبيلة ال ديان وانت عولقي ولاشك تعرف اكثر مني
يعمل كان ذاك الوقت في الصحنى
اما ان كنت تريد تعرفني اقراء القصيده وسوف تعرفني
شكرا لك اخي العزيز

[حسن النعماني]

احسنت ياطالب حسن على نقل هذا البدع والجواب الرائع بارك الله فيك
بس طيب وين الرد على القصيده اللي ارسلتها لك قبل فتره رغم انها قصيده غير كامله وغير جميله بمعني الكلمه كتبتها مع بدية مشواري الشعري
ووووووووووووووووين الرررددد يابو راضي
تقبل تحيات اخوك ابو عمار

[طالب النعماني]

اخي العزيز
احمد سعيد شكرا جزيلا على مروك الكريم
وان شالله نكون عند حسن ضنك دايما
والحضارم يجهلونهم كثير من الناس ولا يعرفون حقيقة الحضرمي وقت الجد والضيق
ولا يعوفون ان الحضارم اهل مبداء واهل نجده ومخوه وتاريخهك يشهد بذالك

[طالب النعماني]

الاخ حسن بن سعد
شكرا على مرورك الكريم
والقصيده ان شالله ننقلها هنا في الوقت المناسب
وهنال الكثير من قصائد البدع والجواب في الانتظار

[حسن النعماني]

عااااااااادي يابو راضي لاشفت فرصه انقلها وياحبذاء ان ارسل لك قصيده ثانيه اروع من اللي ارسلتها من قبل وتنقلها افضل من الاولى وتسوي الجواب له وارجوا ان ترسل لي رقم الفاكس عبر الخاص في اسرع وقت ممكن
شكرا يالخو على تلبيه الطلب
تقبل خالص تحيات اخوك حسن بن سعد

[مرعي بن صالح بن سميدع]

ياشباب كلامكم الخاص خلوه في الخاص

[شيخ القبايل.]

قال الجويري ومن اجمل ما قال :

(( انتبـه لايغـرك شكـل واحـد مبـهـذل = النمـر مايهمـه مظـهـره وامتثـالـه ))
عاد له قلب من بعـد المحبيـن مامـل = والمروه وكل الكبريـاء راس مالـه
خذ نصيحه وكن فارس شبيـه المهلهـل = واعرف البدر واعرف كيف مطلع هلالـه
وان ضوى ضيف قل حياء وسهلا تفضل = لا تقفي وضيفك قيم فـي وسـط صالـه

فكأنه يذكرنا بقول ( كثير عزة ) :

(( ترى الرجل النحيف فتزدريه * و في اثوابه اسد هصور . ))

وينم هذا على مستوى من الثقافة والشجاعة والابداع يستحق عليها الاشادة والشكر

وهو يسرد من مكارم الاخلاق ، ما وصانا به الدين وحضت عليه العادات الاصيلة ، في صورة جليلة للرجال المنشودين الذين تمتلئ صدورهم

بالسريرة الصافية ، والعاطفة الصادقة ، وشرف المقاصد ، والاتزان العفيف ، والتواضع النبيل

وشجاعة المسلك ، والعزم الحازم ، والذكاء اللماح ، والعفو القادر ، والكرم الباذخ ، والمعدن الاصيل

و هي خصال كريمة لرجال تحلوا بها فزينتهم بزينة دونها زينة المال والولد والسلطان .


وكان من اسوأ ماقال عجز البيت التالي :

نحمـد الله ان اصلـي وفصلـي مفصـل = لست زيدي ولا انا حضرمي في بقالـه

واخشى انه يرمينا اليوم بدائه ثم ينسل !!

ولا تفتخر الرجال الا بالاعمال المجيدة .. اما احتقار الاخرين بحق وبدون وجه حق ، فانها بضاعة المفلسين . وعلى كل حال فاليمانيين من شرقها الى غربها هم اهل كرم وجود واحسان . لا يتميز واحدهم عن كلهم الا بما يفعله من خير لاهله ووطنه ودينه .


و كان جواب النعماني رائعا بديعا وطريفا ظريفا .. اعجز حتى عن اقتباس بعضه لجماله كله ، ولعل له كل العذر في هذه المنافحة ... وللجويري اقول :


اذا ضربت فاوجع !!