ديوان شاعرة الجنوب في سقيفة الشبامي ..........!

[عبدالقادر صالح فدعق]

:: علّيه ليش تتكبر غرامك كالجبال =يهز ّالصخر يرمـــــي بك الى اقصى بعيد لهيب الشوق بعيونك يناديني تعال= وضاع الوقت في صمتك وضرفي كم عنيد دروب الهجر ودتّني الى حد الخبال= وصار الشيب في راسي بكّله بي عميد قدر ذا الوقت يسرقني وطيفك بالخيال=يداعب فكري الــــتايه وكل لحــظه يزيد انا مقدر على بعدّك وسهدي بالليال=يسامر طــــيف احلامك بكل يوم(ن) جـديد حبيب القلب اشفق بي ودمع العين سال=على خدّي مثيل السيل يعبر كل حيد وتسري في عروقي دم كأنك فيه حال=وتسكن في خفايا الروح في وسطه وديد رحمني ياحسين اللون ياعذب الجمال= وبعدك لي مسّوي لي بذا الخافق وجيد تعال وقوم قهويني وقرّب ذي الدلال = وسافر في سماء ودّي وهذا اليوم عيد وعيدي يوم ماشوفك تسّوي الاحتفال= واصبح لك فدى عمرك وارضى فيك سيد اريدك ياخفيف الروح اريدك بالحلال =تداوي عوق هذا القلب وبالخاطر تعيد لهذي الروّح من ودّك تحقق ذا المنال = لي هو صار يحرمني مقيد فيه قيد ::

:: ::

:: احطب ضلوعي بصدّك واشعل اعظامي جموعي=في مهب الريح بعثر حبنا وانثر ذريره والعب بقلبي بدينك واجرح القلب الولوعي=خذ معه باقيك فيني حتى لو باقي شطيره ما أبي يبقى بقلبي شي من ماضي وجوعي =خل مصيره بين موته او حياته لك بخيره من سحايب مزن ماطر همّله ساكب دموعي=من عيوني لي مست من زود هجرانه ضريره بسّك..تسلّى ياخفوقي عنْه..بسّه من خضوعي=كاسيِك ذلي مرار.(ن).وما بغت تنفضّ سيره سيرة اللي مالقى غيره وبالقسوه قنوعي=مانظر غيره وبعده يأمل انه يستثيره دامني حي بغيابه لكن الموت بدموعي=ياغبون اللي على ذلّه وماحدد مصيره استمع قول المجّرب واترك الخل المنوعي=ماعذر يأتيه يوم (ن)في حياته يستشيره في سواد الليل نادم جالس (ن) ماله ربوعي=يبكي الدمعه خساره كل آماله كسيره ::

::

:: هجوس الفكر ودتني ليمّك جيت انا شاكيك=لساحل ودك الواسع يلملمني على مسراك على مركب غرامك طوف وابحر في فضا شاطيك=بغبّة بحر متعمّق سواده بالعنا افلاك انا ياحلمي الغامض كتبتك بالورق راجيك=كتبتك قصة (ن) تروى واعلن للملا اهواك هوى قد فاض في جوفي ولا يخطر سوى طاريك=واسقي زرعة فروعه واقلع منّه الأشواك وهذا الموج لي مدّه تسونامي بلغ واديك=وغرّق كل مساحاتي يسيّرني على مجراك مساقي مايها يحيي دواعي الشوق لي مغليك=دواعي صاغها قلبي تخليني على نجواك لحاجه في نفس يعقوب خبيها ولا ابغيك=تحس ا بلوعة فؤادي مسى عايش وطن منفاك وطن ماله سوى قلبي سكنته بالخفا وارويك=حنان(ن) فاض ... من دمي مساقي ترتوي ذكراك بذكرى وردها جوري بشمعة ليلنا نمسيك=ويصبح حلم يتراقص على فيض الهوى نحياك ::

::

:: جيتك انا بالود فاتح للمحّبه الف باب =جيتك تلملمني بحظنك بس داوي ذي الجروح جيتك تلبّي لي ندايه منتظر منك الجواب =جيتك تعوضّني ابحنانك عمر قضّيته انوح جيتك غلا ماله حدود و تستعر حره لهاب = جيتك تطفّي نار تشعل في حنايا يه سروح جيتك تكفكف دمع ماطر مزن هل بأنسكاب =جيتك تفّرح قلب مبطي قد نسى ذيك المزوح جيتك وانا كلّي اماني باللقاء والأنجذاب = جيتك تحدى ذي الظروف الظالمه جيتك ابوح جيتك وانا ماشي بطريق (ن)كنني ماشي بسراب = جيتك ترفّق في قليب العاشق المغرم لحوح جيتك وقلبي جاء يلبي بالغلا دربي كتاب = جيتك تسّطر فيه ذكرى من حنانك والسموح ::

[عبدالقادر صالح فدعق]

الأخوة الأفاضل مشرفي سقيفة عذب القوافي نرجى منكم التكرم بإدراج جميع قصايد شاعرتنا العزيزة المرحومة بإذن الله شاعرة الجنوب في هذا الديوان ..


مع جزيل الشكر والتقدير سلفآ لكل جهودكم ..


للجميع التحية والتقدير ..
.

[عبدالقادر صالح فدعق]

:: شاعرة الجنوب - قصيدة صوتية - سقيفة الشبامي كلمات : شاعرة الجنوب صوت : عبدالقادر فدعق للحفظ :http://www.alshibami.net/up1/shaerat...h_elaalaah.wma لا اله الا الله نور (ن) علا فوق السحاب=لا اله الا الله حق و عقيده جابها لا اله الا الله نفتح بها مليون باب= للمعالي لو نوّحد نرتقي بأطنابها لا اله الا الله نجم (ن) تلألأ من شهاب= فوق الثريا لو تمّره تكتسح اسبابها لا اله الا الله يارب يارب الارباب= امحي الزلات يارب من ذنوب (ن) صابهاا امة (ن) ببابك ترتجي منّك برحمه او ثواب=قط وابد ماخاب من هو مدّها ماخابها رب (ن)عفو (ن) ياعسى رحمه لنا يوم الحساب= يوم الموازين التي ترمي بمن قد عابها لا اله الا الله عسى اعمالنا ماهي سراب= يوم لانفع و بنين وبالعمل نرقى بها لا اله الا الله نسقى بها احلى شراب= يوم نبعث ياودود وبالحياه نحيا بها عسى الله أن يكتب كل حرف منها في ميزان حسناتك أخيتي الغالية . ::

[نديم]

تستهاهل شاعرتنا شاعرة الجنوب ان تتخلد كل أعمالها تسلم اخي عبدالقادر ورحم الله شاعرة الجنوب برحمته واسكنها فسيح جناته انه سمع مجيب وألهم أختنا الماسه الصبر والسلوان
ودمت ابا حمزه

[مبروك بن ماضي]

أخي واستاذي النبيل:
الشاعرالانسان / عبدالقادر صالح فدعق
شكر الله لك وجزاك الله خير
على طرحك لديوان المرحومة شاعرة الجنوب في السقيفه
والحقيقة ان رحيلها خسارة فادحة للشعر والأدب
وعزاؤنا في غيابها الأرث الأدبي الذي تركته
ويجب علينا عند قراته الدعاء لها
رحمها الله رحمة واسعة واسكنها فسيح جناته
تقبل أخي المحترم ابو حمزه تحياتي وتقديري الجم ،

[صالح باعمران ابو زايد]

:: ياهلا باللي لفاني لامحلّي =يسكب الجزلات من عذب المعاني يشتكي من خل في وصله مقلّي=قلب ذا العاشق مسى منه يعاني مر بك ذا العمر وانته مستظلّي=في هوى ذا الزين تتمنى التداني لو بنظره خاطفه منّه تسليّ=قلب مبلي في هوى رعبوب غاني ساهر (ن) مثلك وقلبي مايمليّ=عن هوى محبوب لي حبّه رماني وسط غبّة بحر امسي به وظليّ=مارحم شكواي زودّها جفاني حيرة العشّاق قولوا من يجليّ=هم مخبي بالعروق وماتباني آه ياصبري مسى صبري يملي=يمسي العاشق سنينه بالثواني ::

[الدور القبلي]

جزاك الله خير أبو حمزة وكثر من أمثالك

دعــااااء لفقيــدة السقيفــة ( شاعــرة الجنـــوب ) الرجاء التأمين - سقيفة الشبامي

[صالح باعمران ابو زايد]

:: هجاني بعيبٍ من به ألعيب أجدرُ=وجاء على ضعفٍ به أليوم يثأُر أتاني بديع <الشعر يختال يختال ضاحكا>=ومن صادق ألقول الحكيم يؤزُر فلست الذي بالشعر يهجو صديقه=لسانك مأجور وحكمك أجور فما همني ذاليوم منك نقيصة=فلفظكَ مفجارُ وعقلك أحجُر فلا أنت من أهل العقول ولا الذي=يرجى لنقد الشعر فا لنقد أكبر حسبناك أستاذا أديبا معلما =وجدناك مغرورا يقول ويسخر دع الشعر فالخرفان تحتاج راعيا=لعلك إن ربيتها سوف تكبر فيكفي لهذا الشعر من متطفلِ =راى في ركيك القول انه الشعرُ ::

[صالح باعمران ابو زايد]

اخي عبد القادر عليك التنسيق حسب ذوقك الرفيع

[عبدالقادر صالح فدعق]

أبشر مشرفنا العزيز صالح بس تجمل جماله وأعمل لي هذي الفواصل ( = ) والباقي بانظبطه بإذن الله .

تحياتي لك أخي ..


.