الاعتراف بالحق فضيله

[سبع الليل]

حليت في بلده لها اربع سدد=الدور يحميها وتحميها السدود
شبام لي نهضت حضارتها بجد=بلده لها تاريخ صنعوه الجدود
سلام لش ياام العوالي والرقد=من عند شاعر ما تهنى بالرقود
يذكر زمان ايام راعدها رعد=وبروقها وأمطارها عقب الرعود
وايام رعشات الزوامل والعدد=ياريتها ذيك الليالي باتعود
وأهل السناوه والمعاصر والحدد=وأهل الحراسه ذي يحرسون الحدود
كم من مسقي من مواردها ورد=ومن جوها الصافي تفتحن الورود
في سوقها الياقوت والعنبر يجد=والزعفران الزين ذي هو في الوجود
كل من تخبرنا عليها او نشد=عارجالها ذي هم يزرون الشدود
باقول له نعمك رجاجيل العمد=خلو كفـف ميزانها قيم العمود
فيها صلاب الروس والناس العود=وشبان اذا وعدوا يصدقون الوعود
والشاعر المشهور في عصره أنفرد=يستاهل ألا تاج فيصل بن سعود
صالح ربيع شاعر الصفراء أنتقد=كل من يخالف في حدوُه والصعود
شاعر وبشهد له وغيري قد شهد=وكل الذي هم في الجزيره له شهود
ياكم وكم شاعر من أقبال شرد=وشعار جم من شاعر الصفراء شرود
لأنه يقول الصدق مايهتم بحد=لا قال كلمه منها الشامخ ينود
يبصم في الورقه ويكتب لك سند=ويعامل الشعار برواقه وجود
وأنعم ياصالح ربيع ياالاسد= ياالجيد خلفت النماره والاسود
هذا كلام الصدق عارغم الحسد=اكبر على الشيطان والشخص الحسود
والعايب المكار ذي قلبه سود=بغضي لهم ذي بالقلوب السود
مامن ابوهم فايده غير النكد=هم زيدوا فينا التعاسه والنكود
الله يقطعهم ويقطع بو حمد=شل الوراثه بعد ما غادر حمود
ريته عدل بين البنيه والولد=وحافظ على التركه وحافظ عالنقود
جاهل قليل العرف مامنه مدد=زيد سعار القوت واسعار الوقود
يسرح ويضوي من مقد لما مقد=مثل الذي يسني بثوره في المقود
اول زمانه شد عظمه وأجتهد= وألقاء صداقه للنصارى واليهود
وأخر زمانه قال شو عظمي برد= ولعاد شي قوه بغيت ألا البرود
أظاهر أن بابه تسمر وأنقلد=حاطت به القدره وشدات الزنود
اليوم يوم السبت ويعقبه الاحد=أخبار باتاتيك من أرض النجود
أخبار ملويه بليات الزرد=باترتج الصحراء والابحر والحيود
ومن بعدها باتسمع لأصوات المرد=والمدفعيه والبنادق والفرود
والبنقله باينتشر فيها الهدد=وبلعيد عنبر بايدحًق راس هود
والختم صلوا عد ما ساجد سجد=وتقبل القبله وطوًل في السجود

[بلّسود]

جميله جدا .. كعادتك بوجمعان .

لي عودة قريبا جدا .

دم لنا بالف الف خير ....

والى اللقاء .

[الشبامي]

اقتباس :

كل مـن تخبرنـا عليهـا او نشـد***عارجالها ذي هم يـزرون الشـدود باقول له نعمـك رجاجيـل العمـد***خلو كفـف ميزانهـا قيـم العمـود فيها صلاب الروس والناس العـود***وشبان اذا وعدوا يصدقون الوعـود

حيّاك ياشاعرنا ياصليب الرأس
كلام موزون ومن ذهب
وسأقوم بنقله الى سقيفة عذب القوافي مع بقاء رابطه هنا ليقرأه الجميع
يرفع مع التحيه

[ابورائد النعماني]

مشكوووووووووور يالغالي
ياسبع الليل

[بلّسود]

الف الف شكر ... مرة اخرى لشاعرنا .. بو جمعان ..

ولكن هذه التحيه اقدمها ... من ... سقيفة عذب القوافي .

والشكر موصول .. لاستاذنا .. ومشرفنا العام .. الشبامي .

على هذا النقل الموفق .. والقرار الصائب .. والحكيم ..

دمتم لي كما انتم ... وفي امان الله اترككم الى ان نلتقي ..

[العايد1]

الاعتراف بالحق فضيله
حقا قصيده رائعه ومن شاعر رائع
انك شاعر كبير تستحق الثنا
ليس مجرد تركيب قافيه كعادة معضم الشعر هذه الايام
هذا شعر بعيد في معانيه
وكله حق وحقيقه وواقع نعيشه
نشكر الشاعر: سبع الليل جزيل الشكر
تحيه لك من اخيك العايد1