جميع قصائد اخوكم \ حسن محمد سالم باقديم

[أبوراكان]

صح لسانك

[حسن محمد سالم باقديم]

اقتباس : المشاركة الأصلية كتبت بواسطة أبوراكان [ مشاهدة المشاركة ]

صح لسانك

شـكــ وبارك الله فيك ـــرا لك ... لك مني أجمل تحية .

[حسن محمد سالم باقديم]

اقتباس : المشاركة الأصلية كتبت بواسطة طالب النعماني [ مشاهدة المشاركة ]

درر ثمينه للشاعر الكبير حسن باقديم اسجل اعجابي بكل حرف تم نسطيره هنا

مكشور وماقصرت ياشاعرنا الكبير مانقدر نجازيك
بارك الله فيك هذا من معدنك الاصلي وذوقك الرفيع

[عبدالله غريب]

شعر جزيل
مدرسه لشعراء السقيفة صح لسانك وعلا شانك يا باقديم

[المتريث]

بسم الله الرحمن الرحيم
هذه القصيده للشاعر حسن محمد باقديم تم اعادتها لئن جواب ثابت بن ماضي لم يذكر

قصيدة بعنوان
(بيرق العالية)

ياام المســــــامير الدويـــله والـــــمرادم والــدرف= والقـصر والسور المـدور والــبنــاقل والديـــــار
مجــراش من مجـــــرى شبام العاليه هي والغرف = والشحر والغناء وام القصر لابـــيض والــمــزار
الفـــن واحـــد والادب والـــبر واحـــد والســــلـف = ومعالــم التاريخ و حــده و الـثقــافــه و المسـار
مـــايفـــترق مولـى سحــيل شبام من وادي عرف = ولا قضاعه تفترق والغيــل مــن موجح وغـــــار
منــجم ثــراها يــعجز الــواصف اذا فيـــها وصف = تـروي بمـا فيهـا اذا الـــراوي اّتــا ليهــا وزار
الحــان ومعـازف.... تناجي بعض ... مافيها كلف = ســر اهلهــا فيهــا وطـابعهــا مميـز والـــشعـــار
اربابــها رسمــوا لها لــوحه جـمـيله عا الشــرف = منهم بقي فيها ومنهم قــد قضـى نحبـــه وســـار
فيــها منــاجم تجــلب الاعجــاب وتــثير الشــغـف = لنــا الشـرف فـي سـاير الاقطـار بـه والافـتخـــار
نــسمع اهــل الغرب به والـرووس وحلول النجف= والقــاره السمـراء ومـا فيهــا وســاكن قندهـــار
واحفــاد مــايكل جاكــسن اهــل المصايب والترف= فــن الـعراء شهـرته ما تعــدت محيطـه والــجدار
مهما فضاء الشاشات زخ شهرته ولقاء له ملف= كل ماكسب له صوت في الشهره كسب كازوز نار
لسمــعتــهم حطــيت حقــبه عنــد نثـري والحشف= وعن تــراثي و التـلاحين الـجميله و الحـــوار
ولقــيت نظــره عا السـقيفه حيـث سـودان العـكف= وعلى صـروح شبام مبـراد الذيابـه و الـنمـــار
هبـت عـواصـف شـوق ناد الراس ودمـوعي ذرف= ولا مـعي غير الـدعاء لــك يامطول فـي الـسفــار
والـثــانيه يتــعاونون النـــاس عـا الـبر والســلف = ذا يدعم الثــاني علـى المـوروث لا يصله الغبــار
على التــراث تحــافظوا روحـوا كما الطابور صف= حفظـه واظهـاره على الـحذاق واجــب والصغــار
والـعدل ذمـــه من لـعب في الـوزن بالذنب اقتــرف= العــدل جــلاب العـوافـي والمظــالم كـــوز حــــار
العضوا عـنـد الـعضوا قــوه والصدف منــه صدف= والنـوب لامـن نـوب يخرج يـاهل دارات الفكــار
ياهل السقيـفه صـرحـكم والمنتـــــدى بـيرقه رف = شكري لمـن اسسـه والمشـرف كمــا والمسـتشـار
اعطــوا المــراتب اهلها والحــب ضـووه المسـف= جـاكـم جديـد الوقت والغزوا الفضــائي والقـمــار
دمـر محا قيها وصـاب الـذبر والقـرش اصطـرف = وتنصلـوا لاجيـال والحـاشي خلـف سيـر القطــار
حط الـذبر عا النــوب والنواب عن خضر السعف= وعلى ملاهي العصر ملقي الرطل في الكفه بهــار
ياللا سف داري وجاري منهم صـوبي نــــــــزف = حطوا قتب بـاداس ياثابت عوض فـوق الحـمــار
ولقوا ذرايع مع دخــول الصــيف صناع الخزف= ماكوز بارد من فشلهم يلتحق في كل دار
من حر عنده حبحب السكين والخاذ انكشف = حرك لسانه في عباد الله واسمه مستعار
من جاب سيئه يستلم حسنه ومن اصلح وعف = نال المنازل وارتقى مقعده في دار القرار
ذي حاسب الذره وزل الفيل وحصاة الوظف = حبله بعنقه من نفا قه في تصاريف القدار
ثومه مقشر والعصاء مدفون من هرج الزلف = فاصل ... وبعده تااتي النشره وتفصيل الخبار
من لايخذ عـــبره من الــواقع وبالـصدق استخـف= ثعلب وجده كــان ثعلب مختبي رووس الصـبــار
وان تمت الحــاله كــذا والشـــور و الراي اختلف= سـده بلا حـارس سفيـه الــدهر يدخلهـا جهـــــار
حزني كما حزن النبي يعقوب فيها والاسف = والحاكم العادل يصله الرجم من خلف الستار
قالوا يحليها.. نكدها .. قلت للجنه لهف = والصبر ورث الانبياء وملاذ للناس الخيار
دعها .. لــهم يـا جا تهم رحمــــه وواديهم عـــزف= يابا سهم فيهم من الله يقلبون الحلو قار
وختامها ياهل السقيفه صرحكم بيرقه رف = شكري لمن اسسه والمشرف كما والمستشار

( جواب الشاعر ثابت بن ماضي)

خذلوا علي شيعته واتباكوا وتموا في النجف=وعاهدوا ابنه وخانوا العهد في وضح النهار
وجاهم الحجاج في جيشه وحف الارض حف=وطاعوه واعطوه الولاء ساروا معه في كل مسار
حد منهم قصده غنيمه او يبا يبلغ هدف= وحد كان حاقد قصده الشهره ورد الاعتبار
ماحد على مبداء قوي رام المعزه والشرف=ورام عز اهله وناسه سار بدروب الخيار
لان القياده تضحيه تريد قائد مختلف=يشب كير الحرب يمسي كيرها ينذخ شرار
هذا اذا حده عدوه بالتعنت والصلف=ولا الحوار أفضل يحل كل ماتعقد بالحوار
واليوم سار الحال سي والوضع شوفه مختلف= اتداخلت واتشابكت وهذه بوادر لنفجار
لاكثروا العقال كل واحد وراء صاحبه صف=عسى لطف ربك ياحسن بقديم لا البركان ثار
البخص بالبصره وخوفي عا طويلات السعف=وعلى البساتين المدنه بالفواكه والثمار
الكل حاقد لو يبان الفصل له بايقترف=ذنوب وان قلتوا كباير مايهم جنه ونار
وباتضيع مابين الخوارج كل عصبه في طرف=وشيعه وشوعين بايجونك سويه في قطار
وين اهلها وين الرجال اللي على موقف تقف= اهل الشروع الوافيه واهل الوفاء والاعتبار
اهل الكلم في حلها والفعل في الوقت الحتف=ركابة الضمر اذا الميدان غاشيه الغبار
افيينهم افيينهم افيينهم اوفُ وأف= ماشفت واحد قد رفع راسه وشل سيفه وثار
لاثار باتثور الجبال الشامخه هي والدكف=وبالعزيمه والاراده بايحقق لنتصار
حياه ابذله تساوي موت شفني معترف=مييت وانا فوق الثراء والامر هذا بأختصار
كلفتني اشكي همومي ياحسن بالله كف=ولاتذر الملح فوق الجرح لان الملح حار
با ختم اقوالي ببو مقصين ذيهو مايطف=ولا قصر ولاتييمن ولانطرح مره يسار
قوته مشووك يستحق زين المسيله والردف= سلب ورثته من قفا الشيبان ذولاك الخيار

[المتريث]

اخواني المشاهدين هذا البدع والجواب بين الشاعر حسن محمد باقديم والشاعر امين المشرقي الذي هو من احد افراد ساحة التغيير وتحصلت على هذا البدع والجواب بين الشاعرين وحبيت نشره

البدع باقديم

ياالمشرقي كيف الامور اتسير =
في ساحة التغيير والتحرير =

وبشارع الستين والسبعين =

هل شي فرج للقافله والعير=
او شي حطب جبتوا لشب الكير =

او زوبعه وخيام للتخزين =

يتحملون اللوم والتعوير =
جساس وكليب الملك والزير=

ثوب الجليله ممتلي باالطين=

لاتقتلوا الناقه جوار البئر =
رفض الوساطه يجلب التدمير =

ولا تشوفون الرخاء واللين =

واجب علينا الرشد والتذكير =
والموعظه والنصح والتحذير=

لا اهل الحضاره في سبأ ومعين =

خلوا الحموله بينكم تجبير =
ورسولنا ينهى عن التشهير =

نزلت بتحريمه خطوط الدين=

ابعث سؤالي واطلب التفسير =
جب في صراحه واحسن التعبير =

ومن سبأ نبغا نبأ ويقين =

وختامها باالملك والتكوير =
وعداد من معبر رفح والدير =

قرحت وهزت حزب بن يامين =

جواب المشرقي

بداءت باالتهليل والتكبير =
منارة اهل العلم والتنوير =

محققين النصر والتمكين=

وارفض دعاة الهدم والتغرير =
والدجل والتضليل والتزوير=

وجوه معتاده على التلوين =

يامن طلب من عندنا تقرير=
سريع مستعجل بلا تأخير=

خذ الجواب المختصر ذلحين =

الامر مايحتاج له تعبير =
فاالشعب كله يطلب التغيير =

معاد نسعى حملة التحصين=

تجندوا له شلت التعطير =
جماعة التطبيل والتزوير=

يلقوه باالتكذيب والتخوين =

وهددوا باالفقر والتشطير =
وباالامام والقتل والتفجير =

وهو مسالم دافع التأمين=

باالسلم يطلب لليمن تطهير =
وقد معه من ربنا تبشير =

زف الشهيد لا عند حور العين =

انظم الى الساحه بسرعه طير =
واشرف على المنتاج والتصوير =

واحذر كلام الناس يامسكين=

[حسن محمد سالم باقديم]

اقتباس : المشاركة الأصلية كتبت بواسطة عبدالله غريب [ مشاهدة المشاركة ]

شعر جزيل مدرسه لشعراء السقيفة صح لسانك وعلا شانك يا باقديم

مرورك فخر لي ابعث لك الشكر وفائق الاحترام

[الغوربي]

كم نحن بحاجه الى هذا المدرسة الشعرية ومناهجها القوية
والشاعر حسن باقديم لا يحتاج ان نشهد له بعمق شاعريته واسلوبة في صياغة الكلام
واذا فقدنا الشعر بمعناه سوف نعود لهذه الصفحات لنتعلم من عبقرية هذا الشاعر
مع كل الشكر والتقدير والاحترام لهذه الشخصية

[حسن محمد سالم باقديم]

اقتباس : المشاركة الأصلية كتبت بواسطة الغوربي [ مشاهدة المشاركة ]

كم نحن بحاجه الى هذا المدرسة الشعرية ومناهجها القوية والشاعر حسن باقديم لا يحتاج ان نشهد له بعمق شاعريته واسلوبة في صياغة الكلام واذا فقدنا الشعر بمعناه سوف نعود لهذه الصفحات لنتعلم من عبقرية هذا الشاعر مع كل الشكر والتقدير والاحترام لهذه الشخصية

يسعدني مرور شاعرنا الغوربي
ابعث اليك الشكر والتقدير
وفائق الاحترام

[حسن محمد سالم باقديم]

اقتباس : المشاركة الأصلية كتبت بواسطة علي بن ماضي [ مشاهدة المشاركة ]

الاخ الشاعر (الجامعه) حسن باقديم نشكرك على اهدائنا هذه المرجعيه الشعريه الرايده وكلام ذهب عيار 24 لكى نتعلم ونستفيد من غزارة المعانى وقوة الكلمات والله انه ديوان غالى جدا الكل يحرص على اقتناة اكيد لازالت قصايد اخرى لاتتردد في انزالها للمتعه والفايده اسجل الاعجاب الدايم ولك كل تقديري وودي اخوك علي بن ماضي

ايش في الكون يسوى = حين تضوي مطارح لك بها خير ذكرى
وعاد ريحك هنا فيها ولك اثر موجود =
رحت منها ولاكن حيث ماكنت باعود =

انتم اهل الشعر ودكاترة الشعر ورث عن ورث
نستمد من شعاع نوركم المضي المعاني الجزله
شكرا على مرورك ياابواصيل والقصائد كثيره
ولاكن الكتابه متعبه والمشاغل كثيره وانا اوعدك
اننا سوف نكمل شكري وتقديري لك شاعرنا الكبير