[أكبر قضية]>> قصيدة عاطفية

[مبروك بن ماضي]

( أكــبـر قـضـيـّة )
***************

تسـهـرين جْفـون غيرك ثمٍ إتـروحي تـنامي=والشقا مكتوب عقبك بس للنفس الشـقـيـه
لي متى والجرح في قلب الـمـتـيم فيك دامي=كل ما جا يـنـدمل جـت منك لي أخـبار سـيه
كيف ابتناساك واسلى ياحياتي ياغـرامي=دام حبك شغلي الـشاغل ولي أكبر قـضـيه
صدقيني مايموت الحب دام القصد سامي=بالوفا تبقى المشاعر دايما في القلب حيه
كل ماطالعت بوجوه البشر شفتك أمامي=قـلـت تكفى يازمن بالله تــوقـف لي شــويه
خلني أسعد بشوفت من لها الخفّاق ضامي=قبل مايجري علي في بعدها سهم المنيه
أمسي احلم طول ليلي فيك ياغاية مرامي=مانتهى المشهد معي مازال للقصه بقيه
من يقول إنك غديتي ماتثيرين إهتمامي=أعـتـقـد جـاهـل بحبي لـك ولاعـنـده دريه
لا تعيشين إبـضـنـونك لاتشكين إبكلامي=دامني لك قلت أحبك فالمحبه سـرمديه
فـوق حبي لك مع التقدير فائق إحترامي=وأقبلي مني بعد أجمل سلامي والتحيه
عقب ماشفتك نسيت الناس مره والأسامي=صـرتي انـتي الـتـالـيه بـالـذاكره والأولـيه

مبروك بن ماضي