ياوقت وش باقي في العمر ماصار

[الغوربي]

ياوقـــــت وش باقي في العمر ماصار
يكفـــــي الــــذي عشته وشفته بعيني


ملتني احـــــزاني وضــــاقت بي الدار
وخانتني ايامـــي وجـــــــارت سنيني


ضـــــامي من الفرقه وبالشوق منهار
ســـــــابتني الفرحــــــة وعيت تجيني


واقــــف على باب الامــل ليل وانهار
صابر وحــــرات السهـــــن تحتويني


مليت صالي مـــــــن مكـــاتيب واقدار
من كثر ماجــــــاني وماصـــــار فيني


طبع الزمـــــن ياقلـــب له سيف بتار
يقطع رجاء اللي في ظروفه محيني


يبكي همومه في هــــواجيس وافكار
وان مات سره وسط جوفــــه دفيني


مـــــايعلــم الحرقـــــة ولايدري النار
الا الـــــــذي يده بموضـــــــع يديني


كني جرح من طعــــــن خاين وغدار
ابصر معـــــاناتي واسمـــــــع ونيني


اومثل لحظـــة ماضية دون تذكـــار
ماتت بها اشـــــواقي ولهفة حنيني