قصيد ة النسب

[معشــوقتي حبان]

هذه الرائعه للشاعر سالم بن مرعي باعلي
وهي مخاطبه مع الشيخ مذيب بن صالح بن فريد
ويتحث فيها عن نسابته في حبان
السلطان الواحدي
وبقيه احداث القصيده تشرح نفسها

ومعروف عن الشاعر شعر الحكمه

واليكم القصيده

ها قال بـن مرعـي اطلب وافـي المـدّه =يالله يــــــارب ياعالـم بلحـوالـي
عبـدك دعـى جيـد يسمع لادعـى عبـده =عـسـى بـدعــوه لهـا يالله تقبـالـي
يامرحبا يـوم جـاءالهاجس على وعـده =رحبـت بـه مرحبـا لك قيـم مـن حالـي
باعاودك ونت خـرج كـل شــي ســده =كـمـا المـنـاشـي تمسي عنـد لرتالـي
شف صاحـب العقـل لاشاف الشـرف رده =ولا يسوقـه عــلى خـبـره ونــاداري
والعقل ثوبـه قـوس يدفيـه مـن بــرده =ولا تصيبـه غبينـه عـنــد لقـبـالـي
ومجـلـس الـعـزلـه وقيـات ممتـده =ومجلـس الـهـون تركـت كـل بطالـي
ومجلـس الـهـون ملاسـدتـه وحــده =لاعــرض فيـهـاولاتبـدل بلبـدالـي
يامرسلـي شـد لـك دي ماصنـع شــده =عــاده عـنــس ماتوسق بين لحمالـي
مـن حـد محـكـوم واهله تثنـي الـرده =لتنادهـو ربــه الله حـيــد قـتـالـي
مر المنـور وشـف مبعـد بـداء ســده =وقـل لبـن صالـح ان بي ضيق في حالي
ناجـبـت مـحـزاه للشعـار مـن عـاده =هوس قوس مرتوس فـي طيـب لمثالـي
بحزيك من بنت مرجب مـن قـفـى جــده =ماتشـرب الاكــرع مـن عـذب لزلالـي
ون مات كم من ولـد يجـري لهـا جهـده =وزوجـوهـا ولــد للـشـر حـمـالـي
وتخفـرت ضمـهـا فــي بيتهـاوحـده =بـعـد التخفـار قـدهـا فـي التعلالـي
ماتصلـح ان كــان من جلده قفى جلـده =بعـد التشـراط قـدها فـي التضـلالـي
سبحان مـن خلقـش واليـوم فـي عقـده =جلـش مـن الهنـد كلب النـار وصالـي
اانكـانـك احـزيـت غنى لك ندي جعـده =صغـيـر الـســن دي هرجه عسل حالي
والـوعـد بعطـيـك لمى مرجعـي بعـده =بـاسـوق حـبـان لي به شف من حالي
باعاود انسـان فنـي زيـن فـي عـهـده =يـوم النسـب زيـن للغـالـي وللبـالـي
ماهو كما بن عليـوه دي شـرد شــرده =لوكان عشى نسيبـه الـوسـخ خـالــي
ريتـه تجمـل بــه وقـدم بــه ولارده =وعبـره ليلتـه وافسـح فـي التـالـي
ان كــان لاهـــويباها اليوم له لهـده =مـاجـودة البـيـت مافيـهـا تجمـالـي
من مر تحت الصبـح يصبر علـى الفنـده =يصـبـر علـيـهـا يخليهـا بلجمـالـي
سلم علـى الواحـدي دي ماخـلـق نــده =يابن لوي ياقريشـي مذهـبـك غـالــي
بحزيـك مـن بنـت قـد كانـت بهـارده =واليـوم متهيـوسـه تلـعـب بلبطـالـي
تشـبـر قميـشـي وباعوضه وباسـرده =وحـيـد نـعـمـان والحالـه ولجبـالـي
ان كـان لامطلـق المحـزاه هـو وحـده =ون كـان محـزيـت سق للراس دسمالـي
باعبـره واد يـشـبم فـي وسـط جـرده =بدخـل بـه نصـاب بنـدر ميـة خيالـي
باقول شفنـي طلبـت الجيـد مـن وجـده =لا تشتحـن ياكـبـر ياحيـدنـا العـالـي
مـن عنـد محسـن وخوته كلهـم جـزه =قدهالهـم مـن قـدا لـول عـلى التـالـي
والختم صلـو علـى دي لمـتـه يشـفـع =عسـاه يشفـع لنـا لـول علـى التالـي