(قصيده)(بـــلا عز ه بغـيـــت الــمــو ت),,,,

الــســـــــيـــــف · 07-13-2003, 02:48 AM

[poet font="Simplified Arabic,4,black,normal,normal" bkcolor="seagreen" bkimage="http://www.alshibami.net/saqifa//backgrounds/44.gif" border="none,2,deeppink" type=0 line=200% align=center use=sp char="" num="0,black"]

خرج ذا فصل والثاني معي بيتين فنيه=وقصدي شارك الحضاربالي في الوسل ماجود
ولافي الشعر لي مسلك ولالي فيه ملكيه=ولكن لجلكم باكلف الهاجس عساه ايجود
وبشكي وقت عذبني وكم ياما لقاء فيه=وانا صابر على جوره وكم شفت الليالي السود
واصل المشكله صاحب حسبته صادق النيه=واغليته على نفسي وقلت الجود يلقي جود
ولكنه غتر والحسن هو سبة بلاويه= جماله غير عادي صدق لكن الخلاف ايزود
انا مرضى على نفسي اذا هو قدرضي فيه=بلا عزه بغيت الموت احسن لومسي ملحود
صحيح انه مميز والرشاقه غير عاديه=مثيل الغصن يتمايل وريحه مثل دهن العود
وفي المشيه ملك يمشي وبه عينين حربيه=وصوته لاتكلم ايش انغام الوتر في العود

[/poet]

**سالم محمد بلفقيه ((الشرقاوي))** · 07-13-2003, 03:18 AM

صح السانك اخوووووي السيف 0

قصيده رائعه 0

محمد بن سلم · 07-13-2003, 04:28 AM

روعه اخي السيف شاعر وبن شاعر ..

قصيده روعه انت للدان مافي مثلك ..

ياريت ماتبخل علينا وتزيدنا من اشعارك الرائعه ..

حاتم الطائي · 07-13-2003, 05:06 AM

[poet font="Simplified Arabic,4,black,normal,normal" bkcolor="" bkimage="http://www.alshibami.net/saqifa//backgrounds/49.gif" border="ridge,2,gray" type=0 line=200% align=center use=ex char="" num="0,black"]
صليل السيف نادنا ولالي في الوغى حيّه=ولكن حاتم الطائي بروحه يفتدي ويجود
قتلنا سيفك المسلول وانا طالبك بالدّيّه=عسى روحي تعوّد لي وهي في الاصل مابتعود
شكى البتّار من وقته وانا باشكي الذي بيّه=واما الوقت ماسيبه وحد شاقي وحد مسعود
اذا هو صاحبك مغتر ولا هو صادق النّيّه=ترك عنك الوهم والتيه تناسى لاتقع مكبود
تلاقي من مثيله جم و بالآلاف والميّه=وربك لي عطاه الحسن .. غيره كم عطاهم زود
سأل حاتم عن اخباره ومن اخبار ماويّه=عبر وقته في ارضاها ولاقى هجر جم وصدود
طلبت الود والمعروف مالاقيت حنّيّه=جزاتي يومنا هايم بلكحل بو العيون السود
سكبت الدمع عاخدي ويبست بير عينيّه=سقانا كاس من علقم وخلّى خاطري مسدود
وقنّعنا من العشقه وشمّت كل عدو فيّه=كرهت العيش من بعده وعظمي كذ براه الدود
نصيحه من مجرب خير من وصفات طبّيّه=اذا جاك الهوى من باب .. صكّه عدّ به مقلود
[/poet]

**جمال العطاس** · 07-13-2003, 05:38 AM

هلا بالسيف وهكذا بغينا من هذه اقصائد الزينه
هلا بحاتم حبيبنا وبالجميع

[poet font="Simplified Arabic,4,black,normal,normal" bkcolor="" bkimage="http://www.alshibami.net/saqifa//backgrounds/3.gif" border="double,2,gray" type=0 line=200% align=center use=sp char="" num="0,black"]
معاده عشق يالعشاق لو ماصدقت النيه = وياكم قلب في العشقه مسى من صاحبه منكود
وخيره في المحبه كلها لوكانها أذيه = اذا قدها محبه تاليتها منكره وجحود
أنا قلبي تعذّب منها والكبد مكويه = وكل من قد دخل في بحرها ياصاحبي مفقود
حسبت العشق والعشقه فرح وسعاده أبديه = وأثرها الا نكد دائم وفيهاالا الفرح محدود
وروحي بالغواني والحسان البيض مبليه = وهن مايرحمن عاشق مسى من حبهن ملحود
[/poet]

**علي أحمد بارجاء** · 07-13-2003, 10:02 AM

الله الله الله , و الله إنك شاعر , و شاعر من الفحول أيضا , و على فكرة , انتبه تنقطع علينا , غرف لنا كل يوم من هذه الجواهر المكنونة و الدرر المصونة , و ما شاء الله تبارك الله , إخواني حاتم الطائي و جمال العطاس _ و هما من فحول شعراء السقيفة _ قد ردوا عليك شعرا , و لي سؤال : أين كنت تنشر شعرك قبل أن تشرفنا في السقيفة ؟ و تحت أي اسم كنت تنشر ؟ و هل تعيش في حضرموت أو خارجها ؟ قل لنا من أجل نتتبع نتاجاتك الشعرية المبدعة هذه . بارك الله فيك و في كل الحلان , و سلمت .

الزعيم · 07-13-2003, 12:54 PM

كبيره جبتها يالسيف في ضيقه ومشظيه..... اذا ماجات الا مور سهله كسرقدامك الا عود
فرحته قلت معيه سيف طلعت اليوم جنبيه......وذي بلوى وقعت فيها بغت الصبر والمجهود
فضيحه قلتها يالسيف ذي اسرار شخصيه.... فضيله يا غصين البان طول عمرك تسير وتنود

الــســـــــيـــــف · 07-13-2003, 01:47 PM

اخي الشرقاوي

شكراً على الاطراء وهذامن حسن اصلك وطيب اخلاقك

مشكووووووووور وتسلم يالغالي

الــســـــــيـــــف · 07-13-2003, 01:53 PM

تسلم يابن سلم

وشهادتك اعتبرهاوسام على صدري

ويعطيك العافيه

الــســـــــيـــــف · 07-13-2003, 02:30 PM

اخي حاتم الطائي

كما عهدتك كريم لم تكتفي بالرد نثراً بل شنفت مسامعي ومسامع رواد

هذه السقيفه بأبيات رائعه أنستني ماكتبته انا

مشكور يالغالي

=================================

[poet font="Simplified Arabic,4,black,normal,normal" bkcolor="chocolate" bkimage="http://www.alshibami.net/saqifa//backgrounds/47.gif" border="none,2,deeppink" type=0 line=200% align=center use=sp char="" num="0,black"]
انا همي شكيته لكن اتناسيت ذي فيه=خصوصاً بعد ماحاتم شكى مثلي و هو جلمود

كريم الاصل والمنسب ولااحد في العرب زيه=يرك عضمه بسبتهن ولحمه قد مساء مجرود

كفاء من عشفت الخرد تناسا ذكرماويه=وبتناسا زماني لي عبربحلف ماعود
[/poet]

(قصيده)(بـــلا عز ه بغـيـــت الــمــو ت),,,,

سقيفة عذب القوافي