مليت ياناس مليت

[ند يم الجرح]

السلام عليكم ورحمة الله وبركاته
كيفكم اخواني
ان شاء الله في تمام الصحه
والعافيه
بس حبيت اشوف رايكم في
هذي القصيده
وان شاء الله تعجبكم وتعجب مشرفينا الكبار

اقول في القصيده

ما عاد با قي فـي حياتـي مـوده

ولا عاد با قي با الزمن شي أرجيه

حلمي كبير ورمـح ألأقـدار هـده

وقلب تحطم كيـف تجبـر هقاويـه



مليت جـزر الوقـت مليـت مـده

مليت حتى ثوبـي اللـي انـا فيـه

يمكن لقيـت الحـزن مرسـى اوده

ويمكن عذرت الولف لاصرت نا سيه



وين أنت يا اللي بحر الأوهام لـده

وين أنت يا اللي بح صوتي اناديـه

ليت البحر عينك وانا صيـر جـده

واسكن على موجك والمه واداريـه

وليتك سألت الجفن عن حال خـده

والا سألت الحال عن سكـة التيـه



أحيان أضم الشوق واحيـان أهـده

والقى معه بيـن الحنايـا مشاريـه

ألحق علـى قلـب تحـب وتـوده

قبل الشقى لا يدفـن ثيـاب راعيـه

[قمران]

اقتباس :

ألحق علـى قلـب تحـب وتـوده قبل الشقى لا يدفـن ثيـاب راعيـه

بداية جميله والى الامام

وتسلم و مشكور

[أبونمر]

قصيده جميله يالغالي وبليغة الطرح
نشد على يديك للوصول لهدفك المنشود
تسلم يالغالي وصح لسانك

[ند يم الجرح]

شكرا اخي الغالي
قمران
وابو نمر
على مروركم الجميل وعلى ردكم الاجمل
تحياتي لكم