خلوفة عاد في خاطري اعلى مرتبة تحتل!!! دره من العملاق سالم باصره

[عنتر]

هذه القصيدة للشاعر العملاق الكبير سالم سعيدباصره وجدتها بين يدي فنان الدان الكبير صاحب الصوت
الشجي (المعمور) القصيده جواب على قصيدة الشاعر الكبير الجويد باقديم يرحمه الله والشاعر الكبير حمدباقديم
حفظه الله.
كلمات القصيده رائعه جداً جداً فيها غزاره ودقه في التعبير حتى لا اطيل عليكم اتركم مع القصيده

يقول في مطلعها

خلوفة عاد في خاطري اعلـى مرتبـه تحتـل = وشوف الطين فيها مسك و حصاها ذهب ونقود
يحن قلبي ويتشوق لها مـن حيـن مايرحـل= ويبقى في العذاب السرمدي لما يـرد ويعـود
ودايم ذكرهـا عالبـال مهمـا هجرنـا طـول =روابطنا بها والانتماء مثـل الـورق والعـود
وكلاً فـي بـلاده والوطـن معـزوز ومجلـل =بثوب العـز مكسـي والمذلـه بابهـا مقلـود
ومن فارق وطانـه لاذكرهـا نومـه اتزعـل =يبات اليل ساهـر عافراشـه مايجيـه ارقـود
ونا في البعد سلمت الثمـن مـردوف ومدبـل =خساره في خساره مامعي مكسـب ولامـردو د
وعدني باصبـر مـادام عـاد الحـال يتقبـل =وساعة مايتم الصبر خيلـي للسفـر مشـدود
ورزقي عالذي مـن عنـده الرحمـات تتنـزل =وفضله والكرم فالكون ماله منتهـى وحـدود
اذا بغيت الحقيقه حجـر بـن دغـار ماتحتـل =من اقديم الزمن دون المناطق جوها معصـود
وفي ساعة مناخه من شتاء لاصيـف يتبـدل =ومن كثر الوخم كل من مساء فيها صبح مارود
ولـي ماشافهـا بلعيـن يتصـور ويتخـيـل =سكنها بايحقق له مـراده والمنـى المنشـود
حياة الادمي دايمـاً مـن النقصـان ماتكمـل =اذا حصلت ماهـا ماتحصـل طينهـا موجـود
ومن عاداتها والطبع تخلـط شهدهـا بالخـل =ولاصفيت تعكرصفوها ماهي سهـود امهـود
عسا بعـد المشقـه شوكـة الميـزان تتعـدل =ومن بعدالمساهين الطويلـه نبلـغ المقصـود
وقبل القول موضوعـه يتـم والبـاب يتقفـل =معي اربع كلـم متعلقـه بالحاشـي المفقـود
على العارف تهون المشكله والصعب يتسهـل =ولي مثلك من اصحاب البصيره والذكا معـدود
ويمشي ثابت الخطوات في المدخال والمنـزل =ولاقد غاب جاب اللول من قاع البحور السـود
ولاتحتاج غـارك فـي الـذي يعنـاك يدخـل =قطع واقمع لوحدك واستعن بالواحـد المعبـود
عن الاوضاع في رخيه تخبر اهل بـن شحبـل =وعند العامري تلحق خبر من تاربـة وثمـود
وصلو عد ما الايـات فـي الفرقـان تترتـل =على مولى الشفاعه والمقام العالـي المحمـود

الشاعر سالم سعيد باصره حرر في 20\11\1426

وهذه جديده و رائعه اخرى من روائع الشاعر الكبير سالم سعيد باصره
يقول فيها

اسمعو قول من شاعر بدع في كلامـه =عا لعروبه معه في الراس نغشه وغيره
لي عليها زمان الهون جارت حكامـه =واعلن اهداف كانت في الخفا والسريره
بعد ماغيبت روس الرجـال النشامـه= لي يخلو كسور العظم تصبـح جبيـره
لاوصل سيل كل واحد وقف عاسوامه =ساعة السقي يسقيها مطيـره مطيـره
واخر القوم في الجاويد مولى العمامـه =لي عصبها على راسه وقاد المسيـره
في سبيل الشرف والعز هو والكرامـه =باع ماله وباع الجاه برضـى وخيـره
هيج باداس في الأراض شاعة علامـه =دايما ينذكر في كـل قصـه وسيـره
والجمال النفش لي في نواحي تهامـه =للتمـداح والتمجيـد ماهـي جديـره
كم وكم من جمل لونه ومنظر سنامـه =يملي العيـن لاكنـه عيوبـه كثيـره
عا وطى وانبساط الارض ولفت قدامه =ماربي في الشوامخ لي طرقها عسيره
وان جملته يحملـك العتـب والملامـه =فصل سيئون يزقلبه بـوادي حويـره
يالكـوازم عليكـم باتقـوم القيـامـه =بعد ماغاب شيخ الطائلـه والعشيـره
باتحسون بلحسـرات هـي والندامـه =لامست من جبل شمسان تقرح وصيره
كل محتـال ماضنيـت يبلـغ مرامـه =بالحيل والمكوده والشـروع القصيـره

[محمد التميمي]

سالم سعيد باصره اسم لامع في سماء الشعر والشعراء ابوسعيد الله يمسيك بالخيرات ياحبيب القلب الحقيقه اعجز عن وصف شعر سالم سعيد باصر شاعر من الدرجه الاولى ونجم زاهر في كبد السماء
دامت ايامك يابوسعيد هناء وسعاده ومن هنا من سقيفة الشبامي ابعث لك اجمل تحيه للمنطقه الشرقيه وقول دام عزك يابوسعيد

ذكرياتك وجلساتك على البال دايم يابوسعيد ماتنتسي
اخوك وصديقك محمد التميمي

[الوزيري]

عنتر

الف شكر على هذا المجهود والذوق الرائع

لقد عطرت سقيفة الشبامي بهذا الكلام الرائع من شاعركبير

تحياتي لك ودمت بخير

[مجمل]

مشكور الف شكر ياعنتر
كلام سالم ذهب صافي قليل مانقراء كما هذا
الشعر
ودايم ذكرهـا عالبـال مهمـا هجرنـا طـول
روابطنا بها والانتماء مثـل الـورق والعـود
ياسلام على هذه الابيات
الذهبيه
بارك فيك ياشاعر المشاعر
وشكرا مكرر لاخي العزيز عنتر
تقبل تحياتي

[طالب النعماني]

من اجمل ماكتب في سقيفة الشبامي
هذه القصائد الجميله للشاعر الكبير الاخ سالم باصره
شكرا لك اخي ابوهمام على النقل الموفق واختيارك اجمل القصائد الشعبيه لاكبر شاعر شعبي
شكرا لك مره اخرى
وتم التثبيت
__________________

[علي فدعق الهاشمي]

عنتر

ياهلا ومسهلا في بيتك الثاني

حضور رااائع واِختيار راااائع
صح الله لسانك وجاد بنانكـــــــــ

دمت بود

[عبدالله الحامدي]

سلمت اخي العنتري على هذا النقل الموفق لمهندس الكلمه في الشعر الشعبي للدان والزامل الشاعر العملاق سالم سعيدباصره السيباني الف الف شكر لك لاتحافنا بهذه الدرر ولاتحرمنا المزيد

[سالم محمد بلفقيه ((الشرقاوي))]

صح لسان قائلهن شاعر اليمن سالم باصره ونتمنى ان نقرأ الكثير من قصائده عبر سقيفة الشبامي 0

الشكر موصول لناقل هذه القصائد الجزله الاخ عنتر0

[هبوب العلاوي]

اشكرك اخي على هذا العرض الجميل
فالشاعر سالم باصرة شاعر لايشق له غبار
وشاعر متميز باسلوبه ومفرداته الجميله
واسمح لي اخي عنتر بهذا الملحوظة في القصيدة الثانيه
البيت
بعد ماغاب شيخ الطايفه وليس الطايلة
وشكرا لك الشكر الجزيل وبارك الله فيك

[طالب النعماني]

اقتباس : المشاركة الأصلية كتبت بواسطة هبوب العلاوي

اشكرك اخي على هذا العرض الجميل فالشاعر سالم باصرة شاعر لايشق له غبار وشاعر متميز باسلوبه ومفرداته الجميله واسمح لي اخي عنتر بهذا الملحوظة في القصيدة الثانيه البيت بعد ماغاب شيخ الطايفه وليس الطايلة وشكرا لك الشكر الجزيل وبارك الله فيك

اخي الغالي هبوب العلالي
الاصح شيخ الطائله وليس الطائفه