مساجلات الزامــــل الشعبي

[أحمد العمودي أبوفيصل]

اقتباس : المشاركة الأصلية كتبت بواسطة المخشني

ذا فصل والثاني بِلِغ لفلان=قل له يشل البرقع المصبون ذي هو تبرقع به غلب ما يبان=بين القُبُل حمرانها لعيون يغلط على الأصحاب والأخوان=ذي هم أبد عا الغير ميغلـْــطون يصبر شوي با جيب له تبيان=كل ما غبي وسره المكنون با رد بالزامل وصوت الدان=وإتجنب اللغو ... الكلام الدون محمد بن سعيــد بن مخــاشــن

ماتنتسي موكا ولا لي كان = ماتنتسي موكا يالمجنون
شوفك تنبش دايم الاوثان = كل العرب بها يدرون
برقعك يامحمدعاده على البيبان = يمكن لموكا دايما محنون
ماهو سوى منك تغلط الفهمان = ماهو سوى ولاهو المسهون

[القنّاص]

ماهمني هرجه عديم الاحسان = ساسي قوي من زمن هارون
الرد على امثاله غلط وخسران = لانه غبي مايفهم القانون
كفيت يالغازي يارفيع الشان = لمثلك وامثالك جبرنا مظمون
ياشيخ وجدك قد اسس البنيان = للجود وكل العرب به يدرون

[القنّاص]

اقتباس : المشاركة الأصلية كتبت بواسطة مجمل

القول حبه ذي في الميزان = وان جات شي اقوال عالمثمون واحفظ قصايد جم للشيبان= والعشق له حنه وبه محنون فالقلب له موقع وله بنيان = سوس مصانع عامره واحصون

يارب سالك ياعظيم الشان = حقق مطالبي وبه مفتون
ونات للخافق بالغظي ولهان = معذور مثلي لامسا مجنون

[محمد سعيد بن مخاشن]

ما أحسب حساب السيف والسلطان=نحتال والحيله لها إفنون
لكن كل شي يا رفيقي فان=قد راحت الشبّـه وراح النون
قد كان عندي دافق المعيان=يتخاطفني الغنج والقرعون
واليوم با أذكر ما مضى وأزمان=كير الهوى في جوفنا مرشون
يا الله سامح يا عظيم الشان=وإغفر ذوبي ذهي بالمليون
ويا الله بحسن الخاتمه يا أخوان=وعا الحوض نورد سعف ذي يردون

محمد بن سعيــد بن مخــاشــن

[محمد سعيد بن مخاشن]

اقتباس : المشاركة الأصلية كتبت بواسطة مجمل

ماتنتسي ليام فالبدوان = نسرح نضلي في عطف ذمرون

وأيام زينه ذي معا الحضران=لا أمسيت فوق السيف في سمعون
والشرح أوعاله معا الغزلان=صفين لُمّـا الفجر في دمون
ما أحلى بنات العم في الأوطان=ما يغبطن هل وادي النطرون
وإن كانك ألا شيخ بزنس مان=بت لك قدا خيله معا قيدون
فيها العمودي سعفته بقشان=وش با يقع قدامهم قارون
لكن لا رجعوا قدا الديّان=عساه يغفره الذي يلقون
لا إنته تبا منهم ولو نص عان=أمسوا في الونّـه كما المطعون

نص عــــان = نصــف عــانــه

محمد بن سعيــد بن مخــاشــن

[أحمد العمودي أبوفيصل]

اقتباس : المشاركة الأصلية كتبت بواسطة المخشني

ما أحسب حساب السيف والسلطان=نحتال والحيله لها إفنون لكن كل شي يا رفيقي فان=قد راحت الشبّـه وراح النون قد كان عندي دافق المعيان=يتخاطفني الغنج والقرعون واليوم با أذكر ما مضى وأزمان=كير الهوى في جوفنا مرشون يا الله سامح يا عظيم الشان=وإغفر ذوبي ذهي بالمليون ويا الله بحسن الخاتمه يا أخوان=وعا الحوض نورد سعف ذي يردون محمد بن سعيــد بن مخــاشــن

مسكين من يتكلم على الشبان = محسب حسابه وهومدفون
من سمح يمشي على العصيان = شيبه أمن زمن فرعون
أصقع مايسمع حنين الرعدان = وش دخلك بخيله وقيدون
أعمى مايصلح مع العميان = كلهم بألمخشني يدرون

[بو فيصل]

اقتباس : المشاركة الأصلية كتبت بواسطة طالب باتيس النعماني

السلام عليكم ورحمة الله وباركاته الاخوه الشعار بكل تاكيد انكم تعرفون الزامل الشعبي فهذه دعوه لكم للمشاركه معنا في احيا هذا التراث ونرجو التقييد بالوزن والقافيه حتى تكمل جميع الفصول ويفصل احدكم وحياكم الله معنا ورجوا منكم ان تنقرون على الصفحه الاخيره حتى تعرفون اخر بيت قيل في الزامل حيابكم واثني تراحيبي لكم=مليون في مليون والزايد يزيد حيابكم ياهل المعزه والكرم=ليلة لقانا تعتبر جمعه وعيد ياهل السقيفه وردوا من كل يم=يالي تحبون المغاني والقصيد حيوا زواملكم وعادات اهلكم=لا تنسوا الماضي مع العهد البعيد

قولو لبوراضي اذا قد الميم تم
باجيب لك مفتاح لقليد الحـــــــــــــــــديد

وطالماني سعفكم لازم غنم
لاكملت يلقافي بنطرق لك جــــــــــــــــديد

يامعشر الشعار شدو عالهمم
مادام بو راضي بغا الكل يستــــــــــــفيد

لاحديكرر لي في حروف الميم
وما بغينا الدال ذا يصبح عــــــــــــــديد

كلما دحقتو الحرف قلتو الحرف سم
والسم ماشي عاد ماوصلني البريد

وعادهم شعار وهيين الجهم
ذي يقنصون الوعل ماهم قوم صـــــــــيد

[محمد سعيد بن مخاشن]

اقتباس : المشاركة الأصلية كتبت بواسطة بو فيصل

قولو لبوراضي اذا قد الميم تم باجيب لك مفتاح لقليد الحـــــــــــــــــديد وطالماني سعفكم لازم غنم لاكملت يلقافي بنطرق لك جــــــــــــــــديد يامعشر الشعار شدو عالهمم مادام بو راضي بغا الكل يستــــــــــــفيد لاحديكرر لي في حروف الميم وما بغينا الدال ذا يصبح عــــــــــــــديد كلما دحقتو الحرف قلتو الحرف سم والسم ماشي عاد ماوصلني البريد وعادهم شعار وهيين الجهم ذي يقنصون الوعل ماهم قوم صـــــــــيد

مرحيب بالحلكي نجوب لا نهم=لو كان جاني الصوت في صحراء و بيد
ما با تردد لو يعُـرْضوا لي دهم=أو نهد والصعران وألاّ بلعبيد
كلين با وفيه حقه ذا قسم=مني وكل شاعر عطيته إيد بيد
وإنه عرض لي زقر ما يرعى الذمم=أمرد فما جوّب على القول العصيد
وأما أبو راضي ترى يرعى غنم=والرعي ما هو عيب في ديرة زبيد
مشغول عنا والحليله لا قسم=راحت وهو روّح قدا غار العبيد

محمد بن سعيــد بن مخــاشــن

[البكري]

بوراضي للجودات يجي منك وثم = وبن حسن معروف في قبله ونيد
وان جيت باتكلم بماخط القلم = والقول ذاوافي لي مني اكيد
يالمخشني خذ لك اربع حكم = اللوله من الشر ماحد يستفيد
والثانيه الذيب مايرعي الغنم = والثالثه المال يحفظه القليد
والرابعه كل ضيق يعقبه نسم = والحمل باتشله تريد او ماتريد

[محمد سعيد بن مخاشن]

سلام للبكري كلامه يفتهم=مليان بالمعنى وقوله قول جيد
يحلى السمر لا جاك شاعر كالعلم=رفرف على الحصن الممكن والمشيد
والقبوله إشروعها منذْ القدم=لابد معا الأعداء تقع كاسر عنيد
لُمّـا يقولوا ( قاق ) خلك فوقهم=بالذايبي والرمح وأذلاق الحديد
ما نعتدي عا الغير بس عدوانهم=ما يقبله أبدن محمد بن سعيد

محمد بن سعيــد بن مخــاشــن