لو سألني الورد عنك علميني وش أقول

[لعاب المنية]

[روح السراب]

لو سألني الورد عنك علميني وش أقول
وإن وصفت أول جمالك كيف أبوصل آخرة

كيف وإنتي روضه من حلاها كحلت عين الفصول
رقتك ورده وروحك كـ الطبيعه الساحرة

عذبه الأطباع وأكثر , إنتي يالعف الخجول
من لفيتي الدنيا وإنتي , مثل غيمه ماطرة

عاليه أصل ومطرها كل ماجاد بنزول
مثلها إنتي كريمة , وهي مثلك طاهرة

ميزك ربي بملامح , زادها نور وقبول
وبعيون منها غارت ألف نجمة ساهرة

هذا غير الشمس ياللي جاها من حسنك ذهول
وكتبت في مدح زينك لين صارت شاعرة

مذهله في كل حاجه , إنتي يابنت الأصول
في هدوءك في كلامك والمعاني العاطرة

لك تفاصيل إبتسامه تاخذ ألباب العقول
باردة ع القلب كنها نسمه حلوة عابره

هذي إنتي وما أبالغ لو أقول إن العذول
من كثر طيبك دعالك بالسعاده الغامرة

صدقيني إنتي غير , وصدقيني لو اقول
إني يا روضة زمنناّ إنتي حاجة نادرة



شكرا لك يعطيك العافية أبيات جميلة ولا يحرمنا منك ،،
على فكره الابيات غير ظاهره في القصيدة لهذا عملت لها اقتباس ونقلتها في ردي
ياريت تصلحوا المشاركه حتى يقرأها الجميع ،،