عزاء في وفاة محمدبن سالم باتيس

[الواثق بالله]

قصيدة عزاء في وفاة محمد بن سالم باتيس مرسله من الرياض من سالم بن عمر باتيس

ابد يت بك ياذي عليك المتكل=يافرد يامعبود يانعم الوكيل
اغغفر وسامح في التجاوز والزلل= وثبت اقدامي وخلقك في زويل
عجيب يالهاجس واناسهران هـل=وجاب لي قهوة بلا سنكر وهيـل
ماهو كذ ا تلقون في بـن الجفـل=ولا لها خرمـه بـدون الزنجبيـل
يالله عسا لاخير طل ياليـل طـل=وكيف باعبـرك يالليـل الطويـل
بيتت ساهر طار مني النـوم عـل=وذكرت بومبروك ذي جسمه عليل
ذاك الحكيم الجيد نضرب به مثـل=وفي زمننا صعب نوجد له مثيـل
هو نورنا لاقد ظلـم نـور المقل=-وهو شعاع الشمس في قيم المقيل
لاقل شىء من حيث يرغب بايصل=قوله شبيه النقش في الحيد الاصيل
عنده كـلام الفصـل ماقـل ودل=والصدق عنده والحقيقـه والدليـل
ودق ذا الهاتف وقدنا فـي العمـل=وقلت هذا الشخص بالبكره عميـل
رديت عالهاتف تلعثـم ذي اتصـل=وقال بو مبروك عجـل بالرحيـل
وفي تمام السادسة قالـوا رحـل=يامعسر الفرقة إذا حـان الرحيـل
هذا مصاب الكـل وافـاه الأجـل=وقلت بانفقـده جيـلاً بعـد جيـل
يالله تخفـف يـوم بايزيـد الثقـل=تغشاه بالرحمه من الحمل الثقيـل
وثبتـه بالقـول لامنكـر ســأل=واجعل كلام الصدق للجنه سبيـل
عساه في الجنه قـراره والمحـل=وحيث مايختار في الجنـه حليـل
هذا عزانا لأجل بو عامـر يصـل=والشاب والجاهل وكل شيبه جليل
وللمقـدم ذي علـى الله متـكـل=شيخ القبيلـة والمحافـظ والكيـل
بايحرن الشرقي ومخيـه والجبـل=ونجد باتحـزن وجـدة والجبيـل
والعفو لاشي نقص يحصل أو زلل =سبحان رب العرش و العفو الجزيل
والختم عمى والقيامـه والرسـل = والخلد والكوثر وعين السل سبيل
وعالحبيب المصطفى سلم وصـل = صلاه تتغشاه فـي صبحـاً وليـل

[جليل القرن]

الله يرحمه ويرحم اموات المسلمين

[عيون المكلا]

رحمه الله وعظم الله اجركم .

[مجمل]

اكبر خساره لارحل مثله رجل = فالعقل والحكمه اظن ماله مثيل
بايحزن الوادي على وعل الجبل = لاقد دخل مجلس لعد قالا وقيل

الله يرحم المرحوم برحمته الواسعه ان لله وان اليه راجعون
قصيده مرثيه جزله اخي الواثق بالله جزاك الله خير على نقلها
وياريت كملت الاسم للشاعر سالم بن عمر باتيس حيث ان عندنا
7 اشخاص بهذا الاسم من الباتيس الذي اذكرهم الان ويمكن اكثر
للتوضيح بارك الله فيك كمل لنا الاسم هذا شاعر كبير نريد نعرفه
تقبل تحيات
اخوك

[الواثق بالله]

حي بذي قوله كما طعم العسل =من عند بن منصور لان عقله دليل يومه ينسق في القوافي والجمل=وكل شي مقبول من عنده جميل

[مجمل]

اقتباس : المشاركة الأصلية كتبت بواسطة الواثق بالله [ مشاهدة المشاركة ]

حي بذي قوله كما طعم العسل =من عند بن منصور لان عقله دليل يومه ينسق في القوافي والجمل=وكل شي مقبول من عنده جميل

القول حبه صدق بازبن العول = وفي حياتي مانبدل به بديل
وعادني بنشدك هت لي ماحصل = من ذي كتب تلك القصيده بالدليل
من بعد بومبروك ياحزن السقل = وكل عاقل بايقع مثل الشليل

[ابو نوف]

يالله تخفـف يـوم بايزيـد الثقـل تغشاه بالرحمه من الحمـل الثقيـل
وثبتـه بالقـول لامنكـر ســأل واجعل كلام الصدق للجنه سبيـل

الله يرحمه ويسكن حلاله في الجنه ولذويه الصبر والسلوان . انا لله وانا اليه راجعون

[عاشق الوادي]

ان لله مااخذ وله مااعطى وكل شئ عندي باجل مسمى فليصبروا وليحتسبوا عظم الله اجرهم واحسن الله عزاهم وغفر لميتهم \ اشكرك اخي على هذا النص الجميل الذي يحرك المشاعر وينبع من الوجدان اسجل اعجابي

[الواثق بالله]

شيبه وفي الخمسين شف راسي اشتعل =يالله عسى الغفران عقلي لايميل
لأنِا على خير المذاهب والملل=ومن على نهج الصحابه مالميل

[صالح باعمران ابو زايد]

الله يرحمه و يرحم موتى جميع المسلمين