مساجله شعريه

[المهااااااااااجر]

اخواني اليكم مساجلة شعرية بين مجموعة من الشعراء قراتها في احد المنتديات اعجبتني فحبيت نقلها لكم وكلن يفسرها حسب فهمه لها

سعيد باتوم المشجري

معـي فـي كـل حاضـر يـوم لــك تتـجـدد الـذكـرى×ولـك ماضـي بـريـح العودوالعنـبـر يـنب و يـفـوح =
إذا خـفـاه الغـبـش فــي اللـيـل يتعـمـد ويتـجـرى×علـى حرمـان عينـي مـن كـراهـا ياشقـيـق الــروح =
و ثــق إن الصـداقـه و الصـلـه تخـلـي و تـتـبـرى×مـن النسيـان ذي ضـره علـى المنسـي ألـم و جــروح =

سالم باصره الخمعي

إذا نسيت الوطن بنساك يامن دايما تطرى=على بالي ولي كل يوم من ذكرك عشى وصبوح=
ولك عندي معزّه صادقه ماحد بها يدرى=خلاف اللي في الطوفان قد سيّر سفينه نوح=
وتمناتي سعيفك كون في المغباش و المسرى=ولكن مرتضي باللي تسطر وانكتب في اللوح=

سعيد باتوم المشجري

متاع المصلحه والغيد من حب الحجل مصرى=وعشق الأرض ذي فيها بحريه تجي وتروح=
وفي تبر البقاع الطاهره والزبر كل مذرى=يحالفه النمو وبسر نفعه يرتقي ويبوح=
وهذا اليوم ياضي للوطن بالخير و البشرى=وانجازات وجهود القياده والوفاء الممنوح=

سالم باصره

معد باقي في البلجيك الآ منظر المجرى=وصيته ذي في الماضي لقا شهره لباجندوح=
ولاشي غير ذلك يستحق المدح و الاطرى=وذلآ بعضهم بالكذب يبني لك مدن و صروح=
عسى ارض الشرف و المجد يعقب عسرها يسرى=ويتجدد لها تاريخ خطه قد صبح ممسوح=

سعيد باتوم المشجري

تعلمنا من الماضي ومن كل درس له مقرى=وخذنا من دروسه تجربه مامنها مربوح=
خلاف الويل ياسالم وبالأجدر وبالأحرى=نسلم للسياسه ذي مغانمها عمل ووضوح=

أحمد سعيد المشجري (رحمه ألله)

خرسان أصبحت للفرس وتمتع بها كسرى=و روم أنطاكيه ماشي لهم فيها أمل وطموح=
وكسرى فوق أم عياله تزوج له على عذرى=ومن حرصه عليها مايخلي بابها مفتوح=

سالم باصره

من أول قول ماشي يرتغب في ناكر العشرى=وشرعه دوب قاصر لايغرك هرجه المملوح=
لكن باتوم ملقيه فوق سهيل والزهرى=ويبغاني على ماسار منه قول له مسموح=

سعيد باتوم المشجري

على شان الوفا و الوعد في السراء و الضراء=نبادر بالذي فعله يرد بالنفع و المنصوح=
وواحد في الميه لامادري غيره بذا أدرى=وحبه ماتناقص صاع من ذي في الوصر مذلوح=

[دمعة]

شكرا لك على هذه المساجلة الرائعة
تحياتي

[ابوهاني1]

صح لسااان الشعار الكرام ورحم الله المتوفي
وجزيل الشكر لك اخي المهاجر على نقل هذه المساجله الذي اقل ما يُقال عنها قمة الروووعه والإبــداع

تقبل تحياتي ومروري

[صالح باعمران ابو زايد]

مساجلة شعرية من العيار الثقيل بين عيال العم..
صح لسااان الشاعر سعيد باتوم المشجري
صح لسااان الشاعر سالم باصرة
ورَحِمَ الله الشاعر احمد سعيد باسد المشجري..
الف شكر للاخ المهااااااااجر على هذا النقل المميز والرائع
تحياتي لك اخوك صالح باعمران