من تكون - للشاعر/ محمد بن راشد المكتوم

[أديب رخية]

من تكون انته تعذبني واسامح=من تكون انته تخاصمني واصالح
وكل ما تملك بانك ظبي سارح=انته واحد بين الاف العيون

*********************

من تكون انته اتحكّم في مصيري=وليش اغيّر لاجل عينك خط سيري
اخضع لامرك عجب وانته اسيري=تاركني بين اوهام وظنون

******************

كيف تغلبني حبيبي رغم ضعفك=وكيف اتحمل اسى هجرك وظلمك
يا اللى تتجاهل انني رغم علمك=غاليٍ عندي وعلى قلبك اهون

******************

انته قلبك ما عرف طعم الهوى=وما هوى ولا حب يوم ولا انكوى
هل حياتي عندك وموتي سوى=تاركني بين هجرك والظنون

******************

لو تصّبرني بوعدٍ تخلفه=لو بكذب دمع عينك تذرفه
انته يا الغالي بحالي تعرفه=يا فتون في فتون في فتون

******************

من يحس بلوعتي وْجدي ودموعي=يدري حجم النار لي تسكن ضلوعي
رغم هذا لك انا ما اعلن خضوعي=صامدٍ في وجه رمشك والعيون

لشاعر محمد بن راشد المكتوم

/ منقول

وتقبلوا تحياتي:-