تاريخ المشاركة 22/1/2011م
الشاعر/ نهلول
اقتباس :
المشاركة الأصلية كتبت بواسطة نهلول
[ مشاهدة المشاركة ]
|
ليله نويره هيضت خاطري والحال انبسط
وتوحد العربان ذيهم في المكلا ولذيهم في شحير
بعد المشقة والتعب والعيب جاهم من برط
واليوم شف ربعي معي فرحان يالوجة النوير
ولعاد با سعف بامسك با ميل من هذا الغلط
إن التجارب علمت ربعي معي من هل كثير
ضحكوا على السيد وجابونه معاهم قد ورط
وما عرف تاريخهم ذي بدلوا لحن الزبير
واللحن ذاك الزين بالطاسه تغير وانفرط
ذي كان تطربه بلد سيئون بالدان القدير
قم ياسليل الأصل سو غبه وحكم في النشط
وحجز حمولك والمراحل مبعده طال المسير
بتعود يا بندر عمر قد راح منك باحمط
والأنس عائد ياحمد مطولك ياحكم المشير
|
تاريخ المشاركة 21/1/2011م
الشاعر/ مبروك بن ماضي
اقتباس :
المشاركة الأصلية كتبت بواسطة مبروك بن ماضي
[ مشاهدة المشاركة ]
|
ألا يالـيـت دارك جـنــب داري
انا الولهان وانـتـه منـت داري
حبـيبي لامتى (وآني) أداري
وانته رافع /ن/ خشمك عليّه
***
تعب يطرد سرابك إبن ماضي
وانـته في عـنادك دوم ماضي
ونا سيفي ترى قاطع وماضي
ولا ودي تـكـون أنـت الضـحـيه
|
|
تاريخ المشاركة 21/1/2011م
الشاعر/عبدالله يحي البت
اقتباس :
المشاركة الأصلية كتبت بواسطة أ.عبدالله يحي البت
[ مشاهدة المشاركة ]
|
<< تــــاب قلبــي >>
تاب قلبي كثر ما منــــــك الغيــــــــــــاب
صب واله ماهو من عشـــــق العتــــــاب
علّ صبري ملّ ضيـــــقه واكتئـــــــــــاب
لا جماله ، ولا ســـــؤال ، ولا جــــــواب
ولا وصال-ن- يجــــلي الروح العـــذاب
الرعا ضمّه تسربلـــــها الزغـــــــــــــاب
يا سقىسقيــــــه من الثغــــر الرضـــاب
ويا هذاك اليوم رنــــان الخطـــــــــــــاب
ويا خَطاك أكبر ويا كبـــــــر المصــــاب
ويا هي قولــــه غربلـــت فينــي المثــاب
قلت من يعتـــــب ظــــلال الشيب شـــاب
ما عرف للوجــــد في حـــــال اغتـــراب
صــــادق النـــــــزعة ولا جــرب عــذاب
الضما الضاري على ممشــى الســــراب
ذكرتني رعية الكــف الجنــــــــــــــــاب
"سكـن الليل والأمانــــــــــــي العـذاب"
بس تكفـى ما بقـــــــــــــى للصـــد باب
عزني طايـل رحيــــــــلك ،والغيـــــــاب
شعر / أ.عبدالله يحيى البت
15/2/1432هـ
|
تاريخ المشاركة 21/1/2011م
الشاعر/ بن بريك
اقتباس :
المشاركة الأصلية كتبت بواسطة بن بريك
[ مشاهدة المشاركة ]
|
كل كاتب كتب وامسى يرتّب حروفه = قال ذا الوقت كل مظلوم يرفع حسامه
لا تلوم العرب لا جوك قالوا حسوفه = خيّب الظن صاحبهم وربّى سنامه
كان عالعرش والليله يقلّب كفوفه = بن علي ما حسبها قبل يوم القيامه
كل والي اخذ عبره ورتّب صفوفه = والذي ما اعتبر جاء وقت ينزل مقامه
مثل ما قلت كل واحد وعنده ضروفه = مايضيع الجمل لو كنت ماسك خطامه
من توكل على غيره وسيّب ضيوفه = باتجيه الملامه ماصلح للزعامه
اسمع الرعد شف بارق ظهر في قنوفه = كل من هو في الرمله يثبّت خيامه
به صواعق تذل الرجل ويزيد خوفه = نطلب الله ما نمسي من اهل الندامه
لا حسافه على فارس يكسّر سيوفه = ماحماها ولا في يوم صوّب سهامه
يطلب العز لنفسه مابغى حد سعوفه = ساب ناس(ن) لحد الامس تسمع كلامه
بن بريك
16/2/1432هـ
|
تاريخ المشاركة 21/1/2011م
الشاعر/ ابوسعدالنشوندلي
اقتباس :
المشاركة الأصلية كتبت بواسطة ابوسعدالنشوندلي
[ مشاهدة المشاركة ]
|
قصيدة شبام الاشواق
بلدي شبام ياصبا الاشواق=طرنا اليكِ بخفة وعناق=
انتِ قصورالحب انتِ حبيبتي=بل انتِ عشق لاح في الافاق=
ياظبية الوادي اتيتُ مرتلا=اورادحب في هوى دفاق=
ياملعب الخلان هذه مهجتي=مشتاقة تسعى الى مشتاق=
عمري غدا لحنا يمجد حبكم=وغدت حروفي نغمة المشتاق=
اني سكبتُ في هواكم ادمعا=طوفانها تجري الى الاعناق=
ام الحضارم ياعشيقة مهجتي=تاريخكِ قدغاص في الاعماق=
هذاجمالكِ قدغدا متحرك=يمشي على الارض رقيق الساق=
والرمل من طرب ينام بحضنكم=والصخر من عشق تصيررقاق=
هذا القصيد بعرشكم متوسد=قد حررالنظم وصرن عتاقِ=
فيكم بلادي كل حب صادق=يجري كنهر في دمي دفاقِ=
انفاسنا ذابت هوى وصبابة=وترنمت سجعاً بكل طباق=
حوراء وادينا فؤادي متيم=اضحى يحنُ لضمة وتلاقي=
هذه المطايا تنتفض من شوقها=والطير قدغنت على الاوراق=
نفسي فداكِ يابلادي انني=متلهف اصبو الى الاحداق=
يالوحة زانت بكل جميلة=قداضرمت شوقا فهل من راقِ=
احقافنا صارت بكم تترنم=صرتم لها هبة من الخلاق=
طوبى لقلب في هواكِ مسافر=كالام كنتِ لم يكن من عاق=
انتِ بلادي للفؤاد جنة=بل بلسم تجري على ترياقي=
كل الانام في هواكِم غردت=في شامنا ذكر لكم وعراقِ
|
تاريخ المشاركة 22/1/2011م
الشاعر/ باحرس
اقتباس :
المشاركة الأصلية كتبت بواسطة باحرس1970
[ مشاهدة المشاركة ]
|
يقول باحرس ياربي تجملني = نسقيك ماورد من ذي يشفي المارود
بطلت في الشعر لما رحت من عندي = وحلفت ماعودله لما بجنبي تعود
هجرك تعبني مبهذلني مجنني = ونته تناسيتني ولعاد فيني تجود
ياكم تاملت انك قال تسعدني = لاكل ما قلت باقرب رفعت العود
بلوه على من عشق في عشقتك مبلي = في شخص لاتحسبه مسعد ولامسود
ديم تمنا بغيتك بس تجي عندي = ودعي على الله يا رب تمم المقصود
تعبني البعد لاذكرتك ؟ تسهرني = و تحرمني النوم وتبيت عيوني قهود
|
تاريخ المشاركة 22/1/2011م
الشاعر/ الفتى الرحال
اقتباس :
المشاركة الأصلية كتبت بواسطة الفتى الرحال
[ مشاهدة المشاركة ]
|
صبر ياقلب بوماجد وخلك فـل هـواء صبـار=وكل من قد دخل بحرالهواء لتقول له بحـار
لـن البحـر ذاء مـن جــاه لازم ينـكـوي بـنـار=خذها لك نصيحه فازمن قد قالها المحظـار
وفي ليله نويـره لـي بهـا كـان المطـر مـدرار=سمعة الرعد والبارق من اعيوني خطف لابصار
الاليت الزمن هو للمحبه قد وضع معيـار=حبيت الذي من نظرتـه حـس الفلـك قـد دار
وانا لجل الـمـحـب مـابـحـسـب الـمـشــوار=ولاهـي باتقـع سيـره علـى لاقـدام لـمـا الــدار
لا بـاخـذ ولابعـطـي مـعـه فـــراي ولافـاشــار=عـلـي يـامـر ولاضنـيـت لامــره بايـقـع كـسـار
وذاء قسمي في الدنياء معد بندور الاعذار=ويابنـادم رضـئ بلقسـم لاقــد شــات الاقــدار
وبه بانطوي الماضي وماقدسار لي قد سار=ولاضنيت ذاء المحبوب هولي بايقع غدار
عطيت العهـدله ماخـون لاقدطالـت الاعمـار=وذا ءعهد الوفاءيوفيه كل من بل محبه بـار
صبرياقـلـب بومـاجـد لــن طـبـع الـزمــن دوار=عساء في هذه الدنيا تذوق الحلو بعد القار
|
تاريخ المشاركة 22/1/2011م
الشاعر/ احمد شهاب
اقتباس :
المشاركة الأصلية كتبت بواسطة احمد شهاب
[ مشاهدة المشاركة ]
|
وياشينها لا طاح من عيني انسان !!
....!!
ياشينها لا صرت تغلي لك انسان ... !!
ان جاك غالي وان تغيب ذكرته ...
اغليه واطرد عنه مليون شيطان ... !!
ولو زل في حقي دمحت وعذرته ...
ولا خان مبداه ونسى كل الاحسان ... !!
والله ليبطي بالرجاء ما انتظرته ...
وحتى البحر لو فيه لؤلؤ .. ومرجان ... !!
دامه لمثله ماسبحت وعبرته ...
بعض الذنوب اعدها غلطة اخوان ... !!
ذنبٍ يضايقني .... وذنبٍ غفرته ...
وبعض العرب في فزعته مثل الامزان ... !!
لو تطلبه عينه ...حشا ماعسرته ...
والناس عندي مثل سالم وسلمان ... !!
شخص ٍ اضحي به وشخص ٍ ذخرته ...
تصدق اني من كثر مابي احزان ... !!
حتى عدوي لو شتمني شكرته ...
ياشينها لا صرت ماتلمح الوان ... !!
الا الظلام ليا رقيت ...وحدرته ...
وياشينها لا طاح من عيني انسان !!
لو حطني فوق النجوم احتقرته ...
لطشه خفيفه
|
تاريخ المشاركة 23/1/2011م
الشاعر/ الحلتيت
اقتباس :
المشاركة الأصلية كتبت بواسطة (الحلتيت)
[ مشاهدة المشاركة ]
|
هذه القصيدة قلتها بمناسبة أفتتاح طريق المكلاء -خيله والذي تبرعت به أسرة ال بقشان الكريمة0
أبديت بالله رب العرش واحد أحد=هو خالق الكون ماسوى لكونه حدود
وألفي صلاتي على طه عدد مارعد=وعد ماباتت الزرقأ تحن بالرعود
وأله وصحبه عدد كل فرد كافح وجد=أجدود ماتوا ولاحد مثل بعض الجدود
علي وعثمان والخطاب مثل الأسد=واليوم جونا ثعاله بعد ذيك الأسود
والأن باقوم باسلم على أهل البلد=عد المفاتيح وأعداد الخرز والبلود
وخص بقشان بوفيصل عدد ماوفد=مليار زاير خلاف اللي يجو في الوفود
ياشيخ سيبان بعد الله عليك العمد=ميزان من صدق كامل بالكفف والعمود
يشهد لك الله وأحنا كلنا بنشهد=والخط موجود قبل البينه والشهود
ليفي حويره ولي في حاح وأهل المقد=لصغير حبك وليهو عا بعاره يقود
وأصحاب دوعن وليسر كلهم والريد=سرحوا على الخط والمغرب يردوا ردود
وأحتلت المشكله بعد التعب والنكد=الله يحميه لي حل التعب والنكود
هذه مأثر لمن حدر وكل من صعد=يارجال سيبان بوفيصل مصعد صعود
يوفي كلامه ويوفي الوعد لاقد وعد=ماهو كما الناس ليهم يخلفون الوعود
سوى مخطط على راس الجبل بن حمد= فيه العماير تشابه لي بشارع حمود
فيه المدارس ومستشفى ونقبه وسد=كلين يشرب بحفنه من مياة السدود
ذا شيخ من جد دايم للقبيله سند= في ساعة الضيق يطلع كل شي في سنود
ياعد تجري وكلن عاعتومك ورد=من كار سيبان لاجده لحي الورود
يالله تحفظه دايم من عيون الحسد=يالله عسى عود يحنب وسط عين الحسود
والأن يالهجس بالناقش أمور البلد=بنشوف ليهو مخبأ في الظمر والبدود
من بعد ماغبت يادكتور ياباعبد=ورطت ورطه كبيره في مشاكل عبود
لاجيت نا بنتقد قالوا هرج وأنتقد=ولعاد تفتك سوى بالواسطه والنقود
وان كنت واقف يقولوا ليه ذا ماقعد=يتشاطفونك كما لحم البقر والقعود
وأن جيت تقرد من الشجره كما من قرد=جاتك غرلأ وصلتك الذيب والقرود
كمن مسالم تعذب في البلد وأنجلد=أمن البواكير قدنا مثل سو الجلود
هذه حقائق ويمكن فوق هذا زيّد=ماشي فوايد ومكسب منكم يالزيود
لاقلت طيّب طلعلك شخص قلبه سود=ورجعت مرعوب من حنشان حمراء وسود
وأن كان واحد تمرد أوتشيجع وهد= الباش مرقأ يجوله كلهم واليهود
والحاصل أنه جراد أغبر علينا نهد=جانا من الصين والنيبال وأرض الهنود
والطبع واحد ولاحد بالطباع أنفرد=سكين ملقي وجنبيه وخمسه فرود
والمضبي الزين قد سرطوه هو والوقد=والغاز والقازوأشيا غاليه والوقود
والختم صلوا على طه عدد من سجد=في مسجد القدس واللي في المدينه سجود
|
تاريخ المشاركة 23/1/2011م
الشاعر/ نهلول
اقتباس :
المشاركة الأصلية كتبت بواسطة نهلول
[ مشاهدة المشاركة ]
|
ألا أيها الظالم المستبد
حبيب الظلام عدو الحياه
سخرت بأنات شعب ضعيف
و كفك مخضوبة من دماه
و سرت تشوه سحر الوجود
و تبذر شوك الاسى في رباه
رويدك لا يخدعك الربيع
و صحو الفضاء و ضوء الصباح
ففي الافق الرحب هول الظلام
و قصف الرعود و عصف الرياح
حذار فتحت الرماد اللهيب
و من يبذر الشوك يجن الجراح
تأمل هنالك أنى حصدت رؤوس الورى و زهور الأمل
و رويت بالدم قلب التراب أشربته الدمع حتى ثمل
سيجرفك سيل الدماء
و يأكلك العاصف المشتعل
|
تاريخ المشاركة 23/1/2011م
الشاعر/ من السادة
اقتباس :
المشاركة الأصلية كتبت بواسطة من السادة
[ مشاهدة المشاركة ]
|
قصيدة توبة
للشاعر حسن بن عبداللاه با رجاء
تمرُّ بنا الأعمار في اللهو والوهمِ
ونحن بها كالسّائمات من البُهْمِ
سكارى كأنا لم نمت في اشتغالنا
بدنيا بها كالعُمْي صرنا وكالصُّمّ
ونوقن أن الموت فيها مُراقبٌ
لكل امرئٍ ما فيه شكٌّ لذي وهم
أفيه امتراءٌ أم لنا منه مهربٌ؟
وهل حارسٌ من حادث الدّهر أو يحمي؟
فوا خجلاً للمرء في يوم حشره
إذا سِيم بالتقريع والزجر واللوم
فيا نفسُ إن لم تُسعديني بتوبةٍ
فوا حَزَني يومَ التغابن والهمّ
|
تاريخ المشاركة 24/1/2011م
الشاعر/ وحش شبوه
اقتباس :
المشاركة الأصلية كتبت بواسطة وحش_شبوه
[ مشاهدة المشاركة ]
|
هذه القصيده من الشاعر حسن بن محسن بن جحشان المشيعي ابو شايع رثاء في وفاة العميد مبارك سعيد عفيشة المشيعي ابوذياب ( قايد محور صعده )
بو شايع يقول البارح مساء الطرف قهدان
وجات وسواس ذي تنظم قوافيـها
الفين حيـا عـــــداد النبــت فالوديـــــــــــان
وعد فرق الغنم ذي في مراعيها
منين ذليل عاد الصبــــــح مبعـــــد بــــــان
والعين عيت حرام النوم مايجيها
جيتك من الجيف قريت جد للحفــــــيـــــان
اهل التقاء والنقاء تعرف معانيها
عساء خبر خير قد جبتي لبن جحشـــــــان
ضـيقة في الصدر منهو بايداويها
عظملكم الاجر ذي ساقه عظيم الــشـــــان
في بن عفيشه سرت نفسه لواليها
عشرين الفن ضوو من خلف ذي حـــــلان
فـي حمة الجد ذي تكرم لضاويها
اهل القراء والمدن وبدو في الخليـــــــــان
جـــوكم عــــزأ للقبيله حان قافيها
متواسعو للعزأ في الديار والجيـــــــــــلان
والانس والجن ترقل في مـعاليها
اطلبك وادعيك ياعالم دعــــــــا لنســــــان
يالــــــواحد الفرد تعلم كل مافيها
يالله بعفوك تجنبنـــــي مــــــن النيـــــران
تلطف بعبدك من الزلات تمحيـها
وادخل مع المصطفى في جنه الرضـــوان
والال والصحب لي ذكرت اساميها
بشرهم المصطفى بالعفو والسمــــحــــان
من عند واحد احد عالم خوافيها
الحمد والشكر لك ماحجــــــــو العربــــان
هم والعجم عد ماحطت مناشيها
وبعد جاني خبر ذي دقدق العضمــــــــان
خبر سويدان ذي ساكن /////////////////////////ها
خبريزوع الجبل والحيد والوديــــــــــان
كل اليمن زلزلت من هول مافيها
عطف ال شيعان فارق ركن من لركــان
غادر مبارك وخــــلاها لراعــيها
انا شهد انه من اهل الجود والاحســـان
لاتشابكت في غونها با يبــــديها
كل اليمن محزنه من حوف لا سنحـــان
على ابنــها البــار ذي لبا لناديها
الناس شدو وهو ضلا بها غيــــــــــــان
ماغره المال صابر والامل فـــيها
الجود والمجد لك ياشاجع الشجعـــــــان
رحلت ذكرك مورخ قد بــقي فيها
من شرق سيحوت لما الشحرلا جردان
لا موديه هي ويا الضالع بعاليها
للعاصمه لا تعز لما بلد عمــــــــــران
لقصى الحديده الى صعده وحوثيها
قد كنت قايد لها يامقصـــــع العمـــدان
مثـــــل النمر لا نهم فعلى /////////////////////////ها
ماخوفتك المدافع كنها رعـــــــــــــدان
لقنت جيش الضلاله درس ينهيها
واتقهقرو من لهيب النار في سفيـــان
شـــــهرين متمكنه داخل مخابيها
ولعاد واحد ضهر من زمرة الطغيـــان
نادو يبون السلامه وانت حاجيها
غنت لك البيض من نوح ومن سيبـان
وارض الحمومي تسمعنا مغانيها
وفي الحواضن وفي الحوطه الى عزان
وارض العوالق ومرخه لا شراقيها
وفي شمال الوطن صعده وفي سنحان
وارحب وحجه تغني فوق واديها
المرجله ماتبا خاين ولا فزعـــــــــــان
من يحسب العـاقبه يحصد بلاويها
الموت لا هو يشاور او يرد اعــــــلان
يعطي خبر قبل ماترشن مكاويها
باقول و قف مكانك لا تكن غلطــــــان
لا تاخذ الزين والشـــينه تخلـيها
واترك جمال الحموله وانحر القعــدان
ذي ماتشـل العدل مزق حقاويها
مرحوم يامن كسبت الجود والاحسـان
عبرت حياتك ونفسك ماتوطيها
مشهود بالجود لك بين انسها والجـان
فنحى اليمن بين قاصيها ودانيها
عل الكتف شليت تاجاً فوقه النيشــان
ماهي مدح فاضيه من قال يحكيها
وانا و هاجسي لشهدلك وبن قحطــان
من فوق منكبك ياشيذر عواديها
تمت بيوتي وانا تعصف بي الاحـــزان
فالقلب والكبد نارن وش يطفيها
الله يغفر ذنوبه ذي على الامتـــــــــان
في جنه الخلد يمسي في معاليها
والاف صلو على صفوة بني عدنــــان
اعداد من زار مكه واعتمر فيها
|
تاريخ المشاركة 25/1/2011م
الشاعر/ مبروك بن ماضي
اقتباس :
المشاركة الأصلية كتبت بواسطة مبروك بن ماضي
[ مشاهدة المشاركة ]
|
لـ تـضــرم الـنـار في جـسـمـك تــراه إنــتـحار = إصـبـر وصابـر ولاتجـزع وربـك يعـيـن
وأدعـو تـرى بذن ربي في الـدعـاء الانـتـصار = على الـفـقـر والـبـطـاله وكل حاكم (00)!
و كان مل (بـوعـزيـزي) سـوق بـيـع الخـضار = وفي طـريـقـة وفــــاتـه قــلــدووه آخــرين
فــلا إتّـــأسى بــتــونــس والــذي فـــيــه صـار = لن ترى شـين يـشـبـه (شـيـني الفاسـديـن)
على الـمـسـاجـد فـرض فـ أيــام حكمه حـصار = ومن يـصــلي عـلى0طـاعــتـه لله مَــديـن
وكـم نــزع من حـجـابْ لـْمـســلــمـات وخِـمار = وحارب الـديــن وتـجــبّـرعلى المـسـلـمـين
وكـم وكــمٍ فـعــل فـ أرضـه وشـــعـــبـه دمـار = عـقـديـن وأكـثر وهـم من سـطوته خايـفـين
يـامـا تــسـلـط عـلـيـهـم وفـي ســيـاسـتـه جـار = وكـمـم أفـواهـهـم إطـوال هـذي الـســنـيـن
حــتى تـعــدوا الـمـــهـانــه وقـــمـة الإحــتـقـار = وذاقــــوا الــذل في عهــده وهـم خـانعــيـن
من أجـل ذلـك غـضـب شــعــبـه وقــاوم وثـار = بـما يـســـمى مـجازاً ثـــورة الــيـاســمـيـن
ولا فــــلا ورد فـيـها غـــــيـر عــــزم وقـــرار = إلـ شعـب صـمـم وقـرريطـرد المجـرمـيـن
عـسى بــذا الـلي حـصــل لـلآخــريـن إعـتـبـار = ولاَ يـكـونـوا لـمـن هج وســبـق لاحـقـيـن
• لعين ؟
|
تاريخ المشاركة 25/1/2011م
الشاعر/ ابو عولق
اقتباس :
المشاركة الأصلية كتبت بواسطة ابو عولق
[ مشاهدة المشاركة ]
|
بسم الله الرحمن الرحيم
السلام عليكم ورحمة الله وبركاته
الجمايل
يالله تجمل وقدرنا على فعل الجمايل=جمل الرجال في راسه وفي كرمة دخيله
جمله ع الطيب والعليا ورقوات الفضايل=وجمله مع هله وربوعه وناصيه وزميله
وجمله يوم الطموح كبار والحمل يتمايل=وجمله في يوم من شدته ساعاته طويله
الجمايل من بغاها مالقاها بالسهايل=والمراجل للنشامىء والردي يحرم ماهي له
والكفو واللاش غيب وكل منهم له دلايل=الاولي نفسه تروم العز والثاني ذليله
والعرق دساس فيهم والاصاله للاصايل=والمواقف تبين الرجال وتبين مثيله
ووالله اني من صروف الدهر قد شفت الهوايل=ووالله انه لو يروح الراس والله ماانحني له
اعتزي لاجار حملي وارتكب للحمل شايل=واطفي ضغوني وانا قادر على قبس الفتيله
ماعفوت الا وانا عارف بنفسي والفعايل=الردى لاجاء له اجدادي ولا اخوالي تجي له
ياحليله من تأثر من غدر جساس لوايل=عاد عادل لادهمه الغبن راسه ينتخي له
عادني متحزم الحجنا على امشاط الجلايل=وانتزع حقي من الغادر ولو خلفه قبيله
لارجع سرجي يرد البن مرصوص الجدايل=مايقهويني ولا استاهل نواظره الكحيله
للشاعر:عادل بن حــيدره العولقي
حقوق الطبع محفوظه حفظكم الله
|
تاريخ المشاركة 25/1/2011م
الشاعر/ محمد مرزوق باواكد
اقتباس :
المشاركة الأصلية كتبت بواسطة محمد مرزوق باواكد
[ مشاهدة المشاركة ]
|
السلام عليكم ورحمة الله وبركاته،،،،
أخواني الإعزاء أتشرف بالمشاركة معكم بالمنتدى وأتمنى أن أكون ضيفاً خفيف الظل وتقبلو فائق الحب والإحترام.
البيت الثاني في هذه القصيدة هو للأستاذ الكبير / عمر الذيب ( بو طارق ) واعتذر عن أي كسر موجود في النص .
أنا سمعت أبيـــــات للغربـة تصف =لي في نظر عيني أنا تعني شعـــار
من صدق قال الذيب واقع معترف = قرب الوطن جنة وأما البعد نار
المــغترب يالذيب مثــــل المستلف = هموم بالممسى وذلة في النهار
القوت مايعــــبر وفي حلقــه وقف = وتبدل الحالي وصارالحلو قــــار
الراس شيب كثــــر ماتحمل كلف = ضيع بلاجيكه ولا حصل ضمار
ضاقت بي الدنيا وشيكي مانصرف= وتقفلت الأبواب يمنه واليســــار
بلعب وباحاور وباسجـــــــل هدف = لا همني طولك ولا دي هم قصار
حصلت لي مخلــوق لحوالي رأف = قال استعذ بالله وأترك كل ضـار
وأطلع إلى مكـــــة ببيت الله طف = وأذرف دموع الذل للمولى جهار
وأدعي وقل يارب بالحــالة لطف = رحمان يارحمان يالله بالسبـــــار
من بعدها باقول يالهــاجس ردف = ودي برحلة قبل تقفيل المســـــار
بازرو أصحابي ومن فيها عرف = بازور كل قرية وكل صاحب وجار
سلام لش والدمع من عيني ذرف = سلام لش يا أرض ربتنا صغـــار
سلام يا ظــــاهر ولأجلك باوقف = تستاهل الوقفة ولك تقدير حــــار
سلام للشيبــــة وللشبـــــــان زف = أجمل تحية ما بها طعم المـــــرار
قولوا لهم مشتـــــــاق شوقي ما وقف = دايم وهو يقدح على بوها شــرار
يبكي دموعـــه دم لا يمكن تجف = خطه وسط خدي كما سكة قطار
من حن لا أرضه اهله ترى زاده شرف = ومن مايحن ضيون مع بشكة هرار
هذا ونبغى العفو لا شي قول طف = ما يكمل ابن آدم ولا بيده قــــرار
ما يكمـــــل إلا الله قاضي كل شف =عالم خفايا القلب لو كانت صغار
أرسل الشاعر محمد صالح باواكد ( بو سلطان ) جواب على القصيدة يقول فيها :
أبديت بك يالله قاضي كل شف = خالق الإنسان وخلقت الجبل هي والشجار
من بعد بارحب عدد ما البرق رف = وعداد مايرعد وعد نزل المطــــــــــار
بكلام جاني زين ومثيل الصدف = من عند بن مرزوق عزي وافتخـــــــــار
من بعدهم مانام ما غمض للعين دف = لا ليل لي يهدأ ولا يهدأ نهــــــــــار
وعلى فراق الزين يا دمعي ذرف = وديار زينه ماكماها في الديـــــــــــــار
لا يا صليب الراس شف نخلك خرف = هت لي خبر منك وخذ مني خبـــــار
جات الحليلة جات من بحرك غرف = لا تخلف الميعاد خش وسط البحــــار
إحنا معك ، إنته طرف وإحنا طرف ساعة الشدات باشل الصغيرة والكبار
هذا جواب على الشاعر محمد صالح باواكد ( بو سلطان ) أقول فيه :
مشكور بو سلطان قد صبت الهدف = وصلت رسايلكم وما خلف الستــــــار
إنته لنا أستـاذ ياخير السلـــــــــــف = وإحنا على أمرك مطيعين القــــــــرار
إحنا بأمر الله يا سيدي خلــــــــــف = نمشي على خطاكم على نفس المسـار
إن قلت لي يمنه محمد با يلـــــــف = وإن قلت لي يسره أنا قصه يســــــــار
قولك دواء المجروح كـــلاً يعترف = متصدر النشرة وبك تبدأ الخبـــــــــــار
الشعر بحضورك إذا شافـــك وقف = ما ينحني إلا لمن مثلك كبـــــــــــــــــار
بحلف برب الكون كل إنسي حلف = إنك ملكت الشعر يا شبل النمـــــــــــــار
إنته ذريت الشعر وإنته من قطف = وإنته بأمر الله من يجني الثمـــــــــــــار
يا هاجسي لا شفت بو سلطان قف = واضرب تحية كلها هيبة وقــــــــــــــار
من عزني عزه وبتحمل كلــــــــــف = بمشي لجل عينه على سلى ونـــــــــار
لما هنـــــــا وأقفل جوانب ذا الملف وأكتب عليه أخطار ما تخص الصغار
|
تاريخ المشاركة 25/1/2011م
الشاعر/ بو شمس
اقتباس :
المشاركة الأصلية كتبت بواسطة بو شمس
[ مشاهدة المشاركة ]
|
ارجو ان تنال القصيدة اعجابكم
نضرب ولي عادات في ضرب الهــــــــــــدف=رامي نشبَ النار في عمق الهـــــــــــــــــداف
صيدي سواد العين ما حب الطــــــــــــــــرف=قد لي زمن معصوم من صيد الطــــــــــــراف
ذي ما تشبَث في طريقه وانحـــــــــــــــــرف=لازم بغى دكتور وعلاج انحــــــــــــــــــــراف
الوقت في بعض الاوادم ما نصـــــــــــــــف=تكفو نبي حكم العدالة بالنَصـــــــــــــــــــاف
ميِل مع المظلوم يا حاكم وشـــــــــــــــــــف=لا تتَبع من جار قدامك وشــــــــــــــــــــــاف
العدل له ميزان ولقو له كـــــــــــــــــــــفف=عينه سواء سقاف والحبشي وكــــــــــــاف
بعد النبي صدِيق عالأمة خلــــــــــــــــــــف=ورجال من حوله يحلُون الخـــــــــــــــلاف
لما متى يا شيخ في صمتك تقــــــــــــــــف=هرج الخطا يزداد من بعض اللقـــــــــــاف
خلَك مثيل السيف عالخاطي حتــــــــــــف=سود النَوايا ما تبي غير الحتــــــــــــــاف
نظَف ثمار الخيل من بعض الحــــــــشـف=ما شي فوايد من ورا سود الحشــــــــاف
|
تاريخ المشاركة 25/1/2011م
الشاعر/ ابو شيخ الشبامي
[QUOTE=ابوشيخ الشبامي;594558]
ابديت بأسمك يا إلهي انت خالق كل شي=الحمد لك والشكر يامنجي عباده من البلاء
يامنجي ايوب النبي من كل مرض مؤلم شفي=انت الشافي من الاسقام ومنزّل دواء لكل داء
ندعوك دعوه صادقه تصلح لنا كل ماعكي=وتهدي عبادك ياعظيم الشأن لصراط الهدى
والطف بنا ياربنا وأظهر لنا كل ماخفي=من كيد كايد ومن فعال المفتريه والعداء
انت الذي ترزق بن أدم في نهاره والعشي=وانت الذي حافظ محمد مع صديقه بغار حراء
تاريخ المشاركة 26/1/2011م
الشاعر/ بن قطمان
اقتباس :
المشاركة الأصلية كتبت بواسطة بن قطمان
[ مشاهدة المشاركة ]
|
الاخوان والاخوات الكرام
السلام عليكم ورحمة الله وبركاته
قبل عدة ايام قام الشاعر الكبير طالب النعماني ابوراضي
بتوجية قصيدة عبر هذا المنبر موجهة الى بن قاسم وبن قطمان
وبعد المشاورات بيني وبين الشاعر الكبير خالد بن قاسم
تم الاتفاق ان يكون جوابنا مشترك على بوراضي
جلسنا مع بعض وبيت من عندي وبيتين من عند بن قاسم
وبيتين من عندي وبيت من بن قاسم المهم ان نتاج تكاتفنا هذة القصيدة المشتركة
عسى ان تنال على اعجابكم وتفي بالغرض بالنسبة كاجواب على بوراضي
يامرحبا عد مانسنس نسيم البرود=واعداد برق المخيلة والمطر والرعود
لمسى يدمدم وضلا في جهامه يقود=في غيث مجهم ويتنذخ بقنفان سود
بالخط ذي قد وصلنا من بلد بن سعود=والله يعين المهاجر من عيون الحسود
بايحسدونك ولو حتى عيونك قهود=وانته على الجمر صابر والخلايق شهود
واهلك يقولون بوراضي متى بايعود=صابر على الحر في الغربة تركت البرود
ياصقر بوصيك لاميحت لارض النجود=ياحر عابر ولاشي في طريقك حدود
ولاجمارك ولاحد في دروبك جنود=شل الرسالة وبلغها لفهد الفهود
بوراضي الشهم هرجة في المقاعد نقود=له صيت من ساحل ابين لاصحاري ثمود
شاعر محنك كسبها ورث حق الجدود=واخلاق له عالية تشهد عليه الوفود
يذبح ويقدح ويكرم بالمعاني يجود=فاهم وواعي وعاده بالتعامل ودود
مرفوع راسه ومن جور الزمن ماينود=والوقت ساعة معك يصمد وساعة صدود
ساعات هيّن وساعة يلتزم بالجمود=واليوم بوصيك يالصقر القطامي وعود
سلام يبلغ لبوراضي بكادي وعود=ذي قد وصلنا كلامه فيه باقة ورود
كلام موزون للميزان قيم العمود=واليوم واجب جواب اثنين ياهل النشود
البدع يامصعبه دحرج حصا في سنود=والزرع متعب ويامسهل نهار النصود
ماشي مشوك ولا حجنا رهيفت حدود=زام البلاجيك عداء ذي تسوق الردود
ذلحين ليزر وله توجية عبر الحدود=عبر المناضير شفهم طرقوا للكبود
يالله بالعافية واطلبك يابالوجود=ترحم عبيدك ولاشي عود يصقبه عود
|
تاريخ المشاركة 26/1/2011م
الشاعر/ بن بريك
[QUOTE=بن بريك;594831]
السلام عليكم ورحمة الله وبركاته
قد حضرنا على السمره لباها معاكم=والزياره علي واجب ولو هي قصيره
في العضيده انا واثق بطيبة سمركم=دام فيها من الشعّـار ليلـه نويـره
قال بدّاع في ذا الوقت غاب التراحم=كل تاجر نسى ربه وخالف ضميـره
دام قانوننا يمنـع لغيـره يزاحـم=هاتوا الحل يالشعّار ياهل البصيـره
ما معانا قضاء عادل ولا شيخ حازم=فالته للسرق واهل الفعول الخطيـره
من نزل للبلد عوّد وهو صدق نـادم=ما لقى حد امامه غير امـه فقيـره
تسمع الهرج ياصاحبي ترتاح منهم=والحقيقه لقيناها وعود (ن) كثيـره
في مشاريع واستثمار من بايساهـم=كبروها وعشنا في حلوم (ن) كبيره
تاريخ المشاركة 26/1/2011م
الشاعر/ عبود مسونق
اقتباس :
المشاركة الأصلية كتبت بواسطة عبود مسونق
[ مشاهدة المشاركة ]
|
لايوجد تطور عندنا كافي = حيث انك لاتزال تمشي حافي
تلبس الشعاطير وراسك واطي = ولونك مشمت وغيرك لونه صافي
اكلك من خبز التنور والموافي = وتشرب مع الحيوانات من الابار والسواقي
وبيتك من القش والخشب البالي = وغيرك يعيشون في القصر العالي
وانت تعيش في تخلف يكاد يكون راقي = من درجات التخلف اه لاتبكي على حالي
وانت وبعض الدراويش معا في البوادي = تذكر ان بريدك لايزال على الحماري
يوزع على بعض الاطراف في بعض الاحياني = والطريق وعره الى كل المدائن
لاتزال مرصعه بالمذر والاحجاري = وفي بعض المدن ترى مخلفات الحفر باقي
عيشه تسد النفس فقط تفنن في الاحفاري = الحفره تبقى فصل من الوقت والازماني
كم من شيبه سقط تهشمت له الاعضامي = مكث في البيت ينتظر تحسن الحالي
يطلب من الله عودت صحته الى العلالي = وعيشه يفرح بها القاصي والداني
وبلده نظيفه وشعب راقي = وتعليم متقدم عالي للبنات والاولادي
وطب وصحه واسطول كبير واقي = يستفد منه الفقير والغني في بلادي
|
تاريخ المشاركة 26/1/2011م
الشاعر/ جنوبي عربي الي الابد
اقتباس :
المشاركة الأصلية كتبت بواسطة جنوبي عربي الى الابد
[ مشاهدة المشاركة ]
|
اخواني الاعزاء اقدم لكم هذه القصيده للشاعر الجنوبي الكبير علي حسين البجيري القاها في مهرجان جماهيري في منطقة لبعوس بمحافظة لحج
والله ورب البيت مانخضع == للطاغيه الفاسد واعوانه
لا الراس من فوق الجسد يُقطع==والهَون يمطرني بنيرانه
او يهدمون البيت بالمدفع==والا 000 يهجم واركانه
والا السما من فوقنا تولع== والكون يتزلزل ببركانه
المؤمن الصنديد لايركع= الا لرب الكون سبحانه
والله بعد اليوم مانرجع== ولاتظلي النفس مهتانه
نحنُ هنا في ذلك الموقع==صفاً لكل الظلم والوانه
ياكم نصحنا كم باتتوسع== وكل واحد قفل آذانه
ثوره قرعنا الطبل والمرفع==والشعب يتقدم بفرسانه
لو يقبر الشيبان والرضع==او يفتحوا مليون زنزانه
الشعب كله قال لك برع= يامن سقط قدره وميزانه
خليت كم من جيد يتضعضع==والفسل عندك يرتفع شانه
كسبت كم من نذل ماينفع==والحر قد ضيعت عنوانه
باحذرك من قبل ان توقع==الشعب كله زادت احزانه
ياما نصحنا انسان مايسمع==كل مانصحنا زاد طغيانه
ماظن طاغي منحرف يشبع==فرعون مثله مثل هامانه
كم من فطن من قهره اتجرع==حتى فقد عقله وايمانه
واليوم ياشعب الجنوب انزع==حقك وجهز للعمل زانه
شل النصيحه (ياعلي مقصع)==وانصح علي وابنه واخوانه
قل له يخاف الله او يقنع==قبل البنا ينهار واركانه
وقل له ان الظلم ماينفع==حطم ملك كسرى وسلطانه
با نشهدك ياغالب الاجدع==واشهِد لكم صنعاء وسكانه
على الضرر والقهر ذي يجزع==دي كل واحد مننا هانه
ياما شكينا الظلم من مطلع==والظلم غطانا بدخانه
واليوم كلن مستعد يدفع==بابنه واخوانه وخلانه
نغسل بلدنا ذي اصبحت مرتع==للقمل والقردان واضرانه
واجب علينا كلنا نسرع==نادى الوطن شيبه وشبانه
نصمد جميعا والعلم يرفع==من فوق صيره يوم اعلانه
القهر خلى الحر يتقطع==دمر حياته واكثر احزانه
|