بساط الريح مر جنب الحبايب = وعبق جوهم ريحه زكيه

[البكري]

اقتباس : المشاركة الأصلية كتبت بواسطة عيون المكلا [ مشاهدة المشاركة ]

بساط الريح مر جنب الحبايب = وعبق جوهم ريحه زكيه إذا عودي يبن بين القرايب = وقف لحظة وبادر بالتحيه سأل من شافني بعيون شايب = وقلبه شاب ومشاعره حيه وقله بعدك الديره خرايب = وطفح الكيل والحاله رديه وقله الماي للقيض الزهايب = بطت مانورت شمس الضحيه ودارت بالمحبين النوايب = وزاد البطش فيهم والاذيه إذا طولتها بين النسايب = علنها لاتخليها خفيه غرائب هذه الدنيا غرايب = تخلي المذنبه فيها بريه تقلاب الزمن فيه العجايب = بريئة صادقة صبحت ضحيه عرفت القصد ياشارد وغايب ؟= ولالك عذر ماتعيد القضيه وهي بكره من ابكار النجايب = اذا انته قدها لقها مطيه ولو ردك تلاشى في السحايب = تركت الحضرمي والحضرميه

صدقتي القول يابنت الاطايب = فانتي صادفه عا حسن نيه
لي نظره ولا باكون خايب = وفي البلوه حنا والله سويه
ولا هو مننا من كان عايب = ولا شي لوم بايصلها البنيه
مسكينه وقعت في المصايب = يصلها الظن والكسعه خليه