مــن عيون شعر الزّامــل

[سالم علي الجرو]

طالب باتيس النّعمــاني

حيابكم واثنـي تراحيبـي لكـم = مليون في مليون والزايد يزيـد
حيابكم ياهـل المعـزه والكـرم = ليلة لقانا تعتبـر جمعـه وعيـد
ياهل السقيفه وردوا من كل يـم = يالي تحبون المغانـي والقصيـد
حيوا زواملكم وعـادات اهلكـم = لا تنسوا الماضي مع العهد البعيد

ياهاجسي حلك من افكارك قسم=لهل السقيفه لي يحبون القصيد
رحب بسبع الليل لي صوته نهم=والصيعري لي هو معه رتبة عقيد
والجيد بن هاشم لطم بحره لطم=واتعالموا به ناس في ساحل ونيد
وابن الشبامي لي في الزامل قدم=رحب بكل الناس لي جوا من بعيد

ياهل السقيفه ياصلاب الروس=حيابكم مليون مره
عند الشبامي صاحب القاموس=لي قد نفح طيبه وعطره
مابين لمريكي وبين الروس=ابن العروبه ضاع قدره
صدام تمثاله صبح منكوس=والعلج لمريكي يجره

يامرحبا بالشاجع المغوار=لي يعرف البرعه على المثمون
يشكي من الحاظرعلى الشعار=مايعرف ان هذا زمن شارون
يوم العرب خافوا سلاح الجار=واستنجدوا بالكافر الملـ........
لرض العروبه جابوا الكفار=واستسلموا للوبي الصهيون
يهوين ياقهري على ماصار=كم من بطل شاجع رضي بالهون
وين العروبه عاد حد بايغار=يقدم وينشر سيفه المسنون
هذا كلامي لو قصر او جار=لبن الهلالي بعتذر مليون
شاعر وله في خاطري مقدار=واهل السقيفه قدرهم مايهون
شعارنا لاتشعلون النار=في جوف بوراضي كما المرشون
من قولكم دار الفلك بي دار=واصبحت في الشارع كما المجنون
ياريت في يدي مية طيار=بغزي بهم لما مدينة بون
بلقي كما رمزي مع المحظار=لي زوعوا العالم وكل الكون
واهل الميازر والرصاص الحار=بالثار ماشي عذر يستوفون
هذه بشاره وابشروا بالثار=باتجي بشاره من قدا سيئـون

يامرحبا من صدر التقرير=للناس قد صّدر قراره
من لا حسب للغش والتزوير=والله ضحى للبازراره
جساس شوا عينه براس الزير=والعار بايضوي لداره
جانا خبر من جبهة التحرير=منها اشتعل اول شراره
بغداد ياارض الرخاوالخير=صدام هتي لي خباره

من حب حد ل اقد ضوى للدار= يلقيه في التركه قسيمه
هذا كلامي معشر الحظار= شونا نبا قسمه سليمه
رعضوا وسقوا واصربوا لثمار= رحمه من المولى عظيمه
والعفو لا قولي كثر أو جار= ياهل القرارات الحكيمه
شوا ولد بن عوبث مسا محتار= قد له سنه نفسه سقيمه
والختم باصلي على المختار= لي جاب لايات الكريمه

[سالم علي الجرو]

صالح با عمــران

ياهل السقيفه جيت باحـط القـدم = فوق القدم مابحسب الخط البعيـد
كل من دعاء بالصوت باجاوب نعم = ما بعتذر بلقي لكـل سـده قليـد
مادام قد حضروا رجاجيل الهمـم = بالقي كما الحمزه وخالد بن وليد
ياهل اليمن هـذه تهانينـا لكـم = باعياد ثورتنـا وبالعيـد السعيـد

[سالم علي الجرو]

ابن هـاشم

ياهاجسي لادعيتك الليلة قدم=وقت الزوامل لا تقع مني بعيد
خلّك معي هت لي قوافي تفتهم=فيها الكلام الزين والقول السديد
حيّا وسهلا بالعلم ابن العلم=باتيس ذي عنده مفاتيح القليد
وسلام عالشعّار ماخط القلم=بحروف تبنيها على كل ما تريد

[سالم علي الجرو]

حسـن بن حيدره

با حكّم المغنى على القمبوس=مولى الوتر قله يزره
طاب السمر عالعز والناموس=كل من حضر بعطيه قدره
والكلمه الزينه حييت لنفوس=ماتجيك شي منها مظره
والكلمه العيفه مثيل الموس=تقطع فؤادي مية مره
هذه نصيحه من ذهب وافلوس=يامن كفى خيره وشره

شفت العرب كل من سقط ماثار=عابعضهم كل يوم يتشاكون
مابوش باينقح لهم بالطار=لما معه بالغصب يشترحون
وان كان شي نقذه من النجار=يلقي على السده لنا كالون
والا يدق عابابها مسمار=من شان نخزي الكافر الـــــ......

[سالم علي الجرو]

مبروك بن مــاضي

كل من ربط رجله بحبل (يحـوس ) = وحده . ويـلحق من يجـره
ويـعـيـش في حـالة نـدم وبــؤس = ولا يــلاقـــي مــايــســـره
ماغـير يـنـدب حـظه الـمــتـعـوس = ومـن مـضــــره لا مضــــره
مــيـؤس مـــنـّه يـاعـــرب مـيــؤس = مــالـه وزن ( مثقال ذره )

[طالب النعماني]

الاستاذ سالم علي الجرو
اولا كلمة شكرا لاتكفي لشخص مثلك قدم للسقيفه الكثر والكثير من المواضيع المفيده وقدم للحضارم اكثر من كتاب يوثق تاريخهم وادبهم وثقافتهم
واليوم قدم للشعار في السقيفه الكثر من الوقت فقد جمع عدة مساجلات متناثر يصعب على قائلها تجميعا
اشكر جزيل الشكر ياعم سالم وربنا لايحرمنا منك

[سالم علي الجرو]

طالب باتيس النّعمــاني

ياهاجسي حكمة على لقدار=واصبحت في حاله سقيمه
ماحد يحصل حسب مايختار=يلحق في الدنيا غريمه
ياغارة الله باعني الغدار=هذا السنه من دون قيمه
شونا لبا نقذه من الحضار=اهل البلاجيك القديمه
من قبل ماسافر علي اشعار=اهل العلاقات الحميمه
لرض الوطن بنزل مع الزوار=ارض اليمن جنه نعيمه
فيهارجاجيل الوفا لخيار=فيها الوفاء ربي يديمه
فيها من العطاس والمحضار=والعولقي وابن الصريمه
فيها بني سيبان واهل الكار=كم من ولد كافأ خصيمه
الشيخ قد جانا وله مقدار=باقوم بلقي له وليمه
يرعض قنيف الصيف لاقد ثار=لادخلت انجوم الحميمه
يامرحبا به عندنا مليار=له عندنا حشمه وقيمه
من حب حد لاقد ضوى للدار=يلقيه في التركه قسيمه

يامرحبا بضيوفنا لجواد=ماحنت ارباع النشيه
ليلة لقاكم عيد من لعياد=يشهد علي رب البريه
من بعد عنتر ولد بن شداد=ماحد يحافظ عالرعيه
واتلخبط الهجري مع الميلاد=واتعكست بقعاء عليه
هل عاد شي صنعه مع الحداد=بايرجع العوجاء قديه
والا سرحنا عند باعباد=يصدر فتواى في القضيه
ماتصلح الملكه بلا عقاد=ياذي تغتون السريه

[سالم علي الجرو]

طالب باتيس

شعارنا لا تشعلون النار=في جوف بوراضي كما المرشون
من قولكم دار الفلك بي دار=وأصبحت في الشارع كما المجنون
ياريت في يدي مية طيار=بغزي بهم لما مدينة بون
بلقي كما رمزي مع المحظار=لي زوعوا العالم وكل الكون
واهل الميازر والرصاص الحار=بالثار ماشي عذر يستوفون
هذه بشاره وابشروا بالثار=با تجي بشاره من قدا سيئون

جمــال العطاس

هم دمّروها دكّــوا الأســوار = والآن شوفوهم بغـــوا يبنون
ويطالبون بإعادة الإعمار = والتكلفة من نفطنا المخزون
والدور ذي قادم على كم دار= ياويلهم والله من شارون
ذي مالهم عند العرب مقدار = وشعوبهم في قِلها في الدون
يا ساتر استر رب ياستّار = لاعود صك في عود با يبكون

حسن بن حيدرة

شفت العرب كل من سقط ماثار=عابعضهم كل يوم يتشاكون
مابوش باينقح لهم بالطار=لما معه بالغصب يشترحون
وان كان شي نقذه من النجار=يلقي على السده لنا كالون
والا يدق عابابها مسمار=من شان نخزي الكافر الــملـ.......

طالب باتيس

بسمر بصوت الطبل والمزمار=لما يجينا هام بن هيدون
وانلقلل الخشبه على المنشار=ويحكمون القطع لي يشقون
ويختلط حالينا بالقار=وينطلق كل من مساء مرصون
وبعد لا يامدينة الانوار=هاتي خبر من ولد بن هيدون
شاعر وعده خيرة الشعار=قوله يجي مثل العسل مشنون
وقت الطلب مابايجيب اعذار=لا قد دعيته يطلق المسجون
خصه سلامي عد ماقد سار=ساير برجله في خطم عقرون
يالسيد احمد بلغه ماصار=قله وصولك عندنا مسهون
قله هلاء ياخليفة المحظار=لا عند بوراضي مية مليون

[سالم علي الجرو]

جمال العطاس

ماعمرها تتشابه الأضداد = شو كل واحد له هويه
قولوا لطالب ماقصر لك زاد = أقوال تتشابه شويّه
ماشئ ضغائن بيننا واحقاد = شاهد علي رب البريه
شف لك معزّه عندنا تزداد = وبيننا عروه قويه
ماحد سلِم ياخوي في التعداد = من قال في التعداد سيّه
السيّه الآّ صحبة الأوغاد = ذي هم لهم مليون نيه
ذي قصدهم بين العرب لفساد= عقولهم والله غبيّه

طالب باتيس

انته مثيل الهيج ماتنقاد=دايم ويدك معتليه
واهل الفلك والعلم والارصاد=يايضهرون المختفيه
وان كان حد في المجتمع عصاد=خلوا يظهر للرعيه
وان كانه الا شك او هداد=صكوا ملافات القضيه

جمال

وانا أشهد انك رائد الروّاد = في الخلق وشروعك وفيّه
وأنا معك عزوّه ولك إسناد = دائم وكاساتي مليّه
شرب بحفنك وإحسن الميراد = وباتقع شربه هنيه
نحن خوه محنا هنا أنداد = ماشئ لنا في العيب نيه

[سالم علي الجرو]

لغـز من مجهــول

ياهل السقيفه جاوبوا عالسين=حد منكم في الدين يعلم
بنشد وبتخبر من الخيطين=من منكم يعلم ويفهم

الـرد من طالب

انا الذي بفتيك في الاثنين=الفجر هو الليل لا ظلم
هذا جوابي مختصر بيتين=لو هو غلط عفوا مقدم

طالب باتيس

حادوا على الاسلام ياهل الدايره=لاتتبعون الكفر واضعاف النفوس
جساس متحمل حموله جايره=واسباب هذا الحمل خالته البسوس
قد لي سنه عامد جبال الغابره=صابر على الرمضاء وعاحر الشموس
وانتوا تبوني غيب خلي الدايره=لاغاب راسي بايقع غياب روس
يالرعد لا شفت المخيله ثايره=قايس قياسك قبل ماتغيب الحسوس
شف وقتنا عيفه حباله قاصره=وانته ذكي تلقي لكل حاجه دروس
تعرف لعب الترب هو الباصره=وتعرف الدبوس من بين الجلوس
واهل السقيفه يعرفون البايره=ويعرفون النقد في بنك الفلوس
السبع يتخبر وانا باخابره=لباء خبار الهند واخبار المجوس
واخبار شاطينا ومولى الباخره=والا من الطيار لي بيت يحوس
هذه سنين الويل قده عاثره=لاجيت بضحك لضحك ماشي ضروس
كل من طلع مطلع مثيل الطايره=ماعذر له والله مايرجع نكوس

صدام قـد باعـوه اهـل الباديـه = باعوه لـي ماعندهـم والله ضميـر
شعب العرب كلـه قـرب للهاويـه = كل من ركز راسه لقى نفس المصير
ياصاحبي ويـن الذيـاب العاويـه = لي في الخلاء كانت على غفله تغير
كان الاسد وحـده مسـوى داويـه = لما صبح بالقيـد مايقـدر يسيـر
كلن من اصحابه عمد فـي زاويـه = زايد وريسنـا وحسنـي والبشيـر
لي كنهـم اعجـاز نخـلا خاويـه = من ريس الدوله الى كرسي الوزير

عبد الله الجعيدي

الحصن لي كله مشاويف أنهدم=واللي هدم يا لحصن ساسك ما بناك
خلوك تتهدم قليلين الذمم=ولعاد حد لباء وعا داعيك جاك
وأنا الذي حاسبك ع حيد النّشم=مبني ولا ظن يوم با يسقط حصاك
يا معدن الجودات خو هو وابن عم=خلوك وحدك في ميادين الهلاك
في ساعة الشده غدو مثل الغنم=والضان لي قامت تعكر صفو ماك
يهوين في يهوين يا ذيب الرّهم=با سبابهم ثعلب في العرّقه حجاك
لي لادعيته صوت لك جوّب نعم=باعك بسعر أدنى واقل من مشتراك
يا حاملاً سيف العروبة والعلم=المكر ضدك والحيل كانت تحاك
لو ما مشينا قّدُم واللين زّتم=كل يوم واحد با يجي دوره كماك
بالميم طاء طردوّه من وادي حمم=مولا الشفر والكابرس والبنتياك
خلوا تراب الأرض يروا ماء ودم=لما يعانق عطره الطّيب نداك
يا أهل الشروع الوافية وأهل القيّم=قولوا لكل من هو بطل نحن وراك
ربي يسمح له طريقه من عزم=يسرح يجاهد ذا من الأعداء وذاك
حنّو عليهم بالقرض هو والسلم =وألا بشوحط قال بوسالم وراك
وآخر كلامي عا لعدو بالله سمّ= تتحقق آمالك ويتحقق رجاك
خصمي وخصمك ذا السنة لو ماسلم= من قبل يتغدا بنا خلّه عشاك

0