=== مــمــنــــــــــــــــــــــوع ===

[ثابت بن ماضي]

مجرد فكره

الملاحظ اننا نسرف في الكلام سوى بالمجاملات او بالشرح اوبالمهاترات احياناً. و وبذلك نفقد

المتصفح متعة الانسجام بالشعر . والكل يعرف وخصوصاً الشعار حتى أن اراد الشاعر من شاعر اخر

ان يفصل القصيده اعطاه الامر شعراَ ويتناولون الموضوع من كل جوانبه بالشعر وليس بالتثر فهل

لدينا القدره على ذلك ؟ على الاقل في هذه الصفحه . هذا ان راقت لكم الفكره.

[عبدالله الجعيدي]

خير الكلام ماقل ودل 000 تحياتي

[طالب النعماني]

كلام ممتاز ولكن ليش مااعطيتنا الفكره انته بالقصيد
ههههههههههه
المهم كلام ممتاز وفكره رائعه وان شالله من اليوم
تطيق فكرتك اخي الشيخ

عامايقوله صاحبي باوافقه =فكره جميله ياصحابي رائعه
من بايرافقني انا بارافقه=والشيخ عالفكره انا بابايعه

[ثابت بن ماضي]

لو نلتزم شوها علامه فارقه = خلوا القوافي دائماً متابعه
وان حد عجزّ قله جلس في الشارقه= والا تعلم في صفوف الجامعه

[الشعف]

يامرحبا باهل العزوم الخارقه=ذي هم قوافيهم مناهل نابعه
ولهم ايادي بالموده سابقه=ما باتعددها حروف الطابعه

[طالب النعماني]

اكريم في القبله لمالي بارقه=حنت رعوده في حدود الرابعه
عاشرطكم ابيوتنا متطابقه =ياذي فكركم لسقيفه نافعه

[ثابت بن ماضي]

فكره وكانت في دماغي عالقه = وبفضلكم سارت حقيقه واقعه
اتواصلوا يوم الخواطر رايقه = خلوا غصون الشعر دايم يانعه

[الشعف]

رجلي على رجلك ورجله داحقه=بمشي معاكم عالاثر باتابعه
لمان نوصل للغلوب الباسقه=والا نعدّي في البحور السابعه

[ثابت بن ماضي]

لا الشعرصادق والقوافي صادقه= تطفي لهيب النار ذي هي والعه
والشعر يرفع رايته وبيارقه = كل من نظم قوله بدون امقاطعه
والهجس ينطق والحليله ناطقه= وناس جم في النظم شوها بارعه
وان كان حد شاريه ولا سارقه= بايبان امره والحقيقه ساطعه

[الشعف]

مانيب شاعر بس اظني عاشقه=والشعر له عشاق جم وموالعه
بس ذي سرق باقرأ عليه ( الحاقّه )=وان قد تمادى بانجيب ( الواقعه )
لجل السقيفه دوب تبقى عابقه=بين الخمايل والزهور اليافعه
خلّوا العزايم والكفوف ملاصقه=في وجه من يغلط نقوم نراجعه