المحضار مرآة عصره (( رياض باشراحيل ))مركز تحميل سقيفة الشباميحملة الشبامي لنصرة الحبيب صلى الله عليه وسلم
مكتبة الشباميسقيفة الشبامي في الفيس بوكقناة تلفزيون الشبامي




« آخـــر الـــمـــشـــاركــــات »
         :: موضوع المليون مشاركة (آخر رد :العكبرري)       :: ابدين بسم الله خالق انسها والجان=كلمات الشاعر خالد عقلان نصير ابومهدي (آخر رد :محمد عبود بن فارس النهدي)       :: الله اكبر الله اكبر الله اكبر سرايا الثوار تتقدم بالزحف لبغداد (آخر رد :اقبال)       :: خطرفات المساء (آخر رد :سالم علي الجرو)       :: برامج الكتابة المنافس لميكروسوفت ورد Corel WordPerfect Office X7 v17.0.0.314 (آخر رد :كريمك)       :: محافظة حضرموت اليمنية ( اشتباكات مسلحة في المكلا والقاعدة تتوعد وحلف قبائل حضرموت يحذر ) (آخر رد :يماني وشامخ كياني)       :: عودة شبح الاغتيالات في اليمن.. اغتيال 6 ضباط أمنيين خلال 24 ساعة (أسماء) (آخر رد :يماني وشامخ كياني)       :: نغمة بصوت طفل يبكي (آخر رد :قيسس)       :: افضل برامج لنسخ الاسطوانات Nero 14 Platinum 15.0.02200 Final (آخر رد :كريمك)       :: أكــبر فضيحــة ووصمـة عار على جبين الدولة .. (آخر رد :الروهجان)      


ديوان الجوهي*

سقيفة عذب القوافي


إضافة رد
قديم 09-28-2011, 02:31 PM   #1
الجوهي*
شاعر السقيفة

افتراضي ديوان الجوهي*

=1
=قصيدة قبائل حضرموت في اغتيال المقدم/ علي بن أحمد بن حبريش رحمه الله:
بالواحــد القــــدوس خالقنـا ابتـدي=رب ا لبريـّة جنّهـا وانسانـهـا
يافـالق الإصـبـاح بالنـورالمـضـيء=يا من له العـزة ولـه سلطانهـا
نسألك يامن كنت في جودك سخي=تصلح أراضينا وتصلـح شانهـا
وتنزّل الغـفــران عالعـبد البـري=لي قد قتـل بالغـدر فـي ريانهـا
تدخله في الفردوس مع طه النبـي=يقطف ثمر وازهار مـن بستانهـا
له كل ما يطلب وكـل مايشتهـي=فيهـا ويلبـس سلمهـا وأمانهـا
في الجنة الخضراء بسندس يكتسي=تدني على راسه قطوف أغصانها
كل ماتلذ عينـه ونفـسـه يجتني=مـن تمرهـا واعنابهـا ورمانهـا
يشرب من الكوثر الى أن يرتـوي=ويستلـذ مـن خمرهـا والبانهـا
ياكل لحوم الطيـر حتـى يكتفـي=يرتع ويتمتـع بـروض اجنانهـا
عنده رحيق النحل من صافي نقي=ويطوف بالاباريـق لـه ولدانهـا
بجوار حورٍعين منهـن يصطفـي=ماطاب في نفسه وهـز وجدانهـا
هيفاء حسينة ذات مظهر جوهري=من حسنها بانت عظـم سيقانهـا
لي ثغرها مشرق ومنظرها زهـي=يحظى بكامـل عطفهـا وحنانهـا
وتبيـن القاتـل لنـا يامعتـلـي=ياعالـم الأسـرار فـي اكوانهـا
لي هو قتل مقدام بـو الفيـن زي=ما خاف من حضري ولا بدوانهـا
لابـد مانسحقـه حتـى نشـتفـي=هو والذي خطط وشـب نيرانهـا
هـذه بوادينـا علـى مـبدأ قـوي=تمشي ولاثارت طغـى هيجانهـا
والكل منّا أصل عربـي وحـدوي=من أصل عدناني ومـن قحطانهـا
عربي كريم الأصل مسلم شافعـي=لاهو مـن اوروبـا ولارومانهـا
مقدام ومحارب بطل شاجـع ذكـي=يدعو الى خير البلـد واحسانهـا
والوعل ندّه وعل مثلـه مربعـي=ماتنادي الفرسان غيـر أقرانهـا
وبلادنـا ياقـوم واديهـا حـفـي=ماقد ثبت غازي وسـط وديانهـا
هي مقبرة للترك من سابق مـدي=والأنجليزي خـار مـن فرسانهـا
والبرتغالـي لاذ منهـا ملتـجـي=ببواخـره واسطولهـا وربانـهـا
فيها القعيطي والكسـادي محتبـي=والواحـدي واليافعـي شجعانهـا
والعوبثانـي عندنـا والشنفـري=وابن الحمومي والبطـل سيبانهـا
وعيال نـوّح اهـل دار العكبـري=ورجال كندة هـم حمـاة أوطانهـا
والعولقي والصيعـري والعامـري=وابن الكثيري لي مسـك بعنانهـا
والجابري مـن عندنـا والثعينـي=وعيـال نهـد الباديـة حكمانهـا
والليث في الصحراء المنهالي أخي=والقائـد الكربـي يشـد أركانهـا
وابن الوزيري والعمودي مغتضي=والشهم باعبـاد شيـخ ازمانهـا
وإخواننا السادة عيـال الهاشمـي=هم قـادة الديـرة وهـم أعيانهـا
والختم صلوا عالشـفـيع المهتدي=بعداد حـب الرمـل فـي كثبانها
=2
=قصيدة في الغربة والحث على طلب العلم وعمارة الأوطان:
ابـدي كلامـــي بالعـلـي رب البشـــر=ياالله طـلبـتـك يامـهـيـمــن يــاودود
يـارازق الحيـوان فـي بحــــــرٍ وبــــــر=يا لي خلقت الأرض واعليت الوجـود
ذا فصل والثاني على المعنـى هـدر=هاجس عوض بالشعر من بعد الركود
منّي سلام الفيـن لـك يابـو عمــــــر= وسلام بالمليـون عـاأرض الجـدود
وسلام ثاني عام عاكـل مـن حضـر= من الاهل والإخوان موفيـن العهـود
كل من حضر مجلسك عـارأسه نثـر= تسليمنا مقـرون بأصنـاف الـورود
منك وصل مكتوب عـاثلاثـه شهـر= مـرّت علـى تاريـخ تحريـره وزود
ما راض لي هاجسـي بيّـت يعتكـر= بيّتت ديـر الفكـر ماشفـت الرقـود
عاذكركم سهران طـول الليـل جـر= لمّا اعتلت رمحين عارؤوس الحيـود
والبـدع يامحسنـه لكـنـه زهــر= وحصادهن عادته يأتي فـي الـردود
وان كان نوع الزرع حالي بـه بشـر= ساعـة حصـاده بالحـلاوة بايجـود
وان كان زرعك قار وش بـا تنتظـر= غيـر القـرّرة لـي تـزوّع بالكبـود
وذكرت في الغربـة وتبعـات السفـر= والمـال واتعابـه وتجميـع النقـود
واحد وواحد فوق خمسة فـي الكمـر= واثنيـن وثلاثـة حسبهـم ياعبـود
صاروا ثنعشـر قـرش باعداد الشهـر= في العام – ذا لاقدك من صنف القرود-
منهم خصم ستـة مقاضـي للسفـر= واثنيـن تفسيكـة لحـراس الحـدود
واثنين منهـم نـول لاتنسـى صبـر= خلّيك والحضّـار عالحسبـة شهـود
وان عاد شي زايد محض به في الستر= والّا نـزل بـه للسواقـي والـبـدود
والنول للمرجـاع مـن أهـل المـدر= شلّـه سلـف لاقـدك لهْنـا باتعـود
وان عدت قالوا لك تفضـل وانتظـر= ريّح قعد في البيت مع لي هـم قعـود
وقت العمل ما اليـوم ولّـى واندثـر= والناس بالعشرات في العزبـة رقـود
غربـة تعيبـة ذوقهـا قيّـر ومــر= كل من تجرّعهـا راى الايـام سـود
من ذاقها يمشـي كأنـه فـي غـدر= ما يفنّد الصاحب من الخصـم اللـدود
واجبـك ياعاقـل بغـيـرك تعتـبـر= لاقـد وقـع مسعـد تحـذّر ياسعـود
لاتنتظـر لمّـا يداهـمـك الخـطـر= قم واحتـزم للثعـل بحـزام الأسـود
من أجل نبني صرح شامـخ مزدهـر= واجـب علينـا كلنـا بـذل الجهـود
نحن هنـا نجمـع مـواده والحجـر= وانتم عليكـم حفر- للسّاس - المقـود
صبّوا سواس الصرح عـاصلب الوصر= وبنوا بناء شاهق مميّز فـي الوجـود
خلّوا الإضـآءة فيـه دايـم تستمـر= والنور نـور العلـم لانـور الوقـود
بانصحك عالتعليـم ياطالـب صبـر= واحسب صدورك قبل تحسب للـورود
ثبّت ركونـك فـي بـلادك واستقـر= واصبر عسى يأتي مهب ليلـة بنـود
وتشوف من قد شفت موقن بالبصـر= ماهو خبر تسمعه من واشي حسـود
من كان حافي لابـس الثـوب الغبـر= بالامس قـده اليـوم تأتيـه الوفـود
والدهر له يومان مـن خيـرٍ وشـر= وان كان لك مسهله بالشعـرة تقـود
وتدوم مع من كـان للمولـى شكـر= وحمده مخلص في ركوعه والسجـود
وتـزول مـن يـد ابـن آدم لابطـر= ماشفت آفـة للنعـم مثـل الجحـود
هـذا جوابـي يارفيعـيـن الـقـدر= وان كان عدتوا بـاذن ربـي بانعـود
وختمتهـا بسـلام عـا خيـر الديـر= لي حدها من حجـر لمـا قبـر هـود
والفي صلاتي عالنبـي عـدّ الشجـر= وازهارهن واوراقهن فـي كـل عـود
واعداد حب الرمل وطشـوش المطـر= واعداد ماحنّـت على الـرؤوس الرعود
=3
=محاورة بين جلوي السبع باعنس وعوض علي الجوهي:
=الجوهي
حيران لا صاحي ولانا نيم = من شوق في قلبي ولوعة
لربوع مايرعى بها إلّاالريم = وجبالها جنه وروعة
فيها الفواكه والعنب والليم = من حمل قد دنت فروعه
ومروجها تبهر بلا تقليم = وعيونها تجري بطوعة
وطيورها تسمع لها ترنيم = والورد ينفحها بضوعه
والظهر فلعادة سماها غيم = وسحابها تهمي دموعه
فيها الوفاء والعلم والتعليم = يرضيك في كمه ونوعه
فيها نشاما ينكرون الضيم = كلين قد تمت شروعه
يمشون عامبدأ وعا تنظيم = هانين وانفسهم قنوعة
لاعندهم فوضى ولا تعتيم = والحقد مافي والقطوعة
بالشكرعاشوا في رخاء ونعيم = والشكر ماتيبس زروعه
=السبع
يامــرحبا بك مايـسبّل ديــم = واسقى الوطن واخضر ربوعه
واعداد من يجلس ومنهو قيم = خاشع لربه في خشوعه
اهتز وجداني لذا التجسيم = طراز تجسيمه بروعة
زلزل فوادي حطمه تحتطيم = حتى انطفت اضوا شموعه
اول سطوره ابدع التصميم = مثل القمر ليله طلوعه
هاجت بي الذكرى بلا تقييم = واحتار دمي في فروعه
كل شي كسره قابل التلحيم = والقلب من يبري قطوعه
ياديرتي لك شوق جيم وميم = والقلب لك يامل رجوعه
اهلك صـلاب الروس والترغيـم = للقاسي العاصي ونوعه
اذا ركع واحــد ركع تعظيـــم = تجليل للمولى ركوعه
دوب التواضع شرعهم ويديـــــم = اقوام بالنخوة طموعه
فــقــيرهــم مــاضــيع الــــتكريم = يكرم ولو يمسي بجوعه
=الجوهي
احســنت ياشــاعر ذكــي وفـهيـم = صبت الهدف وبلغت شوعه
حـــاذق بــعــلــم النــحو والترقيم = والفقه ماهر في بيوعه
منـطــقــك لــه مــعــنى ولـه تقسيم = مثل العسل ذي في شموعه
مايـشــتـرى بالــفــلـس والـمـــليم = وغلاوته من طيب نوعه
تــســتاهــل الاجــلا ل والتــكريم = يا الماس منته عود خوعة
=السبع
كـــلام متسلسل كمـــا التــقـــويــم = تقلب وللاعلى طلوعه
مبنى مســــلح مايــبــا تــرمــيـــم = ضد العواصف في دروعه
غــــرس الاصــــالة طيب التعقيم = تشرب كرع صافي جذوعه
سلام من شــــــاعــر لــكم تعــميم = من ما احتنت فوقه ضلوعه
موشــوم بالعــــطرالشــذي توشيم = ريحانته تسبق وقوعه
كلــما انــبــلج نوره جلا التـعتـــيم = وينور الدنيا سطوعه
=الجوهي
لك بيـــنــنا مـــوقع وســاس اقديم = راسخ وشامخ في رفوعه
ماهو مطرّف في الــــفؤاد امـــقيم = ثابت ولاشي بايزوعه
وش بايزوعه ذي سكن بصميم = القلب وتملّك ربوعه
ورضيت بك صــاحب وفي ونديم = ماشي في الدنيا يروعه
يلقي خصومه كلهم في صــــــــيم = والجيش يتقدم جموعه
لك بانبــصــم كــلنا تبــــصـــــيم = يافجر نترقّب طلوعه
=السبع
باقول كلمة مابــــهــــا توهـــيـــــم = لك قدر شفت الكون سوعه
عـــمــــري فـــداكــم رهن لتسليم = والروح لقداكم هلوعه
حتى الجــســـد باقـــدمـــه تــقـديـم = في الساعه الظلماء الجزوعة
يـــامـــن لــكـــم عادات بالتلطـــيم = لطم الغريم وكسر كوعه
مــبعد مشــيتو في طــرق تــلــويم = ولا على درب الميوعة
صفوة عــــيال ادم فــي التــقــيــيم = ياقوم بالعليا طموعة
=4
=عوض علي الجوهي:
ماباتعذّر ياعريقين النسب= يااهل الأصالة ياسليلين النجاب
يابالعبيد الفخر ياساس الحسب=يااهل المرؤة ياعزيزين الجناب
يااهل الصدارة والشجاعة والسلب=يااهل الجسارة عالشديدات الصعاب
يااهل البداهة والنزاهة والأدب=والباع الأطول في الفصاحة والخطاب
ياالقبولة ذي كيرها مشبوب شب=ياسنح جنبي والدفى يوم الطلاب
ياباذلين الجود في اليوم الشهب=للخصم ياتاريخ مافيه ارتياب
ماباتعذّر باتحمّل ماوجب=بدلي بدلوي يارفاقي والصحاب
ببدع وباسطّر حروفي بالذهب=من باب واحد بافتح تسعين باب
بزمل على رهوان باشد القتب=ذي قده حاذق بالملاوي والعقاب
باسير معكم من رجب لما رجب=لولا المشاغل ذي اجبرتني عالغياب.
=الشاعر/جلوي السبع باعنس:
بكتب بقول الحق وبما الذهب=وبمنتها قول الصراحه في الخطاب
سيبان يهل الطيب ياكير اللهب=يهل الوفا والجود عالين النساب
يابحر زاجي موج ماعمره نضب=ياحاميين الدار وديان وهضاب
يشهد لكم حاضر وما عدا وهب=ويشهدون الكل شيبان وشباب
نيرانكم للخصم دايم تلتهب=احرار ما تجثون لصناف الصعاب
القبوله ماهي لمن هبا ودب=لامثالكم ياانمار ياالروس الصلاب
=الشاعر الشيخ/حيدرة بن قطمان:
ويقول بن قطمان لاهب المهب=برسل رساله عاجله فيها خطاب
ايلاف حيا بك عدد رش السحب=واعداد ماقد حط ماطر عالشعاب
من عزني عزه وقدم ماوجب=والذئب حيا به وياحيا الذئاب
سيبان ساس القبوله وقت الطلب=رجال قطّاعه وتاتي عالطلاب
والمخيره والجود هم ساس العرب=واجدادهم هم ذي يشلون الحراب
حاسب لهم حسبه وغيري قد حسب=والعز والمقدار ماله شي حساب
والله جمعنا بالقوافي والادب=والكلمه الزينه ولبعد جيد خاب
ومن ذرا له ذري طيب قد صرب=اكيد بايرتاح في يوم الصراب
التوقيع :
وقل ربِّ زدني علماً

التعديل الأخير تم بواسطة الجوهي* ; 09-28-2011 الساعة 02:56 PM
  رد مع اقتباس
قديم 09-28-2011, 03:04 PM   #2
الجوهي*
شاعر السقيفة

افتراضي

=مساجلة بين عوض علي الجوهي ومحسن صالح بالماح المشجري على المثمون:
=الجوهي
يارفيقي دحق*من مادحـق صـار مدحـق=بالقـدم يندحق*والنـاس تولـف دحيقـه
جبت حقـي وحق*لاجنـب حقـي تحقـق=بالقنا والدرق*كـل خصـم نشفـت ريقـه
ماعرفت القلق*من كان به ضعـف يقلـق=وأنت منّـي تلق*يالـي بغيـت الحقيقـة
ماتعسّروشق*عالنفـس تابعـه وألـحـق=من تصبرسمق*وارسـى قواعـد عريقـة
=الــــمــــشـــــجـــــري
عذ برب الفلق*وارجع الـى ربـك الحـق=ذي خلق من علق*واشكره في كـل دقيقـه
هـو وحـده خلـق*آدم وحـواء وخلّـق=ثم ذرا ما خلق* وارسـل نبـي للخليقـه
وصفكم فيه حـق* بيـن القبايـل تفـرّق=عند كـل الفـرق* كليـن يمـدح فريقـه
من زمخ لاعتق* غرب صديقـي وشـرّق=جاب حقه وحـق* شلـه بـلازا الحقيقـه
=تـعــقــيــب الـمــشــجــري
شفت بارق برق* وارعـد وبعـده تفـرّق=مثل نور الشفق* خلف الجبـال الشهيقـة
حاسب انه دفق* بالودق والسيـل طـرّق=لكن السيل دق* في الحيد واهتـف دقيقـة
عاد سـده عـرق* وجبـال مـا بتطـرّق=قل لمن هوسمق* يرجـع يـدور طريقـه
=الــــــجــــــوهـــــــي
بالقـي لـي مـرق *ببحورهـم باتمـرّق=والمحيـط الـزرق* ماشوفـه إلا مريقـة
كل شامخ برق *مـن بعـد ماكـان أبـرق=بيتحوّل ورق* من نفـث هجسـي بريقـه
من يهاب الغرق *يبعـد ومـن راد يغـرق=بايذوق الغـرق *ولحـاق بأمـة غريقـة
لاتمر في نفق* ياصاحبـي خـاف تنفـق=والمحب لا نفـق *يوجـع محبـه نفيقـه
=الــــمــــشـــــجـــــري
من غلق لا غلـق* وش بايفـك المغلّـق=يارفيقي تبق* شـف ذه مهـاري غليقـه
لا تقع لي بشق* في ثـوب بالـي مشقـق=فيه ستين شق* كل شق كبر مـن شقيقـه
ما قريت العلـق* والقارعـه قبـل تعلـق=إن كل من صدق* فالصدق فيـه الوثيقـه
والذي ما صـدق* بيكـون دايـم محـرّق=عيشته في حرق* والموت بعـده حريقـه
=الــــــجــــــوهـــــــي
طحت في المنزلق* ماليـوم تـوّك تزلّـق=ياتقي من زلـق *فـي المنزلـق بانذيقـة
من صديد العرق *بجعلـه يمغـط ويلغـق=يجتـرع مالغق*والنـاس تسمـع لغيقـه
بايظل في الوهق *من في شراكـي توهّـق=وانت جيت الوهق *ودخلت في عمق ضيقه
مثل ناغـق نغق*لمـا شبـع قـام ينغـق=جاه سبع الحطق*وقضمه واسكـت نغيقـه
=الــــمــــشـــــجـــــري
لـو تحـط الحلـق* عالـدار والا تحلّـق=في السما بالحق* باجيـب دقنـك حليقـه
الجمل لا انطلـق* والقيـد حقـه تطلّـق=بايشـف العـرق* ذي كانـت اول تعيقـه
هاجسي لا نطق* بايجيب لي خير منطـق=من تعدى النطق* بجعلـه يشـرق بريقـه
من تمدح سحق* تحت السنابـك تسحّـق=يسحقونه سحق* والناس تنظـر سحيقـه
=الــــــجــــــوهـــــــي
لي تحمّل طبق*من فـوق رأسـه تطبّـق=جابها في الطبـق *مـن شـل مالايطيقـه
انطهى واحترق* في نار حمـراء تحـرّق=من بغى ينحرق *يدخل يشـوف الحريقـة
قلت لـه مـن دهق*ياصاحبـي أوتدهـق=بايجـي فـي رهـق *مابيتحمّـل رهيقـه
بايبيّت ينـق *فـي قعـر موحـل ينقّـق=مثـل ضفـدع ينق*كليـن يسمـع نقيقـه
=الــــمــــشـــــجـــــري
هاجسـي مانبلـق* مايعـود للـي تبلّـق=شي معك ما انبلق* لاباس بالقـي عقيقـه
خل عنك الحنـق* يالجيـد لاعـاد تحنـق=لا دخلك الحنق* بايجـي براسـك شقيقـه
قول منـي سبـق* جبتـه تبـا بالتسبّـق=خيلكم في السبق* خلف الخيـول السبيقـه
شفـوا هـذا رفـق* وانـا بكـم باترفّـق=باسكنك الحدق *في قصر له كـم حديقـة
=الــــــجــــــوهـــــــي
مانربـي سرق*نابوحـسـن لا تـسـرّق=عادتـي ماسـرق*ولا تقـبّـل سريـقـة
منطقي متسق *زي عقـد لؤلـؤ منسّـق=منتظم عانسـق *واحـد توالـى نسيقـه
والمعالي عشق *والنـاس كليـن يعشـق=بايون مـن عشق*لمـا يلاقـي عشيقـه
بالحصى يرتشق*في شان خلـه ويرشـق=بالمشوّك رشق*من شاف طيـف الرشيقـة
=الــــمــــشـــــجـــــري
مايهم من زعق* بالصوت خلـوه يزعـق=ما صدق من زعق* في الناس واكثر زعيقه
ذي يحل بالسلـق* جانـا بغـى بيتسلّـق=جاب فرشه سلق* وقـال انـا عالسليقـه
ليل جانا الغسق* وعيون بالدمـع تغسـق=مثل وبل الغسق* ذي حط بليلـه غسيقـه
بو حسن ما زهق* من هرج اصبح يزهـق=والملـل والزهـق* ينثـر علينـا رحيقـه
=الــــــجــــــوهـــــــي
بوحسن ماانخنق* عادات له دوب يخنـق=من تعب واختنق*يطلـب يخفـف خنيقـه
ضغط عالي صعق*بالقول والفعل يصعـق=من قربـه انصعـق* لوماتعمـد صعيقـه
مانطق غير حق*ماشرب زجاجـة معتّـق=وانتشى واختلق* منطـق يجافـي حقيقـة
والــذي مااتفق*معـنـا ولابـايـوافـق=منطـقـي مانطق*مابانـلاقـي طريـقـة
تجمع المفترق*لـي مـن جـذوره مفـرّق=فرق بيـن النبق*وألمـاس يلمـع بريقـه
  رد مع اقتباس
قديم 09-28-2011, 03:06 PM   #3
الجوهي*
شاعر السقيفة

افتراضي

=بن سميدع , باعنس والجوهي:
=بـــــــن ســمــيـــدع
هاجسي ما ذلحين شب النـار شـب=لما يجيـب اللـول فالبحـر الغويـط
ياباعنس عاالنـار حطينـا الحطـب=لما نجيـب التـخ والجلجـل سليـط
=بـــــاعـــــنــــــس
يامرحبا في قـول مثـل النـود هـب=ريت الزمن يرجع كما لـف الشريـط
كل من تسرع جـم بيطـب فالمطـب=لايحسـب انـه بـر قدامـه محيـط
=بـــــــن ســمــيـــدع
ياهاجسي ذلحين فـي وقـت النشـب=وانا عبيط النفس من طبعـي عبيـط
فالجيش متبختر وملقـي لـي رتـب=عاد السفن فالبحـر بتحاقـط حقيـط
=بـــــاعـــــنــــــس
كثـروا قـلال الخيـر وقـلال الادب=قدنا معاهـم فالزمـن صرنـا خليـط
روح زمان العفو مفتـول الشنـب=معاد حد غير الهـدل تخبـط خبيـط
=بـــــــن ســمــيـــدع
نظّم قوافيّـك معـا كم مـن شعـب=ذي يسرطون الخصم في ساعة صريط
والسبع بانحسبه مـن جيـز الذيـب=يالسبع خلـك فـي قوافيّـك نشيـط
=بـــــاعـــــنــــــس
كلام مثل المـاس وحـروف الذهـب=باسوق في قولـي وباخطـه خطيـط
يابـن سميـدع يأاصيليـن النسـب=لجلك مياه البحـر بشفطهـا شفيـط
=بـــــــن ســمــيـــدع
لجل الكـلام الزيـن بافـك العصـب=لو بايجـون البـدو حـلان الوقيـط
ولا يجو الدهمي مع اعيـال الكـرب=ذي خلو العاصي فـي الدنيـا بسيـط
=بـــــاعـــــنــــــس
مهما تعصّى الامـر او امـره صعـب=اوصل بلا ذلة ولا حـد لـي وسيـط
الله كساني ثوب ساتـر لـه سهـب=ما بلبس الملبوس والثـوب القنيـط
=بـــــــن ســمــيـــدع
نبو على المبعـد وذي مبعـد قـرب=باتلبس الليلة معـي شيـذر حطيـط
عاد الحليلة فيـك يالشعـب الـورب=ماباعنس ينفـط فـي الدنيـا نفيـط
=بـــــاعـــــنــــــس
ما هو لقوله كفو فـي هرجـه كـذب=من هو بيملي بحر من حفـرة وقيـط
امعن في الحاضـر وراجـع ماذهـب=ماهـو بكثـر الهـرج ولا بالخريـط
=بـــــــن ســمــيـــدع
ناصحت بعض النـاس هـذا مايجـب=قد خير لك تفسـح وتـرّك فالزنيـط
نحن درسنا الوضع وعرفنـا السبـب=كلـه مـن الشيطـان جـده فاقليـط
=بـــــاعـــــنــــــس
من هو على الناموس والعز اصطلـب=سميـك درعـه مابيخدشـه القشيـط
سليـم متعافـي ولا جـاه العـطـب=ماهو كما المختـل والعصـرة قطيـط
= الـــــجـــــوهـــــي
ساسه معاني وافيـة ماهـو خشـب=حصن العبيدي ذاك ذي أاسسه شيـط
وانتـه كسيتـه باللالـي والـذهـب=ونسجت ثوبه وانتقيته خيـط خيـط
=بـــــاعـــــنــــــس
مهما يكـون النسـل يبقـى الأب أب =بالعقل والمنطق وبالمعنـى الغويـط
وبارميدي زبنهـم مصبـوب صـب=والباقيين أسوار مـن حولـه تحيـط
=الـــــجـــــوهـــــي
ذريـك مصفـى ماتحركـه المـهـب=تنقي حبوبه في الوصر قبل الصبيـط
كسب الجهيمي منتقى من خير حـب=مهْو المغمّض ذي يشعْـطونه شعيط
=بـــــاعـــــنــــــس
سلام يادسمال فـوق الـراس كـب=تحفة تـراث الجـد ومثمـن نويـط
سـلام يالجوهـي عنـاويـن الأدب=لآباك واجـدادك ولاهـو بالمعيـط
=الـــــجـــــوهـــــي
جلوي عن الـزلات بذلولـه جنـب=ورقى بها في الزحر يلشطها لشيـط
يمم مـراده مـا تشكـى مـن تعـب=واليـوم مايبلـغ مـراده لا النشـيـط
مثل الجمل هاجسي يـردف بالغشـب=مايستقـر والنـاس عادربـه تميـط
عنْه الحجر واليوم قرقـر وانتشـب=من بعد ما قد كان يهـدر مستشيـط
=بـــــاعـــــنــــــس
بحري غزير الموج عـاده مانضـب=واعشق ثراء الابداع ماحـب اللقيـط
واطرح مثيلك بين عينـي والهـدب=وافرط من التقديـر والعـزة فريـط
هاجس معـي بركـان يتكلـم لهـب=لشجـار والأحجـار يقرطهـا قريـط
ويلتهم كلْ شي فـي وقـت الغضـب=يقذف حمم لا هاج واختـل الضبيـط
=الـــــجـــــوهـــــي
يامرحبا باقوال مـن شاعـر شبـب=يتقن وزان الشعـر يربطهـا ربيـط
مايعرف القاصـر ويوفـي ماوجـب=ذا مشهدي وٍشْهِد لجده بـن سميـط
=بـــــاعـــــنــــــس
لا الند مثلك كفـو بوثـب لا وثـب=بشقط في الاحساس والمعنى شقيـط
والند لا هـو فسـل ولا بـه جـرب=مالي غرض بالقول والمعنى الهبيـط
=الـــــجـــــوهـــــي
راسك غلب ياباعنس راسـك غلـب=يشهد لك الحاضر وفي العصر الوسيط
ذي قد مضى بايشهد السيف الحـدب=انك ترد الصعـب والقاسـي بسيـط
=بـــــاعـــــنــــــس
الفخـر بـك يابارميـدي والعجـب=والراس يبقى الراس مايرجع سقيـط
توفي مع الوافي ولو عظمك حطـب=واهل الدنى والعيـب تخبطهـم خبيـط
  رد مع اقتباس
قديم 09-28-2011, 03:08 PM   #4
الجوهي*
شاعر السقيفة

افتراضي

=كيف السلا وفؤادها مجــروح:
كيف السلا وفـــــؤادها مجروح = والســهم باقــي في صـميمـه
قدها ثنعـــــشر عالعـيال اتنـوح = ماحـــد رجــع راحوا طهيمـة
شلوا نفـسهم في سفــينة نــوح = والام تــــركــوهــا سقـيـمـة
هيكل ممــدد عالـــوقا مطـروح = منهــوك وعظـامه رميمـة
ما فيه شي غير النسم والــروح = تجري ضعيفــة وسط ديمه
راحوا وباعوها لقـوم اربــوح = بيعـــه كـذا مـن غـير قيمــة
واليوم ترقص رقصة المذبـوح = لي ينذبح وابنـــه غريمــــه
ماهو طرب ذا لا فراق الـروح = يؤلمــــه والفرقــــة اليمـــــة
ويــن القبائل زيهـــم وسمـــوح = واهــــل البسالــة والعـزيمـة
باقـــديم وامـثالــه وبادحيــدوح = وابنــاء حســن مول التميمــة
حلــكي وجوهــي ذريه المنقوح = حــكمان سيبـــان العظيمــة
والعــكبري وينـــه وباجنـــدوح = والعــوبثانـــي وابــن زيمـــة
وابن العبيدي باكتب في اللوح=سلمي وحياني قسيمـــه
وقبائل الجعدة ســـرى وسروح= والديني نسمــــع هميمه
وابن الحمومي لى سكن لسفوح = بـن علي هو راس العصيمة
واولاد كنـدة قـوم بـن مقـنوح = لـــى شيـــدوا دولـة قديمــــة
وعيـــال ظنــة صيتهــم ممـدوح = في الفضل حازوا كل شيمــة
وآل العفاري ساكنين اشحـــــوح = شف قبولتهم ماهي نيــــــــمة
بركان هاجد لاند ر بطفــــــــوح = بيردها عالرؤوس غيمــــــــة
ماتسمع الداعي د وي وقـــروح = راعد وبارق في حميـــــمة
صبّاب واحد عالمد ن ذالــــوح = وعلى القرى شارة عميمـــــــة
والسيل لحمربايصل لسطــــوح =والشرب بيقع شرب صيمـــــة
والدائرة بتدور عالمفضـــــوح = لي قال مســـهلها لقيمــــــــــــة
ردوه لأهله في كفـن ومســـوح = والا بعــاهة مـسـتديـمـــــــــــة
او وسعوا له لابلده ايــــــــروح = ماحد بغا ضدحه وليـــمـــــــــه
وختامها عنبر ومسك ايفـــــوح = وامان ومـعــيشة كـريـمــــــــة
ووئام ومــودة تعـيد الـــــروح = في جسـمـنا لي طـال ضـيمـــه
تمت مـقـالـة جـالية بوضـــوح = يااهل الــفـطر لي هـي سـليمــة
واضح مبين كل شي مشروح = لاحد يظـن فـيها ســـخيـمـــــــــة
والفي صلاتي عانبي انصوح = مبعوث يرشــد للـقـــويـمـــــــــة
جد الحسن عد الزهر في الدوح= متكــررة له مـسـتديــمـــــــــة
  رد مع اقتباس
قديم 09-28-2011, 03:14 PM   #5
الجوهي*
شاعر السقيفة

افتراضي

=بدع وجواب بين جلوي السبع باعنس وعوض علي الجوهي:
=جـــلــــوي الــســـبـــع:
من قسوة البعد قال السبـع فـاض الألـم=والضيق في الجوف حسه في هجوري لطم
والقلب مذبوح عبر الشـاش يقطـر بـدم =والشوق بالصدر منه كـل ضلـع انقسـم
=عـــــــوض الــجــوهـــي:
بي شوق لرهاو ياجلوي ولصيـاق جـم =ودقام شترة وكم ياحيـد مصمـوم صـم
ولصوب ودروب فيها ينجلـي كـل هـم =بين الشناطيب في سعف الظبـاء والغنـم
والمشط والبان والشوحـط وياكـم وكـم =والخبز مجمور في المجمر ولحم الوضـم
والماء كرع في القلوت الصافية والحجـم =ممزوج بكتاد والسخبـر دواء مـن تخـم
وهواء نقي يشرح الخاطـر يـرد النسـم =والأرض ديباج لاقد غابت الشمـس نـم
لاأرض لعراب تشبههـا ولـرض العجـم =والكنش يعجبـك لارجّـع وصوتـه نغـم
وش عاد بيقول غير الصبر والصبر غـم= والشوق مبـراة والمشتـاق مثـل القلـم

التعديل الأخير تم بواسطة علي فدعق الهاشمي ; 02-18-2013 الساعة 07:25 PM
  رد مع اقتباس
قديم 09-28-2011, 03:26 PM   #6
الجوهي*
شاعر السقيفة

افتراضي

=بدع وجواب بين فؤاد سعيد باطويح وعوض علي الجوهي:
=باطويح:
ويقول بـو عـنتـر أخـذت الـمسـطـرة=ومسكت في يدي قلم غالي ثميــــن
جبت الدفاتر والورق في المحضرة=ولقيت لي كرسي وشاشة عا ليميـن
وطلبت قهوة ساخنة في الـمـعـشـرة=وجلست فكر في مشاعر كل حزين
وكتبت قصة عـن حـيـاتـي مـشـفـرة= شفرتها تشفير عامـر الـسـنــين
قصـة حـقـيـقيـة ومــا هي مـسـخـرة= دائم ترويــك العـجــب دنـيـا وديـن
فيها لـمـن يـفـهـم بـرأس الـمـقـطـرة=مفعولها جاري ونا بـعـدي جـنـيــن
ظلت معي تمشـي بحـرّ الـمـجـمـرة=وسعيرها يــلهـب وزادتـنـي ونـيـن
بلغت معي داخل بعمـق الحـنـجــرة=سالت بها دمعات وجرحن الجبيـــن
فكرت في الـدبـلـوم قـبـل الـدكـتـرة=ضاقت بي الدنيا وإبــلـيـس اللــعين
والحين هذا عـادنـي فـي الـسنـتــرة=حتى الحكم عنــي تــأخـر دورتـيـن
وخلاصة المقصود دنيــا مــحـيــرة=ندفع ثمـنـهـا فـي حـيـاتـي مـرتـيـن
وشباب هذا الوقـت هـمـه مـظـهـره =أما أنا همــي عـليــه الــلــه يـعـيـن
شف هكذا حــولي حـبـال مـزرزرة=أما عــلـــى عــنقــي سلاسل ماكنين
ومنتظر ساعة تجيــنــي مـمــطــرة=وتعود أيام الفتــى بعـد الــحـنــيــن
يا الله بعـوده للحــقــول المــثــمــرة=ونشوف حبات العنـب واليــاسمـيــن
صاحبك واحد من ضحايا المجزرة= يابوحسن وحلان والله المعين
يمسي مشقّف والعـيـون مـسـمــرة=والناس من حوله جميعا راقـديـن
هت لي خبر شــداد وابـنـه عـنـتـرة=سجل حكايـتـهـم بـيـدك بـالــيـمـيــن
واكشف حقيقة كيف مات الـشـنـفـرة=واسرد حكاية قيس ليلى العاشقيــن
والفرق واضح بيـن مـالـك جـوهـر= واللي معه في اليد بس تربه وطيــن
ودفنت إحسـاسـي أنـا فـي الـمـقـبـرة=والصمت لازمني وصفـرت اليـديـن
ورفـعـت يـدي لـلـعـلـيـم اسـتـغـفـره = واطلب رضا ربي ويرضى الوالدين
وطلبـت مـنـه كـل أمـوري مـيـسـرة=ويزيد في رزقي ويسعدهـم ثــنــيــن
ويعيدني مره لـهــم والــمــعـــذرة=لو شي زلل مني بدر أو هرج شين
حظي معك أرجوك بس لا تقهــره =وخل قلبي والمشــاعــر ســالــيــيــن
واطلب لي الله لي بـيــده الـمـــــقــدرة=هو ربنا واحنا لوجهــه سـاجــديــن
وارفع كفوفك واطلبه بالــمغــفــرة= ذا قول بو عنتر ومنـك نـاظـريـن
=الجوهي:
خذت القلم هو والورق والمحبرة= وشرعت في نظم الأبيات الوافيين
وابديت بسمك ياعظيم المقدرة = يامعتلي ياصاحب العرش المتين
أسألك عفوك والرضى والمغفرة= وأسألك تجنبني بلطفك كل شين
ذا فصل والهاجس تلاقت أبحره = يهدر وموج الشعر يتراطن رطين
ثمْ قال من بيت بليلة مقمــــرة= سهـــران يتدبّر كلام المـبدعـين
أحسنت ياشاعر قوالك مبهرة= فيها الذكاء والعمق والنطق الرصين
ياابن الطويحي تستحق المفخرة=عالناس لي حضروا ولي هم غائبين
والفضل لك ثابت ولا حد ينكره = موصول من عهد الجدود السابقين
أهل الذكاء وأهل الثراء والميسرة= وأهل المرؤة والشروع الوافيين
وأهل الاصالة والعروق المجذرة= وأهل السماقة والفروع المبعدين
وأهل العلوم النافعة والمثمرة =وأهل النزاهة والسماحة واليقين
تاريخهم خالد وهم في المقبرة = وأولادهم عالنهج ذاته سائرين
كلين يشهد به وفي كل محضرة= ما يختلف عاجزء من ذلك ثنين
وذكرت لي قصة بحــق مــؤثــرة=عاذكرها تجري مدامع كل عين
وفهمت قصدك والحروف المضمرة = صارت أسامي يارفيقي ظاهرين
ومحصلة ردي على ابن القسورة=عالسبع وابن السبع سلطان العرين
يا ابن الطويحي إذا تريد المشورة=مني سمع ياحصن كنعان الحصين
بابك إذا ديره نقى من محوره= يثقل ويصبح صعب دفعه باليمين
يتعبك تصكـــيره إذا بتصكـــره=تحتاج له عصبة معاك امساعـدين
وأفضل طريقة تأخذه لا المنجرة= من أجل تلقي له رواتج ثابتين
وبها تعيده لا نطاق السيطـــرة= وتصكره باصبع فقط أو باصبعين
ذا لي نظمته والختام المعذرة= منكم ومن الأجواد لي هم حاضرين
والفي صلاتي عالحبيب معطرة=عالمصطفى سيد الكرام المرسلين
عد الحصى والرمل وحبوب الذرة=وحبوب كل نابت على مر السنين
  رد مع اقتباس
قديم 09-28-2011, 04:50 PM   #7
الجوهي*
شاعر السقيفة

افتراضي

=والقوافي تجي طيفة على أثر طيفة:
=عوض علي الجوهي
بوحسن قال أول بدع لي في السقيفة=بافتح باب للشعار من نـوع ثانـي
باسكت بعد حمْد الله سكتـة لطيفـة=باقرأ بعدها آيـات سبـع المثانـي
... رخصوا لي ولو أن البدايـة كليفـة=بانثر ماتوسلته معـي فـي ثبانـي
مامعي في ثباني شيء دراهم نظيفة=مامعي لاالمعاني حاكمات المبانـي
هن كليمات والكلمة ثنعشر صحيفة=الرضى والقناعة والوفاء والتفانـي
=الشاعر/جلوي السبع باعنس
الف حيا بشاعر والحروف الكثيفـة=صاحب الباع لطول في غزير المعاني
ذي كلامه عبر . يشرح مبادي شريفة=هرج متقون فاخر مثل شغل المجاني
واجبي باسلك دربه وبوخذ نصيفـة=في بنى البرج ذي شيده فوق المباني
بضع كلمات باقدم نصايـح لطيفـة=استمر لا يهمك كل حاسـد وشانـي
ساعف الجيد في مشيتك خلك حليفه=وابذل الجبر لان العمر ضايع وفانـي
=عوض علي الجوهي
مرحبا مرحبا ترحيب عالـي هتيفـه=يالجهيمي رحب منطقك زلزل كيانـي
وانتشى هاجسي لما بدأ لـه كويفـه=قال بسقيه من صافي عسل من سقاني
شادلية وبلْقِي لـه حـراوة وضيفـة=لويكون الثمن غالي دعاء من دعاني
بايلبِّيـه مايهـاب الريـاح العنيفـة=قيْم عالعهد ياجلوي معي ماعصانـي
والقوافي تجي طيفة على أثر طيفـة=والمدد بحر طامي عالسفن والموانـي
  رد مع اقتباس
قديم 09-29-2011, 08:54 AM   #8
مبارك بوشندل
شاعر السقيفة


الجنس :  ذكـــر
مبارك بوشندل has a reputation beyond reputeمبارك بوشندل has a reputation beyond reputeمبارك بوشندل has a reputation beyond reputeمبارك بوشندل has a reputation beyond reputeمبارك بوشندل has a reputation beyond reputeمبارك بوشندل has a reputation beyond reputeمبارك بوشندل has a reputation beyond reputeمبارك بوشندل has a reputation beyond reputeمبارك بوشندل has a reputation beyond reputeمبارك بوشندل has a reputation beyond reputeمبارك بوشندل has a reputation beyond repute
ربنا اغفر لنا ذنوبنا واسرافنا في امرنا وثبت اقدامن وانصرنا على القوم الكافرين.
مبارك بوشندل غير متواجد حالياً
افتراضي

نسألك يامن كنت في جودك سخي=تصلح أراضينا وتصلـح شانهـا
وتنزّل الغـفــران عالعـبد البـري=لي قد قتـل بالغـدر فـي ريانهـا
تدخله في الفردوس مع طه النبـي=يقطف ثمر وازهار مـن بستانهـا
له كل ما يطلب وكـل مايشتهـي=فيهـا ويلبـس سلمهـا وأمانهـا
في الجنة الخضراء بسندس يكتسي=تدني على راسه قطوف أغصانها


تسلم على هذه الاشعار. هذا الشعر ولا بلاش.
لا اقصد هذه القصيدة وانما الديوان.
واقتطفت هذه القصيدة للأمر في نفسي.
  رد مع اقتباس
قديم 09-29-2011, 08:55 AM   #9
مبارك بوشندل
شاعر السقيفة


الجنس :  ذكـــر
مبارك بوشندل has a reputation beyond reputeمبارك بوشندل has a reputation beyond reputeمبارك بوشندل has a reputation beyond reputeمبارك بوشندل has a reputation beyond reputeمبارك بوشندل has a reputation beyond reputeمبارك بوشندل has a reputation beyond reputeمبارك بوشندل has a reputation beyond reputeمبارك بوشندل has a reputation beyond reputeمبارك بوشندل has a reputation beyond reputeمبارك بوشندل has a reputation beyond reputeمبارك بوشندل has a reputation beyond repute
ربنا اغفر لنا ذنوبنا واسرافنا في امرنا وثبت اقدامن وانصرنا على القوم الكافرين.
مبارك بوشندل غير متواجد حالياً
افتراضي

نسألك يامن كنت في جودك سخي=تصلح أراضينا وتصلـح شانهـا
وتنزّل الغـفــران عالعـبد البـري=لي قد قتـل بالغـدر فـي ريانهـا
تدخله في الفردوس مع طه النبـي=يقطف ثمر وازهار مـن بستانهـا
له كل ما يطلب وكـل مايشتهـي=فيهـا ويلبـس سلمهـا وأمانهـا
في الجنة الخضراء بسندس يكتسي=تدني على راسه قطوف أغصانها


تسلم على هذه الاشعار. هذا الشعر ولا بلاش.
لا اقصد هذه القصيدة وانما الديوان.
واقتطفت هذه القصيدة للأمر في نفسي.
  رد مع اقتباس
قديم 09-29-2011, 05:48 PM   #10
طالب النعماني
عميد الزامل الشعبي
 
الصورة الرمزية طالب النعماني

افتراضي

اسجل اعجابي الشديد بكل بيت تم تدوينه هنا
التوقيع :
  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Loading...


Powered by vBulletin® Version 3.8.6, Copyright ©2000 - 2014, Jelsoft Enterprises Ltd. TranZ By Almuhajir
Ads Management Version 3.0.1 by Saeed Al-Atwi