<<هنا المدروف الغياضي والساحلي <<الدان >>

[البكري]

ماحد من الناس اليوم يصدق = ومن حلف لا تصدقه = عدوك ويقولك صديق
اهلك حيت مادحقوا دحق = والطريق الزين باندحقه = والناس للكذب ما تطيق

[أبونمر]

القلب من قسوته رق = والقلب لي هو فيه رقه = يعطف على من هو رقيق
والعيش هو والملح عق = في ذي يحبون المعقه = و عقيق يفرق عن عقيق

[البكري]

الزين باشبعه دق = وبايزين من دقه ورادقه = من لمسه بايشوفه دقيق
والذهب لازم ينطرق = عند الصوغ زبره ومطرقه = ولازم من حرقه حريق

[أبونمر]

هكذا يالبكري الله يعينه على الدق

[يسلم صالح بن عكعوك]

يقول بن عكعوك قلبي تحرق=سبب لجسمي حريقه
=من وغد يحرقني حريق
ليلة وجد بيت غني وصفق=فالبيت صفقه بصفقه
=والناس قامو عالصفيق
واميست له سهران قلبي معلق=ياريت ألا عاد علقه
=ذي با يعلقني عليق
ما يعرفني عادني باتعمق=فالبحر وعرف كيف عمقه
=ما همني لا هو عميق

[أبونمر]

حاول تعيد قصيدتك يابن عكعوك ماهي طالعه عندي وتقبل شكري

[البكري]

يا بونمر انت حاول تبدل استايلت عندك
القصيده عندنا طالعه ومنسقه

[البكري]

من بلبنان بايشفق = وينها الام الشفيقه = قد مات من هو شفيق
كم قلب من افعالهم رق = وحلقي نشف ريقه = افعال نشّفت كمين ريق
في قانا ارواح تزهق = والحمار نسمع نهيقه = يم ارواح باتزهق زهيق
متى للباب بانطرق = والجهاد بانعرف طريقه = والنصر في هذا الطريق

[أبونمر]

[ ماطاب لك في الوقت لق **ماليوم مايعجبك لقه
يليق بك أو مايليق

من بعدما راح الحنق **ولعاد شي في الناس حنقه
من ذي يجب فيه الحنيق
لبنان خلوها سلق ** يطوون خمسه وسط سلقه
أطفال سلقوهم سليق

[البكري]

ماليوم البارق برق = يابونمر زان برقه = با نحافظ عاالبريق
لاجتمع كل ماتفرق =في لبنان نبذوا الفرقه = وكلهم وقعوا فريق

[أبونمر]

من بايقص يد السرق =لما متى هوشه وسرقه
ما با قدر عد السريق
العود يالبكري اشترق = كسره سهل من بعد شرقه
شرقوك يالجاوي شريق

[البكري]

كل من بصبعه خرق = براحته بايرقعه خرقه
المشكله لا خرقوها خريق
العصب لازم باينطلق = بانقطعه لا صعب طلقه
وعصوبهم طلقناها طليق

[أبونمر]

لاشفت شي بارق برق =باقول لك خايلت برقه
و قابس برقها يبرق بريق

[يسلم صالح بن عكعوك]

انقع الي عمك حلق = قد حسنو راسه وحلقه
= رموزهم يحلق حليق
اشيا تدق العظم دق = قد عظم بن عكعوك دقه
= يومه قوي دقه دقيق

[البكري]

كل من بصوته صلق = كلين بايسمع صلقه = صقعان لي مايسمعون الصليق
لبّي بالطارق لا طرق = قبل حد يسمع طرقه = وداري مفتوح عاخط الطريق

[أبونمر]

النوب من جبحه فرق =لاتقول لي ماشفت فرقه
من كل أبو خرجو فريق
والعلب قد صق الورق = ولعد بقت بالغصن ورقه
ضميان مايرويه ريق
يوم الطرق بقعه عرق =كل يوم جي في وسط عرقه
وعشاي في الكبش العريق
نبغاك يايسلم بشق = وبونمر قايم بشقه
الخو مع خوه الشقيق

[البكري]

يامسهل طبخ المرق = وايش الديك وايش مرقه = ايش لك في الكبش العريق
الكبش انا به احق = وكلين يعرفه حقّه = بغيناه عقيقه ذا الحقيق

[يسلم صالح بن عكعوك]

بشرك صهيون(ن) شهق = من ماحصل قد حط شهقه
= وبوش بايشهق شهيق
ادواه جاهز ونسحق = لبنان متكفل بسحقه
= والله يسحقهم سحيق

[البكري]

مالحين قدها في الطبق = وخططهم كلها مطبقه
صاحو وقالوا مانطيق
وحزب الله بهم مارفق = ولا همه من معهم رفقه
بايقاوم ماهمه من رفيق

[أبونمر]

اربعه ربوط ياشعار شوفوها نرجو التقيد بها


زماني حيرتني يازماني *وقلبت جدي مزح =وفرحت حاسد وشاني *خليتني نبكي شنون
نعاني مما جرى لي نعاني *ماعرفت لون الفرح =من يوم خلي جفاني *ماعرفت النوم الجفون
حجاني من بعدما كنت ساني *عالدرب روح سرح =وقطف ثمر كل داني *ونشل في زايد ودون
وطاني ماتعزني لاوطاني *والمال فوقه شرح =عجزي يجي من يماني * بالرطل باطلع منون [/

[البكري]

جاني بعد ماغاب جاني * بعد ماقرصه نجح = ونا معه اول وثاني * والناس عالزين يثنون
بلاني صاحبي لي بلاني * وحمله فوقي انطرح = لي معي مايشوف الهواني * وصاحبي علي مايهون

[أبونمر]

والنعم يالبكري تسلم على الرد يالغالي

[أبونمر]

سباني بالحسن اهيف سباني *منه الفؤاد انجرح =وان غاب عني ظناني *وفيه ماتخيب الظنون
سقاني من عتم جاري سقاني *وادخل بقلبي فرح =ياريتها بالتماني *فيه الملايين يتمنون

[البكري]

اماني حياتك كلها اماني *ومن تمنّى ماربح = نفنى والعمر فاني *والبشر لازم يفنون
رماني هو لي رماني *ونا له كيلي طفح = بلي من تعلق بالغواني *وغنّى مع لي يغنّون

[أبونمر]

حواني حبه وعطفه حواني *يوم الحنان انطرح =في حكم شرعي فتاني *قبل القضاء فيه مايفتون
نساني ماظن انه نساني *صاحبي ذي له نصح =قدمت له في الصواني *من ذي في الحفظ والصون

[البكري]

باني انا للحصن باني *ذاك الحصن القرح = في جبرهم جيت عاني *والناس لجل الجبر يتعنّون
هداني ربّي هو هداني *ذلاني الطريق الصح = ومن الشر نجاني *في سعف الناس ذي ينجون

[أبونمر]

فصل جديد
حان السمر وينكم للدان يا اهله =يأهل القلوب السليه حان وقت الدان
مبطي من الدان والمدروف في غفله =تائه نسيت السلى هايم في الوديان
وديان ظهرت لنا وانهار زي دجله =وبحور منها شكى ياكم وكم ربان
لما ذكرت السمرلفيت بالعجله =وفرتت رأسي لكم يا أيها الحلان

[البكري]

الصوت لي يجي منك غصب باشله = مكتوب علي غني ونا وحلان
لان السلا والدان قط ماحد يمله = لجل السلا باجي حتى ونا زعلان
لا يابونمر الخل مايتركه خله = مايهون علي خلي حتى وهو غلطان
بانسبر الدان والمدروف ذاحله = وبايطيب المغنى وبانردد الالحان

[أبونمر]

لما متى لامتى والناس في وهله =ومن طلع قال نا باعدل الميزان
بعض الميازين كسرتها بنص قفله =والبعض ماتنكسر بالرطل والرطلان
يابومحمد ترى بوزيد في شمله = معروف لاتعول عا فيصل ولا نعمان
ولا العزب والمجيدي لاقرع طبله =مليت شفني من الهرفات والكلمان

[البكري]

ماحد من العرب يابونمر يغير دله = ومن طبعه عوج مابايرده للسمحان
تاريخ يحكي الفساد والحد قد زله = معترفين بلسنهم لا تقول ولا بهتان
ماحد منهم يستحق كلهم جمله = لا من قال للفساد بانحارب ولا الفسدان
مسكين المواطن يحلم وفي جهله = لا من تمنى با يحصلها ولا الحلمان
الملك لمول الملك هو المالك بعدله = سبحانه هو الملك بيده عظيم الشان

[مجمل]

نعم قال ايه مليت شفني من الهرفان والكلمان




ونا مثيلك نقول الحكم له اهله = مابي مهمه انا والله من بدان
مسكين مسكين ذي مايعرف القفله =يبغا يقفل ويده كلها عجزان
والعفو مطلوب لوقد جات شي زله = نبغا القياده تظل في فارس الفرسان

[أبونمر]

الدين والعرض والموطن ترى لأجله =باترخص الروح يالبكري وكل انسان
مخلص لموطنه ولدينه يقل هزله = ويزيد جده وصدقه دوب مش أحيان
لاحد يقول اليمن عيفه ولا فسله =العيف في اهلها من قادم الأزمان
ذي سيبوها وخلوها بلا طبله = تفتح وتقلد لصومالي وبن علوان

[أبونمر]

نعم قال ايه مليت شفني من الهرفان والكلمان




ونا مثيلك نقول الحكم له اهله = مابي مهمه انا والله من بدان
مسكين مسكين ذي مايعرف القفله =يبغا يقفل ويده كلها عجزان
والعفو مطلوب لوقد جات شي زله = نبغا القياده تظل في فارس الفرسان


الكثر لايامجمل يغلب القله = مادام نوح تحادي عاد عاسيبان
والناس متمسكه في الدين والمله = مابيخرب حال لاقد آذن الرحمن
وحنا بغينا البلد للكل مش ثله =في رغد تسبح وثله في نكد واحزان
والعتم يسقي جروب المال لي كله =لا ييبس الزرع ويلوم على المعيان

[البكري]

الدين والعرض والموطن ترى لأجله =باترخص الروح يالبكري وكل انسان
مخلص لموطنه ولدينه يقل هزله = ويزيد جده وصدقه دوب مش أحيان
لاحد يقول اليمن عيفه ولا فسله =العيف في اهلها من قادم الأزمان
ذي سيبوها وخلوها بلا طبله = تفتح وتقلد لصومالي وبن علوان




مايشترح لي مرصون القيد في رجله = حتى وان كان في الشرح فنّان
وقت الزوال كل شي ينتهي ظله = وبعد الزوال يرجع على عكس ماكان
مادرينا بذاك الحصن من ذي با يحله = خايل الشاره وشوف مولاه في الاكفان
وكل مخلوق بعداليوم بايرجع لاصله = ومرد كل عربي الى قحطان وعدنان

[يسلم صالح بن عكعوك]

السقيفه ماتشتغل عندي اوقات


قدني من العام متصبر على الزله=زلات جم جاتني من شاعر(ن) فنان
هل كيف يخطي ويسمح بالخطا عقله=يازيد راجع ضميرك لاتسب زيدان
وراه هو ذي لقالك سم فالدله=ألقاه جارك يبا يدرجك في لكفان
ضوا السمينه لداره وانت لك هزله=اقرونها طايحه من نطحة الخرفان
من قل عقلك تبيع البز بالجمله=تعطيه ظالم قضا عاللول والمرجان

[أبونمر]

الزين باشل من طبعه ومن دله =والعيف لاسرت في سيرته قع غلطان
واليش نغلط وناعارف لكل خصله =عنه ونا نعرفه من عادنا خيبان
سعف المحق بادحق خبه وشي هشله =ماباخلف منه لاشفته بنوه شأن
رجلي برجله لحتى ان نوصل له =وشرب من الشادليه والجفل فنجان

[أبونمر]

مابي حسوفه على السكين والنصله =مادامني مستلب من صنعة الألمان
ياعم يسلم سديد الرأي يرخص له =ماكان غالي وذامني كرم واحسان
باعطي له الجوف يحكمها مع جبله =ويشل تعز كلهاو له سعفها بعدان
ويخلي القطن لأهل القطن والبدله =الذي على الظهر له والتاج والنيشان

[البكري]

الزين ماشي كماه ماشي مثله = تسلم ذي تصنّعه ذيك البنان
وقت الزيانه كلين باينشره وله = وبانقلبه البز وبانميز الخيطان
بانعرف المخطي ولي زل بانمله = خلاص قد عرفنا نميز الاوزان
والمومن لا صدق قلبه بايدله = لا قول زيد بايصدقه ولا زعطان

[يسلم صالح بن عكعوك]

القطن معروف روح من زمن قبله=والشرق روح معه في طين غمض العان
راحت معا بابقي واحنا في الغفله=لحنا ومرسال لمسي فالطرب والدان
نمسي قفا بو سكندر هو ويا طبله=وجمال لثقال رجعت تتبع الحشوان
والمشكله يومني شيبه مع جهله=لعبو بعقلي وخلوني مع الهبلان

[أبونمر]

لازلت عادك شبب والشبل من شبله =معروف صيتك وزامك كا ن ياماكان
واليوم جاء وقت ثاني جاتنا نقله =خلفت موازين قوه قده بن شملان
ظاهر منافس بغاء بايفرت العجله =وبايرسي السفينه فوق بر المان
الله يستر من المقبل لبن طفله = ذي ما قرأ آية الكرسي على الشيطان

[يسلم صالح بن عكعوك]

لفكرت هذي قضيه ليس هي سهله=بالجسم فتكت قضت عالحم والعظمان
وخلطت دومنا الجازي معالخله=ومسى مجرثم ملي بالدود والحيتان
ون راح باناعمه بايستلب نجله=وباشل مابقا عاده في الدكان
والبخص خله عل لهل السوق والشله=وانته ونا قسمنا لبدع عل القيفان

[أبونمر]

لاقد فصل صاحبي بابدع على فصله =وباثني لا المغني بايقع غيان
وان شفته الا يتعتع ما سوي بصله =باقول لأهل السمر شوني شوي تعبان
ومن سعف لأنتقادات السمر ابله =عنه يقولوا شباب القوم والشيبان
والرزق مقسوم بين الفيل والنمله =ماحد مكلف بخلقه غير هو سبحان

[البكري]

بانسقي الارض والزرع بايزين عاحله = لاخفت الجراد ولا باتخوف من الربحان
وبا ناعمه يكفيه مامعه وما مع اهله = ومن طغى بيروح قسم ابليس والشيطان
وعادها با تقوم عاهل الفساد حمله = كل من ربح اليوم باكر بانصبحه خسران
وعا راس المنتظر عادها تقع زمله = والبدايه من اليمن ولكل شي برهان

[البكري]

خلاص يابونمر الفصل حقه معه
بغينا الفصل على بوصالح

[أبونمر]

يتفضل بوصالح يبدع ويشرفنا كثير ان يكون الفصل من عنده

[البكري]

وينك يابوصالح فصل

[يسلم صالح بن عكعوك]

انتو بغيتوني بدع=ورجل قد فيها وجع
ماليوم مالي شي سنع=فهل القصايد والبدوع

هاجسي لرسلته رجع=من بامسق جاه الفزع
ادفعه لكن مندفع=من سمح ظاري عالرجوع

مختاف منه لنطبع=يرمي بيسلم عالشرع
ضايع مع شلت ضيع=له طبع من خس الطبوع

[البكري]

لقلك طريق لا ترتبع = يايسلم للواطي رفع

ونا معك مابي طمع = نا مانا من اهل الربوع

لا كبر الشعق مارتقع = ولعاد منه شي نفع

ماغير قطعه ربع = ماينفعك مول الرقوع

[يسلم صالح بن عكعوك]

ياذي بغيتوني ركع=لنسان مبلي بالخجع
راسي عَـنــَد ذلا امتنع=واركع لمن سن الركوع
بملي ورادي عالشرع=من عذب من رووس القزع
ماشي كما طعم الكرع=مورد طويلين الشروع

[البكري]

العلقم نامنه جرع = لمان جاني الصرع

ندري ونتبرع برع = ولازلنا نجرعه جروع

نا باشتري وانت بع = ولا بيننا حد سمع

يايسلم لكلامي طع = بايصلح مابينالبيوع

[أبونمر]

قنعت خلي ماقنع =من ذي مصوع به صوع
لاقلت شع لي قال مع = طماع جم ماهو قنوع
مادريت هد وإلا فرع =او قوم من نفسي كرع
من سبة الزقر القبع =حاجي على خمسه فروع
لاشفت مشوافي لشع =تو قلت باصيب النصع
على المقص كلما فقع =ماطين يعجبني اللشوع
ولعاد شي حاجه نقع = رأسي وهوقاده صلع
كثر الشبع الا شبع =معاد يحتاج النقوع

[البكري]

ما غير سرج بالشمع = باروس وانته لي فقع
بانخليه يسمع الصقع = وبا نرقص بالشموع
يابونمر نجمك سطع = ضوه يلالي وارتفع
معروف للناس الدوع = يهناك هذا السطوع

[أبونمر]

يالبكري الجلد استلع =والكي ماجاء عالوجع
والقصد إنه مانفع =كل الكياء خرجن سلوع
ماشي كما كي باسبع = بعض العرب شفهم صنع
من يوم ما الميسم يضع =كيته تنسم في سبوع

[أبونمر]

وينكم ياشعار باتكملون اونفصل فصل جديد

[البكري]

وينكم ياشعار باتكملون اونفصل فصل جديد
فصل يابونمر ونحن معك عاماتريد

[أبونمر]

المره ذه عليك يالبكري اومجمل واحد منكم يفصل لنا بس يحط حرف سهل على شأن يقصدون الناس كلهم عليه

[أبونمر]

((((فصل جديد)))) يالشعار

يالبكري ترنم لنا عاصوت زين =شفني من المدروف لي قدني سنين
والعود والرباب مايشفي غليل =يالله عسى عوده لأرض الجنتين
حيران في امري متمي بين بين =حيران مابين الطليعه واليمين
خايف لعد حد يكسر القرن الجليل = للوعل ذاك اليهوملقي قشعتين

[البكري]

ذاك الوعل اليوم حطوا عليه العين = جاته البليّه يابونمر من شقّين
مشاكل صبة عليه يم ماهي قليل = ماكفته البيعه بغاله بيعتين
النوب في الجبح اليوم ملقي حنين = والمجاني طابت وخايلها تزين
وبايدبسون الا عسل صافي بليل = والمومن مايلدغ من الجحر مرتين

[طلال بن قفله]

مشتاق لمحبوبي يا ناس لي فتره
دلوني عن بيته با روحله بدري
النفس ولهانه والعين ما تقدر
يا ريت محبوبي يعرف بما صار
قولولي ايش سوي القلب فيه حسره
من بعد محبوبي مدري بما يجري
في حسنه ما شفت اوصافه تندر
امشي واتلفت علي اشوفه مار

[البكري]

مشتاق لمحبوبي يا ناس لي فتره
دلوني عن بيته با روحله بدري
النفس ولهانه والعين ما تقدر
يا ريت محبوبي يعرف بما صار
قولولي ايش سوي القلب فيه حسره
من بعد محبوبي مدري بما يجري
في حسنه ما شفت اوصافه تندر
امشي واتلفت علي اشوفه مار


مشتاق لمحبوبي ياناس لي فتره = دلوني على بيته باروح له بدري
النفس ولهانه والعين ماتقدر = ياريت محبوبي يعرف بما صار
قولو لي ايش سوي القلب في حسره = من بعد محبوبي مادري بما يجري
في حسنه ما شفت اوصافه تنذر = امشي واتلفت علّي شوفه مار



صبر وبدل الغالي لابد تنال قدره = وتبع خطاه من حيت مايسري
لاتهم البعد وخل القلب يتصبّر = من مرارة الحب طعمنا الحلو قار
كم قبلك تعذب في الحب من نظره = لاموه الناس قال ذا قدري
يتعذّر لهم ولاحد منهم قبل عذره = بحفظ النظر نسلى من الاعذار

[أميرة الوادي]

اسمحوا لي أن أقدم مشاركة بسيطة في فصل جديد .


ما كل من يعرف شروط القافية = شاعر ولا كل من خطب عنده لسان
زيف المشاعر بان في كل ناحية = احذر يغشك بالتعابير الزيان
والطعم في اللبني يرد العافية = لو بالمظاهر كان حسّك في السمان
سمّن بعيرك للسنين الجايّة = واحتاط لك ذا الوقت ما شي له أمان

[البكري]

اسمحوا لي أن أقدم مشاركة بسيطة في فصل جديد .


ما كل من يعرف شروط القافية = شاعر ولا كل من خطب عنده لسان
زيف المشاعر بان في كل ناحية = احذر يغشك بالتعابير الزيان
والطعم في اللبني يرد العافية = لو بالمظاهر كان حسّك في السمان
سمّن بعيرك للسنين الجايّة = واحتاط لك ذا الوقت ما شي له أمان


كنك تقطّب في عتوم الساقية = ذا مال حق اهله وثابت من زمان
قانع بقسمي شف قسومي كافية = كل من تعثرنا نرد امره الى الرحمن
كل من معه شمعة وصبحت طافية = بايشل حق غيره يقول احنا خوان
من لا معه عدّي يشل الطارفه = يصبر على ذالوقت يلحق بالجنان

[أبونمر]

اسمحوا لي أن أقدم مشاركة بسيطة في فصل جديد .


ما كل من يعرف شروط القافية = شاعر ولا كل من خطب عنده لسان
زيف المشاعر بان في كل ناحية = احذر يغشك بالتعابير الزيان
والطعم في اللبني يرد العافية = لو بالمظاهر كان حسّك في السمان
سمّن بعيرك للسنين الجايّة = واحتاط لك ذا الوقت ما شي له أمان


لاقد الخواطر والنفس متصافيه =مهمت الشهرين تنجز في ثمان
وإن كان بقعه لامثيل المافيه =العين عاذي في جيوبك والثبان
والكلمه الزينه بدلها جافيه =والأمر بالمعروف ماشي من زمان
يابنت سيد القوم ماشي خافيه =عليك كل الوضع باين للعيان
واللي يطبل بالدفوف الدافيه =ساعه يقع شاجع واحيانا جبان
يلعب على الحبلين ماهي وافيه =منه ولاهذا العمل مشروع كان

[أميرة الوادي]

عشنا وشفنا الرجييل الحافية = طالت على الريسان واختلّ الوزان
ماكان ظني ترتفع ذي الواطية = ويزلّ عاليها إلى أوطى مكان
ما هو نصيب الاّ تراها داهية = بلوة وحلّت فوق راسي من زمان
ماعاد بصبر عالظلـُم لو ثانية = لما متى بسكت على هذا الهوان؟

[البكري]

عشنا وشفنا الرجييل الحافية = طالت على الريسان واختلّ الوزان
ماكان ظني ترتفع ذي الواطية = ويزلّ عاليها إلى أوطى مكان
ما هو نصيب الاّ تراها داهية = بلوة وحلّت فوق راسي من زمان
ماعاد بصبر عالظلـُم لو ثانية = لما متى بسكت على هذا الهوان؟



ذيك الايادي اليوم قالوا بانيه = هي لي خربت والحقيقه با تبان
البنت باتغلط لا مالها صاليه = ماليوم تتنازع وقدها في الثبان
لا طالت اليدات لي هي حانيه = شف عادها باتصل لمان العنان
ماعذرها ماليوم تبين الخافيه = وباتظهر خيانتها جليّه للعيان

[أبونمر]

حاشا عليها ماتجيب الهافيه =اللي ترد الكأس ذي يخلي ملان
بنت الأكارم ولعت كل طافيه =في بيت بوها يوم له همه وشان
لوباتراجع في السنين الماضيه =مابين بطرس فرق من كوفي عنان
والفرق مابين المدن والباديه =تلمسه لازرت الشعر اوكوكبان

[أبونمر]

عشنا وشفنا الرجييل الحافية = طالت على الريسان واختلّ الوزان
ماكان ظني ترتفع ذي الواطية = ويزلّ عاليها إلى أوطى مكان
ما هو نصيب الاّ تراها داهية = بلوة وحلّت فوق راسي من زمان
ماعاد بصبر عالظلـُم لو ثانية = لما متى بسكت على هذا الهوان؟


لاجات كلمه يا اميره كافيه =تغنيك عن كلما تضمنه البيان
كلمه من العاقل تجي لك شافيه =وتقيك شر انسي في الدنيا وجان
وحنا نحب دوب العقول الناميه =بالفكر ونحب الوسط والأتزان
ودونها ننفي بلام النافيه =والفرد في دستورنا حقه مصان

[البكري]

حاشا عليها ماتجيب الهافيه =اللي ترد الكأس ذي يخلي ملان
بنت الأكارم ولعت كل طافيه =في بيت بوها يوم له همه وشان
لوباتراجع في السنين الماضيه =مابين بطرس فرق من كوفي عنان
والفرق مابين المدن والباديه =تلمسه لازرت الشعر اوكوكبان



مانهم القاصيه دام بيدي الدانيه = باتجي عاطول المدى وبيدي الرصان
ماحد يفتش في حموله خاليه = ولا يحسب حسابها حد عند الوزان
عسى الكيّه اليوم تقع شافيه = تقوم لي بركت تقع مثل الحصان
من الله بانسال العفو والعافيه = وعسى بغفرانه لانطوينا في الكفان

[أميرة الوادي]

ذا فصل والعاشق صبح ثوبه خلي = والشمس غابت وانقطع منها الأمل
البنت رجعت للحبيب الأوّلي= رغم الذي بالأمس منـّه قد حصل
من حب دايم بالأذيـّة مبتلي = يطعم لها في خاطره طعم العسل
ما يوم يصبح كاس حبه ممتلي = له طول في العشقة يخلي له وسل

[البكري]

ذا فصل والعاشق صبح ثوبه خلي = والشمس غابت وانقطع منها الأمل
البنت رجعت للحبيب الأوّلي= رغم الذي بالأمس منـّه قد حصل
من حب دايم بالأذيـّة مبتلي = يطعم لها في خاطره طعم العسل
ما يوم يصبح كاس حبه ممتلي = له طول في العشقة يخلي له وسل


دالا سحابة صيف باتعبر وباتنجلي = ماهمّنا الحاصل ولا ذي قد حصل
ماحد في العشقه ياصاحب سلي = ولا بدا عاشق لتمناته وصل
لا زان لش المرعى يالعرجاء كلي = باتيبسين للرعي في راس الجبل
ومن صبح اليوم لضهرها معتلي = لايضن ان كل شي بيده اكتمل

[أبونمر]

ذي مامعه تجويد يوقف عا( صلي)=والوقف جايز (ج)لاكنه وصل
والقصد كل واحد يسوي ماحلي = له يوم ماشي ربط للأشياء وحل
واالشمس لاغابت بأمره تعتلي = حكمه من المولى لها عز وجل
لاحد يرد الفضل للشيخ الولي =الفضل لله هو الذي اعطى وشل
مابي حسوفه او ندم عاجلجلي =مادام به حصلت في البندر بدل
والخير والبركه في الريس علي =ذي هو على كلمته صمم واستقل

[البكري]

ضواش الزوج مالليله له تجمّلي = لا فرحتيه بايعطيش كل ماحمل
وعليش بالصبر ومادلحين ادلّلي = باوصيش حفظي مني اربع جمل
اللوله من يمينش اليوم اتحلّلي= والثانيه شي الهلال مقبل وهل
والثالثه بالامراض له لا تتعلّلي = والرابعه ايّاش ثمّ ايّاش من الكسل
ياامّنا بالوجه الجديد اليوم اتهلّلي = عسى يصدق باقواله يترجمها عمل

[أبونمر]

ضواش الزوج مالليله له تجمّلي = لا فرحتيه بايعطيش كل ماحمل
وعليش بالصبر ومادلحين ادلّلي = باوصيش حفظي مني اربع جمل
اللوله من يمينش اليوم اتحلّلي= والثانيه شي الهلال مقبل وهل
والثالثه بالامراض له لا تتعلّلي = والرابعه ايّاش ثمّ ايّاش من الكسل
ياامّنا بالوجه الجديد اليوم اتهلّلي = عسى يصدق باقواله يترجمها عمل

وليش يالبكري ترخص ماغلي =بعت السليط الزين في عرض البصل
ياريت قبل البيع انك قلت لي =مابانصل نوياك لاهذا الزعل
وحنا عيال الشافعي والحنبلي =وكلامنا دايم نجيبه عاحلل
ماسيبنا في الخامري والشادلي =ذي فاتحتهم تنقري فوق الجفل

[البكري]

وليش يالبكري ترخص ماغلي =بعت السليط الزين في عرض البصل
ياريت قبل البيع انك قلت لي =مابانصل نوياك لاهذا الزعل
وحنا عيال الشافعي والحنبلي =وكلامنا دايم نجيبه عاحلل
ماسيبنا في الخامري والشادلي =ذي فاتحتهم تنقري فوق الجفل



بيدي سوا نا فحست السوتلي = وحكته زين ولقيت منّه شمل
حكم القدر ولّى علينا الصوملي = رحمه بنا مابغا نحن همل
ياشوكت الميزان مااليوم اتقللي = ويا صاحبي حذرك تقع في الزلل
لاتزل عاخوك وبعد الزلل تتعللي = بحجّه واهجه وتقول قد حصل

[أبونمر]

انته تحب نفسك ونا مابغيت لي = شي من رحيق الورد ذي توه ذبل
قاعد تحنذقني بعيد الهوملي = وبغيتني دايم بما تعطي قبل
ماباقبل منك ونا كيسي خلي =حسيت شفني لاتظن اني خبل
بيني وبينك يوم عند العوذلي =ذي في حكام الباديه قالوا عدل

[البكري]

لاتواخذعلي لاشفتنا بلبلي = ماحد يطعن في من قد قتل
ما امنا فسحت من لبس الحلي = ورجّالها محتاس فيها وحل
قلنا لها بعد اليوم لا تتخيّلي = ولا تفكري في من عنش رحل
ومعاد بايعود الزمان اللولي = ماغير بعد اليوم نامنش بحل

[أبونمر]

الغيل ماهي خالصه للمطملي = فيها وفيها ناس من كل القبل
والضيف فيها مثل ذي هو آهلي =في كل واجب بايشل حصه وفل
واليوم قدفيها عيال المشملي =حلوا وشلوا زود عا عيال الدول
يالغيل في اهلك كذا لاتعملي =وإن باتعملي هكذا ضاع العمل

[أميرة الوادي]

جا الوقت اتحرك ورتب جدولي = ما ينفع التأجيل هذا والكسل
لابدّ أعرف مخرجي من مدخلي = والعبد يسعى وهو على الله اتكل
ما يروي الفنجان جوفك لو خلي = وشْ فايدة يا ريت من غير العمل
بتبان شمسي والغمامة تنجلي= والليل دايم لا رأى شمسي رحل

[عمر خريص]

مساكم الله بالخير ياجماعة ..
تلبية لدعوة الصديق الشاعر ابو نمر .. اشارككم على قدر الاستطاعة فلا تواخذونا على التقصير والهفوات .. وشكرا لكم


ياصاحب الفصل الجميل المخملي = فصلك على فصل تركب واعتدل
يومك جويد ماتحب الباطلي = قلت الحقيقة في السياسة والدول
لخرج علي في ذي البلاد جانا علي = وعلي بعون الله بايشفي العلل
انا اللي عرفت اليافعي والمعولي = وعرفت كم من نجم ساطع قد افل

[أبونمر]

اهلا وسهلا بك اخي ابومحمد وشرفتنا ونورت صفحة المدروف يالغالي

كلما تفرغ خاذ ثاني يمتلي =يابومحمد غار ما قل ودل
ساير زمانك فرح القلب السلي =ماشي فوايد في التعند والزعل
من بعدما طاح الجمل عاباعلي =كيف الحموله عادها لك باتصل
الحمل جاير والدواسر تنقلي =من كيلة الكيال ذي ماله جمل
ملاحظه (الكيال هو مشتري الوزيف يزود في الجواني ثنعشر اوعشر تنك ويقول لصاحب الجمل ثمان تنك اوتسع لأنه ماله جمل في القطيره فيزود على جمال الناس حتى يوفر الأجره ولاهمه من تعب الجمال )

[أبونمر]

جا الوقت اتحرك ورتب جدولي = ما ينفع التأجيل هذا والكسل
لابدّ أعرف مخرجي من مدخلي = والعبد يسعى وهو على الله اتكل
ما يروي الفنجان جوفك لو خلي = وشْ فايدة يا ريت من غير العمل
بتبان شمسي والغمامة تنجلي= والليل دايم لا رأى شمسي رحل


الصبر به كلما توطى يعتلي =والصبرفي الدنيا لنا ماله مثل
يا أميرة الوادي من الحالي كلي =لاتقربين القار ذي منه اكل
مول الكباد السبع وانتي بسملي =بالله لاشفتيه مد يده وشل
وعلى الجداول والمبادي واصلي =لاتثتني لو بيحصل مهما حصل

[البكري]

لانلبس الثوب لاشفته بلي = وشي كل منه ومنه خل
والعيف فيه نا بيدي مادلي = والزين لفه مانخليه للطل
والكاس المقلوب ما با يمتلي = والعاقل يميز ماهو الهبل
والبير ماها ينزحونه بالدّلي = والنهر يجري ويقطعها دول

[أبونمر]

شكرا لك اخي البكري وشهرك مبارك وصلتني رسالتك ومباركتك لي بالشهر
نسأل الله ان يتقبل منا ومنكم صالح الأعمال وان يوفقنا في رمضان وشوال
للعمل الصالح ويجمعنا بكم في جنة الخلد انه سميع مجيب اللهم آمين آمين

[أبونمر]

اعتقد حقه معه هذا الصوت يحتاج تغيير فصل من اميرة الوادي جديد

[أميرة الوادي]

فصل جديد تحت أمركم أيها الشعراء..


في شهر رمضان استعدوا يا عرب = شدوا الهمم ماهو فقط شدوا البطون
ذي حرب بدأت عند شيعة بو لهب = مقصودهم فيها يسلبون الذهون
فكـّوا على الإعلام باصناف الطرب= ومسلسلات القصد أنواع الفنون
والناس في غفلة وراعيها هرب = أو قول مثل الثور معصوب العيون
وان قال كل واحد بعقله ما حسب = اش باتسوي النار جنب النايلون

[أبونمر]

فصل جديد تحت أمركم أيها الشعراء..


في شهر رمضان استعدوا يا عرب = شدوا الهمم ماهو فقط شدوا البطون
ذي حرب بدأت عند شيعة بو لهب = مقصودهم فيها يسلبون الذهون
فكـّوا على الإعلام باصناف الطرب= ومسلسلات القصد أنواع الفنون
والناس في غفلة وراعيها هرب = أو قول مثل الثور معصوب العيون
وان قال كل واحد بعقله ما حسب = اش باتسوي النار جنب النايلون



مابيهرب ثور الحراثه لاغلب =ذي هو طلع له قرن زايد عالقرون
لكنه الحراث يا اميره نصب =من يوم ساير ناس مثله ينصبون
ولقى لها قصة شعب وبني شعب =ومطية الكذاب مابين البيون
تعثر ولاتوصل بمن فيها ركب =تطرحه مابين المرابي والحصون

[البكري]

فصل جديد تحت أمركم أيها الشعراء..


في شهر رمضان استعدوا يا عرب = شدوا الهمم ماهو فقط شدوا البطون
ذي حرب بدأت عند شيعة بو لهب = مقصودهم فيها يسلبون الذهون
فكـّوا على الإعلام باصناف الطرب= ومسلسلات القصد أنواع الفنون
والناس في غفلة وراعيها هرب = أو قول مثل الثور معصوب العيون
وان قال كل واحد بعقله ما حسب = اش باتسوي النار جنب النايلون


في البحر ابحرنا ولا خفنا الزيب = لاكن خساره ناس معنا مايحسبون
ضيعواللوله والثانيه صبحت حطب = والثالثه باتضيع دقت مع ذي ينهبون
صبحنابيدهم لعبه لمن هبّ ودب = حتى الجاريه تتحكم على ذي يحكمون
جمعت مجلس وثنّت باهل الرتب = قالت السلم بيدي لانتم له تطلبون
والكوري تعنتر وشب النار شب = وانتم متى ياعرب لها باترشنون

[أبونمر]

ماشي فوائد منهم ذي عالشنب =والذقن بالصبغه يضلوا يصبغون
يخفون عالظاهر لذي ماله سهب =وكلام جم يخفوه في زايد ودون
ماشي عروبه عندهم كله خطب =واعلام زايف من بطي به يعلنون
كل من لحق كرسي على الكرسي رغب =ولعاد بايسيبه يكون اللي يكون

[البكري]

ماشي فوائد منهم ذي عالشنب =والذقن بالصبغه يضلوا يصبغون
يخفون عالظاهر لذي ماله سهب =وكلام جم يخفوه في زايد ودون
ماشي عروبه عندهم كله خطب =واعلام زايف من بطي به يعلنون
كل من لحق كرسي على الكرسي رغب =ولعاد بايسيبه يكون اللي يكون



يابونمر تتكلم ولا عرفت السبب = ريت لي ماتواعاالكرسي لنا يرجعون
كل من مسكها قلبه عليهاانقطب = قنع مابايخرج منها ولو فيه يقطعون
شف ذي سياسه لا يخذك الغضب = شف كثر الغضب بايصيبك بالجنون
والشعب شعب يحب من له عصب = ولا يحب من هم للباطل ينقدون

[أبونمر]

حد مامعه عانه وحد عنده ذهب =ارزاق مقسومه بها يرضون والا يزعلون
والشعب يامسكين عا امره اغتلب =والذي اغتلبوا خاف عدهم يغلبون
والوقت يتدور ومايدريك باللي في المزب =يا إبن صالح يابنيه عنها باتسمعون
مادام عدها هاديه والأمن عاده مستتب =باتصلح الأشياء وبايدني ثمرها بالغصون
والأرض زينه طول ما عليها خرب = اتفاءلوا بالخير ياللي دوب به تتفاءلون
ارض اليمن زينه وفيها الخير باسط وانكثب =من جوع ماحد مات كل الناس فيها يؤكلون

[البكري]

التمر الزين لارزمته غصب يلقيلك رب = والثمر عاوقته الناس له يجنون
والسبول يوم حصاده ياصارب صرب = وارضنا ذي تزرع وغيرنا لها يصربون
والرزق بيد المولى وكلين رزقه انكتب = والبشر غصب بقسمته يرضون
نشوف المال بالعين ونشوف لي نهب = ومن ولاه ربه عليه الناس يشهدون
مايرعون الامانه ويحسبون ان فوقهم رب = والشعب راضي وعا افعالهم يسكتون

[النحوي]

صح لسانكم اخواني الشعار
ونريد منكم المزيد للحفاظ على تراثناالاصيل

[أميرة الوادي]

مابيهرب ثور الحراثه لاغلب =ذي هو طلع له قرن زايد عالقرون
لكنه الحراث يا اميره نصب =من يوم ساير ناس مثله ينصبون
ولقى لها قصة شعب وبني شعب =ومطية الكذاب مابين البيون
تعثر ولاتوصل بمن فيها ركب =تطرحه مابين المرابي والحصون

الثور سيـّد إن قسم والا ضرب = حاكم بأمره والجميع ينفذون
والكلب يلهث أو إذا جاه الكلـَب = يصبح خطر ويعمّ في الناس الجنون
والنحلة ما شي قسمها إلا التعب = منها العسل والخلق منه يغرفون
في عالم الحيوان من يملك غلب = هذا الذي نقراه دايم في المتون

[أميرة الوادي]

في البحر ابحرنا ولا خفنا الزيب = لاكن خساره ناس معنا مايحسبون
ضيعواللوله والثانيه صبحت حطب = والثالثه باتضيع دقت مع ذي ينهبون
صبحنابيدهم لعبه لمن هبّ ودب = حتى الجاريه تتحكم على ذي يحكمون
جمعت مجلس وثنّت باهل الرتب = قالت السلم بيدي لانتم له تطلبون
والكوري تعنتر وشب النار شب = وانتم متى ياعرب لها باترشنون

ما تستوي الأقدار كلٍّ عالرتب = حد في العلالي وحد في ِ الواطي يكون
يا ريتها قسمة على قدر الأدب = أو قل على قدر القبيلة والبطون
لكنها قسمة تصيبك بالعجب = قسمة لمن يخرِسْ ضميره أو يخون
ما هي قضية جارية أو منتدَب = أو شعب حر لكن مكبـّل بالديون
قصة خلايق ما تقيم احكام رب = له في البرية حكم ما لـُه ينصتون

[البكري]

[QUOTE=أميرة الوادي]
ما تستوي الأقدار كلٍّ عالرتب = حد في العلالي وحد في ِ الواطي يكون
يا ريتها قسمة على قدر الأدب = أو قل على قدر القبيلة والبطون
لكنها قسمة تصيبك بالعجب = قسمة لمن يخرِسْ ضميره أو يخون
ما هي قضية جارية أو منتدَب = أو شعب حر لكن مكبـّل بالديون
قصة خلايق ما تقيم احكام رب = له في البرية حكم ما لـُه ينصتون[/QUOT



افعال ماتنحكي قلبي منها ورب = وامري ماستقر بات منها في شطون
لالفاس في الراس وقعت مالها طب = ولعاد لها شي دريكه من لي يدركون
لوفي اليد اوفي الرجل عادها تنقطب = ونعيش ابدونها ومنها في سكون
الصبراليوم علينا وكل مبعد قرب = والايام والليالي تغير ماحصل في الكون

[يسلم صالح بن عكعوك]

كيف الحال يأخواني عساكم طيبين
السقيفه ماتشتغل الا بالمحاوله والا ودي اسمر معاكم كل ليله
ومشتاقين لمسامركم كما مالحنا مشتاقين للعافيه
والشهركم مبارك جميعًا والله يعوده واحنا في حال احسن من هذا الحاال
وكل الامه الاسلاميه بألف خير


مزروع خارب بايشب الكير شب=واولاد عمه ذي بجمبه ينفخون
والبدو مايدرون يعطونه حطب=لو يفهمون الوضع مابا يحطبون
مايفهمون انه يدّور للنشب=لاتعجبك ضحكت شفاهه والسنون
المكر في راسه معشش ع العرب=يريدهم في خدمته يتواجدون
من فوق بحر الشد وحنا ع القتب=وألقى العرب قسمين ذا زاد ودون
يصرف سبول المال وعطاني القصب=ألقالنا قسمت علي لو تفهمون

[البكري]

كيف الحال يأخواني عساكم طيبين
السقيفه ماتشتغل الا بالمحاوله والا ودي اسمر معاكم كل ليله
ومشتاقين لمسامركم كما مالحنا مشتاقين للعافيه
والشهركم مبارك جميعًا والله يعوده واحنا في حال احسن من هذا الحاال
وكل الامه الاسلاميه بألف خير


مزروع خارب بايشب الكير شب=واولاد عمه ذي بجمبه ينفخون
والبدو مايدرون يعطونه حطب=لو يفهمون الوضع مابا يحطبون
مايفهمون انه يدّور للنشب=لاتعجبك ضحكت شفاهه والسنون
المكر في راسه معشش ع العرب=يريدهم في خدمته يتواجدون
من فوق بحر الشد وحنا ع القتب=وألقى العرب قسمين ذا زاد ودون
يصرف سبول المال وعطاني القصب=ألقالنا قسمت علي لو تفهمون
نورت السقيفه ياعم يسلم
ومبارك عليكم الشهر وعلى جميع المسلمين
وان شاء الله نكون من المقبولين والفائزين
وعتقائه من النار آمّين يارب العالمين



من كثر شب الكير عليهم لهب = ماشي بيداتهم لوله بايطفون
كلين يلقيله مثال لو بايصب = مسرع برود الرصاص لو تعلمون
الفضه في القيم ماتساوي الذهب = في تالي زمن خافهم يستون
مكبرك في العدل ياكيس العطب = وعلى عبر الميازين اتهون
عبروحنا غصب عاشوك القطب = وغصبا هم من خلفنا بايعبرون

[يسلم صالح بن عكعوك]

مشكور يالسيد وفي ردك عجب=ابيات متقونه وتوزنها وزون
هاجس معك مايلتهي فيه الذرب=يرد بالسرعه ويتقنها تقون
ماشي منيحه كل من جاها حلب=حّلابها واحد ويتفنن فنون
يشرب لبنها وانت تبا منه غلب=معطاك نشفه لاتفرقز بالعيون
الله يعّدلها يسهب لك سهب=من درها تشبع وتشرب بالحفون

[البكري]

مشكور يالسيد وفي ردك عجب=ابيات متقونه وتوزنها وزون
هاجس معك مايلتهي فيه الذرب=يرد بالسرعه ويتقنها تقون
ماشي منيحه كل من جاها حلب=حّلابها واحد ويتفنن فنون
يشرب لبنها وانت تبا منه غلب=معطاك نشفه لاتفرقز بالعيون
الله يعّدلها يسهب لك سهب=من درها تشبع وتشرب بالحفون



الرد واجب علي ونا تحت الطلب = مانخفي القول ولانوخذ بالظنون
لكل من تكلم مع والا كتب = يلحق جواب شافي فيه السكون
واللبن بيدي ونا منه شرب = وماتذر المنيحه لغيري بلا عربون
ولكن همي عالشيابه والخيب = ماتهنى بشربي وهم مايشربون

[أبونمر]

اهلا وسهلا بك ياعم يسلم شرفتنا يالغالي وشهرك مبارك
كم نحن مسرورين بحضورك والسمر معك يابوصالح

حيا ببن عكعوك مانسنس هب =بحري وعليه حرك جميع الغصون
طلتك يايسلم لنا للبخص طب = وعلاج شافي للكئابه والحزون
لأنك رجل عاقل وعارف للحسب =ماتخلي العربان بعدك يحسبون
واللي يشب النار وش منها كسب =مايوكر الجمره ترى حق الدخون

[البكري]

الفصل حقه معه يابونمر
وبغينا فصل على بوصالح
يكرمحنا بوصوله

[أبونمر]

يشرفنا بوصالح بفصل او اميرة الوادي نحن واياك معفيين الليله من الفصل هههههههههه

[أبونمر]

وينك ياعم يسلم سرى الليل هت لنا فصل يالطيب

[البكري]

شف لنا فصل يابونمر على كيفك وهت لنا من اخبار العالم

[أميرة الوادي]

خلاص الفصل هاذي المرة علي

والله يسهل ما فيه الخير:


بشكي من الأشعار صبحت حارقة = والعيد يقرب والمطالب في ازدياد
شي كنز مخفي في السفينة الغارقة = أو شي هديـّة باتجي من سندباد
تعبو السقل جم وامهم متضايقة = يا ويل من يذكر لها إسم الفساد
بالأمس كبش العيد جاته ماحقة = باقي ثياب العيد ، بانلقي حداد

[البكري]

اليد كلة لي على بابهم طارقه = والصوت شحّب ولا لبوا المناد
مالام صبحت لعيالها مفارقه = ياحرقة كبدها عليهم والفؤاد
البو عينه من الشمس لي شارقه = بغيابها تحقيق قصده والمراد
يفرح بالبنيه لا قالوله سارقه = قال نعمك صنعاء ماهي سعاد

[أبونمر]

خلاص الفصل هاذي المرة علي

والله يسهل ما فيه الخير:


بشكي من الأشعار صبحت حارقة = والعيد يقرب والمطالب في ازدياد
شي كنز مخفي في السفينة الغارقة = أو شي هديـّة باتجي من سندباد
تعبو السقل جم وامهم متضايقة = يا ويل من يذكر لها إسم الفساد
بالأمس كبش العيد جاته ماحقة = باقي ثياب العيد ، بانلقي حداد

والله إنك في كلامك صادقه =لكنه الكذاب بالكذب استفاد
في الوقت هذا يوم قد له سابقه =كلما يبيتها حطب تصبح رماد
واليد وحده طول ماهي صافقه =هذا الكلام اللي عليه الأعتماد
لوكان شي حد لليدات السارقه =ما بيبقى محتاج واحد في البلاد

[أبونمر]

يالله تكفينا شرور المارقه = من انسهم والجان يارب العباد
وانزل عليهم يا إلهي صاعقه =بثمود اسوه خلهم ورياح عاد
واقطع وصلهم لاتخلي عالقه =تعلق لهم بجيوش طارق بن زياد
اشدد عليهم بالتي هي لائقه =ويستحقوها من انواع الجهاد

[البكري]

يالله تكفينا شرور المارقه = من انسهم والجان يارب العباد
وانزل عليهم يا إلهي صاعقه =بثمود اسوه خلهم ورياح عاد
واقطع وصلهم لاتخلي عالقه =تعلق لهم بجيوش طارق بن زياد
اشدد عليهم بالتي هي لائقه =ويستحقوها من انواع الجهاد



ترفع من الوادي لا شفت البارقه = والسيل بايصلك لا ربك اراد
وسال من الله عسى لهم حالقه = من ارضي بياضهم هو والسواد
ولعاد يبقى لهم ذكر غير السابقه = وبطلب حقوقي منهم يوم المعاد
عسى ساعة دعاي يارب موافقه = ساعة الاجابه منّك للعباد

[أميرة الوادي]

لي في العراق اليوم صورة ناطقة = للي تكبـّر أو تولاّه العناد
أطفال تبكي في الثياب الغامقة = ونساء ما تعرف سوى لبس السواد
والحكم للأغراب أو لمنافقة = تحت امرهم والشعب مسلوب القياد
والذيب لي في القيد إيده عالقة = قد كان قبل الأسر يلعب بالبلاد!

[البكري]

ذي سنة الرحمن للجبّارين والعمالقه = ومن خذ بالعبر حتما استفاد
والثعلب قسم شاف عين الذيب عالقه = ومن خذ بالقوه لايضن قسمه زاد
وحكمة الرحمن مستوره وقدرته خارقه = يحوّل في لمح البصر ضرب الزناد
حد شفناه مقيّد وحد وقعت له ساحقه = وحد بات في ملكه صبح من غير زاد

[أبونمر]

لي في العراق اليوم صورة ناطقة = للي تكبـّر أو تولاّه العناد
أطفال تبكي في الثياب الغامقة = ونساء ما تعرف سوى لبس السواد
والحكم للأغراب أو لمنافقة = تحت امرهم والشعب مسلوب القياد
والذيب لي في القيد إيده عالقة = قد كان قبل الأسر يلعب بالبلاد!

من النوى والحب حبه فالقه =والظلم والطغيان للقوه عتاد
عقل ا لبشر محدود ماهي خارقه =مهما حكم قوته في العالم وساد
تبقى الهزيمه للسياسه ساحقه =مالم يقيم الشرع عالوجه المراد
والمشكله مش آسوي وافارقه =لانظلم الحبشه ولا حيدر عباد

[عيون المكلا]

مساجله قويه وهادفه بينكم
يعطيكم الف عافيه
اعجبني ماسطر من الجميع وخاصة الدكتوره
سعيده بهذا الزخم الشعري الغير عادي

[أميرة الوادي]

مساجله قويه وهادفه بينكم
يعطيكم الف عافيه
اعجبني ماسطر من الجميع وخاصة الدكتوره
سعيده بهذا الزخم الشعري الغير عادي

مرورك وكلامك يسعدني

ولاسيما أنني أحاول أن أستفيد منكم قدر الإمكان

وما زلت تلميذة في عـُلمة عيون المكلا للكلام الزين ، والمعاني الراقية

فلا حرمنا الله من روعة طلاتك ، وسداد كلماتك.

[أميرة الوادي]

ماشي يتمّي مثل حاله السابقة = مهما تشبّ النار تاليها رماد
واحذر تغرّك ذي السيوف البارقة = ماشي رجا في السيف دامه في الغماد
لي هو ضمَن بكرة ومنه عا ثقة = مغرور بالدنيا يفكّرها رقاد
كلما علت خطواته المتلاحقة = قرّب يحط صبعه على زرّ الزناد

[أبونمر]

مساجله قويه وهادفه بينكم
يعطيكم الف عافيه
اعجبني ماسطر من الجميع وخاصة الدكتوره
سعيده بهذا الزخم الشعري الغير عادي
سعداء بأطلالتك المشرقه ووجودك بيننا ياعيون المكلا
ننتظر مشاركاتك يالغاليه وماتجود به قريحتك ولانعذرك
لأنك لك في الشعرا لعامي ذراع وباع بعكس اميرة الوادي التي كنا نعذرها
سابقا ولكنها ماشاء الله عليها تفجرت وصارت نبراسا لنا يضيء في هذه الصفحه
فأهلا وسهلا بك وبعطائك المميز

[أبونمر]

ماشي يتمّي مثل حاله السابقة = مهما تشبّ النار تاليها رماد
واحذر تغرّك ذي السيوف البارقة = ماشي رجا في السيف دامه في الغماد
لي هو ضمَن بكرة ومنه عا ثقة = مغرور بالدنيا يفكّرها رقاد
كلما علت خطواته المتلاحقة = قرّب يحط صبعه على زرّ الزناد

كل من طلع روس الحيود الشاهقه =الله يعينه يوم يشتد البراد
ذابرد بايخلي الجنوب ملاصقه =عد ذا السنه يشتاف من ذلحين شاد
والوضع يتقلب لنا على مناطقه =شمالها وجنوب فيها الوضع حاد
والشرق والقبلي عليه مراشقه = بسلاح متوسط لتقليدي يكاد
ومساهن الهدنه تجي من عاتقه =وعاتقه تلعب بهم علىالأنفراد
تظهر لهم انها عليهم شافقه = وساعيه في الصلح معهم والسداد

[أميرة الوادي]

ذا فصل: في رمضان ليلة نادرة = ليلة أتانا الوحي فيها بالكتاب
من حاز رؤيتها استعد في الآخرة = يلقى تمام الخير واصناف الثواب
تحظى بها الا عين ظلـّت ساهرة = وقلوب ما تغفل تفكّر في الحساب
من خاف من ربه وبقلبه ذاكره = ربي يحقق له مراده والطلاب

[أبونمر]

ذا فصل: في رمضان ليلة نادرة = ليلة أتانا الوحي فيها بالكتاب
من حاز رؤيتها استعد في الآخرة = يلقى تمام الخير واصناف الثواب
تحظى بها الا عين ظلـّت ساهرة = وقلوب ما تغفل تفكّر في الحساب
من خاف من ربه وبقلبه ذاكره = ربي يحقق له مراده والطلاب


في ليلة القدر الجموع الغافره =صلت وتدعي بخت من صلى وتاب
كل المساجد بالخلايق عامره =الطفل والشيبه يسبقون الشباب
يابخت كل من عالفروض الحاضره =حافظ و يستغفرمن ذنوبه وتاب
ليله تساوي الف ليله عابره =الشهر فيها ينقسم قبل المغاب

[أميرة الوادي]

في ليلة القدر الجموع الغافره =صلت وتدعي بخت من صلى وتاب
كل المساجد بالخلايق عامره =الطفل والشيبه يسبقون الشباب
يابخت كل من عالفروض الحاضره =حافظ و يستغفرمن ذنوبه وتاب
ليله تساوي الف ليله عابره =الشهر فيها ينقسم قبل المغاب
ليلة الدعا فيها مزونه ماطرة = ماعمر من يدعي إلاهه يوم خاب
أدعي عساها بس تدور الدائرة = ضدّ الذي سلـّط على الإسلام ناب
إن كان أزلي أو حكومة جائرة = تترك عموم الشعب لقمة للذئاب
يا رب واختمها برحمة غامرة = ونكون ممن حلّ لهم كشف الحجاب

[أبونمر]

رمضان حسره عالوجوه الباسره =يالله برحمه ومغفره وعتق الرقاب
للذي يصومه لا رياء ومشاهره = من صام للرحمن متطوع وحاب
اصبح من اصحاب الوجوه الناظره =يالله عسانا منهم يوم الحساب
وعسى بعفوك يوم تصبح قاصره =اوزاننا وعسى دعانا مستجاب

[جمال العطاس]

حيّاكم الله يالشعّار وعيدكم مبارك !!

تحية للجميع



يقول بن هاشم حمولي جايرة = ولعاد بشبي في عكيّات الشعاب
يارب تغفرها ذنوبي ظاهرة = ولا تحاسبني بعدلك والعقاب
عفوك وجودك ياإلهي ناظره = وتدلّني عالخير وافعال الصواب
نشكر نعم ربي علينا سابرة = لكن فعال الخلق دائم في خراب

[أبونمر]

حيّاكم الله يالشعّار وعيدكم مبارك !!

تحية للجميع



يقول بن هاشم حمولي جايرة = ولعاد بشبي في عكيّات الشعاب
يارب تغفرها ذنوبي ظاهرة = ولا تحاسبني بعدلك والعقاب
عفوك وجودك ياإلهي ناظره = وتدلّني عالخير وافعال الصواب
نشكر نعم ربي علينا سابرة = لكن فعال الخلق دائم في خراب


حيا ببن هاشم مدير الدائره =آنستنا وأرحبت من طول الغياب
دورت لك بين النجوم الزاهره =واطلعت لاعند المناشي والسحاب
والوقت فيه إلا صفاء ومجابره =يابخت من يحرص على حق الصحاب
مالدنيه الوسخه ترى إلا؟ماره = كم باتعد فيها ذهابك والأياب
دنيا ندم يأهل العقول الفاكره =كل من عليها منها زايل وهاب
كل الأمم لي فوقها الا زائره =عدت عليها مثل مايعدي سراب
والخير من صلى فروضه حاضره=ويعد عده للمرد هو والمئاب
يالله علينا خل بقعه ساتره =ومن جنهم بيننا إجعل حجاب

[أبونمر]

عيد مبارك وكل عام وانتم بخير
الصوت حقه معه ياشباب
فليشرفنا احد بتغييره او شي صوت جديد
وياريت الاخ جمال يفصل لنا او بن عكعوك

[أبونمر]

حيا ببن هاشم مدير الدائره =آنستنا وأرحبت من طول الغياب
دورت لك بين النجوم الزاهره =واطلعت لافوق المناشي والسحاب
والوقت فيه إلا صفاء ومجابره =يابخت من يحرص على حق الصحاب
مالدنيه الوسخه ترى إلا؟ماره = كم باتعد فيها ذهابك والأياب
دنيا ندم يأهل العقول الفاكره =كل من عليها منها زايل وهاب
كل الأمم لي فوقها الا زائره =عدت عليها مثل مايعدي سراب
والخير من صلى فروضه حاضره=ويعد عده للمرد هو والمئاب
يالله علينا خل بقعه ساتره =ومن جنهم بيننا إجعل حجاب

[أبونمر]

عيد مبارك الجميع بصحه وسلام
ننتظر الفصل من احد الشعراء فليتفضل

[أبونمر]

خلاص مادام ماحد تفضل انا المره هذه بافصل وان شاء الله يعجبكم فصلي




عسى الصوم الذي صمناه يتقبل =وكل من بيتوجه لاقدا القبله

= بقلبه بيدعي يلقى قبول
ولا يسمع لمن زمر ومن طبل =بكيفه من قرع ياناس عا طبله
= كفى من شرح و كفانا طبول ]

[أبونمر]

خلاص فكينا الربط شوي لكم ياشعار


لغير الله مابدعي وباتوسل =ولا باحط كل البيض في سله
= ولا باكون نا عن ماحصل مسئو ل
طبيعه في العرب ولعاد تتبدل =طبائع من لقى طربوش عالبدله
=حسب بدلته ماتعتق ولا باتدول

[البكري]

يابونمر نا معك با تحمّل = والجمل الزين يوشي بحمله
وكل من شل لازم بايحط الحمول
والقياس يتقّصر ويطّول = ولي طال بانقص من طوله
واعمارنا شفها تقصر ولا تطول

[أبونمر]

كلان جميل يالبكري
مبروك عليك العمره والعيد
نسأل الله القبول لنا ولك
كل عام وانته بخير
في طريق الجواب اليك

[أميرة الوادي]

أخي أبو نمر ..

اعذرني على التأخير ، لأن هذا لون بالنسبة لي جديد

لأني أول مرة أحاول النظم فيه ،

وهذا اللون شبيه إلى حد ما بالعتابا عند الشوام ،

لأن الكلمة في القافية تتكرر نوعاً ما ..

والفرق هو أن القافية في العتابا ترد هي نفسها ولكن بمعاني مختلفة ،

وفي المدروف كما أراه هنا ، تتكرر صيغ الكلمة ، ولكن لا يشترط اختلاف المعاني .

فمثلاً يقول شاعر العتابا :

أحبابي وين ما راحوا وحَلـّوا
بقلبي وعقدة همومي يحِلـّوا
كاس المر بالمبسم يحَلـّوا
ويصبح كاس طيب للشراب

وبعد هذه المقارنة ، يسرني أن أضع بين يديك نتيجة المحاولة في المدروف بعد الجهد :
صحيح اللي انقطع بالشان يتوصّل= ولكن كل شي يرجع إلى أصله
متى ما ظل حبل المرحمة موصول
ومهما البير زاد الماء فيها قل = لأن كلـّين منها قد ملا قلـّة
وإذا حصـّلت غلطة في كلامي قول


والحمد لله عالسلامة يا البكري وربنا يتقبل صيامك وقيامك وعمرتك

[أبونمر]

يابونمر نا معك با تحمّل = والجمل الزين يوشي بحمله
وكل من شل لازم بايحط الحمول
والقياس يتقّصر ويطّول = ولي طال بانقص من طوله
واعمارنا شفها تقصر ولا تطول

في الموضوع نا لازلت نتأمل =وقلبي منه باقي مانقطع امله
ولابايخيب لي فيه الرجاء المأمول =
وربك بيصلح والخير يتذبل = وكل من بايمد حاجه لحق ذبله
من المدات يلحق كل شي مذبول =

[أبونمر]

[QUOTE=أميرة الوادي]أخي أبو نمر ..

اعذرني على التأخير ، لأن هذا لون بالنسبة لي جديد

لأني أول مرة أحاول النظم فيه ،

وهذا اللون شبيه إلى حد ما بالعتابا عند الشوام ،

لأن الكلمة في القافية تتكرر نوعاً ما ..

والفرق هو أن القافية في العتابا ترد هي نفسها ولكن بمعاني مختلفة ،

وفي المدروف كما أراه هنا ، تتكرر صيغ الكلمة ، ولكن لا يشترط اختلاف المعاني .

فمثلاً يقول شاعر العتابا :

أحبابي وين ما راحوا وحَلـّوا
بقلبي وعقدة همومي يحِلـّوا
كاس المر بالمبسم يحَلـّوا
ويصبح كاس طيب للشراب

وبعد هذه المقارنة ، يسرني أن أضع بين يديك نتيجة المحاولة في المدروف بعد الجهد :
صحيح اللي انقطع بالشان يتوصّل= ولكن كل شي يرجع إلى أصله
متى ما ظل حبل المرحمة موصول
ومهما البير زاد الماء فيها قل = لأن كلـّين منها قد ملا قلـّة
وإذا حصـّلت غلطة في كلامي قول



مع الأستاذ كل من جد يتجمل = يجيد الصرف والأعراب للجمله =
وبايطلع رصيده في السنه مجمول =
وباب العلم بالتعليم يتحصل =ومن فكر فقط في الرمل والحصله =
يضيع اللي معه في الذاكره محصول = ]

[alraai]

تحيه لك أخي أبو نمر وكل عام وأنته بالف عافيه وعيدك مبارك.
الربط مشدود جم ولكن بهذه المحاوله عساء نوفق.




على الصياح نا بندر ولونقتل=ومن لاجاب عالصياح له قتله
= وهي ساعه وياقاتل ويا مقتول
متى صاحبك من تيهه متى يعقل=وعندي الشك في أنه فقد عقله
=فعاله كلها مامنها المعقول
مضت ليام نتفكر لذي يفعل= وضاق الحال من ذي شوف من فعله
=بفعله ناصر الفاعل على المفعول
ورايك فيه ذي خلاه يتدلل=ولا ظنيت شي تغيير في دله
=عمى: وانته تقول أن العمى مدلول
ولكن لي رجاء في يوم يتعدل=وبين الناس شاع النصح في عدله
=وبشهد له شهاده زاكيه بعدول

[الرحبة]

مساجلات شعريه جميله
تشكروا عليها ياشعار
لايحرمنا الله من اشعاركم الجميله
كل عام وانتم بخير

[أميرة الوادي]

وهذا فصل ما ظنيت يتغيّر = ويبعد عن عيوني باهي الغرة
أظنه من كثـُـر حبي غدا مغرور=
أبشكي والقلم مسكين ما عبـّر = إذا ما مـِـلت به خنقتني العبرة
وببكي له إلى اما العين ترجع بور=
سمح لي بطلبك يا حالي المنظر = تجد لي باللقا حتى ولو نظرة
واذا انته بعيد با شوفك من الناظور=

[أبونمر]

طبيعة بعضهم لاغاب يتعذر =ويلحق في الهوى من بيقبل عذره
ولو هو في الحقيقه كان مش معذور =
على لونين للأحباب يتصور = لهم كل يوم بايظهر على صوره
وساعه في عدن يظهر وساعه صور =

[أبونمر]

تحيه لك أخي أبو نمر وكل عام وأنته بالف عافيه وعيدك مبارك.
الربط مشدود جم ولكن بهذه المحاوله عساء نوفق.




على الصياح نا بندر ولونقتل=ومن لاجاب عالصياح له قتله
= وهي ساعه وياقاتل ويا مقتول
متى صاحبك من تيهه متى يعقل=وعندي الشك في أنه فقد عقله
=فعاله كلها مامنها المعقول
مضت ليام نتفكر لذي يفعل= وضاق الحال من ذي شوف من فعله
=بفعله ناصر الفاعل على المفعول
ورايك فيه ذي خلاه يتدلل=ولا ظنيت شي تغيير في دله
=عمى: وانته تقول أن العمى مدلول
ولكن لي رجاء في يوم يتعدل=وبين الناس شاع النصح في عدله
=وبشهد له شهاده زاكيه بعدول

على المدروف بعض الناس يتزمل =وما تحس لاطلق للصوت والزمله
ولاقد قلت مغنى قال عي يازول =
وهذا الصنف وش به عادنا نعمل = مصيبه لادخل في السوق بالعمله
وهرجه في المصارف دوب به معمول =

[أميرة الوادي]

طبيعة بعضهم لاغاب يتعذر =ويلحق في الهوى من بيقبل عذره
ولو هو في الحقيقه كان مش معذور =
على لونين للأحباب يتصور = لهم كل يوم بايظهر على صوره
وساعه في عدن يظهر وساعه صور =


أمانة لا وصل لاعندكم أو مر = تقولوا له يزور الحي ولو مرة
يداوي بالتلاقي العاشق الممرور=
على عهد الهنا ما زلت نتحسّر = خسارة ما تفيد اليوم شي حسرة
ولو جافيت مثلي با تظل محسور=
إلـَن ترضى علي با راسلك واشعَر = وبستناك واعصابي على شعرة
وتمّي أذكرك ما زال فيّ اشعور=
عبر وقت الهنا والحب لي أزهر = قطفنا بالتداني فيه كم زهرة
وفرشنا فيه بستان المحبة ازهور
قدر مكتوب في الأيام ومسطـّر = وكل واحد يحصـّل ما حكم سطره
ولكن بعضنا تجزع عليه اسطور=

[أبونمر]

على دنيا ندم من مننا معمر =ومن يؤخذ زياده عده عاعمره
وهذه سنت المولى لنافي كونه المعمور=
بغيت الكسر ذي في الساق يتجبر =وباعطيكل واحد ياعرب جبره
وبامشي بين خلاني ونا مابينهم مجبور=
مضت سنتين لي صابر ونتبصر =بحيله تنقذ اللي هو في البصره
مضيع بين حب ناصر وبامنصور=
ونا ماحب الا طيب المعشر=بنسبه قدرها عشره على عشره
ولكن للهوى حكمه يقسمها نصاف عشور=
وعدني ذا السنه باصبر وباتصبر =وكل من بيصبر يلحق على صبره
جزاءماشي كما لما تكون اصبور=

[أبونمر]

ماشي كما القرص لاقد قع في المجمر = وحلاوته يوم منه تقلع الجمره
لاخبز مصري ولا هولي كما المجمور

[عمر خريص]

اخي الشاعر ابو نمر ..
اصرارك على ان اشارككم يسعدني
وارجو ان اكون عند حسن ظنكم ولا تؤاخذونا عن التقصير


سلام الفين لك ياالحالي الاسمر = في حل الصفا تحلى بك السمره
على ضوء القمر ومابيننا السامور=...........
وحدك عندي المزيون والازهر= تشع في سماء حبي كما الزهره
واصبح بك بستان الهوى مزهور =....
مثلك بو نمر ما اليوم بتنمر = في جبر الحبايب بؤخذ النمره
صحابي كلهم يابو نمر انمور=.....
تقول الخبز يامحلاه لتقمر = ابيك تضمن لي التقصير والقمره
انا مرضي ابات ياصاحبي مقمور= ...

[أميرة الوادي]

ما شاء الله يا أبو محمد الشحري

والله فرحنا جداً بوجودك معنا

وبإبداعك المتجدد

وإن شاء الله من حسن إل أحسن .

ودائماً على الخير نلتقي.

[أبونمر]

ما شاء الله عليك يابومحمد كفيت ووفيت
اعطنا منه الخافي واظهر لنا زلالك يالغالي
تسلم على ماجادت به قريحتك وتفضلت بأمتاعنا به
لك كل التقدير والشكر على هذه المشاركه الشعري على المدروف

[أبونمر]

حد معه شي يطلع

[أبونمر]

يالله يا اميرة الوادي بغينا صوت جديد وقافيه حلوه وسيعه عيها يطلع كلام

[أميرة الوادي]

إن شاء الله قريب

بس إيش رايك تجيب الفصل أنت ..

لأن الإبداع يعديني أكثر من أني أكتب بنفسي.

[أبونمر]

الدان والمدروف ذكرني زمن =وايام مرت في ربوعك يالوطن
لاذكرتها دمعي من عيوني يسيل =
مشتاق للوديان ذي فيها سكن =بوزيد عا حيث الخضيره وافتتن
في عشقها ولعاد منها بايميل =
يا اميرة الوادي على وديان ون قلبي =وراسي لاقدا الوديان حن
وعزمت باسافر وناوي عالرحيل =
بازور وادي ما يثمن بالثمن =طينه ذهب وحصاه لؤلؤ واللبن
مأكل لحلانه وماه السلسبيل =

[البكري]

الاهل والاصحاب لك في سهن = وشوقهم للقاك من قبل المنن
= بسأل المولى عسى بالعمر الطويل
رتب الترتيب وتحرك قبل المحن = لاتجيك وتكسّر عزومك قع فطن
= والوطن ماحد يبدلّبه بديل

[أبونمر]

شميت نسمة ريح من ارض اليمن =من بومحمد صاحب الخلق الحسن
ما يعرف الواجب سوى ذي هو اصيل =
وفرحت بالتلفون منه يوم رن =وفرحت بالصوت الذي فيه الشجن
من عند شاعر دائما شرعه طويل =
عالفرض متحفظ وحافظ للسنن =ولايطبل خلف من طبل بشن
وإن قال بايثبت كلامه بالدليل =

[أميرة الوادي]

الله ! صوت جميل جداً يا أبو نمر ، وكمان ملحّن من تلقاء نفسه ، حتى أني بدأت أغنيه!:


بالدان شل الصوت يا شاعر وغـَنْ = يا بو نمر أرضك ولا جنة عدن
شربة من الوادي تنسّم ع العليل=

سيؤون ستّ الحسن تحوي كلّ فن = من حلـّها يرقص وعمره ما زفن
يتخلص المهموم من حمله الثقيل=

نسمر مع الألحان والقول الحسن = ومْـعَ خيوط الفجر يسبينا الوسن
يلقي بنا في واحة الحلم الجميل=

باسرارها بابوح في السر والعلن = واصرخ بعالي الصوت:" أهواها" كمن
واحيا وقلبي من محبّـتها قتيل =

[أبونمر]

لاقد سمعت الدان والمدروف ون =قلبي وزاد الشوق لبلادي ولن
يرتاح وجداني خلط صبحي بليل =
بيت مثيل الطفل عين للزواهر لاافلن = من غير ريبه في بلد زينه ومن
راحتي في ارضي وفي الحصن الدويل =
حصن الكرم ذي فيه من قبلي سكن =وانصب مصانع حربيه اربع عين
والشغل من تحت المعلم والقبيل =
لوهي بخيره ما مسي في بومعن = ليله ولا ضليت ساعه في تبن
ذي تزرع البن والعطب والزنجبيل =

[أميرة الوادي]

ما أجمل ما كتبتما أخواني أبو نمر والبكري

غير أنه يصعب أن نستمر في قافية النون بلا تكرار ..

لذا فهذا فصل جديد

بعد الإذن منكم طبعاً :


كل من جرح واحد مصيره ينجرح = لكن حشا أدعي لخلي بالألم
لي صابني بالقد والوجه السمح = والسهم من رمشه وبالبسمة ختم
بيت على ذكراه أسهر للصبح = والدمع من جرحي جرى يقطر بدم
كلما زعل أزعل وأفرح لا فرح= كنه على أوراق إحساسي بصم

[البكري]

من فاز بك يالقمر عد بانه ربح = حياته في السعاده ماعرف للندم
جاته البشاره قال قرصي نجح = ريت الفوز يتحصل من جرة قلم
اليوم نا بافرح يوم ميزاني رجح = يرضى بالقسمه من بيده قسم
بصمت بيدي يوم شفت القول صح = طرحت البصمه سوا فوق العلم

[أبونمر]

خافه معك يمزح لأن طبعه مزح =ولايفرق بين اخ او إبن عم
وبالصفات الفاضله هذه نجح =لأنه بها بين المحبين اتسم
ومن صلح نفسه مع غيره اصتلح =ومن خربها بايروح كالعدم
والعشق للمعشوق لاقع صدق صح =من اول النظره تبين وافتهم
وانه خطاء ان باتذم او باتمدح =ماحد دري عنه ولابه حد اهتم

[أبونمر]

نأسف على تكرار القافيه في بعض ابيات البكري لأنني كتبت قبل الأطلاع على قصيدته

[أبونمر]

من اجل نظرة عين عنه باصفح = الذي لقى نفسه من كلامي صنم
لو هوطلب لكسز عطيته اوشبح =من دون من او ريب او غيبه وذم

[البكري]

من اجل نظرة عين عنه باصفح = الذي لقى نفسه من كلامي صنم
لو هوطلب لكسز عطيته اوشبح =من دون من او ريب او غيبه وذم



عمّرت بندقك لكن خساره ماقرح = وان قرح قرحته ماباتزل القدم
وبندقي ماكن عليه بيدي مسح = يجيب الهدف قبل لا نجر النسم
بيني وبينك الليل لا علينا جنح = بانشوف من منا في سواده قدم
وللمسراح بابكر معك نا باسرح = بانجيب الجميله من روس الدقم

[أبونمر]

مانا على بندقي خاطر لا انطرح =ومعي ذخيره كنش ماحط الكدم
ونصيب مول القرن ماصيب القرح = ومن رصاصي كذب عاده بيسلم
والوعل ذي عالبال في لحظه انكبح =جبته سليم الصاغ وبراسه فجم
ولعاد بافكه انا إن بيكمح او بينطح =في الزرب باحطه مصيغ للغنم[/poem][/poem]

[البكري]

صيحت في صيحت لما الصوت بح = لكن خساره ماحد لقولي فهم
والطفل لا قارب النار باتقوله اح = والعاقل مصيبه لا عليها هجم
والعشق بلوه صاحبه دوب يفتضح = يصبح ملوم بين العرب متهم
واليوم يابونمر لك بالصدق بانصح = بانترك العشقه وكل مقصود تم

[أبونمر]

قلبي من العشقه تفذح وانذبح =ولعاد باقنع منها او روح ثم
عاشق متيم في المداره بارزح =لما يعود التم خس والخس تم
والذي سبا عقلي بكلمه وانشرح =خاطري عاكلمته به وحدي علم
عارف مقاطينه وحزنه والمرح= مرهون في كلمه من الخمس الكلم

[البكري]

قليل العقل ذي هو بالعشقه شطح = وتالي العشق بيده عا خده لطم
ولا بدا عاشق في عشقه فلح = كم وكم من العشقه درسناها حكم
آه لو اعتبرنا من حياة ابن الملوح = زاغ العقل منّه يقبّل جدران الخيم
واحسب حسابك في المداره اشترح = والرزيح له فن ماهو دق عجم

[أميرة الوادي]

يا قلب سلم له قفولك واسترح = ثم استعد وادّي التحية للعلم

واعطيه ما يبغي ولاحكامه انطرح = هو سيدك هو من على قلبك حكم

كن طوع أمره إن رضي ولا ضبح = اصبر ولا تنطق سوى كلمة :"نعم"

غلق زمان الصدق ذا وقت المدح = جهز دفاعك قبل تصبح متهم

[أبونمر]

لاحول لاقوةبغيتوني سبح = في بحر طامي موجه البارح لطم
شل القوارب من على ساحل نبح = ورمى بهن في داخل النيل الظلم
يالبكري الصياد شف كيله طفح =هذه السنه ولعاد تحسب منه وم
يرجع من الغبه كما لما سرح =يوم الثمد والخلخل الزين انعدم

[أبونمر]

يا قلب سلم له قفولك واسترح = ثم استعد وادّي التحية للعلم

واعطيه ما يبغي ولاحكامه انطرح = هو سيدك هو من على قلبك حكم

كن طوع أمره إن رضي ولا ضبح = اصبر ولا تنطق سوى كلمة :"نعم"

غلق زمان الصدق ذا وقت المدح = جهز دفاعك قبل تصبح متهم

مادام خلي عده في العشقه ملح =باعطيه مطلوبه شوي وإن كان جم
وإن قد قنع كل من قنع قالوا ربح =والربح بايحققه كل من هو ملم
باب الهوى مقلود ماباينفتح =وان حد فتحه الصبح بايقلد عتم
باقولها من صدق شفني بانقح =بالصدق حتى يبتني كلما اهتدم

[البكري]

يامرحبا بالعشق قدم له بلح = والزنجبيل الزين ماهمه بكم
ميزر ابوشبه تفند لا قرح = يصلح سلب للجيد لي هو من قسم
بايرد كل غاشم تمسى اوسرح = والكذب مهما كان عمره ماحكم
في الكير كل قاسي يردونه سمح = صخر القرض معروف مهو كالسلم

[أبونمر]

هكذا يالبكري بس بغينا فصل جديد حقه معه

[البكري]

باعبر السيل حتى ماعتبر=للسباحه جنودي ضاريه
=باتركهن سنابيك الخصار
من معه هيج في العقبه اختبر=لامشى في الطريق القاديه
=بايوصل حمولك باختصار
كل مكسور عظمه اجتبر=لا لحقله اماكن هاديه
=صبر من بلي في ذالحصار

[أميرة الوادي]

باعبر السيل حتى ماعتبر=للسباحه جنودي ضاريه
=باتركهن سنابيك الخصار
من معه هيج في العقبه اختبر=لامشى في الطريق القاديه
=بايوصل حمولك باختصار
كل مكسور عظمه اجتبر=لا لحقله اماكن هاديه
=صبر من بلي في ذالحصار

ما أقوى كلماتك وأصدق إحساسك أخي البكري ،

ما شاء الله .. لم أعرف بماذا أجيب ؟

فاقبل هذه الكلمات المتواضعة ، على الرغم من أني نظمتها على وزن مخالف:


جهز المرساة من قبل السفر = بربها تبقى السفينة راسية
لو تهب الريح في ظهر النهار=

في بحور الشوق قلبي ما استقر= بعثرتهُ الريح في كل ناحية
شي وصل للبر وشي في الجو طار=

ما علي في الريح بقرا في السور= والسفينة باذن ربي ناجية
من أعاصير المآسي والدمار=

[البكري]

قبلنا منك يالاميره
وهذا الرد على نفس الفصل


ماعاد ميّت اقتبر=ولوهو حياته ساليه
=ماتوا لي عمارهم قصار
لي من ماضيه اعتبر=واحسب حساب التاليه
=يهناه ذاك الانتصار
القياس بيدي اشتبر=ياهل القصور العاليه
=مايهزكم الريح والاعصار

[أميرة الوادي]

قبلنا منك يالاميره
وهذا الرد على نفس الفصل


ماعاد ميّت اقتبر=ولوهو حياته ساليه
=ماتوا لي عمارهم قصار
لي من ماضيه اعتبر=واحسب حساب التاليه
=يهناه ذاك الانتصار
القياس بيدي اشتبر=ياهل القصور العاليه
=مايهزكم الريح والاعصار
أخي البكري أظنني أدركت الموسيقى الأصيلة التي نظمت عليها أبياتك ، وإليك ردي:


لي ما مشى وقت الغدر = يخشى النجوم الزاهية
ويظنها اعيون النمار=

واللي يجمّعها قطر = ترويه قطرة شافية
ومحال ترويه البحار =

كلّ ٍ على قدّه قدر = ما حد سواه الطاغية
لي هو يزيـّد في العيار=

[أبونمر]

الغائب اليوم اختبر =ونجح بدرجه عاليه
رغم إنه صعب الأختبار=
درس وذاكر وأجتبر =عالقار قبل الحاليه
ماشي حلا من دون قار=

[البكري]

القول لاهو معتبر=ودروس له متتاليه
=يحق لك به الافتخار
قولك مثل التبر=حفظه للايام الخاليه
=شف عادها جنّه ونار

[أبونمر]

فصل جديد بعد اذنكم لي بافصل على صوت قصير

ذا فصل والثاني عدن ميناء مهم = لكنهم للآن ماعطوه اهتمام
ياريت يستثمر ه حد مش منهم =بايكون ميناء عندنا تجاري و هام

[أبونمر]

تبعد وتتهرب ونا بك ما علم = ايش السبب والسر فدني بالعلام
لا يا امين العاصمه سرت الحكم =انته وباتنفذ بيدك في الحكام
باتنصر الجاني على المجني رحم = كونوا شوي بالله في المجني رحام
وان قع شوي منك وعاد الجاي جم =وبالعسل باترد لي جبنه وجام
معد بظني منك عدحد بيسلم =وعلى كذا باقراء على الدنيا سلام m][/poem]

[البكري]

يابونمر تحلم ونا مثلك حلم = في ارض اليمن صعب تتحقق الاحلام
ومامنحوهم قسمّوه بينهم سهم = والشعب معاين قسمه في ذيك السهام

[أبونمر]

عطية المولى بها المولى قسم = حد قسم له واحد وحد خمسه قسام
ورضوا بها من بعدماربك حكم =ولعد عليهم غير تنفيذ الحكام
شعب اليمن مغلوب عاامره ولم =يلتام لكن مين هو ذي بيلتام
اكيد ذي وقع وعالورقه بصم =وش عادنا بانقول من بعد البصام

[أميرة الوادي]

تبعد وتتهرب ونا بك ما علم = ايش السبب والسر فدني بالعلام
لا يا امين العاصمه سرت الحكم =انته وباتنفذ بيدك في الحكام
باتنصر الجاني على المجني رحم = كونوا شوي بالله في المجني رحام
وان قع شوي منك وعاد الجاي جم =وبالعسل باترد لي جبنه وجام
معد بظني منك عدحد بيسلم =وعلى كذا باقراء على الدنيا سلام m][/poem]



مرحب بها أبيات من شاعر نظم = لكن سمح لي با نحط نقطة نظام
من قمت شوف الخير خص والشر عم = والحق يظهر وان مضى كمين عام
والصاحب اللي لا غلط مرة ندم = ويجود بالحسنى وفيه الخير دام
ما يحتمل لا صاب خله أي غم = يكشف بنوره الشمس من بين الغمام

[أبونمر]

لاقلت لي تمت انا باقول تم = وعسى الحوائج تنقضي لا بالتمام
لاقد فهمت الوضع والأمر افتهم =لاتحط عالجمله علامة افتهام
ياكامل المعروف جودك قد قدم =لأنك معد من ذي يرصون القدام
وكلامك الموزون صم الراس صم =يومك تحافظ عاصلاتك والصيام

[البكري]

يابونمر حطيت الكيّه سوا فوق العلم = يومك انسان متعلم وناجح في العلام
من فهم لقولنا معنا شفه انسجم = عسى مابينا يستمر ياصحابي الانسجام
وعم الخير في ارضنا والانس عم = والازهار في الربيع تتفتح في كل عام
والقصد شونا لذا الفصل نا باختم = والخير كل الخير في مسك الختام
************=**************
ذا خرج فصل نسنس ياعمر بالمغاني=لاجل السلا والدان جيت قاصد وعاني
=ماهمنا ذي قالوا ولا ذي بايقولون
ياما دروس وعبر تعلمتها من زماني= من لا حسب للتاليه دوب بايعاني
=والقلب مكانه به معلّق ومشطون

[أبونمر]

يابونمر حطيت الكيّه سوا فوق العلم = يومك انسان متعلم وناجح في العلام
من فهم لقولنا معنا شفه انسجم = عسى مابينا يستمر ياصحابي الانسجام
وعم الخير في ارضنا والانس عم = والازهار في الربيع تتفتح في كل عام
والقصد شونا لذا الفصل نا باختم = والخير كل الخير في مسك الختام
************=**************
ذا خرج فصل نسنس ياعمر بالمغاني=لاجل السلا والدان جيت قاصد وعاني
=ماهمنا ذي قالوا ولا ذي بايقولون
ياما دروس وعبر تعلمتها من زماني= من لا حسب للتاليه دوب بايعاني
=والقلب مكانه به معلّق ومشطون



عدا زمان السلى واليوم جاء وقت ثانـي =وقت العمل والتجاره والطرق والمبانـي
ماشفت بدو الجبل في المدن حلوا ويبنون =
يالبكري الصوت هذا والمغانـي شجانـي =ياخير هولحـن خلانـي تذكـر وطانـي
وذكرت وديان فيها بـدو كانـوا يحلـون =
بعد المحبين ميسـم حـار نـاره كوانـي =وغربة الوقت هذا مثـل بئـر السوانـي
من يوم تشرق وخلق الله على البئر يسنون =

[أبونمر]

وين الشعار الصوت مايحتاج كلام والبركه في البكري ذي جابه

[أبونمر]

حان اللقاء والوفاء عدا زمان التماني =يامن سباني ومن حسنه تزعزع كياني
وبنى سواس الحبه عا قواعد وقانون =
العشق ماكان يخطر فوق بالي ولاني =به مولع ولانعطيه حتى ثواني
من وقت ضايع عليه ريتكم عنه تدرون=

[البكري]

يابونمرقبل شوفه من كلامه سباني = تلذذ من كلامه فيه الربط والمعاني
=يعجك القول منّه له معنى ومازون
نفرح من دخلته او من خبر عنه جاني = ويسر قلبي لا حسّه في تلك المجاني
=ومن خير الثمر دوب الناس يجنون

[مجمل]

ياريت بقعاء باتجي بالتماني = والا نشوف الخظر ياريت حتى ثواني
قلبي كما النوب عالجنوه يحنون=
مابا تحسف سواء يهوين اول زماني = كنا في البدو ملقي سلبتي عيلماني
حب القناصه وعندي كل حاجه بقانون=

[أبونمر]

للعشق دستور يالعاشق وفيه التفاني = وكل عاشق يقولوا الناس عنه اناني
ماسمعتهم ايش ذي قالوا لليلى ومجنون =
يامجمل الوقت خلاني نحب الشواني = بلوه من الله عليه بالمحبه بلاني
قلبي في الديس والجثه مع ذي يسمرون=

[مجمل]

انته تعاني وانا والله مثلك نعاني = مالك وللناس عش عمرك ترا العمر فاني
هذا عملهم يحسدون الذي هم يصلون =
اعرف طباعك وتوكل من سموح المجاني = حنيت للديس باتشرب مشكل وشاني
كثير عربان للبندر مثـــــيلك يحنون =

[البكري]

ياريت بقعاء باتجي بالتماني = والا نشوف الخظر ياريت حتى ثواني
قلبي كما النوب عالجنوه يحنون=
مابا تحسف سواء يهوين اول زماني = كنا في البدو ملقي سلبتي عيلماني
حب القناصه وعندي كل حاجه بقانون=



مرحيب بك حيّا باسمّع قاصي وداني = ولك يابونمر وللمدروف منّي التهاني
=يوم مجمل قصد مع ذي هم يقصدون
عان الله من تمّنى وعزّه من الهواني = يصبح يفاخر يقول ربّي عطاني
=ومن عطاه ربه له الناس با يحسدون

[مجمل]

مرحيب بك حيّا باسمّع قاصي وداني = ولك يابونمر وللمدروف منّي التهاني
=يوم مجمل قصد مع ذي هم يقصدون
عان الله من تمّنى وعزّه من الهواني = يصبح يفاخر يقول ربّي عطاني
=ومن عطاه ربه له الناس با يحسدون





يامرحبا قول من شاعر بغيه عطاني = من عند سيد من الماطر اعده كناني
لازم نشارك مع ذي فالسقيفه يغنون =
انته بديره وملقيلك كروزر عماني = واحنا بديره هواها كل ليله كواني
مابانساكم انا ياقرة العين والنون =

[أبونمر]

ماباك يالعشق في آخر زمن عمر فاني =عسى يزين العمل والخاتمه ياخواني
والعفو منه عظيم االشأن لا غمضت لعيون =
طمعان في جنة الفردوس عند الغواني = الحور وعسى بشوفتهن نبصر عياني
ونجاور المصطفىونعيش في خير وسكون=

[أبونمر]

فرحان جم بالمخوه يوم مخلوق جاني = عزه وحاذره والوالد كما به وصاني
وقال لي فيه يابني هلهالله باتكون =
قلت له باننفذها وصيتك ماني = مثل ذي للوصايا دائما مايداني
انت آمر ونا من ذي لأمرك يخضعون=

[البكري]

باسقي الزرع لا شفت الزرع ضاني = وباعطي كل مستحق ولا باخبي في ثباني
=هكذا المعروف الناس بالناس يستوصون
كل ماتعوج الحدد غصب يردّوه ساني = عمرك ماقسيت لا يالحديد الهندواني
=باتلين في اليد مادام الكير مرشون

[أميرة الوادي]

][poem= font="Simplified Arabic,5,black,normal,normal" bkcolor="transparent" bkimage="backgrounds/18.gif" border="double,4,gray" type=0 line=0 align=center use=ex num="0,black"]
عاد الطرب والأغاني والزفين اليماني = من حين ماعدت لي واسعد بوصلك كياني
في جنة الحب والأشعار في وسط سيؤون
نبقى على عهدنا ما الحين يئسوا الشواني = ما دام في صـفــّـنا الله وسبع المثاني
مايهم لو ضدنا إبليس وجنود فرعون[poem]

[أميرة الوادي]

عاد الطرب والأغاني والزفين اليماني = من حين ماعدت لي واسعد بوصلك كياني
في جنة الحب والأشعار في وسط سيؤون=
نبقى على عهدنا ما الحين يئسوا الشواني = ما دام في صـفــّـنا الله وسبع المثاني
مايهم لو ضدنا إبليس وجنود فرعون=

[أبونمر]

عاد الطرب والأغاني والزفين اليماني = من حين ماعدت لي واسعد بوصلك كياني
في جنة الحب والأشعار في وسط سيؤون=
نبقى على عهدنا ما الحين يئسوا الشواني = ما دام في صـفــّـنا الله وسبع المثاني
مايهم لو ضدنا إبليس وجنود فرعون=

lمرحيب بأبيات من شاعر كما الأصفهاني =شاعر متيم ومن ذي يفهمون المعاني
سلام كرره له مني مئة الف مليون=
ذي جاء الى الدان والمدروف قاصد وعاني=ومن العناقيد يقطف كل عنقود داني
معروف مايحلها عادته بالضعف والدون =

[البكري]

كل شي عا العاده دامنا في مكاني = بانجدد صوات الدان هي والمغاني
= ياسعد لي معنا عا المغنى يسمرون
سال وادينا ومنه وقع شرب هاني = بعد ماكانه زمن من قل الرحمه يعاني
= والناس اليوم من كرع صافي يشربون

[أبونمر]

فصل جديـــــــــــــــــــــــــــــــــد***
********************************


مانا تركت الهوى والعشق من بدري =لحيتي من فضل ربي ماليه صدري
باتوب توبه نصوحا قبل ما يجي الموت =
وعسى بحسن العمل والخاتمه تسري =عا اكمل الوجه والمطلوب يالبكري
جنه ورضوان ماهو لحد عرضه فوت =
لو بالعمل ايش ذي نعمل ومن يدري =بقبول صلوات صلاها وما يجري
اسباب تقصير في غزه وفي بيروت=

[البكري]

من تاب تاب الله عليه دام النسم يجري = والتوبه علينا تجب ذا في القلب فطري
= عسى التوبه تقع صدق قبل وقتها يفوت
عاد الامل في الله بايحقق لنا النصري = ومهما طال الليل لابد ما يبزغ الفجري
= هو لي يصرّف الكون وهو مالك الملكوت

[البكري]

وينك يابونمر وين الشعار

[أبونمر]

موجود يالبكري بس منتظرين اميرة الوادي اوحد شعار يدخلون خلينا المجال متروك لهم شوي

[أميرة الوادي]

لي قلب حساس اذا ما رفرف القمري = يسري مع الحسن حيث الرجل به تسري
واذا دعا داعي العشقة يلبي الصوت=
قد طاب قلبي بذكر الله في شعري = هو مـَن هداني و مَن فوّضت له أمري
بيده نجاتي كما نجا حبيس الحوت=
وحده أنيسي إذا ما ضمني قبري= وارجوه يحسن بعفوه عاقبة صبري
هو عالم السرِّ كل شي بالقلم مثبوت=

[البكري]

لي قلب حساس اذا ما رفرف القمري = يسري مع الحسن حيث الرجل به تسري
واذا دعا داعي العشقة يلبي الصوت=
قد طاب قلبي بذكر الله في شعري = هو مـَن هداني و مَن فوّضت له أمري
بيده نجاتي كما نجا حبيس الحوت=
وحده أنيسي إذا ما ضمني قبري= وارجوه يحسن بعفوه عاقبة صبري
هو عالم السرِّ كل شي بالقلم مثبوت=



هذا القول من زينه له انشرح صدري = ونسم عا خاطري وجلا قلبي من كدري
نسمع الصوت في اذني كما قرحت الباروت=
قايس كل شي بعقلي وماتاثر من السحري = وسحر الهوى بلوه وجرح القلب مايبري
كفى منه لنا عبره لهاروت هو وماروت =

[أبونمر]

ياسيد الحسن بعدك ما امتسح اثري =خطوات بعدك خطيها وانت ماتدري
لاجيت صفوى ندور لك تبت تاروت =
وإن جيت باولع السمار لك جمري = تولع وتطفي وتشغلني مع سبري
والسبر معروف قدها ماتنجح قوت=

[أبونمر]

طبع الهوى هكذا يا اميرة الوادي = اللي تحاذره جم يشناك بالمره
واللي سقيته عسل يسقيك مر =والحاصل ان الزمن والوقت كله مار
يومين دور على البكري وله نادي=وهومن الصوت حقي راح في صره
وصار عاميقوله في كلامه صر =بالرغم من ذي يقوله عده مابعد صار
يابومحمد نطق هت مامعك عادي =من شأنيحلى لنا المدروف والسمره
وانته بنادم تحب دوب السمر = سالي ويرتاح قلبك لالحق سمار

[البكري]

دوب لبّي اذا نادى عليّ منادي = قول حاضر ولبيك ونفذه امره
واسكت من لي تحت بيتي مر = ولا حد يحبه صاحب المزمار
آه مالليله بيني وبين النوم بادي = ولا عاد مني عالسهر قدره
خلاص رك العظم ولعاد اقدر = غير اصبر واتحمل وبيده الاقدار
ونا عدّك يابونمر زادي ومزنادي = شفنا خذت من لي مضو عبره
ياكم وكم شفنا في الدنيا عبر = وناس يم مايفيدهم الاعتبار

[البكري]

غاب عني اوقد تناسى ودادي = وان اعتذر علي نقبله عذره
لان المحب لمن يحب دائما يعذر = ونا منك يابونمر نقبل الاعذار

[الرحبة]

مشكور يالبكري والشكر موصول لشاعرنا ابونمر والشاعره اميرة الوادي
اجمل الأشعار واعذبها نراها هنا امتعتونا بمساجلاتكم ولا اخفي عليكم
اجمل ماشدتني في عذب القوافي هذه المجاراه نتمنى لكم التوفيق

[أميرة الوادي]

ما بحتكم للهوى والنبض في فوادي = يشهد على ما يسوي بي ضنا هجره
له بنتظر كنـّني لحظة إذا هجّر = باوقف بجنب الزمن ضده إذا هو جار
طبعي كذا ما احتمل واقول شي عادي = من يبتدي بالعداوة ابتعد واكره
واحيان اسامح ولكنه إذا كرر = ما يدري الا بشعري عا جيوشه كار
وارتاح لاسْمعت صوت البلبل الشادي = وابونمر لا دعا البكري إلى سهرة
برغم إني دهلت النوم ما أسهر = حصـّل عيوني وديواني واني سـُهـّار

[أبونمر]

باحسبك زادي في الشده ومزنادي =باخذك دائم معي مادام لي قدره
وان بايساعدك وقتك سعفنا تقدر =باقول سر بيننا قد جمعت الأقدار
من عادة العرف إن الظالم البادي =وانته معك علم ياصاحبي بالخبره
لأنك دواما(ن) على اهل الخير تتخبر=وتستقي دائما(ن) من صحة الأخبار

[البكري]

عسى عسى يارب تحقق لي مرادي = ونقطف من البستان كل زهره
لان البستان يعجبك زرعه اذا ازهر = وكل البشرتحب وتهوى الازهار
لاحد يغرك من لقى غتره ورادي = من عندهم دايم تجي القصره
والثوب لا قد طال عاده يتقصّر = ماباتسلب منهن ذولاك القصار

[بو فيصل]

اخوي الغالي /ابو محمد

مريت على عجل ونزلت هذين البيتين اثبات وجود ..وخيرها في غيرها ..بارك الله فيك


]ولعاد باقي في المسبت ولا عشرة =كل المخابيط ضاعت مابقي عشـري

والمال ذي كان من مصدره يتعشر= معاد حصلت منه شي عشر واعشـار[/B]

[أميرة الوادي]

فصل جديد:

ذا فصل نحنا يا العرب صرنا عجب= أمة ولا تلقى محل بين الدول
عبنا زمننا والزمن ما هو السبب=لابد نفتش عندنا فين الخلل
كل من بيصلح شاننا هج وانسحب=لانّ الفساد اصبح فيِ الساحة بطل

[البكري]

الخلل في قيادتنا ماحد لاصله انتسب = ولعاد حدمنهم يخلص للعروبه العمل
زمن كان نجمنا ساطع ماليوم قد غرب = قد حكمنا ارضنا وحكمنا لهم شمل
نعود الى ديننا ونعمل ماعلينا وجب = بايعود لنا مجدنا وبايسطع نجمنا لي افل
شبعنا من كلام وكم سمعنا من خطب = والشعب اليوم من مايقولونه مل

[أبونمر]

فصل جديد:

ذا فصل نحنا يا العرب صرنا عجب= أمة ولا تلقى محل بين الدول
عبنا زمننا والزمن ما هو السبب=لابد نفتش عندنا فين الخلل
كل من بيصلح شاننا هج وانسحب=لانّ الفساد اصبح فيِ الساحة بطل [/poem]


وش من عروبه عادها والعود نب =لادخلت الخشه في العود انتصل
عا قولة البكري العرب مثل الخشب =ياخير هم لما يلبسون البدل
والوازع الديني من البعض استلب =لو شي ديانه قد لقوا الفين حل
للقدس لو شي فوق كل لحيه شنب =لا الشيخ بايقتل ولا الطفل انقتل

[باسالم]

انا متابع لهذه المسلجله
المتعددة
المواهب والافكار والطرح ويعجبني اكثر ذكى الشعار

وش من عروبه عادها والعود نب =لادخلت الخشه في العود انتصل

ايش معنى هذا البيت

[أميرة الوادي]

في خلاف من قمنا على أصل النسب = وخلاف في الميراث ما سيب السقل
وصراع حول الحكم شب النار شب= ما توهد الا والعدو فيها شعل
والحاصل اصبحنا حكاية في الكتب= تاريخ في العدوان عاده ما اكتمل
لبنان تغلي والعراق اضحت لهب= والكل يتفرج ولاجاه الملل

[البكري]

الهيج معاد ينفع اذا جاه الجرب = وكم من الاحمال على ظهره حمل
غصب يطلقه عصبه من بيده عصب = وبايطلّع الماء من دلوه نزل
الآكله لي في الجسد معادلها طب = بايموت صاحبحها اذا جاه الاجل
بايشيب على العاده لي عليها شب = ومن ربي على مهونه منها ماخجل

[أبونمر]

تبا(ن) لحاضر وقتنا هذا وتب =وقت التقاعس والتخاذل والفشل
وياحسوفه عازمن عدا وهب =عهد التكاتف عهد يضرب به مثل
يوم الخليفه كان يحكم عاسهب =حتى على نفسه في احكامه عدل
عهده حروفه مسجله بماء الذهب=ذي ماكسب منها مباني اوفلل
لمنا الزمن واللوم عااهله وجب =ومن يلوم الوقت في التقدير زل
اهل الزمن هذا ربع فيهم عيب =وربع منافق منهم وربع دلل
وربع تقي منهم وجاهد وأحتسب =اجره وعلى ربه توكل وأتكل

[أبونمر]

فصـــــــل جـديـــــــــــــــــــــــد


خائف على اللآذقيه تتبع البصره =ودمشق تذهب كما بغدادفي ودره
وبعدهم مادري من بايجيه الدور=
الحاصل الوضع ماهو زين بالمره =ولعاد شي باتعم افراح ومسره
في الألف واحد تحصل في العرب مسرور=
من عهد بلفور والكره وراء كره =والحبل ذي في القدم كلما ربخ زره
صهيون ولعاد بايربخ وهومزرور =

[البكري]

ايش من ربح بايحصّل من باع بالغدره = ولا بدا جماله جات من صاحب القصره
عمره يتعذّر من قام وهو في التقصور =
بغداد نار شاعله في وسطها حمره = والقدس ضاعت عليها في الكبد حسره
كم مؤمن قلبه عليها مسى محسور =

[أبونمر]

بغداد والقدس مثل الزير عالعجره =باندعي الله يكفي الناس من شره
من هوسبب كان في جلب البلاء وشرور=
الوضع فيها خطر والمسأله خطره =واهلها بعد هذا مالهم قدره
ولعاد معهم لرفع الظلم شي مقدور=

[البكري]

ياريتهم يوخدون من لي قد مضو عبره = ومن هو مع الله كان حق عليه نصره
شف من مقصده لله دايم وهو منصور =
والمسلم مع المسلم دايم يشد ازره = لكن اليوم الخو يشكي خوه من هجره
ونشوف شعب كامل اصبح مميز ومهجور =

[أبونمر]

بانغير الفصل شكله ماوافق الدكتوره وبانجيب فصل ثاني على قافيه واحده

ماشي يجي عا طيب خاطر فيك ياهذاالزمان =
= ريت المحله في كريتر ماباك يالشيخ عثمان
مشتاق لك ياجنة الدنيا عدن ارض الأمان =
= لااليوم تكفيني ولا اليومين باغبر ثمان [/poem][/poem]

[البكري]

لا تذكرنا مكان قد كنت فيه عاشق وحبّان = لا تذكرنا بصيره ولا المعلا ولا جبل شمسان
نا باقول من الليله ياعدن حان اللقاء حان = استبشري ياجنّة الارض بعناق تبن وحسّان

[أميرة الوادي]

من جد يا أبو نمر أنا آسفة عالتقصير

وكنت أفكر في فصلكم السابق لكن ما قدرت له

ما طلع معي غير هذه الأسطر التي لا تتفق معه:

بلا مقياس حد يغرف من الجرة = وغيره في طلاب الرزق يتجرجر
ومن يقدر على قوته فسح في الجار=

[أبونمر]

تعبنا لامتى كره وراء كره =بلاش الهرج حق كل يوم يتكرر= = تعبنا لامتى تكرار في تكرار
ومن قل الحكم بانروح في صره =لأن الطبع والعادات تتأصر = وهذا الطبع فينا من بطي قد صار ( الحكم )جمع حكمه

[أبونمر]

وينك يالبكري مانفرت منتظرين جوابك

[البكري]

والله معد درينا وين الفصل اللول والا الثاني والا الثالث

[البكري]

قل دان مالحين باطّيب لي السمره = لا لحقت المغني مع الشعار بتسمّر
يرتاح فلبي لا لحق يم سمار =
حد عيشته يابونمر في مسرّه = وحد مسكين من الضيم يتسمسر
من الجور صبح كما المسمار =
راثي الا لكل من عيشته عسره = كل ماصلح امر عليه الثاني يتعسّر
عدى عليه الوقت هو في تعسّار =
دوب ميّل من طريق صاحب العثره = لا لقيته ماعذر فيك مايعثر
ناس يم شفهم يدورون للتعثّار =

[أبونمر]

كفانا الله ماذلحين من شره =ولاجاء نارحمره فيه باشرر =
لأنه بالحقيقه ساير الأشرار =
ولاباعذره قط ماهذه المره =وباخليه طول العمر يتمرمر=
على كيفي معه بامرمره مرمار = ]والمعنى في بطن الشاعر يالبكري ههههههههههه

[البكري]

تركه يابونمر خله لله والقدره = وصبر عابلاه اذا مولاك قدّر
سبحانه المولى هو قدّر الاقدار =
ماعذر مايجلب له غروره امضره = وكم مسكين من اعماله اضرر
عامرور الزمن باتجيه الاضرار =

[أبونمر]

تركته كنني بس خاف من غدره = يقع مثل الغسق والليل لاغدر
لأنه من بطي نا عارفه غدار=

[البكري]

حرص منّه لي ماتفيده العشره = وصاحب مخلوق طيب المعشر
والصفر مايحسب كما الاعشار =

[أبونمر]

يقولون العرب بعض العرب خشره =ونا ذا النوع فوقه طول ماخشر
خلافه ذي بغاء يالبكري الخشار =

[البكري]

الشجره يابونمر سرها في البذره = وكل زينه لازم منها الخير بايبذر
وام الخياسه ريت ماوقع لها بذّار =

[أميرة الوادي]

بانغير الفصل شكله ماوافق الدكتوره وبانجيب فصل ثاني على قافيه واحده

ماشي يجي عا طيب خاطر فيك ياهذاالزمان =
= ريت المحله في كريتر ماباك يالشيخ عثمان
مشتاق لك ياجنة الدنيا عدن ارض الأمان =
= لااليوم تكفيني ولا اليومين باغبر ثمان [/poem][/poem]

تعبت وتعبتكم معي هههههههه


ما حب من هاذي الأماكن شي ولا حصّل مكان= أحسن من الأرض التي فيها أحس الكل أخوان
الناس هم عطر الأماكن والسكن من غير جيران= يشبه جهنم ما بها شي للمعذب غير نيران

[البكري]

المجوره والمخوه ذا شي وارد في الحسبان = بهم تصبح الارض جنّه وتطيب عيشة الانسان
كم بشر في هذه الدنيا يهوون عيشة الحيوان = يتلذذون بالاذيه دون فايده لهم كما الحنشان

[أبونمر]

تعبت وتعبتكم معي هههههههه


ما حب من هاذي الأماكن شي ولا حصّل مكان= أحسن من الأرض التي فيها أحس الكل أخوان
الناس هم عطر الأماكن والسكن من غير جيران= يشبه جهنم ما بها شي للمعذب غير نيران

من طاب له خاطر وحب الناس في هذا الزمان = وكسب رضاء هذا وذا وفلان عنده زي فلان
ياسعد قلبه بالمسره والفرح من حيث كان =يحلى له المسكن ويلحق له من الماطر كنان
وفوق هذا لاوقع بالذكر له رطب اللسان =يكسب رضاء ربه وقد يظفر بذيلاك الحسان
الحور ذي يطرحن في القلب المسره والحنان =يالله عسى الغفران وجمعنا بهن وسط الجنان

[محمد باحاج]

لخوان هم جنة في الدنيا و هم حصن الأمان=من حبّه الرحمن سخّر له كماكم يالحسان
لامال يجمعهم ويفرق بينهم عبر الزمان=أو شي ينكّد عيشهم من قيل أو قاله فلان
الود والمعروف يبغى له عنايةوامتنان=والصادق المصدوق هو خير البشر في الإمتحان


محمد باحاج

[البكري]

مرحب ببيات من شاعر قصد معنا عا مغنى ودان = بدخلته معنا ياصحابي شوذا الصوت زان
لستوت المخوه في الدنيا لستوت في اليد البنان = كم اخوه اشقا ترى الفرق مابينهم شتّان
وكم تآخوا في الدنيا صبح بينهم الجود والاحسان = مقصدهم رضى المولى عسى يغمرهم بالرضوان

[بو فيصل]

باسير معكم وكل عاشق ولــــــه تره =وانكان حد شافني باقول ياربعي

بمشي على الدرب والموضوع يتقرر = حاسب لصاحبك لالحالي يرده قار

[أبونمر]

بغينا سيب في الدنيا ولامتنا في الجنه نقع =ندخل بعفوه مالعمل ما بايدخلنا لجنات النعيم
سنن من يوم بونآدم خلق سنت لنا ماتنقطع =وحنا على السنه مشينا ذي من الزام القديم
وكلام نسمع قالوا الكذاب كل مال الطمع =والقانص الأعمي بلا قشعه ضوى وبدون ديم
والذي قفل عنده على الركنه وهو فيها قطع =والأحمق يقولون كل طارف يقع عنده غريم

[بو فيصل]

باسير معكم وكل عاشق ولــــــه تره =وانكان حد شافني باقول ياربعي

بمشي على الدرب والموضوع يتقرر = حاسب لصاحبك لالحالي يرده قار

[أبونمر]

باسير معكم وكل عاشق ولــــــه تره =وانكان حد شافني باقول ياربعي

بمشي على الدرب والموضوع يتقرر = حاسب لصاحبك لالحالي يرده قار
يابوفيصل جات التعشيره واحده نوياك انا ابدع وانت دخلت ماشاء الله بس الحرف ذا قد شبعناه لوشفت تونا خرجنا منه ومن نفس الربط فطلبوا مني الشباب نغير نمط ثاني وسعينا في هذا واهلا وسهلا بك معنا شرفتنا وبعدما ننتهي من الصوت بانعطي لك الفصل يابوفيصل تفصل على الذي يعجبك او ممكن نرجع فصلك

[البكري]

هاجسي يابونمر طمّاع لاشاف النصع = يحكم التنشين ولا يهم ذاك اليوم الظليم
سرى معا من سرى من طريقه مارجع = مادامه عاهدى ويسير في الطريق القويم
عدّل ارضه على السوا وللواطي منها رفع = عاش فيها على صفا وهو فيها مقيم
الفاس لا مافيه حد في العود شفه ماقطع = ولو لا في الحديد الحد صار من غير قيم

[alraai]

لا تفوتك السمره حضر ياهاجسي وأغلب وطع=بالبسمله تبدأ وتتعوذ من أبليس الرجيم
وأعط السمر حقه وباتلحق في المقعد وسع=وأرجال باتلحق تدل ذي هو في الظلمه يهيم
يابو نمر نسمعك من لول ولا بي شي صقع=لتظنني صما وبكما نفهمك مانا غشيم
باجيك من لول ولكني من الكلمه فزع=لاحد يقول اني خلط صدقه مع مال اليتيم
قنعان بالموجود به راضي ولا حب الطمع = والبار ع الكزمه يلا حصلت كزمناها كزيم

[أميرة الوادي]

باسير معكم وكل عاشق ولــــــه تره =وانكان حد شافني باقول ياربعي

بمشي على الدرب والموضوع يتقرر = حاسب لصاحبك لالحالي يرده قار

ساعة سلى ما تقطع الهم بالمرة= واليوم كله أسِد عيني على دمعي
الناس تضحك واني في الحزن أتمرّر= لا جيت بصبر أقول العمر كله مار

[أميرة الوادي]

بغينا سيب في الدنيا ولامتنا في الجنه نقع =ندخل بعفوه مالعمل ما بايدخلنا لجنات النعيم
سنن من يوم بونآدم خلق سنت لنا ماتنقطع =وحنا على السنه مشينا ذي من الزام القديم
وكلام نسمع قالوا الكذاب كل مال الطمع =والقانص الأعمي بلا قشعه ضوى وبدون ديم
والذي قفل عنده على الركنه وهو فيها قطع =والأحمق يقولون كل طارف يقع عنده غريم

يا بو نمر حبل الأمل في الناس عاده ما انقطع = حتى وهي سوداء قلوب البعض والواقع أليم
التاجر المغرور رايح للفنا مهما جمع = والبائس المسكين دايم يسعفه ربٌ رحيم
مهما يطول الليل تلقى الفجر من بعده طلع= والسيل لا كذ فاض يأتي بعده الخير العميم
والعاقبة بالخير يوم النشر والهادي شفع = يا رب يا غفار تجعلنا من اصحاب النعيم

[أبونمر]

مرحيب بالراعي وساعة خير لي فيها اجتمع = ذي جاء من الحوطه ومن سيئون ومدينة تريم
نا ماعرف ذولا المدن بس عنهم واجد سمع =قالوا مزارعها مثيل الخرج كله والقصيم
وان كان هذا صدق كله بعد بكره بارجع = ما باحسب للرزق مادامه تكفل به كريم
وباثني ساعه وعالمدروف ساعه بابدع = باساير الحاذق وبانمشي مع ذي هو غشيم

[أبونمر]

يا بو نمر حبل الأمل في الناس عاده ما انقطع = حتى وهي سوداء قلوب البعض والواقع أليم
التاجر المغرور رايح للفنا مهما جمع = والبائس المسكين دايم يسعفه ربٌ رحيم
مهما يطول الليل تلقى الفجر من بعده طلع= والسيل لا كذ فاض يأتي بعده الخير العميم
والعاقبة بالخير يوم النشر والهادي شفع = يا رب يا غفار تجعلنا من اصحاب النعيم

قنعت قلبي كن قلبي عده باقي ماقنع =ماقول شي عنما تقولي صدق كله في الصميم
ماينفع المخلوق من دنياه شي غير الورع=به ماتزل رجله من طريق الصراط المستقيم
والعفو الغفران مطلب يوم ماشي بينفع =لاالمال باينفع ولا الأولاد تنفع والحريم
يالله بحسن الخاتمه والعفومانا بارفع =يداي بادعي يغفر الحاضر عليه والقديم