<<هنا المدروف الغياضي والساحلي <<الدان >>

[أبونمر]

هذا الصوت اخترناه لكم ونرجو ان ينال الأعجاب كما نرجو من اهل الذوق لهذه الأصوات التكرم بمالديهم من اصوات ويفصلون عليها والتقيد بالوزن والقافيه مهم جدا وعدم التكرار للقافيه


دورت لك يالذي عالناس ماتزهم =عدت رسائل وتلفونات نزهمها
وانته مطنش وعالحلان ماتسأل =من بعد ذلحين شفني منني مسئول
الذي عرفناه عنك شخص متفهم =من قبل تخرج من البلعوم تفهمها
هذا عشمنا وما نرجو ومانأمل = حسن النوايا تتمي والرجاء المأمول
عزتك عندي ومقدارك بها يعلم =الله ماحد خلاف الله يعلمها
والهرج يصدق ويكذب شه ويتأول=واشيات جم في الزمن هذا تجي وتؤول

[طالب النعماني]

فكره رائعه يابونمر وعوده حميده
احسنت والى الامام

[علي فدعق الهاشمي]

ياهـــــــــــــــــــلا بابو نمـــــــــــــــر

ابداع طيب من انسان طيب وفكرة تشكر عليهـــــــــــــــــــــــــا

[أبونمر]

فكره رائعه يابونمر وعوده حميده
احسنت والى الامام
شكرا جزيلا لك اخ طالب ونرجو التفاعل مع الفكره وتقبل تحياتي

[أبونمر]

ياهـــــــــــــــــــلا بابو نمـــــــــــــــر

ابداع طيب من انسان طيب وفكرة تشكر عليهـــــــــــــــــــــــــا
شكرا على تفاعلك اخي الحامدي وهذا من حسن ظنك فينا واخلاقك العاليه تشكر عليها ونسأل المولى ان يديم المعروف وان يجعلنا دائما عند حسن ظن الجميع وتقبل تحياتي

[أبونمر]

خلاص بانغير الفصل اذاكانه شديد ولاحد عرف من الشعار يدخل عليه

وين الوزيري ومعبد ذي لهم خبره =اهل السمر والوله هذا بهم خبري
وهيين شيخ القبيله عليه نتخبر =قدني سبوعين عنه مالحقت اخبار

[معبد]

حاولت يابونمر مالقيت لى عبره = وازهمت شفنى على صاحبك بن عبرى
ان كان عنده بصر عاشان نتعبــر= شفته مصمم ولاله شف في المعبــــــار

[طالب النعماني]

يامرحبا بالقوافي كنها دره=من شاعر البدو ماباقوله حضري
وكل من كان بدوي غصب يتحضر=وقالها من زمن في شعره المحضار

[أبونمر]

حاولت يابونمر مالقيت لى عبره = وازهمت شفنى على صاحبك بن عبرى
ان كان عنده بصر عاشان نتعبــر= شفته مصمم ولاله شف في المعبــــــار

ماباقنع عادني من شاتر العصره =ولانسجم لامع ناسي وهل عصري
صاحبي ذي بالشياذر كان يتعصر = مابايسيب الشياذر للمهب وأعصار
ونا معه مستقل من هفو اوقصره =مادام قصره بني في واجهة قصري
باعطيه حق المجوره يوم ماقصر =للبعد يضرب بقصبه والقريب قصار

[أبونمر]

يامرحبا بالقوافي كنها دره=من شاعر البدو ماباقوله حضري
وكل من كان بدوي غصب يتحضر=وقالها من زمن في شعره المحضار


رحبت مره وبك رحب مية مره =يانسل نعمان وحدودك مع المري
مثل العسل كلمتك لاجات تتمرر=وعلى خصيمك في اللعبه تشل المار
ذي قسم الرزق بين الفيل والذره =يعلم اذا كان عن صدام شي ذري
ماهو طهف بالمهب في القاع يتذرر=شفني سمع من بطي صفارة الأنذار

[معبد]

ياهل السلا والمغانى جددوا السمره = باجيب كل مامعى ومــاخفي سرى
قد جيــت عانى لكم وبغيت بتسمـــر = باقــــول ياراد لاقد عادوا السمـــار

[الوزيري]

يابونمر مانعرف التقصور والعثره=والعذر منك بغيته وانت لي تدري
عندي مشاغل ومنها كيف بتعذر = ولعاد حاجه تتم لاكثرة الاعذار
من شان واجبك انا قد جيت بالبكره=وابغيت بحضر مع كل من حضر بدري
وتعرفه انته ألوزيري الروع له يبدر=من سابق الوقت دائم روعه البدار
تركت مالي وهو معروف في البصره=زين الثمرواعطيته القبلي مع الحدري
لكن حان الوقت برجعله وباشمر= وبنعيد له مجده وباتثمر الاشجار

[طالب النعماني]

هكذا ياشباب

[أبونمر]

حل السمر باعطي كل من حضر قدره = وباعلي قدر كل من بيعلي قدري
وإن شي عليه وقع مكتوب ومقدر =باقول هذا من المولى قضى وأقدار
صاحبي لي يالوزيري مانفتح صدره =بالرغم اني معه دايم فتح صدري
وفي شفوفه وكل ماجوب نتصدر =وعلى قراه اطلع من ساعة الأصدار

[أبونمر]

يامعبد الوقت يتكرر مئة كره =واهله يخلطون سمن الدار بالكري
وكلامهم ذاك هو كل يوم يتكرر=من يوم كانوا وهم تكرار في تكرار
ولعاد شي صفو عند الناس ومسره =ولعادباظهر لحد خيني ولاسري
شفني نبيت ونصبح حالي مسمسر=ولعاد حاجه تذكر عالذي قد سار

[البكري]

كل شي يصير في ذاالكون بامره ### والامر له وحده ولانملكه امري
ونا ما نحـب عاصحابــــي نتأمّــر ### ولا نحب حــد يقــول علي امّــار
صاحبي صبر ونا باشاركه صبره ### وعادنا معـــه باواصله صــبري
ونفسي باسليـــها ومعه باتصبّــر ### لما كل واحـــد يقــول ذا صبـــار
والصفو يالاخوان ماشي بايعكّره ### والكلام ماحد يفسره شي اخري
ولا نبا مني حد منكم دمه يتعكّـر ### ونا ياعرب شونا مانحب التعكّار


البكري

[طالب النعماني]

ابونمر والبكري
احسنتوا انكم شعار حقاء

[أبونمر]

كل شي يصير في ذاالكون بامره ### والامر له وحده ولانملكه امري
ونا ما نحـب عاصحابــــي نتأمّــر ### ولا نحب حــد يقــول علي امّــار
صاحبي صبر ونا باشاركه صبره ### وعادنا معـــه باواصله صــبري
ونفسي باسليـــها ومعه باتصبّــر ### لما كل واحـــد يقــول ذا صبـــار
والصفو يالاخوان ماشي بايعكّره ### والكلام ماحد يفسره شي اخري
ولا نبا مني حد منكم دمه يتعكّـر ### ونا ياعرب شونا مانحب التعكّار


البكري

طاب السمر طاب من ذلحين لابكره=باسمر على الدان ناوياك يالبكري
وبايصل حيث يبغي كل من بكر = حتى العمل ينقضي بالسهل في الأبكار
والآدمي لاتواضع واترك الكبره =في الوجه لك يعترف ان ذارجل كبري
تثبت معزته في الخاطر ولك يكبر = شأنه وتحسبه هو ثالث ثنين كبار

[البكري]

الادمي با عمال الخيربا يخلد ذكره ### يالله عســـى بالخيــراتخلّــده ذكـــري
ومن عمل خير بين الناس به يذكر ### مامات من له الناس دوب في تذكّار



البكري

[مجمل]

بعد الحبايب كواني كي بالجمره =اشهور مرت علي وسنين من عمري
لكن والله ماذلحين بافكر =برجع لداري وباترك انا لسفار

[أبونمر]

جلجلك عاده بغاء عصره =لاتقول يكفيه ذا عصري
الجلجل الزين يتعصر =في المعصره لالحق عصار

[أبونمر]

بعد الحبايب كواني كي بالجمره =اشهور مرت علي وسنين من عمري
لكن والله ماذلحين بافكر =برجع لداري وباترك انا لسفار


عاد الوطن ينتظر سفره =منك ونا جاد في سفري
وبغيت مخلوق باسفر= عدني معي ماعرف ا لأسفار
مالي في التيس والجفره= لكنه البيض والجفري
يذبح وسكينه مجفر =ماهوهذا ذبح الجفار

[البكري]

كل مخلوق بشره و خيره ### عسانا عيش دوب بخيري
والزيــن للزيـــن يتخيّـــر ### ونا لكــــل زيـــن باختـــار
ماحـد يبني عا كلام غيره ### ونا بنيــت عاكلام غيــري
والكلام عــاده يتغيّــــــــر ### بانصلحـــه لوفيـــه غيـــار


البكري

[مجمل]

يمكن في الارض شي طفره = يابونمر وانت ماتدري
والشغل واجد ومتوفر = والرزق عالواحد القهار

[أبونمر]

يالله عسى ذا السنه عد تسلم الجره= من ذي عليها بغاء باليد يتجري
عدها تقع تعتعه له عده يتجرجر =لاقالوا الناس حكمه عالرعيه جار
يامجمل اليوم من عشرين خذ عشره =خل الخريه تقع من حظ باعشري
لاتقول نالي حدعشر قسم وثنعشر =عد ناس ماوصلوا لاخانت الأعشار

[البكري]

مسكين يابو نمر يعيش في قهره ### ونا عليه اليوم زاد قهري
وبسبــب عمـــاله دوب يتقـهّـــــر ### ذي حكمت الواح القهّــار
الولـــد عادنا ماميــــزت بـــــــرّه ### ونا اهلي قـــد ميزوه برّي
وهــو مسكين جابوه من بــربــر ### مايعــرف ايــش معنى بار


البكري

[طالب النعماني]

عليهم يالبكري لاتقصر
لله درك

[ثابت بن ماضي]

فكره ممتازه. وجهد تشكرون عليه.ولكن نرجوا الالتزام بالوزن

[أبونمر]

الى البكري مع التحيه

البنت وقعت لها قمره =ذي سايرت ولد باقمري
للآن تبكي وتتقمر =وقعت عشاء ليلة قمار
شهرين ماجاتها الدوره =وطبيبها اقبلي دوري
والبطن تكبر وتتدور =والهرج بين الناس دار

[الدقم]

ممممممممممممششششششششششششششككككككووووووووووورررررر

[مجمل]

ذا فصل والثاني مجمل =محنون والله في جباله
باعيش بدوي في جبالي = ياخير هي ذيك الجبال
****

[ثابت بن ماضي]

عزمت شفني عام لوًل=وشفتها ياخس حاله

جم ناس شف مانا لحالي=ذي ماتهنوا في الحلال


الحقد نيرانه تشعل=وابليس حل واعيال خاله

وش تنتظر لاالجيب خالي=مسوا مشاكل وانفعال


وانك تبا سكروجلجل =خلك عل جال الزماله

شاهيك باتطعمه حالي=مابايقر طعمه محال

[مجمل]

القوت من ربي مسهل = الله امرنا بالسهاله
حاجات يالباشق ببالي = بلقي سباعيه وشال
****
وانك تبا سعفي توكل = القي لبوريس وكاله
قطب قيودك لاتبالي = ماشي في الدنيا محال
****

[البكري]

يا بونمر معـك باتجمّـل ### شفها مــن الله الجمالـه
ماليوم سـرحـت جمالي ### بايجيك الخبرمع الجمال
ونااليوم ياصاحب تخيّل ### ماحـــد يصــــدق خيـاله
ونا ياخل صـدّقت خيالي ### عدا العمر كله في خيال


البكري

[طالب النعماني]

نرحب بالاخ الباشق شاعر الوادي المحبوب
اهلا وسهلا
وفي انتظار مشاركاته في مساجلات الزامل

[ثابت بن ماضي]

سمره معك تكفي ومقيل=وان عادها هشت سباله
كل قلب باتنظره سالي=اخصوص لاكل شعب سال

[ثابت بن ماضي]

نرحب بالاخ الباشق شاعر الوادي المحبوب
اهلا وسهلا
وفي انتظار مشاركاته في مساجلات الزامل

اشكرك على ترحيبك وليس غريب على مثلك كرم الاخلاق وان شاء الله سيتم التواصل

[البكري]

لي معــي ميزانه معــــدّل ### يعجب دوب وقته في اعتداله
وان معك لي سدّح وكالي ### مانا معـــك بعــد اليــوم كيّال


البكري

[يسلم صالح بن عكعوك]

هاجس معي مبعد تعدل=كل يوم يطلبني عداله
لا قلت له كلمه عدالي=اعوج ولا جا في اعتدال
قد كان فالسابق مدلل=يجي على راس الدلاله
ويجيب بنه فالدلالي=من شان بيقهوي دلال
واليوم في المرصن معقل=خلوه يرزح في عقاله
لجرب دواه الا العقالي=باتيس لتفك العقال

[أبونمر]

يأهل الهوى كل من تجول = في العشق بيحصل مجاله
ونا حرمتوني مجالي =قلتوا قعد مالك مجال
مانامجد معكم تخزل =اوماتعرفون الخزاله
اوذا تريدونه خزالي =يومني حب الخزال
القطن ذي زرعوه دول =في جروبه والبداله
مابدلوابه شي بدالي =ولارضوابه للبدال
موسمه هذا العام طول = والذي ماحد مايطاله
في العناقيد الطوالي =خلوه للناس الطوال

[البكري]

ما بونمر اليوم يتغزّل ### عينه من ذيك الغزاله
ونا ضيعتـــه غـــزالي ### وانته شل ذاك الغزال
ان حـــد معك لي حوّل ### شفها باتصلنا الحواله
لك كشفــت حالـــــــي ### يالله عسى بستر لحوال


البكري

[أبونمر]

[QUOTE=البكري][align=center][size=4]ما بونمر اليوم يتغزّل ### عينه من ذيك الغزاله
ونا ضيعتـــه غـــزالي ### وانته شل ذاك الغزال
ان حـــد معك لي حوّل ### شفها باتصلنا الحواله
لك كشفــت حالـــــــي ### يالله عسى بستر لحوال[/enter use=ex num="0,black


مابونمر حاجز ونول =من سمح قد حضر نواله
ما با تأخرني نوالي =ولاحسب غلي النوال

[أبونمر]

باهدي لكم اول سلامي= يأهل الدرافه والمغاني
قد جيتكم قاصد وعاني = من شأن بارد السلام
ذا فصل والثاني كلامي =قلته لكم اول وثاني
يأهل الفكر وأهل المعاني =يالذي تفهمون الكلام

[البكري]

بارد سلامي لك واحترامي ### ذكّـــرتنــا اول زمانــــي
يومنا طــوف ذيـك المجاني ### كل الشكرلك والاحترام
اليوم يــوم مسك الختـامي ### يابــونمــر لــك التهانــي
عاخزاكــل حاســد وشــاني ### عسى يقع مسك الختام


البكري

[أبونمر]

,

يالبكري البستان ضامي =ذي بالثمر قدكان داني
ويعود ملكه لبن يماني = وعليه متحفظ وضام
واما الذيهوفي الشبامي =كلام جم نسمعه ثاني
مثل البغيه عالساني =لاجاء من مدينة شبام
لاتقول لي جاهل وعامي =يابونمر وقتي رماني
خلاني نضيع قراني =وبقيت من جيز العوام

[البكري]

مايقع عاقل وهامـــي ### وبه اليــوم ربّي بلاني
قــال ربّي ماهـدانــــي ### دوب وقتــه في هيــام
العلم به يرفع مقامـي ### من العلم ربّي عطاني
به يعلى قدري وشاني ### وبه نلــت اعلى مقـام


البكري

[سالم علي الجرو]

معارضات ممتازة جدا ، قوية ومربوطة وقائمة على مبنى . أتحفونا بما تجود به قرأئحكم .
صوت قديم:
ورا التّليدة رمحت الحلاّب ............... إتْفقدّوها خاف جفلت من ثيابه
ولا با تخشع ولا تهتاب ................. من ذاك لي كانت تهابه
يا حسفة الرّاعي على ذيك المحاليب

[أبونمر]

rقصيده طيبه ونتشرف بحضورك معنا على المدروف يالغلي
بس ياريت تثني على البدع حتى يستقيم لنا الوزون والهدف
وخاصه الفصل اااااااااااااالأخير هل لابد المحاليب تكون اعني برط الكلمه او حر
ممكن تثني وان شاء الله نستمر عليه وشكرا

[أبونمر]

السيل جاء مردف وطامي =شل المزارع والمساني
ذي في سقم حق ولد باني =عبر عليها سيل طام

[البكري]

الخ ابونمر
الاخ سالم يقول القول قديم
وحاولت اثني عليه وعسى اكون توفقت


ورا التليـده رمحــت الحــلاب ### انقدوهها خاف جفلت من ثيابه
ولا باتخشـــع ولاتهتـــــــــاب ### مــن ذاك لـــي كانــــــت تهابـه
ياحسفة الراعي على ذيك المحاليب
************
الناس عابت مالوقت مايعتاب ### وين لي يفند خطاه من صوابه
العاقــــل صبـــــح مــرتــــــاب ### والعلم محفــــوظ فـــي كتابــه
والغش بين الناس له عدت اساليب

البكري

[أبونمر]

محاوله منك يأخ البكري ولكن ماعليه لم توفق في الربط المفروض
الحلاب ---المحاليب
ولاتهتاب ----تهابه
وكان عليك تقول ولاتعتاب ---معاتيب
مرتاب ---مرتابه
ياعني ابعد كلمة اساليب وكتابه حتى يكون الربط مقيد
شكرا لتفهمك بارك الله فيك

[البكري]

المبنى صحيح وعندي ا صل المساجله
والربوط ليس على الكلمه وراجع
مطلع البيت الاول وشف كلمة ثيابه
من كلمة الحلاب وخيرها في غيرها
يابونمر

[أبونمر]

معارضات ممتازة جدا ، قوية ومربوطة وقائمة على مبنى . أتحفونا بما تجود به قرأئحكم .
صوت قديم:
ورا التّليدة رمحت الحلاّب ............... إتْفقدّوها خاف جفلت من ثيابه
ولا با تخشع ولا تهتاب ................. من ذاك لي كانت تهابه
يا حسفة الرّاعي على ذيك المحاليب

رمحته يوم الزمن غلاب --------ماكان له يحسب حسابه
ولاعمل للوقت بالأسباب ------من شأن يتجاوز سبابه
ويفوز مايرجع سعيف المغاليب

[أبونمر]

ماهو من القاري من الكتاب =كلين يقرأ في كتابه
ولانبي خطبه من الخطاب =يكفي شبعنا من خطابه
اقدار كتبت في الدنيا وهذه مكاتيب

[البكري]

يا بونمر باقول كان سلاب ### واليوم قــد ضيـــع سلابـه
خاف عاده يفقـد الاعصاب ### كل واحد يحافظ عاعصابه
يم ناس من العقل صبحوا مساليب


البكري

[طالب النعماني]

احسنت يابونمر
واسمح لي بعدم المشاركه شعرا لان الوقت مايسمح لي

[البكري]

ماحد يظن في صاحبه ويرتاب ### العاقل كل شي عند بالرتابه
بحفــظ سر صاحبي وان غـاب ### وبا قوم بواجبـه في غيابــه
وكل عمل لابـــد له من تراتيب


البكري

[أبونمر]

بغينا فصل جديد يالبكري
حاول تفصل لنا على فصل زين
حق سمر طويل على شي صوت جديد وشكرا لك

[البكري]

بغينا فصل جديد يالبكري
حاول تفصل لنا على فصل زين
حق سمر طويل على شي صوت جديد وشكرا لك

بندقــك لا ما قـــرح ماصاب ### بانقول بندقك ايش صابه
خله معك مخبي في الجراب ### لا تخرجه لنا من جرابه
دلا كان اول خاف منه مصاويب


البكري

[طالب النعماني]

اسجل اعجابي بالشاعر البكري
وقوته في جميع الوان الشعر
وهو قادر على الفصل يابونمر

[أبونمر]

ونحن نتشرف بفصله الذي نحن في انتظاره وفي انتظار مشاركة جميع الشعار

[طالب النعماني]

مابايقصر الاخ البكري

[البكري]

ختام الفصل سجل الاعجاب ### قولي ثنا طالب باعجابه
والصقر ماحد يضنّه غراب ### سوادها دامس كل غرابه
بافصل وعادنا باقول الاعاجيب
#################
ذا فصل والثاني بابني لكم وباسوّس ### وبالقي لكم ساس من خير السواس
وباعتـــز به وباقـــول ذا ساســـــــي ### وكل من بايسوّس يحكـمها سواسه
#################
لي ساني قول ساني وللقوس ماقوّس ### ونقـــدر نعــــدّلها جميـــع القواس
لانّــــه بيــــــدّي يليـــن كـــل قاســــي ### وكـــل عاقـــل قلــه يعدلها قواسه


البكري

[أبونمر]

فصل رهيب يالبكري ومربوط كله بس وين الشعار له يمكن راحوا يتعشون
وينكم ياشعار المغني تعب ههههههه

[أبونمر]

من حوسكم جم ناس باتحوس= وجم لي بايفقدون الحواس
وناكماهم بافقد حواسي =لاشفت كل واحد فقدمنهم حواسه

[عامر باتيس]

ببنى على ماقاله البكري وباروس= وعاد القلب قاسي معي ياصاحبي والراس
ولا ضن ذا راسك يستسلم له راسي = ياكم شفني قله كسرتها ارواس

من لفيته بيدي قولوله بافته وباموس= شوني معي شفره ومعي جمبيه وامواس
ولاتستهين لاشفت اشفاري وامواسي= كم من كبد حمرا قديتها بلمواس

[البكري]

فقع يا بونمر با تحصّـل لـي يروّس ### يم ناس عندك تفقع على المرواس
وما يطلع اللحن الا على مرواسي ### لي بغى التنّه قويـه يشـد مرواسـه


البكري

[أبونمر]

هكذا يالبكري نقح يمكن معبد والوزيري وطالب ومجمل والباشق وبوهارون وسبع الليل وغيرهم ماعجبهم شعرنا انا واياك خلونا لحالنا في السمره ومابقينا الا انا وانت في السمره

لكن ماعليه لاتعبنا من دان بانردها شبواني وخابه ههههههه واحيانا طرب وزامل ومرزحه ومسيره
وحتى انجليزي وهندي بانقصد انا واياك لايهمك قدامك بحر وخلفك كاره ههههه

[البكري]

[size=4]مستعد يابونمر بسحب الفصل
وايضا اذا يسعدكم عدم مشاركتي فانا مستعد
وانتم اصحاب الدان واهله واعتبرونا اخ لكم
ويرعى فيكم حق الاخوه في الوطن والاسلام
ودمتم بود


اخيكم/ البكري[/size

[أبونمر]

[size=4]مستعد يابونمر بسحب الفصل
وايضا اذا يسعدكم عدم مشاركتي فانا مستعد
وانتم اصحاب الدان واهله واعتبرونا اخ لكم
ويرعى فيكم حق الاخوه في الوطن والاسلام
ودمتم بود


اخيكم/ البكري[/
افا عليك يالبكري ذانا ماصدقت انك بقيت معي
هنا البيت بيتك ونحن واياك بانبقي لما يتسكر الرابط
عموما انا شوف ماهناك ترحيب وتجاوب على قصيدنا
دائما يتجنبوننا ولكن ربما لركته وقوة شعرهم عموما نحن نتعلم
وانا شخصيا لاينطبق عليه قول شاعر لازلت في طور التذوق للشعر
تحياتي لك وارجوان لاتفهمني خطاء

[البكري]

فصل يابونمر ودندن وغن وسمعنا المغاني والقصيد
انا اليوم لاقوالك في سهن شفها اليوم جمعه وعيــد
عسى نلتقي ناويّاك صدفه بلا ميعاد


البكري

[مايسه]

ياسلام مشكورين كلها انس الوان التراث الشعبي

سؤالي ماهو الفرق بين المزمار والمدروف؟



http://www.dar-almuslim.com/images/mzmar%20setan.jpg

[البكري]

المدروف هو الشبابه اوالناي ويستخدم للغنا
المزمارهو اقوى صوتا من المدروف ويستخدم للرقص


البكري

[مجمل]

الاخ بونمر مساء الخير اسف على التاخير اخوك مشغول يالحبيب ونتواصل

[أبونمر]

يابو نمر جيت واحنا فيـك نذاكـرفرحنا بجيتك يوم الـروس غيانـه

نعرفك لادخلـت للطابـور باتمـموباتهاجم وساعـه بانكـون ادفـاع

لو كان ماجيت لك بانرسل اتذاكـراو بانزورك واحق للخو على اخوانه

والعلم من بعضا كل حيـن نتعلـموالشكل بايكتمل لاتكملـت لضـلاع


يالباشق الوقت والأيام تتواتر=والعمر يمضي وخلق الله تيهانه
وكلامهم مزح طول الوقت وتماتم =وإلاضحك دائما بيكون وتكعكاع
ولعاد شي صدق من مسلم ولاكافر =كله تحيال وإلاكيد وخيانه
ولاتلوم الكفر لوم على المسلم =ذي مابغى للقديه دائما ينصاع
ونا كما الوعل شفني دائم مكابر =مايفرت الراس اوبيحرك آذانه
ولايهم المشط في الصدر والمقدم =من حاملين السلب دي ضربهم فقاع

وان جيت للصفو حب الصفو ونجابر=صاحبي ذي نا تعني دوب من شأنه
وإن مرجنبي ولا أشر ولاسلم =له نلتمس عذر ونقدر له الأوضاع
وإن قد تكرر وشفته شاد ومهاجر =باطلبه توضيح عن اسباب هجرانه
إن بين السر لي لابأس وإن صمم =الأمر لله بارده إذا ماطاع

[أبونمر]

يالبكري سبر السمر من عندك سرى الليل

[البكري]

شفتك وسط المداره ملقي عاكر ### تضحك باسنانــك والنفـــس حوشــانه
قلت مع صاحبي ذا سر وامحكّـم ### ياناس صاحبي ناصح مايحب التشبّاع

ذا فصل والثاني يابونمر سمعّنا المغنى ### نسنس وغن
خل كل من سمع الصوت يجي ويتعنّــى ### وقله تعـــــن
لجل السمر قدجيت عانــــي ### بانسم الحـلان
##############
لياني الانس يامحبين هــي لي تجمــعنا ### باهل الفن
بانرفع صوت الغنا لجـــل الكل يسمعنـا ### ويقول من
قولي لكم ياناس اول وثاني ### عاشق وولهان


البكري

[أبونمر]

شفتك وسط المداره ملقي عاكر ### تضحك باسنانــك والنفـــس حوشــانه
قلت مع صاحبي ذا سر وامحكّـم ### ياناس صاحبي ناصح مايحب التشبّاع

ذا فصل والثاني يابونمر سمعّنا المغنى ### نسنس وغن
خل كل من سمع الصوت يجي ويتعنّــى ### وقله تعـــــن
لجل السمر قدجيت عانــــي ### بانسم الحـلان
##############
لياني الانس يامحبين هــي لي تجمــعنا ### باهل الفن
بانرفع صوت الغنا لجـــل الكل يسمعنـا ### ويقول من
قولي لكم ياناس اول وثاني ### عاشق وولهان


البكري
اعذرني من الرد اخي البكري لأنني اليومين الماضيه عندي النت خربانه
وحاليا نحن نعزي ابوراضي في والدته فيجب ان نتوقف بعض الأيام من الغناء تقديرا له

[أبونمر]

صباح الخير يالبكري
هل وصلتك الرساله الخاصه امس اولا

[البكري]

صباح الخير يالبكري
هل وصلتك الرساله الخاصه امس اولا

صباح النور والسرور
الراساله وصلت ومشكور وماقصرت


البكري

[أبونمر]

فصل جديدياشباب

حمدت الله على خيره وعاشره = وعالأقدار ذي تقدر على خلقه
قضاء وأقدار عالأنسان مكتوبه =ومامنها مفر لك طول يالمخلوق

[أبونمر]

حسب يالآدمي للموت والزره =وضيق القبرللذي له قعت علقه
ولاباتفع الآ سف ولاتوبه =يعلق عاقطافه كل مسئ تعلوق

[مجمل]

مسكين لنسان لاقدبات في قبره =وجاه منكر يحاسب قدقبض حلقه
واعمالك اليوم في لوحتك محسوبه=ولعاد ينفعك غير العفو يامرزوق
***
يابونمر للوطن بجدد السفره = باحلل النوب عامجناه والعلقه
نبغا بغيه عسل مصبوب من نوبه= سعر البغيه معزز دايما فالسوق
***

[البكري]

فصل جديدياشباب

حمدت الله على خيره وعاشره = وعالأقدار ذي تقدر على خلقه
قضاء وأقدار عالأنسان مكتوبه =ومامنها مفر لك طول يالمخلوق


صاحبي من لسانه وقع في عثره= ومن عثرته بيّتت في مشقّه
وعادنا بامشي معه في ذروبه=ولابد مايوم نرصن المطلوق

[البكري]

صاحبي من لسانه وقع في عثره = ونا من عثرته بيّتت في مشقه
وعادنا بامشي معه في دروبه = ولا بد ما يوم نرصن المطلوق

[أبونمر]

مسكين لنسان لاقدبات في قبره =وجاه منكر يحاسب قدقبض حلقه
واعمالك اليوم في لوحتك محسوبه=ولعاد ينفعك غير العفو يامرزوق
***
يابونمر للوطن بجدد السفره = باحلل النوب عامجناه والعلقه
نبغا بغيه عسل مصبوب من نوبه= سعر البغيه معزز دايما فالسوق
***

شفت العسل يامجمل ذا السنه كبره = ماشي عسل زين لاكلته لقى حرقه
والحلب ذي في البناء قد عاق تعروبه =خلى العسل في قراصه ذا السنه معيوق
واما السفرزين لاشي حد في الشفره =ماباخلف يوم مني من قطع عرقه
ذاك الذي هو مخلي الرجل معصوبه = ومخلي البال والخاطر معي مايروق

[أبونمر]

حيران بين البيع في السوق والشاري =مادريت من منهم بايع ومن يشري
مالحقت ذي بيقطع لي منهم عاشور
ماكنت في ا لبيع ذ1 هو والشراء داري =لو كنت عنهم علم بالأمر أو أدري
ماجلست ساعه ونص ساهن يجيني الدور

[عيون المكلا]

حيران بين البيع في السوق والشاري =مادريت من منهم بايع ومن يشري
مالحقت ذي بيقطع لي منهم عاشور
ماكنت في لبيع ذ1 هووالشراء داري =لو كنت عنهم علم بالأمر أو أدري
ماجلست ساعه ونص سهن يجيني الدور

من فهمها فليتحدث هههههههههههه!
كلام جميل ومفهوم هههههههههه

[طالب النعماني]

حركوا الدان ياشباب
واعذرني يابو نمر والله ضرفوي ماتسمح لي

[أبونمر]

لف شكر لك اخت عيون المكلا على مرورك هنا
يشرفنا حضورك معنا على الدان والمدروف
ولو انني اعلم ان اتجاهك له محدود ولكن لأكتساب
الخبره فهو لايقل متعه عن غيره من الأشعار
تحياتي لك

[أبونمر]

مشكور يابو راضي ونحن من دون شك نقدر ظروفك
الأيام القادمه ان شاء الله تجمعنا معك
اكرر شكري وتحياتي لك

[البكري]

السر لي بين الناس يعلم به الباري = ونا يابو نمر من لي تقصده بري
والبضاعه لي معك تقلبها باتبور
شاهي من البرادوماه من البخاري = مانا مبدل بشاهي شاهي خري
وبعد ماتشهّى يعبّر لي بخور


البكري

[أبونمر]

يحفظك رب السماء والعرش ياجاري = من ذي تقوله ترى للأن ماشي جري
ولانحمل على الفاطر حموله جور

[البكري]

الجودوالمعروف يابونمرشعاري = ودائما بالقول با حسنه شعري
والناس لي معنا لهم احاسيس وشعور


البكري

[أبونمر]

;bl كلام جميل يالبكري هكذا نقح حرك السمر وان شي فصل سهل معك هته انتبه لنا من الفصول الضيقه هت فصل وسيع للسمر

[ثابت بن ماضي]

وينك ياالبكري في انتضار الفصل .بغينا سمر ترشن من طرافه

[البكري]

ذا فصل والثاني بدينا بالسمر = يابخت من معنى بايبات سامر
يهناهم لي معنا يسمرون
سلام منّي يبلغ كل من حضر = نا الليله معكم طول الليل حاضر
لي يعشقون المغنى يحضرون


البكري

[أبونمر]

ذا فصل والثاني بدينا بالسمـر= يابخت من معنى بايبات سامـر
يهناهم لـي معنـا يسمـرون
سلام منّي يبلغ كل من حضـر =نا الليله معكم طول الليل حاضر
لي يعشقون المغنى يحضرون


ذاالصوت خلاني لكل ماضي ذكر =ومسيت طول الليل يالشعار ذاكر
نتذكرالماضي كما ذي يذكرون
البكري الليله في السمره سبر = لما لحق مدروف فوق اللحن سابر
ومدرفين قليل ذيهم يسبرون

[البكري]

عالقيل والقال ياصاحب صبر = لجل السمر عاكل ماقيل صابر
باصبر كماالناس لي يصبرون
لي معه نقدلي قله ظهر = خل كلا مك كلّه للناس ظاهر
نقّاد يم شفهم بايظهرون


البكري

[أبونمر]

مانا تركت الشرج باحل في حور = من شأن نا والخل نتحاور
شفت الأخلاء دائما يتحاورون
باترك بديري وفي بندر عمر =تركت وايضا غيل باعامر
مادام اهله مابغوا بيعمرون

[البكري]

حور لا فيها بحر ينفع ولابر = ماغير ذالا طريق لكل عابر
يم ناس في وسطها يعبرون
عمّروا المكلا وخلوها تسر = من شافهااليوم قال ياساتر
وهم خلف المظاهر يتسترون


البكري

[مجمل]

والله نجم المنتدى يابن هاشم والله بديت شفك الان فالطريق الصحيح واستفد من اي نقد لاتزعل ومن سار
على الدرب وصل وانته ماشاءالله مواصل والرغبه والموهبه موجوده بس تبا صقل قلييييييييييييييل وكل شي
تمام واتوقع لك مستقبل زاهر في عالم الشعراء اخوك مجمل

[البكري]

النجم يأفل من بعد مازهر = مابدا نجم دوب وقته زاهر
الشمس تخفي لي يزهرون
السيف مصقول ذالا غبر = كان مدفون في زمن غابر
ولا لهم عنايه مابايغبّرون



البكري

[أبونمر]

,والنعم فيه البكري يأخ مجمل تراه عايش عند اهل الدان والسمرات كل ليله في المكلا

[أبونمر]

النجم لاقد غاب باترجع غدر =وان غدرت لاتقول باغادر
اذا شفت الخلائق قد بدوبيغادرون
النجم لاقد غاب عد بعده قمر =لاتلف علي وتدور وتقامر
قعد تقمر مثل ذي يتقمرون

[الرحبة]

تسلم يابو نمر على هذا الشعر
نسأذنكم لو تسمحون لنا نتذوق معكم
وتقبلوا شكري

[البكري]

الامن عندي ماعندي شي خطر = مانا كماالمسكين بحياته يخاطر
و يم مثله بحياتهم يخاطرون
بعض لشيا ياصاحبي بغت بصر = والآدمي عليه يتعلّم كيف يباصر
ولي عندهم معرفه يتبصّرون


البكري

[أبونمر]

ماقصرت يالبكري يشتاف الفصل ضاق شف غيره

[الرحبة]

برافو عليكم ياشعار عاده وسيع الفصل وحين حمي بينكم تكفون واصلوا تروني متابع لكم

[البكري]

الفصل ماضاق شفه عاده يعتصر = نا ملقي للكلم عندي معاصر
والفصول الزينه لها يعصرون
نا من نهر نغرف ماجلس عالقطر = ماشبع ما من جلس عالقاطر
البيت بالبيت عندي يتقاطرون
ذا فصل والثاني نباسمرنالليله يزين = لاطاب السمر قل ربّي زانه
باسمر وبانسم لا سمرنا زان
وباينسم معانا من هو قلبه حزين = يفرح ويسلى وينسى احزانه
با نسم الخاطر وبترك الاحزان



البكري

[أبونمر]

ياموطني لك زاد شوقي والحنين =لاقد سمعت رعودها حنانه
باقول للأوطان حان الوقت حان
ندعي عسى ربي في الغربه يعين =ونعود معنا الف والا عانه
مستور متعافي الله المستعان

[البكري]

يكفي من غربه كم عدّت سنين = والآ دمي لا كبر تنقّرت اسنانه
دهن تجلس لما قدك بلا اسنان
بدعي المولى عسى يردك طبين = يم من الغربه رجعوا طبانه
وتقع موال كما ال بن قطبان



البكري

[راعي الذاهبه]

الحمد لله الشعر الحضرمي بخير طالما امثالكم لازالو محافظين عليه 0

[أبونمر]

شكرا لك اخي بائع الوخه على ثنائك لنا
ونحن لم نكن ممثلين عن الشعر الحضرمي
ولكن تقدر تقول هاويين لهذا النوع من الشعر ونتعلم عليه
شششكككرررااا لك

[الرحبة]

الحمد لله الشعر الحضرمي بخير طالما امثالكم لازالو محافظين عليه 0

يابائع الدوخه شف لك سوق آخر تبيع فيه دوختك خل الناس يستأنسون ويعبرون عن شعورهم الله يهديك كلامك هذا ماهو على اوله والفهيم بالأشاره يفهم لاحول ولاقوة الا بالله فليقل المرء خيرا اويصمت
ماعليه يأخون لكم المعجبين والمتابعين لشعركم واصلوا مسيرتكم وانتم اهل الشعر

[مجمل]

الشغل ذي ماسك رجولي والبنين = والنفس من هذا البلد قنعانه
واليوم بايجزع علي مثل الثمان

[أبونمر]

الصبر يامجمل شويه و باتزين =الأرض والتاريخ عاد ازمانه
صبر وقل في الصبر الله المستعان
وكماك جم مشتاق للحصن الزبين=حصن الكرم ذي شيدت اركانه
على كتوف اهل المروه والحسان
حيرتني مابين حذيه والعنين =والناس مثلي من بطي حيرانه
من يوم بت بطرس وجاء كوفي عنان

[ثابت بن ماضي]

نعم نعم

لما قده يقول كوفي عنان
---------------------------

ابغا السموحه بادخل ابكلمتين=شو كل شي بقيمته واثمانه

ماشي يجي بالسهل يالناس الزيان

طلب كريم الوجه ربك بايعين=ماحد طلب بالجود الا عانه

قبض بحبله باصل بر الامان

[أبونمر]

الحال واحد بيننا و البين =والآدمي لاقد ذكر أخوانه
يدوم قدره دوب مابين الخوان
والجبر ساعه ان قعت اوساعتين =عند الذي يعرف حدود مكانه
ويحط غيره حيث يختارالمكان
يالباشق كلامك يعدل كفتين =خلى الخواطر بيتت فرحانه
باسمر معك شفني ونا فرحان
__________________

[أبونمر]

سمروا يارجال تولهوا وينك يابكري

[مجمل]

البكري فصل الصوت هذا وحقه معه
والفصل الجديد عليك يابونمر
فصل للسمار بلحن شجي زييييييييييييييييييييييييييييييين جم

[البكري]

البكري متكدّرمن احواله حزين = دعوا الله يخرجه من احزانه
ماشي للسمر طربه لا كثرت الاحزان
ماجا بيدّي لي حاط عليه العين = ماجات عيني زمن في اعيانه
ما لي سوى الله بادعي هو المستعان



البكري

[أبونمر]

إذا لك ظرف لظروفك ترانا مقدرين =والآدمي اسوته يالبكري بأقرانه
وانته لناياصاحبي نعم القرين
والأخ له واجب مع خويه يعين=ويكون في حاجته فاتح دوب اعيانه
لايقع مغمض كل ساعه للعيان
خلاص خلوها بالسهاله طالما اقترحت يامجمل اني افصل باشوف شي صوت من صوات صالح باغطاء

[البكري]

فصل يابونمرحسي معي ذلحين = سمعنا صوت المدروف والحانه
باقول بالبكره وقت السمر حان
الطيب من كلامه لك يبين = تفهمه من الاقوال وتفهم بيانه
واليوم الصدق من الكذب بان



البكري

[أبونمر]

على بندر عمر ياكم وكم من نفس محنونه =مجمل حن له قلبه ونا قلبي كما محنون
عشقنا برع السده لترتوبه وقانونه =لأن العشق له معنى وله يأهل الهوى قانون
ولانسى الشرج والمنقد ولا الرزميت وحصونه =ولا البقرين ذي فيه المباني قائمه وحصون
ولا غار الحمر باينتسي والعين من دونه =وخل باعبود والكوده في الزايد تشل والدون

[البكري]

مافارقوه بندر عمر ذي هم صدق يعشقونه = صبروا على حواله ليهم صدق له يعشقون
عاشواالعمر كلّه فيه غلب ما با يفارقونه = من كثرالمحبه له ماقدروايوم واحد يفارقون
مرت علينا مشقّات وحياتناعبرت في مهونه = ولجلش يا حضرموت كل شي عندي يهون



البكري

[أبونمر]

سكنا فيه اول قبلما انتم تحلونه = ورحنا منه لما يوم جيتوا فيه باتحلون
وقلنا خافكم لاقدسكنتوا فيه تحمونه=من الغازي وطامع فيه باتحمون







]

[البكري]

وجدنافيه يابونمر ولا ضنينا عرب يغزونه = ولاتوقعناكم تقعون دليل للي يغزون
حميناه منهم ولا توقعنا حد منكم بايخونه = نعدكم خوه ولا ظنينا الخوه بايخينون


البكري

[أبونمر]

ولا مخباط يالبكري سمعنا كم تضربونه =وانتم قبل عسكر كنتم تضربون
شجاعتكم على التخطيط وش ذي باتخطونه=وحتى المدرسه في الحي ماتخطون
ولكن الزمن بيعود والذي باتشوفونه =من أهل الأرض ياساتر ستر لوعدكم تشوفون
وكل دلال اوخاين لأرضه باتعرفونه = ولكن المصيبه في الذيهم ما بغوا للآن يعترفون

[أبونمر]

على بندر عمر ياكم وكم من نفس محنونه =مجمل حن له قلبه ونا قلبي كما محنون
عشقنا برع السده لترتوبه وقانونه =لأن العشق له معنى وله يأهل الهوى قانون
ولانسى الشرج والمنقد ولا الرزميت وحصونه =ولا البقرين ذي فيه المباني قائمه وحصون
ولا غار الحمر باينتسي والعين من دونه =وخل باعبود والكوده في الزايد تشل والدون


غمضت العين من نظره تصيب الوعل بقرونه =ولاتعنيت للمقناص ضوي حاني الأقرون
وباب العشق بانفتحه ذي هو كان كالونه =بلا مفتاح ولقينا ثنعشر قفل للكالون

[مجمل]

وصوت الدان ذكرني زمن واسرار مدفونه =وخايف لاسمعت الدان نظهره الذي مدفون
ونذكر وقت نتعشاء فقط عنبه وزيتونه = ونفطر عاضبي خلطه بغيه من عسل مشنون

[أبونمر]

رعى الله وقت يامجمل صحابه بايذكرونه = بذكر الخير ذي به دائم يذكرون
مطارح للهوى زينه بحق وحقيق مزيونه= وفيها ينشرح حالك لطيبة ناسها لزيون
ونا ياريتها ارضي نبا موزه وزيتونه = سلام الله عاكازا بلاد الموز والزيتون
طبيعه خاصه في المغرب العربي ولفنونه =مزايا تختلف ماهي كما ليعادها لفنون

[مجمل]

ومرعي هويابوزيد قد وصلوا الى احصونه = وحلوا غصب لايابونمر بالسيف ذي مسنون
وكل من قد وصل برقه وذاق التين فغصونه = معد ضنيت يعجبه ا للخم والصيد ذي مغفون

[أبونمر]

وينكم ياشعار وين البكري والباشق حد يبقول او بانفصل

[أبونمر]

صغير السن سمسربي صغير كاحل عيونه =كما الشامه على خده نقاس الكحل من لعيون
ونظرة عينه الكحله تصيب الوعل بقرونه =بدون سلاح تصطاد الوعول الحانيه لقرون

[أبونمر]

قديمي شفتها قصبي لها حدين مسنونه =ونا قلبي يحن عالجنبيه ذي حدها مسنون

[البكري]

ناس من قبلك بايدفعون الغالي من دونه = ونا يايونمر يرخص لي الغالي بدون



البكري

[أبونمر]

عطيت الخل في بيعته نصف السعر عربونه = وكل بيعه في الواقع لها لازم يقع عربون
وباب العشق له اسرارعند الناس مكنونه =وخل السر يالبكرييتمي بيننا مكنون
لأن في الوقت هذاناس مسبوبه و مفتونه =ولاباتعرف الناصح من المسبوب و المفتون

[البكري]

مايقدر يتحرك والرجل في القيد مرصونه = لابد يابونمر نطلق القيد ذي به مرصون
انا لي ربيته بادعي عسى ربّي يصونه = ريته تمّى عندي كانه في الحفظ والصون



البكري

[أبونمر]

هكذا يالبكري ايش رايك عد معك شي اونفصل

[البكري]

فصل يابونمر الزين عاده صغير يربونه = حافظ عم اللبن ان بغيتهم سوا يربون

[أبونمر]

خايف لبنها عيال الوقت هذا مايشربونه =ومن عصير الليم يالبكري يشربون

****************


فصل جديد جدا
يقولون العرب من سابق الأزمان كلمه = والكلام الأولي بيعود في تالي زمان
وكل من قد ربي عالحجف والكزمه =ترى ماهو كما من عاش عالزيتون والأجبان

[البكري]

في كل زمن من الله امسخره اللقمه = حد عيشته رغده وحد مسكين في الحرمان
هو لي قسم وقسمته ياخيرها قسمه = كلن يعيش عاقسمتة وهو راضي وفرحان

[أبونمر]

من الشيبان يالبكري اخذنا العلم والحكمه =وكلمه منهم وحده تعدل شوكة الميزان
ومن عايش شيابه ماندم لو عاش في دكمه =خير له من المدن ومحلة الوديان

[البكري]

شف غطريف اليمن ربك خلقه لحمه = يطوونه في وظم لحم بلا عظمان
وموسى تبع الخضر يتعلّم من علمه = علمه علم خفي مايدركه الانسان


البكري

[راعي الذاهبه]

زمان اول تجينا الخطوط شي بالزرف وشي رزمه == ذا الـــوقت صــار ها الشي في خــبر كـــان
وقتنا ذي شي ايميل وشي بالمسج ولاتحتاج للورقه == في لحظة يصلك الرد قبل توصـــــل للدكان
يصلك الخط بالسرعه ومرفقة وسطة الصـــــورة == تشوف اهلك وعيالك ولاتمسي ابد سهران

[أبونمر]

أهلا وسهلا بك اخي راعي الذاهبه يشرفنا حضورك معنا
اعجبت بتفهمك وذوقك للشعر نكون دائما مع الشعر معنى ومفهوما
تحياتي لك وتسلم والجواب في طريقه

[الرحبة]

زمان اول تجينا الخطوط شي بالزرف وشي رزمه == ذا الـــوقت صــار ها الشي في خــبر كـــان
وقتنا ذي شي ايميل وشي بالمسج ولاتحتاج للورقه == في لحظة يصلك الرد قبل توصـــــل للدكان
يصلك الخط بالسرعه ومرفقة وسطة الصـــــورة == تشوف اهلك وعيالك ولاتمسي ابد سهران[/ هذا الجواب

صحيح اللي تقوله ياأخي والناس في نعمه = ولكن جابت السكر لنا والضغط والسرطان
ورجعت هذه النعمه لنا والخير لا نقمه =تصدق خمستعشر في المئه مايلبوا الآذان
وعشره في صلاة الصبح لو تحلف على الختمه=الذي بيجون وان زادوا شوي احيان
وسيطر بالتطور ذي تقوله ذل للأمه =وعالمنا صبح في بهذله وحياة ذل وهوان

[أبونمر]

زمان اول تجينا الخطوط شي بالزرف وشي رزمه == ذا الـــوقت صــار ها الشي في خــبر كـــان
وقتنا ذي شي ايميل وشي بالمسج ولاتحتاج للورقه == في لحظة يصلك الرد قبل توصـــــل للدكان
يصلك الخط بالسرعه ومرفقة وسطة الصـــــورة == تشوف اهلك وعيالك ولاتمسي ابد سهران[/ هذا الجواب
=center use=ex num="0,black"]
صحيح اللي تقوله ياأخي والناس في نعمه = ولكن جابت السكر لنا والضغط والسرطان
ورجعت هذه النعمه لنا والخير لا نقمه =تصدق خمستعشر في المئه مايلبوا الآذان
وعشره في صلاة الصبح لو تحلف على الختمه=الذي بيجون وان زادوا شوي احيان
وسيطر بالتطور ذي تقوله ذل للأمه =وعالمنا صبح في بهذله وحياة ذل وهوان [/poem]

رحب ببيوت من شعار عدما هبت النسمه =وعدما العود دخانه طلع زاخم كما القنفان
لكم مني تحيه عاطره يامن لكم بصمه =في الشعر الغياضي والطرب والدارجه والدان

[%عنابي محترم%]

هلا باهل المعاني جات من كلمه على كلمه=وهذ الشعر مايوصف حروفه تجذب الاعيان
انا اكتب على الميزان ياخي شد هالهمه=وشد نفس لو تدري منلي يعرف الميزان

[راعي الذاهبه]

الشكر لكم جميعا واخص بالشكر والتحيه للاخ ابو نمر على ترحيبه الحار وتشجيعه واسف اني دخلت
مجالكم ولاكنني لااخفي عليكم بانني معجب بكم جميعا ومااكتبه فهي محاولات ارجو ان تتقبلوها من
طالب تلميذكم يتطفل على اساتذته واذا فيه اعوجاج فقوموني شاكرا لكم ومن علمني حرفا صرت 000



بي ضيم من ذي مسح البسملة من الفاتحه قل فهمه غشيم من غشمه مافرق بين سالم وبين سلمــان
مصيبة هلت علينا حتى عيالنا قالو بدعة ذي الشمه كله من صالح مذهبه غريب هو ذي خرب الزقران
ياغافلين حد للمنكر!فرقو بين مولى تريم و الـحمٌــه ونحن اهل واخوه من نكر والله كور من الكيران
ذلحين يالرحبه عساك عرفت ذي الرطنه والرمسـه كله من بوزيد سمح للغير لانه فقش من الفقشان
حد في بيته يصلي ومصمم انه ريض على الــسنه والاخر يقول نا مذهبي ثاني انا عمي ابن علوان
اليوم صفا الصافي عرفنا زين من لي ناوي الفتنــه طلع تقليد سيمانه رذله ونا مانهوى ذا السيمــان

الشمه : هي القبله على اليد / فقد توارثناها ابا عن جد ولاكننا رأينا او سمعنا ان البعض يقول
بانها بدعه ويحرض صغارنا على عدم احترام الكبير وتوقيره فعلينا ان نتصدى لهذا الغزو الحاقد
على هويتنا وتراثنا وديننا الناصع / والعفو

[أبونمر]

انا بالصدق باتكلم بضو الشمس والعتمه =ولابي شي قهد بالصدق قل لفلان هو وفلان
وحق البسمله كل من مسحها يدخل الظلمه =ولكن جهرها والسر بها في مذهب الشيخان
ولاجاء اختلاف الناس لا عالشال والعمه =ولبس البشت و اللحيه وساعة يد في الليمان
بسيط الأمر هذا واختلاف الناس لارحمه =اذا هو في العقيده مايمس يا اخوة الأيمان

[البكري]

مصيبه يام الناس من في الدين قل فهمه = ولاتكلمت قالوا سكت ذا معه صوت رنّان
الدين واحد عسى المولى يجمع شمل الامّه = وتتحقق بها قوة وترجح كفّة الميزان
ويتجدد العزم وتزيد قوة الاسلام والهمه = وتعود القدس السليبه لنابمشيئة الرحمن

[راعي الذاهبه]

ابد ياناس مذاهبنا اربعه كانت ابوخمسة == مافي شـك لنا فيها وهـي مـن قوة الايمان
كل منا له واحد ونحنا رضينا بالقســــمة == هاذي هـي مراجعنا من سالف الازمـان
ياجاري عمد ارضك وخل كلين في ارضه == على هذا توافقنا ونحنا اليوم صرنا اخوان

[أبونمر]

من القرآن والسنه حكام الشرع ملتمه =وفقه اهل السلف كله من القرآن
ولكن بعضهم اول كلام الله وذه هجمه =على الأسلام من ذي يملكون الجان
ومابين المذاهب فرقوا ولقوا لهم ازمه=وذاسموه قحطاني وهذا من بني عدنان
ولكن حسبي الله عالذي له في النكد بصمه =ويقضي مصلحه لإبليس والشيطان

[أبونمر]

هاه ياشعار حد معه شي او نفصل فصل جديد

[سبع الليل]

فصل جديد لو سمحتوا لي


خرج ذا فصل والثاني على الميعاد باتمم=وبوفي كل ماقلته بنيه صادقه وأخلاص
لكم ياهل السقيفه قال سبع الليل باسلم=من الصفراء شبام العاليه يبلغ الى المشقاص
وصلنا بالسلامه وجونا مزيون ومغيم=بعون الله وبفضله وصلنا راكبين الباص
ومرينا على البلدان وانا طاهر ومتيمم=حفطنا الله من موذي ومن خاطف ومن قناص

[البكري]

حيّا بمن وصل عالميعاد يتنهّم = نهم في نهم ماحد من طريقك حاص
لي مايرد السلام على الناس ملوم = وبارده سلامي لك وحدك خاص

[سبع الليل]

سلام للبكري الغالي عدد ماغيث يدلهم=وعد ما في الطرق يمشي شروكي او تويوتا شاص
سمعت البلبل الشادي وانا واقف على المردم=تنسم خاطري لاقد سمعت الناي والوصواص
دخلت البحر في الغبه شربت السم والعلقم=وشفت اللول والمرجان فثم الحوت والخواص
ولكن للاسف مقدر نجاريهم ولا اتكلم=حكومه والحكومه باتمغص حالتك مغاص

[البكري]

من دخل للبحر ياصاحبي لابد يتعلم = لي مايعرف يسبح وسط البحر غاص
شف البحر مخاطر وفيه موج يتلطم = والربان الشاطر يثقّل القطب بالرصاص

[أبونمر]

رحب ببيوت من شاعر جميله للمرض بلسم =دواء للرأس والدوخه وللقالص وللمغاص
كما طعم العسل في ذوقها من ذاقها برطم =من المصبوب والذي في جبوحه عادها اقراص

[مبارك بن عمرو]

وشل عالصوت دندن واطرد الوسواس والهم=على ذا الصوت باجيكم مع الطيارولا الشاص
ابى لي في العمر ليله مع لصحاب بتنسم=وسعفي بونمر بانقنص الوعل بالقناص

[سبع الليل]

يابو نمر لك تاريخ من هذا الزمن واقدم=كريم النفس باترسل عسل مصبوب لي وانقاص
ومبارك غزير القول في الميدان يتقدم=معه ميزر ابومقصين مشهربه ملان رصاص
كلامي صدق بادونه في الكراس والمعجم=وبتحدى الذي هو باينافينا بحق وقصاص

[أبونمر]

بالسبع باغزي وبالبكري =لأنهم للمغازي أهل نعرفهم
ماهو من الحين من بدري =من يوم عد حوفه مع باحبيل
هذا خرج فصل ماندري = عن ايش بالضبط مانعهم
ذي بالجفاء ضيقوا صدري=ويقارنون المكلا كلها بالغيل

[البكري]

كلين للفخرمنهم يجري = نصيحتي لك لا تكلمهم
ولا تقول قد نفذ صبري = وين اهل المروه والجميل
حدباعك وحد لك مشتري = وانت كلهم باتساويهم
مايستوي خوي مع صهري = الخو لازم اليه نميل

[أبونمر]

لونعتذر ماقبل عذري =عندالذي كنت نعذرهم
يامادحقنا وكم نجري =للجود والشرع الطويل

[سبع الليل]

ماعرفوا اسلوبي وقدري=غشمان ماحد يقدرهم
حد منهم موذي وشري=يومروينهي بالصميل
هبت علينا ريح بحري=ولي وقع فينا سببهم
مافادهم نصحي وشعري=نيرانهم تشعل شعيل

[أبونمر]

فوضت للرحمان امري =يعلم بكل ماليس نعلم
ومن نوي مكري وغدري =قليل ماقع له قليل
يالسبع في صبحي وهجري =ندعي على كافر ومسلم
لاقدظلم مسكين فقري =يشل بالشمروخ خيل

[البكري]

للواجب لابد مانسري = واهل الطلب باوقف معهم
لي لوحده دوب يصري = الزين ماحد يبدل به بديل


البكري

[أبونمر]

كلام جميل يالبكري تشكر يالغالي

[مبارك بن عمرو]

سمعت انا نغمة القمري =وسالت دموع العين دم
سهران ليلي مع فجري= من نظرة اعيونه قتيل
يالنجم بالله لاتسري=معاك بسمر وبتنسم
هت لي خبر من قداء خلي =ليش طول بالرحيل

[أبونمر]

ماشي كما زهرة المشري =ياإبن بن عمرو لوتعلم
باتقول في ذبلته نظري =ثلثين ساعه مايميل
وان متت في جنته قبري =لاتبحثوا القبر حقي ثم
هذا قضائي وذا قدري =بديل مابغى به بديل

[أبونمر]

((((فصل جديد))))
رغم الجفاء للمحب دايم =بانلتمس عذر في كلما بدر منه
لأن للمحبه مراتب عاليه عندي =وللجفاء نغلق الترباس والكالون
ماحد سوى ربنا عالم =بالذي في القلب له من حب باكنه
نتلت رتبتي من ضابط الى جندي =وركبت تكسي وهو ركبته الصالون

[البكري]

لكم ياخل ماباكون ظالم = وناركم دوب شوفها جنّه
نا من العرب مانا هندي = ولي بغواالمعزّه لها ينالون
مسكين لي في حبكم هايم = ودايم فيكم يحسنه ظنّه
في الحب ماحد منّكم ندّي = لان الزين فيه الناس يتغالون

[أبونمر]

انته متيم وانته ايضا مسالم = مابك على العشق شي غره ولا حنه
في القلب لك من بطي ودي =نقولها مثلما غيري كما يقولون
انسان طيب وطيبك جم وموالم =وعلى ثقه عاليه بالنفس لامنه
هذه حقائق نراها واضحه سدي =ماهو انا قولها قالوا معي مليون

[البكري]

العشق هوسلطان عالقلب والحاكم = من بلي بالعشق يردف الونّه
لاجل سعادة المحب بالروح بايفدي = ماهمه الناس لي له بايلومون


البكري

[أبونمر]

لاتظن بي يالفتى عامامضى نادم =ولا تحسف على سيئون والغنه
مادامني ماغلط عالناس وتعدي =ماباهتم بالذي لقوا وبايلقون
اللي مضى مايهم اكثر من القادم=وانك مكذب تفضل قم سأل عنه
على كلامي انا واقف وباتحدي =ذي قال عنده دواء لتضخم القولون

[البكري]

في ما مضى علي صدّقك لازم = لان الخو في خوه يحسنه ظنّه
طريقنا واحد ولك بامدها يدي = وبانبسط سوا في الغنّه وسيئون


البكري

[أبونمر]

[QUOTE=البكري]
في ما مضى علي صدّقك لازم = لان الخو في خوه يحسنه ظنّه
طريقنا واحد ولك بامدها يدي = وبانبسط سوا في الغنّه وسيئون



إذا صدقتني لازم تقع كنك معي حازم =لعد شي زود اونقصان في الوزنه
يجي مني لأن المال والعدي =طغى عالناس خلاهم يبيعوا كل غالي دون

[البكري]

بذي معي ياخلي معك باساهم = حتّى ولونشرب من قاطر الشنّه
حسب للمعروف ولا الود ودّي = تهنّى وانبسط وصاحبي مشطون



البكري

[أبونمر]

مساهيني بطت ذي نا بها حالم =وخلتني طرح ونه قفى ونه
على الإرث الذي لي من قفى جدي =يفك مالي الذي مرهون
ولافكيت ذاك المال للحراث باقاسم =بنص في الذبر والطينه
ومن خيل العنب والموز بابدي =إذا شفت الحرث في المال بايبدون

[الطير المعلي]

ماشاء الله هنا السمر ونحن تايهين عنه
بس شوفوني مبتدي لاتواخذون عليه
شي قاصراو زايد راووني بغيت باتعلم
معكم وسامحوني

على السمر سعفكم شهرين لي عازم =يوم شفتكم كلكم في قنه
عجبني سمركم وجيت لكم ظهر جودي -=يوم شفتكم دايم بالجوده تجودون

[أبونمر]

om]ماشاء الله هنا السمر ونحن تايهين عنه
بس شوفوني مبتدي لاتواخذون عليه
شي قاصراو زايد راووني بغيت باتعلم
معكم وسامحوني
على السمر سعفكم شهرين لي عازم =يوم شفتكم كلكم في قنه
عجبني سمركم وجيت لكم ظهر جودي -=يوم شفتكم دايم بالجوده تجودون[/poem][/QUOTE]
اهلا وسهلا بك اخينا الكريم انت بين اخوانك نتشرف بك معنا
وما نحن هنا الآلنكتسب خبره ونتعلم مثلك كلنا مكملين لبعض
نكرر الترحيب بك واتحفنا بما عندك يالغالي وتقبل شكري

[البكري]

الديس حد جدّك وحدّي شرج باسالم = والعمودي بحرنا ماسلم منّه
وقرب البحر بين حدّك وحدّي = ولقى جسر للبشر ذي بايعبرون
والارض نعرفها ولي فيها معالم = بدّلوا معالمها خلّوها مجنّه
نعيش اموات والحال متردّي = والارض شلّوها لها اليوم يبيعون

[البكري]

ماشاء الله هنا السمر ونحن تايهين عنه
بس شوفوني مبتدي لاتواخذون عليه
شي قاصراو زايد راووني بغيت باتعلم
معكم وسامحوني

على السمر سعفكم شهرين لي عازم =يوم شفتكم كلكم في قنه
عجبني سمركم وجيت لكم ظهر جودي -=يوم شفتكم دايم بالجوده تجودون


حيّا وسهلا نرحب بكل قادم = بانبين المركب وايش في خنّه
حيّا الطير ذي ضوى لا عندي = مليون حيّا بذي معنا بايسمرون


البكري

[مجمل]

وشل الخط لي ياطير ياحايم =لطالب بن حسن ذي مارجع كنه
ابا طالب معك يابونمر سدي = اذا جيتو هنا بقصد على المثمون

[البكري]

ايّام حكمك انتعمت حتّى البهايم = والعدل ميزانك وقياسك بالبنّه
والعقل لي مشتت يجيب ويودّي = والحلو والقار له ما تخلطون


البكري

[الطير المعلي]

كلام قوي يشتاف القوه تخلق قوه هكذا

[الجهيمي]

جزاك الله خير على هذة القصيدة الجملية

[الردينيه]

ردينيه لبيبه خير من سلبة الصارم=اذا عد شئ في السلبه معك حنه
وفي القيمه فقه لا تحسب العدي =دفع فيها الميه والألف والمليون

[البكري]

ترك السلبه كلها وبيدي نلاطم = ولطمة اليد لي تخرج الصنّه
والردينيه مايقطع حدها يدّي = ولا يقطعها السيف ذي مسنون

[أبونمر]

نرحب بالردينيه وبك يالطير واالقادم= الى هذه السقيفه ماعذر منه
ولا باعذر من البكري ابن بلدي = ولامجمل ولا ذي عادهم بايجون

[البكري]

مايستوي من سلم ومن هاجم = ولاشي عالعرب يابونمرمنّه
صحابي عذرهم مقبول عندي = باقبله ولونا بالجنبيه مطعون


البكري

[أبونمر]

ماعليه ياشباب غائب ثلاث ايام النت متعبتني ماتفتح بسهوله لي

[مجمل]

عليك يابونمر تفصــــــــــــــــــــــــــــــــــــــل والا البكري بس غن بالبيت على لحن زين ان ظبط
فصــــــــــــــــــــــــــــــــل لكن لاما جاء سواء شف نحنا مابالسكت هههههههههه وانته انتبه مكن هذه المره
لاهنت يابن هاشم الله يخليك خذ راحتك دندن وقل .

[يسلم صالح بن عكعوك]

إليكم هذا اللحن الغياضي والبيوته من الشاعر
الكبير:عبيد بن حمد بن مسلم بن ماضي
وحبيت ان أسعفكم بالبيوت التي عادها محفوضه معي
من الشاعر الكبير :عبيد بن حمد
وهو يقول فيها:


قال بو عيضه سرا البراق في راس النشيه=قد دحا مدحر حويره صب من شيه صبيب
خصبه ألا بالمشوك من خشوم النامسيه=والبرد بلجيك محكومه معانقها تصيب
من شويط النار من صنعت مكاين كافريه=من جهنم من سقر ذي نارها تلهب لهيب
حن قلبي مثل ما حنت جمال الدوسريه=ليلة البارق وهو متعوب بالحمل الخصيب
لا يبا البندر ولا فالثرب عنده شي هويه=كن حمول البابقي مفصول لا دوعن غصيب
شاقني خرعوب لي يمشي بحزمه شركسيه=والقميص اخضر وعجزه يسحب الدنيا سحيب
ون لحظ بعيان فيهن نوع من سهم المنيه=كهربت جسمي وخلت عظمي الصاحي عطيب
صابك الله يالذي تبلى فوادي بالبليه=ماتشوف الشيب فالحيه وقد راسي مشيب
قال منهو يعرف القادي وذي ماهي قديه=حاج بييت اله والوجه النقي ما با يعيب
يالمسافر شل للك بيتين من عندي هديه=با يغنيها مسجلكم في الواد الوريد
وادي الرحمن تغذاها الشعاب الطالعيه=ريت بو عيضه من الوادي يوقع لك قريب

[أبونمر]

شكرا لك يابن عكعوك على هذا النقل الجميل

[مجمل]

نعم نعم
يالقول الدويل قال ايه بن مسلم
يوقع لك قريب


مرحبا بالقول ذي طعمه كما طعم البغيه = شغل بوعيظه ديار النوب لازم باتنيب
ولد بن عكعوك يسلم جاب لي هذا الهديه = بدعي الهاجس على ذا الصوت لازم بايجيب

[يسلم صالح بن عكعوك]

قل لبن منصور لذكرت الليالي لوليه=يعتصر قلبي ودمعي قد مسا يسكب سكيب
من فراق اجواد راحو تركوا كل القضيه=فوق راسي وانت عارف بالقضيه يالنسيب

[البكري]

شفت بن منصور قد عدّا بالهابطيّه = يابوصالح تحذّر ماباينفعك البكا والنحيب
ذولاك ماشي همهم وهم ضيّعواالبنيّه = حسب حسابك لا تظن كل مخطي مصيب



البكري

[تأبط خيرا]

حول ياحولاه هلّ الغيث من روس النشيه***قول ياهو قول مثل اللوز طعمه والزبيب
جيت يا لجواد قاصدكم ومن بعد التحيه***جيت طامع في كرمكم ريت باحصّل نصيب

[يسلم صالح بن عكعوك]

مرحبابك مرحبابك بطلعك فوق الحنيه=لا تفكر ياصديقي بطرحك ظهر المنيب
شغلنا نظم القوافي والذهب فالخاسكيه=مالنا شغله سوا لبيات لندبها نديب

[يسلم صالح بن عكعوك]

شفت بن منصور قد عدّا بالهابطيّه = يابوصالح تحذّر ماباينفعك البكا والنحيب
ذولاك ماشي همهم وهم ضيّعواالبنيّه = حسب حسابك لا تظن كل مخطي مصيب



البكري



مرحبا البكري تعلم في حباط الهاشميه=ورتب قد قسموها شي معك رتبت نقيب
مالعبيثي قد معه رتبه ودرجه معتليه=من قفا جده عوض ذي يعصب الزانا عصيب

[البكري]

نحن لنا تواريخ اماصله ماهي بليه = لنا قول دامغ كلن منه يستهيب
وخير القول اتخذناه في الدنيا مطيه = وعسى به نشرب من حوض الحبيب

[مجمل]

قل لبن منصور لذكرت الليالي لوليه=يعتصر قلبي ودمعي قد مسا يسكب سكيب
من فراق اجواد راحو تركوا كل القضيه=فوق راسي وانت عارف بالقضيه يالنسيب




قل ليسلم شف عمر محنون بايشد المطيه = عين بن منصور عالخرفه مذنب والصبيب
باملي راسي وباسجله شوني فالوصيه = لاتخلون البواسق خير من كشف الطبيب

[يسلم صالح بن عكعوك]

ياعمر سافر تقبض لك بقصم العشدليه=نخل مخيه زين ماهو نخل عيزر مايثيب
من بقى لكبش صفحه خير من قرف البغيه=والمسافر يطرحون السمن له فوق الحليب

[الردينيه]

قل لبو صالح زمن كنتوا تغتون السريه=كلما صابته يداتك وهو قير يطيب
كنه العمر ذي خلا رجولك ملتويه =ريت من شيب يعود شاب من بعد المشيب

[يسلم صالح بن عكعوك]

قال بو صالح هلا ببيات جت بعد العشيه=جات من شاعر ذكي حتي وهو عني غريب
عاد بن غانم قوي صامد وذرعانه قويه=وانت تحسب حالتي حاله وانا عظمي صليب
عادني بطلع حويره والظروك الملتويه=والجمال الجازيه باتطلع الحيد الوريب
مرحبابك عندنا فالمنتدى وهال العنيه=بايحطونك على الليمان يالشهم الاديب

[أبونمر]

فصل والثاني سلامي عالسلاب النموسيه = ذي لها قرحه ورده في الجبل ترعب رعيب
هيضتني قال شاعر يوم عاد النفس حيه=من ثلاثه واربعه من قزلت الوبران صيب
وأن طلعت الصيق ولحقت الوعول المربيعه=نضرب المبعد ونفسح في الذي مني قريب
عهد عانفسي قضيته يوم لي طربه وغيه =والوفاء شيمتي كانت يومني بدوي لبيب

[يسلم صالح بن عكعوك]

مرحبا ببيات من شاعر بلهجه حميريه=بو نمر ذي يعرف الزامل وعالمغنى يجيب
تعرف الشاعر من ألفاظه يجيب الا القديه=مايديع للوطع ذي ساكن الحيد الصعيب
ليل يالشعار ردوا عاللحون الحضرميه=خلو المعمور يترنم بصوت العندليب
قال بن عكعوك ضاق الحال والسفره بطيه=قد عبر ثلثين من عمري في المهجر غريب

[البكري]

كل واحد منّا يحافظ على اصل الهويه = وبلاد اليمن مذكوره العيش فيها يطيب
مع ضو الشمس ماتشوف النجوم الضويه = مايظهر ضوها الا بعد الشمس ماتغيب

[أبونمر]

البكري
كل واحد منّا يحافظ على اصل الهويه = وبلاد اليمن مذكوره العيش فيها يطيب
مع ضو الشمس ماتشوف النجوم الضويه = مايظهر ضوها الا بعد الشمس ماتغيب
بونمر
انت عاهويتك حافظ يارفيقي والبقيه =تركوا فيها هوى من ساسها هي والركيب
بعدما شافو ا يدات الوعل قدها ملتويه =لوتنادي في تنادي للندى ماحد يجيب
بعدما غابت نجوم الصبح ونجوم الثريه =واشرقت ظهروا الباجمعان هم والبانصيب
ذي سلبهم شرف ومسابت يشلوها خليه =يوم حان الوقت زقلوا بالبنادق في الكثيب

[أبونمر]

يسلم بن عكعوك
مرحبا ببيات من شاعر بلهجـه حميريـه =بو نمر ذي يعرف الزامل وعالمغنى يجيب
تعرف الشاعر من ألفاظه يجيب الا القديـه =مايديع للوطع ذي ساكن الحيـد الصعيـب
ليل يالشعـار ردوا عاللحـون الحضرميـه =خلو المعمـور يترنـم بصـوت العندليـب
قال بن عكعوك ضاق الحال والسفره بطيه =قد عبر ثلثين من عمري في المهجر غريب
ابونمر
قضى وأقدار ذي يجري لكم جـاري عليـه =قل لبن عكعوك ماهو بالرضاء قع بالغصيب
نترك الوادي ونسكن في السهول الساحليـه =بعد ما جات الجداعه في البدن هي والقطيب
وانت من غربتك تشكي والسنيـن الأوليـه =قد شكى من كان قبلك من زمان ابن النقيب
شي على اليمني من الله دوب وقته في أذيـه =مامعه في الأرض راحه لويقع قوته حليب


__________________

[البكري]

البكري
كل واحد منّا يحافظ على اصل الهويه = وبلاد اليمن مذكوره العيش فيها يطيب
مع ضو الشمس ماتشوف النجوم الضويه = مايظهر ضوها الا بعد الشمس ماتغيب
بونمر
انت عاهويتك حافظ يارفيقي والبقيه =تركوا فيها هوى من ساسها هي والركيب
بعدما شافو ا يدات الوعل قدها ملتويه =لوتنادي في تنادي للندى ماحد يجيب
بعدما غابت نجوم الصبح ونجوم الثريه =واشرقت ظهروا الباجمعان هم والبانصيب
ذي سلبهم شرف ومسابت يشلوها خليه =يوم حان الوقت زقلوا بالبنادق في الكثيب



يابونمر شفها عادها الا بيدي البندقيه = ذيك ان خابت عد بان التاليه باتصيب
مابدا شفنا اصابع في يد كلها مستويه = والعرب للامثال ضربوا يفهمها اللبيب



البكري

[يسلم صالح بن عكعوك]

يسلم بن عكعوك
مرحبا ببيات من شاعر بلهجـه حميريـه =بو نمر ذي يعرف الزامل وعالمغنى يجيب
تعرف الشاعر من ألفاظه يجيب الا القديـه =مايديع للوطع ذي ساكن الحيـد الصعيـب
ليل يالشعـار ردوا عاللحـون الحضرميـه =خلو المعمـور يترنـم بصـوت العندليـب
قال بن عكعوك ضاق الحال والسفره بطيه =قد عبر ثلثين من عمري في المهجر غريب


ابونمر
قضى وأقدار ذي يجري لكم جـاري عليـه =قل لبن عكعوك ماهو بالرضاء قع بالغصيب
نترك الوادي ونسكن في السهول الساحليـه =بعد ما جات الجداعه في البدن هي والقطيب
وانت من غربتك تشكي والسنيـن الأوليـه =قد شكى من كان قبلك من زمان ابن النقيب
شي على اليمني من الله دوب وقته في أذيـه =مامعه في الأرض راحه لويقع قوته حليب


يسلم بن عكعوك
ياتراها اعمالهم يا بو نمر ماهي شليه=من اراضيهم عيال الشعب ضلو لك عزيب
حد بجاوه منهم ساكن ولا تعرفه زيه=والذي بفريقيا ضاعوا ولا معهم رقيب
خاف رب العرش يعدلها وترجع لك سويه=قد طرقها صالحه وأصبح لك المبعد قريب
شف علي ماهو علي هذا علي عنده حميه=أستقل خل الرياسه ياعجيبك بالعجيب
يوم قد ملا كياسه فك بقعه للرعيه=بايجي غيره وباينهب من الخزنه نهيب

[مسكين]

جميل ويطرب القلب هذا الشوق

تحياتي للشاعرين

[أبونمر]

[
بن عكعوك

ياتراها اعمالهم يا بو نمر ماهي شليه=من اراضيهم عيال الشعب ضلو لك عزيب
حد بجاوه منهم ساكن ولا تعرفه زيه=والذي بفريقيا ضاعوا ولا معهم رقيب
خاف رب العرش يعدلها وترجع لك سويه=قد طرقها صالحه وأصبح لك المبعد قريب
شف علي ماهو علي هذا علي عنده حميه=أستقل خل الرياسه ياعجيبك بالعجيب
يوم قد ملا كياسه فك بقعه للرعيه=بايجي غيره وباينهب من الخزنه نهيب
ابونمر
هكذا آخر زمن والوقت والدنيا دنيه =ماتتمي في مقر للآدمي تسحب سحيب
والتجارب ذي مضت عاشعبنا ماهي شويه=لكن النسيان فينا يوم فينا زاد طيب
آسيا كانت فقيره مننا صبحت غنيه = والسواحل جوع فيها كان والعالم خبيب
صلحوها يوم جو اهل اليمن جوها هديه =عمروا فيها وفيها من توطن مايخيب
ونسوا الموطن وقالوا المعيشه هاهنيه=مانبى ارض اليمن ولانبى خو اونسيب
m]ويوم حال الوقت طردوهم بلا حق اوعطيه=لكن الموطن كفلهم قال حاشامانعيب
والرئيس الفذ بواحمد عطاهم اولويه =في المساكن والإعاشه قسم في البر والزبيب
والرئاسه قال ملك الشعب من عنده شهيه =للرياسه يستقل يؤكل صبر وإلا صبيب[

[الرحبة]

زيدوا من هذا السجال الجميل بارك الله فيكم
انشهد انكم شعراء مميزين
شكرا للشاعر يسلم بن عكعوك والشاعر ابونمر

[أبونمر]

فصل جديد
بغينا ذا السنه شيبوب يتقابل مع عنتر = لحتى شوف من غالب ومن ذي منهم مغلوب
وبانشوف الشجاعه كيف ذي طقت في الأسمر= بها يهرج ويتنطع ووجهه ياعرب مقلوب
شبعنا من حزاوي دار وحكايات في المسمر = ومن اخبار بيلقوا ولقوا ايش يامطلوب
وعا قول العرب مابيقتل ياناس من شاور = ومن شوره لغيره ضرع شاته بيصبح محلوب

[البكري]

شيبوب خو عنتر وهو باحواله اخبر = عنده اخباره كلها وهوبيده الترتوب
ومن وقع في العشق لابد له نعذر = وماضاع عنتر الا من شور شيبوب

[البكري]

شيبوب خو عنتر وهو باحواله اخبر = عنده اخباره كلها وهوبيده الترتوب
ومن وقع في العشق لابد له نعذر = وماضاع عنتر الا من شور شيبوب



البكري

[أبونمر]

0البكري
شيبوب خو عنتر وهو باحواله اخبر = عنده اخباره كلها وهوبيده الترتوب
ومن وقع في العشق لابد له نعذر = وماضاع عنتر الا من شور شيبوب[
/ابونمر
كلامك زين يالبكري ومنك بايجي اكثر =لأنك آدمي شرعي وفي حل القبل مصلوب
عليك البار والعمده وانته بالثقه اجدر =ونا بينت لك خيني وسري لك في المكتوب
ونبغي منك خدمه عالمحب تسأل وتتخبر=وتعطيني خباره ذي عليه القلب قع مقطوب
مولع فيه ومتيم بحبه باهي المظهر=ومن عشقته ماباقنع انا ابدا ولاباتوب

[أبونمر]

على النت ايش من هتفه قعت كلما كتب اسطر =لحقها تمتحي ايش الخلل ذي في السقيفه دوب
مدى اسبوعين في حاله علينا ربنا يستر =على الصفحات بالتحديث والمده علينا كل شي محسوب[/

[البكري]

0البكري
شيبوب خو عنتر وهو باحواله اخبر = عنده اخباره كلها وهوبيده الترتوب
ومن وقع في العشق لابد له نعذر = وماضاع عنتر الا من شور شيبوب[
/ابونمر
كلامك زين يالبكري ومنك بايجي اكثر =لأنك آدمي شرعي وفي حل القبل مصلوب
عليك البار والعمده وانته بالثقه اجدر =ونا بينت لك خيني وسري لك في المكتوب
ونبغي منك خدمه عالمحب تسأل وتتخبر=وتعطيني خباره ذي عليه القلب قع مقطوب
مولع فيه ومتيم بحبه باهي المظهر=ومن عشقته ماباقنع انا ابدا ولاباتوب

يوصف الزرع بزينه اذا زان اوازهر = وانت ماشفت شي غير تسمع حنين النوب
من بلي بالعشق ماله دوا غير يتصبّر = والزين ينقطب عليه القلب من نظرة العرقوب

[أبونمر]

يوصف الزرع بزينه اذا زان اوازهر = وانت ماشفت شي غير تسمع حنين النوب
من بلي بالعشق ماله دوا غير يتصبّر = والزين ينقطب عليه القلب من نظرة العرقوب



تمنى لك اقامه طيبه والأنس في المندر=وترجع بالسلامه والوطن محبوب
تفكر كيف حالك لو انته مثلي في المهجر =عليك الوقت كله لي مضى محسوب

[عيون المكلا]

اذا حب الوطن من قلب بالآلام يتفطر ....لماحل به وعاطول الزمن منكوب
يلقي ويش في المندس وذي اصدر .....اوامر وابعدوا عبله مسافه عن اخو شيبوب

[أبونمر]

اذا حب الوطن من قلب بالآلام يتفطر ....لماحل به وعاطول الزمن منكوب
يلقي ويش في المندس وذي اصدر .....اوامر وابعدوا عبله مسافه عن اخو شيبوب
شجار الخير بالأزهارباتذبل وباتثمر=ومن كل غصن باقطف لي ثلاث حبوب
وكل من بيندس لاعذر مايخسر =ومن كذب نصيبه بايجي له ساعة التجروب

[البكري]

تمنى لك اقامه طيبه والأنس في المندر=وترجع بالسلامه والوطن محبوب
تفكر كيف حالك لو انته مثلي في المهجر =عليك الوقت كله لي مضى محسوب



دخل الزين لاعندك ويكابر ويتمخطر = وانا شوف ونميز ولو هي عاعيوني عصوب
وانت عدا عليك الوقت وعليه تتخبّر = ظنيتك تنظر الى الاشيا كلها بالمقلوب

[البكري]

اذا حب الوطن من قلب بالآلام يتفطر ....لماحل به وعاطول الزمن منكوب
يلقي ويش في المندس وذي اصدر .....اوامر وابعدوا عبله مسافه عن اخو شيبوب


حب الوطن يربى عليه الادمي ويكبر = ويعيش على حبه لان الوطن محبوب
وحب الادمي لنفسه مصيبه لنا تظهر = عيوبه كلها وهو بين البشر منشوب

[أبونمر]

فصل جديد
يعيبون الزمن اهله =وأصل العيب هو فيهم =لهم تتبادي الأوهام
على اربع عشر مله=اذا ماكنت تعرفهم =ولاعندك بهم المام

[البكري]

حد مسكين في جهله = وحد من الله ملهم = بالهامه يميّز الاحكام

ماحد يحوز العلم كلّه = وشي من العلم مبهم = ولامخلوق حازه بالتمام

[أبونمر]

حد مسكين في جهله = وحد من الله ملهم = بالهامه يميّز الاحكام

ماحد يحوز العلم كلّه = وشي من العلم مبهم = ولامخلوق حازه بالتمام


من البراد والدله = نقهوي كل من يخرم =ونقضي كام من له كام
ورد الفرع لااصله =وبالمعروف نتكلم =وسلم عالذي رد السلام
وعلم الشرع من شله = وبه يعمل وبايحكم =وعنده ضبط له وأحكام
معه باقول نا يالله = عساني منه نتفهم = ونعرف كلما هو هام

[البكري]

من البراد والدله = نقهوي كل من يخرم =ونقضي كام من له كام
ورد الفرع لااصله =وبالمعروف نتكلم =وسلم عالذي رد السلام
وعلم الشرع من شله = وبه يعمل وبايحكم =وعنده ضبط له وأحكام
معه باقول نا يالله = عساني منه نتفهم = ونعرف كلما هو هام

العلم غلب مانمله = ونسعى له ونتعلّم = ونتعرف على الاعلام
تركت الوطن لاجله = وحفظت كل معجم = وبلغت لمابلد لعجام

[أبونمر]

[quote=البكري]العلم غلب مانمله = ونسعى له ونتعلّم = ونتعرف على الاعلام
تركت الوطن لاجله = وحفظت كل معجم = وبلغت لمابلد لعجام[/
Quote]

اذا حاولت توصل له = ترى الأوضاع تتقدم = قدم شف العلم لاقدام
وشف كل لغز له حله = ولاماعرفت له ازهم =على ذي قابضين الزام

[البكري]

الماءيتغيّر في محلّه = والبنيان لابد يتهدم = والزمن عام بعام
والتبر قيمته في قلّه = ماحديلقيه مردم = والناس له خدّام

[أبونمر]

بغيت الصدق شف حله =مدينه باتقع لازم =ولاهي بالرضاء باتكون بالألزام
ونا واياك با نبني لنا فله =وبانقعد سوى هوثم = بغيتك نا لأنك آدمي مقدام

[البكري]

لاجتمع الخل مع خله = وفي ماله لخوه يقاسم = وباتعود مخوة الاسلام
وان كل واحد له شله = ولغيرهم يصبح يهاجم = بنقول على الدنيا السلام

[أبونمر]

عد حد معه شي والا بانغير الفصل وياريت بن عكعوك يفصل لنا هذه المره

[مجمل]

مجمل بايفصل يابونمر

بس هذه المره شبواني بادور صميل بلقيه على كتفي

قال ايه سمعوني

ذا فصل يالشعار بانفصـــــــل بغــــينا رايكم = شعــــــــارنا ذي فالسقيفه رايهم ياخير راي

ياهل السقيفه ياصلاب الروس ايش اخباركم = طرب على يسلم وبانقصد اذا هو صدق جاي

*************

[البكري]

ان بغيتو شبواني اليوم جهزوا رجالكم = شف الهاجرلافقع قابل يامجل
في قداي
بانقول اقوالنا وبانسمع اقوالكم = وباحسن القول عا المغزى
ماهوعاهواي

[أبونمر]

نحن وصلنا عالطلب من شأنكم =وعسى بكم مايخيب يامجمل رجاي
وشرب بحفني من على معيانكم =ونشل للبكري معي ماء في سقاي

[البكري]

سقا الله يابونمر وديانكم = ورجائي من المولى يقبل دعاي

عسى تنتعموا انتم رعيانكم= تصبح بقعه هند عندكم وتجتمعوا براي

[أبونمر]

من فضلكم نطلب ومن احسانكم =قولوا معي آمين يتحقق مناي
منيتي عودتكم الى اوطانكم =وتنعموا بالخير فيها ذا دعاي

[البكري]

[quote=أبونمر]من فضلكم نطلب ومن احسانكم =قولوا معي آمين يتحقق مناي
منيتي عودتكم الى اوطانكم =وتنعموا بالخير فيها ذا دعاي[/quote
من مصائب الغربه ربي صانكم = وانتم في خلاكم ونا في خلاي
والدوا واحد لابداننا وابدانكم = راح الالم منّي يوم استعملت دواي

[أبونمر]

فصل ----- جديد يالشعار
اخبار لبنان ماتفرح= والحزن سود على الأمه
متى متى عاد بانفرح =والقصف عالرأس في كل يوم
نص قرن والقارحه تقرح=حتى على لابس الكمه
حتى على الطفل بايقرح =مخباطكم ياعيال الكوم

[البكري]

بايشل الخبر لي يسرح = والمر يطعم في اللقمه
والصدق في كل وقت يتنقّح = والكذب قد لقوله سيف مسنون

[أبونمر]

في والضحى هي و لم نشرح = لاترجع الفتح جر وسكونها ضمه
لاقريتها عدل حتى الحا ل بايشرح =لاعرفت احكام ميم الساكنه والنون

[البكري]

من شل عاده غصب بايطرح = ولا بد ماتجتلي الظلمه
واليوم بايلعب وبايفرح ويمرح = والنصر باذن الله مسهون

[أبونمر]

لبنان كل ما لها تجرح =والناس كلين ياصاحبي في همه
وصواب تنسم وتتجرح=وصواب حتى دواهم صعب يتداوون

[أبونمر]

فصل جديد
الوقت خلاني من الصاحب اشتق =والحاصل الدنيا مشقه = تنضر من خوك الشقيق
بيبادلك بالصفح ورضاك الحنق = ويشل حقك فوق حقه = شالصدق هذا والحقيق