الصبر مل مني وانا باصابره (( بن بريك ))

[بن بريك]

السلام عليكم ورحمة الله وبركاته

صرنا نلف وندور وسط الدايره = كلن على همه وقلبه فيه نار
ماحد يراهن عالخيول الخاسره = يوعدك بايوفي ولا فيه اقتدار
اسمع علوم الرجل ان هي ظافره = حطه على الايمان ماهو عاليسار
اسأل على ربعه ومن ذي سايره = باتعرف الرجال من خط المسار
من جالس العقال طيّب خاطره = ترجاء علوم الخير عنده والوقار
يحمل هموم اهله ولو هي جايره = تفداه من طعن الجنابي والشفار
أما قليل الخير رجله عاثره = كل يوم في حفره مزود في العيار
ماباتجي منه سوى كل قاصره = جعله ضحيه للذيابه والنمار
ياخوي شفها نار عندي ثايره = من ذي نشوفه ظلم في وسط الديار
حتى كبار القوم صارت حايره = يوم الريال اليوم قد دحدر وبار
والصبر مل مني وانا باصابره = هذه مزايا العقل واصحاب الوقار
ما باتظل بقعاء كما هي سابره = لا بد مانطعم حلاء من بعد قار
حكمه من الله من سنين غابره = لابد ما تصفى السماء بعد الغبار
رشة مطر من سحابه عابره = تطفي ظمأ الرمله وتنبت بالخضار

بن بريك
5/12/1431هـ