عبر عن شعورك ولو بكلمه

[الحائرة]

كفى ماجرالــي ياغلا منك وجاني
كفاني ترا حكم الجفى منك يكفيني
عيوني لكم ذاقت ورمشي و جفاني
ونار الشقى والشوق في القلب تكويني
انا الشوق من جور الجفا بان في عياني
وانا الوجد من جود العنا عاد مشكيني
حلى الحسن في رمشك على الحب وزاني
تباعتك ولا ادري وين؟! دربك موديني

[الحائرة]

في غيابكم مادري احيا او اموت
في غيابكم ترتسم اقسى الدروب
وتحفر الآهات بعروق وسدود
وتغرز دموعي على خدي حدود
في غيابكم اموت اموت اموت
اموت اموت اموت اموت
وكافي تعرفون اني في غيابكم
مالــي في بهالدنيــا وجــود

[الحائرة]

لا تعتذر بدموع هذي نهايه
إبعد وانا ابعد ما ورا البعد تجريح
إن قلت او ما قلت ردي كفاية
خل الفراق يحل كل المواضيع
ماتلتقي في الدرب غاية وغاية
الدرب واحد مايجي فيه تنويع

[الحائرة]

في غيبتك اشرب مرارة زماني قلبي وعقلي بالعنا يشتكونك
يبغون منك عطف ولا حناني عطف المحبه يعل ربي يصونك
ادمنت حبك وستحل بكياني لقدر اعيش العمر لحظه بدونك
والله مقدر

[الحائرة]

أتعبت قلبي من جفاك وتغليك
وتاهت بي الشرهة ولاأحد ذكرها
المشكله قلبي حلف مايخليك
ومدري متى ظروفك توقف ضررها
قلبي وعقلي والمشاعر تباريك
روحي هوت وروحك وحبك سحرها
الذنب ذنب الحب ماهو خطا فيك
هذا خطا نفسي وقدرها

[الحائرة]

سافرت عنك وخافقي معك ياسيدي عندك امـانة
ماطاع يالغالي يودعك يرحل معي ويترك مكــانة
خله معك يسهر ويسمع خله يسامرك بحنانـــة و
اذا الوله والشوق لوعك بتشوف طيفي في عيانة
لو شفت عني البعد يمنعك لو طول غيابي زمانة
لالالالاتبكي بيوم مدمعك ماهو عشاني عشــانة
بـــكره الليالي بي تجمع يانبض قلبي ياكيـانة
راجع لدنيا فرحتي معك راجع وعند لك امانة

[البكري]

عسى الله يرحمنا ويعيننا على حفظ الامانه
ويكرمنا بها في الاخره ويدخلنا في جنانه
ويحفظنا في الدنيا من اهل القلوب الضمانه
ويحببنا الى عباده ويقربنا من اهل الزيانه

[الحائرة]

معزتك عندي ترا مالها نوع ..و مكانتك في القلب ماحد لقاها ..
و غلاك في روحي صار مزروع..حتى المشاعر ترجمت لك غلاها و الروح لو راحت لاجلك فداها

[اصيل]

حييت في قلبي هـــــلا بك ونوّرت ..
مرسولك أسعدني ونـــــور حياتي ..
ياصاحبي مايوفي الحـرف لو قلت ..
"معــــزتك" مضمونها في ثبــاتي ..
بس الأهـم إني لمرسولك .. اشتقت ..
كنت انتــظر متى عـلى الله يــاتي ..

[اصيل]

ما يموت الشوق لو قل الوصل..
وما يهز (الحب) زلزال الظروف..
وانت داري معزتك فيني اصل..
ولو يطول الصمت لا يلحقك خوف..
والغلا بالقلب والله متصل..
ثابت مثل الأصابع بالكفوف..