((*وادي قظاعه وابرهه وطير الابابيل*))

[عمر الذيب]

سلام مني مصدر عد موج البحار = شله معك يامسافر وانت ياطير فار
وقسمه عابلادي خص صاحب وجار= وان جيت وادي قظاعه مكسبي والظمار
سلم عليهم وبالمليون عا كل دار=اهلي وناسي ومن حقي بهم الافتخار
بعد البشر شل سلامي للشجر والحجار=سلم على تراب وادي عمد عاوار وار
سلم على نخلها وعلوبها والصبار=وردف سلامي وكرر للرجال البصار
وقلهم في طريقك لابلغت الديار=ماشي مخالف علينا كل ماصار صار
الحلو دايم صحابه يخلطونه بقار = والله ربي لهذا حط جنه ونار
جنه لمن قام بفروضه وزكى وزار=وحج بيته وامن بالقضى والقدار
وعمل عمل خير في الدنيا وساير خيار =والنار قسم الذي هو رد ليله نهار
وقبض طريق المعاصي والهوى والسكار=منه تجنب وجنب كل عابر ومار
خلوه يمشي لحاله في طريق الدمار=يمسي يفحس يداته يمنته واليسار
والله عالم بهذا لي تقدم وسار= ماحد خلافه محاسب وسط دار القرار
ذا فصل والفصل الاخر ارض رمي الجمار=اهل التقى والفضيله عمروها عمار
والقو كباري وخيمه من مزون المطار=من فضلهم قد توفر كل بارد وحار
مكه وطيبه حماها الله من كل ضار=واقرب مثل ابرهه يوم ارتمى بالجمار
وبعد جات الرساله وابتدت وسط غار=ومد خير البشر وايده بالانتصار
في بدر واسقط رؤوس الكفر قبل الحصار=وعز الاسلام في الدنيا وزاد انتشار
ونصر عباده وجنده عاجيوش التتار=وبعد هذا وهذا في زمن الانهيار
عشنا هزايم مع نكسات جم وانكسار=لما استلمها السعودي لي حكم باقتدار
عبدالعزيز الموحد شخص مخلص وبار=كبير من بعده اتوالو الملوك الكبار
حكمو بمافي كتاب الله ماهو شعار=واليوم في عهد بو متعب رخاء وازدهار
وامن طرقها لناوي الحج والاعتمار=وسع وعمر وامن ظلها بالشجار
وشيد لحجاج بيت الله ميناء ومطار=هذه خباري وعندي قال شاعر خبار
سكين اصلي وجاوي فدرته الشفار=من حد شفره قديمه في سبعه فدار
والقلب يشكي ويبكي مايحب الغيار=لاحل للذيب لصمع لي غدرني وغار
طيب جمالي وبلي امس ظهر النهار=والناس تسمع وتنظر ريت مخلوق ثار
كلن رقد عافراشه يوم زر الوتار=ظلو وباتو وهم يتبادلون الشوار
يهوين يهوين قدها الا فظيحه وعار=يهوين يهوين قدها الافظيحه وعار

[النحوي]

صح الله لسانك أبوطارق
والف عافيه لـــــــــــك

[علي فدعق الهاشمي]

بوطارق

صح الله كلك يالنشمي

ابيات رائعه من رائع

كماعهــــــدناك متميز اِلى ابعد الحدووود

اتمنى لك التوفيق

وعساك ع القوووه

دمت بود

[مجمل]

مبدع دايم يالمبدع تنثر دررر في جميع المجالات لاهنت مزيد من التألق ابا طارق

[مجمل]

مبدع دايم يالمبدع تنثر دررر في جميع المجالات لاهنت مزيد من التألق ابا طارق

[عمر الذيب]

لاهنت يا النحوي ولك جزيل الشكر على المتابعه
تقبل تحياتي عمرالذيب

[ابو يوسف بن شحبل]

يهوين يهوين قدها إلا فضيحة وعار

صدقت أخي عمر الذيب قصيدة جميلة من جميع النواحي ما خليت شي لا وادي عمد لا مكة للملك عبد العزيز للملك عبد الله كفيت ووفيت تسلم على البدع الجميل

أبويوسف

[طالب النعماني]

صح لسانك يابوطارق
قصيده رائعه واكثر من رائعه
ولي طلب ياليت تلبيه
طلبي قصيدة الرحل من الرياض لوادي عمد ومرورك بكل بلدانه
رحله مسافته ثلاثه الف ميل

[بحر2005]

اخي اهنءك الحقيقه قصيده را ئعه
صح لسانك نتمنى لك التوفيق

[عمر الذيب]

مجمل]مبدع دايم يالمبدع تنثر دررر في جميع المجالات لاهنت مزيد من التألق ابا طارق
مجمل يا مجمل بطيتوفي شنقهاي
عساء شي فلك هو هنا والاالجو زين عجبكم
هنا مشاء الله الامطار هذه الايام ليل ونهارلك الشكر على المتابعه
تقبل تحياتي اخيك عمر الذيب]