باتيس والعمودي والذيب (الجزو الثاني )

[طالب النعماني]

هذه المساجله بين الشعار
الشاعر احمد عبود بن بدوي العمودي
والشاعر طالب بن حسن باتيس ابوراضي
والشاعر عمر سالم الذيب ابوطارق
في مدينة الرياض في بيت الاخ المغني عنتر العوبثاني ابوهمام

احمد بن بدوي

قال بن بدوي لام الفين عاهيج القطيره=ذي يشل الحمل من جردان لمان الهفوف
كان في زامه يجيب البعد في مده قصيره=وان بداء له شف مايخلي صحابه والسعوف
سيل مروس من بلاده فيه ستعشر شريره=يعبر الوديان قد نقر ظمرها والعطوف
وان برق بارق وحن الرعد في رؤس الحجيره=يحمي اصحابه من الماطر ومن غيث النفوف

طالب باتيس

مرحبا بالقول من شاعر وصل خبه وسيره=قل لبن بدوي حمد حط النقط فوق الحروف
يرعضون السيل بالبكره دهامير العشيره=والمكذب قال بوراضي عيونه باتشوف

عمر الذيب

المسافه مبعده ياشيخ والهمه كبيره=والامل موجود خلوها على حسب الضروف
واهل وادي عمد ماواحد نزح من عين بيره=قصرة الزانه عليهم واهتدم بعض السفوف
يوم خايلنا على ليسر وجوده بالقويره=عورة صبله وسوتها مقاطب في شنوف

احمد بن بدوي

ماتشوف ابعد هو والقرب لعيون الضريره=من طلع وسط العسر بايرتدي من راس نوف
ميتعب كل من ضري عالشمس هي والزمهريره=وان دخل للشرح بايرزح على رؤس لبصفوف

طالب باتيس

قل لبوطارق عمر شفت العسيري في عسيره=بعد مازار الكنيسه عاد للكعبه يطوف
والنبي لو ماترده بالقي حجه نكيره=بايقع شله وحطه في الجبل يوم الوقوف

عمر الذيب

من معه بندق ولاعنده في المسبت ذخيره=لابداء له شان هز الجنبيه بين الصروف
والامور امعقده ياسرور والحاله خطيره=والزعل عانوب في الوجبه لقا سبعه قروف

احمد بن بدوي

التماس الكهربا باتحرق اسللك الضفيره=والخخل ذي في المكينه في البساتم والبلوف
لا صلح له كل شي باتصلح احوال العشيره=والسماء باتنجلي من بعد ماكانت كسوف

طالب باتيس

قل لبن بدوي حذر لاتلقي الشقعه مطيره=عاد قدامك طرق واعقاب في وادي يثوف
مامعك شي سيف يقطع لاتهزه في جفيره=سيفي البار شف ماشي مثيله في السيوف

عمر الذيب

بعد راس المال فلسنا في السوق الخسيره= يوم ضاع العرف لحضه عالرجاجيل العروف
والحصار اللي فرضته قل لطالب عالجزيره=مايهز الحلف ذي ماشي مثيله في الحلوف

احمد بن بدوي

شفت طالب بن حسن ياناس زيد في هبيره=قال بيطلع قذاة العين من بين الدفوف
والضليعه تشتكي يالذيب من مولى القويره=عاد كم من جيد في الريده على اسوامه يطوف

طالب باتيس

قسمي المعذر ولي قسمين زايد في الغبيره=وانت ياولد الهفوفي مامعك غير الهفوف
ايش ذي جابك من المشقاص لادار الشريره=كانك إلا ضيف نحنا ذي نرحب بالضيوف
من مسك بالحلي لازم ياحمد يطلع شبيره=يوم بو شبه تبند في قروحه عالقصوف

عمر الذيب

قال بوطارق عمر الله من النشبه يجيره=مابغاء واحد من اخوانه على الثاني يزوف
جيت شرق الشمس بالمخموس ياطالب هجيره=بالزيانه جيت وان عفتوا ترا نحنا عيوف
ان بغيت الحق ذه ايدي انا مابغيت غيره=كفي ابكفك وبالكفي كفايه من كفوف
وان تباء غيره دخل في بحر موجاته غزيره=واحسب احسابك في الشتوى وفي شمس الصيوف

احمد بن بدوي

عاجبل شمسان ماشي عذر باللقي مسيره=قل طالب بن حسن خل المهاري والوصوف
من زمن لجداد ملكي كيف بامد الوثيره=بالحقيقه تشهد اجبال المكلا والنويبه والكفوف

طالب باتيس

ياجبل ردفان رحب واستعد ياحيد صيره=لو المخيله ثائره والبرق في رؤس القنوف
شفت بوطارق ضوى بلهيج ذي قاد القطيره=باذبح هيجه وبلقي له كما ذبح الخروف

عمر الذيب

مامعك سكين يقطع في الحناجير الكبيره=قربت عقبة حويره ياحسوفك بالحسوف

طالب باتيس

تدهق السمبوك قل للذيب في غبه غزيره=شفت بن بدوي يخب لما يجي من راس نوف

احمد بن بدوي

الموظف يشتكي يالذيب ظالم له مديره=لايشل الضرف ذي فيه الهديه عالضروف

عمر الذيب

من معه همه يقول الذيب بيقلل ظميره=يوم بسباس الحراره يلتهب في كل جوف
قال بوطارق عمر لاصبحت الدنياء خظيره=بالوقف عالصرك من حيث ممنوع الوقوف

[امرؤالقيس الصغير]

طالب باتيس النعماني

سمعت عنك كثيرا ... وجلست كثيرا مع معجبينك

و أحيانا مع قصايدك الجميلة
التي تشعرنا ان حضرموت لم تزل

تنتج الشعراء الافذاذ

ولكن...
لم تسنح الفرصة للتعرف عليك عن كثب .

على أية حال أحيطك علما أني قد انضممت


الى قائمة معجبينك ... اذا لم يكن هناك مانع.


وشكرا جزيلا .
دمت بخير.

أخوك/ امرؤالقيس الصغير.