![]() |
#1 |
حال جديد
|
![]()
بسم الله الرحمن الرحيم
هذه الاقوال بدع وجواب من الشاعر/حسن بن محسن بن جحشان المشيعي (أبو شايع) والشاعر السيد/حامد عبدالقادر البار (أبوهاشم) . والأقوال دعوى وتقوى بينهم في مدينة المكلا حضرموت في تاريخ 26/4/2003 أبو هاشم
كل من طلب باكرمه والدوسري باحمله = ماحد خلاف الدوسري ذي باينوش بالثقال ياعارف المهراء سمع وقبض شروع القبوله = واقنع اذا حصلت لك من عندنا لقمه حلال البلبله يا حاني القرنين تبقى بلبله = أما أنا سيد وقابض رمح بو زيد الهلال أبو شايع
أما المحافظ قد برز واللي معه قد حلله = اتهمت حامد صاحبي قمط عزيزه بالحبال أنا عرفته من زمن وأعرف بواب البنقله = ذي كان تاجر في عدن يخلط حرامه بالحلال ياحسين ذا ينهص علي يومه وصف بالمرجله = يقول ذا بدوي غبي والسين له جيم السؤال أبو هاشم
حسن يغالطني وانا سجلت رأس المال له = واليوم يبغاني دخل به في ميادين القتال عدل طباعك قال بو علوي وخل القحوله= ولا تفرط في جمل ما له مشابه في الجمال أبو شايع
وليش باتتهم علي سيد وخل الزعقله = شغلك تنظف مسجدك ولقيت لك غتره وشال وأنا قبيلي مافزع والموت لا جا بقبله = كلما ورثته مال لك من قبل ماتصبح كلال أبو هاشم
بصبر على الصاحب وأن قد شي نقص باكمله = وأن قد غلط عالهاشمي باقول لله الكمال وبيحصلني وانا في يوم لازم حصله = وأن ضاق حالي من حسن والله لكلكل به كلال أبو شايع
وليش ما قلتوا كذا وكثرت هرج العرقله = الله ما بيعذبك ويرزقك من خير العمال أما انا وأنته سواء دخلي ودخلك لجمله = انت معك عشرين سلقه وانا معي في مصر مال أبو هاشم
ياحسين بن ناجي اذا انته شيخ حل المشكله = والا جلس وحدك هنا وفحس يمينك والشمال الهاشمي معروف وبعيري بيدي نعقله =وحسن كما البترول لشعلته سريع الأشتعال أبو شايع
الأسم ذي جبته علي كمين رييس جمله =رقى شعوبه يا ولد وانتوا حضرتوالاحتفال أبوك لا خلف حجل مفروظ منك تعمله = سيول قد جاته شرب يرعوه بدوان الرمال أبو هاشم
الباب ذا لا تفتحه قل للمغني قفله = قولو لبو شايع تنتشر في حطيطات الذبال الخير باتشوفه بعينك في السنين المقبله = وباتشوف الهاشمي عامد شناطيب الجبال أبو شايع
هذا محمد ذي طلب والشيخ يوخذ لوله = وأنا حسن باقدره عندي كما الرئيس جمال وأنا مشرف من حضر وأن جاب غلطة بحمله = وأنته برز يالهاشمي يحلم وصدق بالخيال أبو هاشم
أنت ذي علمتني شغل الحيل والزنقله = واليوم تنكر يا حسن وتجيب ليه ضيق حال لاكننا من موسمي ما معطيك حتى سنبله = ما عاد بحسب للزمن أنه قصر ليله وطال أبو شايع
أبوك من لول ذكي والجد شيخ المرجله = لكن جاه العامري وتحيله والصبح زال والهاشمي سيد وفي كل مامعه قد سبله = باتخبرك من طمعك وعلموك الاحتيال أبو هاشم
لكن من شغل القبايل باتجينا زلزله = وبا يموت النوب ذي يلقي عسل صافي زلال واليوم لا ثوبي وسخ باروح به للمغسله = وبشتري لي ثوب ثاني بالف وثنعشر ريال أبو شايع
هذا حبيبي قدرك ولقيت صدري قصر له = لما خرب دله علي ولقالنا كي الجمال والخصم اذا شفته قبل لا بد له من غربله = في الأرض ضيع شيمتي ودمر بيوتي والعيال أبو هاشم
غربل اذا غربلت باتحصل قروش مصلصله = وكل خصله باتحصل سدها اربع خصال لو كان فكر صاحبي في قول حامد يعقله = من ما معه شي عقل ما بانحسبه شاجع وفال أبو شايع
هذا كلامك من زمن كمين صحفي سجله = والذل جاء من صاحبك شاجع وخلى البار ذال صيتك طلع سطح القمر والظلم هو ذي نزله = ولقوك في نار الحطب مخزون في البرميل هال أبو هاشم
هرج الصحف منقول ماهو شي بايه منزله = والكذب من طبعك وأما الصدق عندي لا يزال عالدان باغني واي موال انا بامؤله = وبيجيك جواب اذا قدمت لسيد سؤال أبو شايع
دعوى وتقوى يا حكم هرج الخطأ لا تقبله = وان جاء غلط باسايرك بعد الخمج بشرب زلال وأن عرفت الحق لي في الصدق ما با جامله = حتى ولو يقوم النبي وفي (قبا) يذن بلال أبو هاشم
يا صاحبي عدت وثائق بيننا متسلسله = عمان با تشهد بها ورجال دخلوا في المجال بين السماء والأرض روحك يالخبيث مدندله = وفي جنان الخلد والفردوس ما لك شي حلال يا حسين بن ناجي أحكم والرأس لازم تفصله = وشركت الأثنين لا فشلت نهايتها انفصال أبو شايع
حامد محاسب على العرب كل من بغض بايدخله = جنان في دوعن معه والنار عنده راس مال قد كان من ذري النبي وبعد ساعه بدله = خلى المذاهب لأربعه قال الطبيعه لي حلال وأنا حسن عاملتي والكفر لصحابه وله = ومذهبي الشافعي لما يجيني لرتحال أبو هاشم
أنته بشق واحنا بشق ودمنا بانحلله= خايل خيالك يا حسن وخلنا خايل خيال أن كان تبغى القتل يصبح عاكراسي ديوله =نادي على رجالك وانا باجيب لك عز الرجال مابعد هذا الحين مابيني وبينك شي صله =الحكم للحاكم وباقي الناس تسمع أيش قال أبو شايع/color
لدعيك يا حامد تجي والسم حقك عامله = باتخرب الدنيا علي لما نوينا لغتيال
أبو هاشم
النفس في رقبتك واحنا من قتل بانقتله = وبالنفذ فيه حكم الله ربي ذي جلال
أبو شايع
والختم صلوا على النبي بالحق ربي أرسله = من هو على دينه نقي يشرب من الكوثر زلال
مع تحيات :- مبــــارك علـــي محســــن المشيعـــــي
|
التعديل الأخير تم بواسطة سالم علي الجرو ; 12-25-2007 الساعة 11:20 AM |
|
![]() |
![]() |
#2 |
شاعر السقيفه
![]() ![]()
|
![]() سلمت يابوشايع
ويسلم بوهاشم بدع وجواب مرصوص رص وكلام موزون من شعار كبار تقبلو خالص تحياتي ومن العايدين اخوك بن قطمان |
![]() |
![]() |
#3 | ||||||||
ابوراضي
![]() ![]() ![]() ![]() ![]() ![]()
![]() |
![]()
بدع وجواب رائعه
مساجله ممتازه وكلمات تغزي المسامع |
||||||||
![]() |
![]() |
#4 |
حال جديد
|
![]() بدع وجواب أكثر من رائع
أبو شايع المشيعي من الشعار اللي لهم وزنهم في الساحه الشعريه ننتظر جديدك |
![]() |
![]() |
#5 |
شخصيات هامه
![]() ![]() ![]() ![]() ![]() ![]()
|
![]()
ما قصرت يا بو شايع قصيد ممتاز واسمح لي قمت بالتنسيق دون استشارة لأن الأبيات تستحق ، والنظر شحيح ولكن الزين كل شي يرخص له.
شكرا |
![]() |
![]() |
#6 |
شاعر السقيفه
![]()
|
![]()
هذا حكم بن عكعوك يسلم بعد ماطلب منه بو شايع ان يحكم بينه وبين البار
ذلحين بحكم بينهم قول المسجل سجله = لاكن سجل حكم بن عكعوك من داخل سجال
اثنين مختصمين كلن يدّعي بالمعقله = لاتغتر البسام والقا فوقها شامي عقال كلن يريد النقص لثاني ولا شي زوود له = معجب بمزمار المزمر لاسجع يالال لال الله يكفينا عقول(ن) ناقصه والمظلله = في روس ناس(ن) مسعفو لشمس دايم في ظلال كل(ن) يريد الا مزاجه والذي يتّخيله = غشيم متعافي عديم العقل يسبح في خيال اعقول قشرا عشعشت فيها صنوف المهزله = كل(ن) يريد الا السمينه والهزيله للهزال من عهد تبع واليمن من مشكله لامشكله = مشلول حركه بايظلّي لك مشكل في شكال شعب(ن) ربي عالجهل مايتقن خلاف البلبله = قدهم يقولون الغبي يجلب على راسه وبال وان حد مثقف هو مذبذب منحرف وش يعدله = مادام رب البيت خارب ماعرف وش لعتدال وان قد مسك منصب يحب صهره وعمه نكله = فرحته لاجاه المسالم باينكلبه نكال يضغط على المسكين يبغى ذي معه بايوكله = يوكل عشى المحروم وطفاله يباهم للكلال ومن يشتكي مسؤول ياويله جلب له معضله = ذبحوه ولقوله سبب في روس سبب له عضال ذلحين باجاوب حسن والبار في ذالمسأله = يبغوني احكم بينهم من دون مسألهم سؤال البار ظالم قد علي عنتر بدوره وكله = خلاه شرطي عالمكلا وكلو حامد وكال القى مناكر فالشريعه كل محرم حلله = وقال حتى شجرت الزقوم شتلتها حلال كل من رفع راسه حصل له شي مايتخيله = جابو عيال الشعب له يلقون في جمبه خلال هاذا حقايق واضحه شملت شيوخ القبوله = الجيب جاهز والسلب ربطوه ودبربه قبال ومن يعمر بيت او معمل تصادر معمله = باقول كلمت صدق ماجامل خبيثين العمال اعمالهم جلبت لهم بركانها وزلزله = جلبت حسن محسن لهم منقذ وزولهم زوال القالهم فرّق تسد بالعنصره والقزوله = كما غنم شفيا في المرعى تفرقهن قزال غذ المشاكل يوم شجعلك قبل متقاتله = من شان يسلا شرهم فتح لهم باب القتال طبقات خل الشعب ذا حر(ن) وذا بو فلفله = من عهد سابق قالت العربان نسل الفال فال قعدان يجلبهن وقال انهن بكار امشمله = يبغوا لبن مالحقو الاقب من تحت الشمال يضحك على سذج سمان اعضاء جروم امغفله = حد منهم ماسوم في رقبته والجمله غفال الصعب يرسله حسن عساف ذي بي ذلله = يفسح في الشطحه ويمشي لك معى الناس الذلال هاذا عن اعمال الجماعه صغتها متسلسله = وان حد مكذبني بغيته عنهم لول يسال حكمي ابا لثنين من داخل سجون امقفله = ولايحطو قفل واحد يطرحو سبعه قفال يتأملون الشعب هاذا حكمهم وتأمله = ليلت يباتو في قفص والله عندي راس مال بازورهم في سجنهم من بعد نوم البنقله = وبالذكرهم بمنتوج السريّع والبقال واختامها تنفيذ حكمي ياحذاري تجله = ياشعبنا باشر بتنفيذه معك رب الجلال |
التعديل الأخير تم بواسطة يسلم صالح بن عكعوك ; 12-26-2007 الساعة 06:16 PM سبب آخر: خطاء أملائي |
|
![]() |
![]() |
#7 |
حال جديد
|
![]()
جواهر مكنونه ودرر مخزونه
|
![]() |
![]() |
#8 |
شاعرة السقيفه
![]() ![]() ![]() |
![]()
اجمل من جميل والاجمل مداخلة العم يسلم الذي نحت في الصخر وارسم اللوحة الجميلة .
يعطيكم العافيه |
![]() |
![]() |
#9 |
حال جديد
|
![]() السلام عليكم ورحمة الله وبركاته
الأخ أبو شايع و أبو هاشم نشكركم على مشاركتكم وحواركم الساخن وننتظر منكم المزيـــد |
![]() |
![]() |
مواقع النشر (المفضلة) |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
محاورة شعرية على الدان استرحة التهاني | محمد حامد | سقيفة عذب القوافي | 15 | 01-30-2010 11:24 PM |
ادعوكم للمشاركة في محاورة وزير الخارجية اليمني (مباشر) | ابن الحضرمي | سقيفة الحوار السياسي | 1 | 11-02-2009 02:34 PM |
محاورة شعريه بين متزوج و عزوبي | المجد القادم | سقيفة عذب القوافي | 0 | 10-27-2009 08:40 AM |
مجلس قيادة الثور في كل من دثينة ومودية بالمنطقة الوسطى بأبين | حد من الوادي | سقيفة الأخبار السياسيه | 0 | 10-04-2009 12:51 AM |
محاورة بين بن قطمان وعبدالله بن سالمين بن غريب ال عبدالصمد | بن قطمان | سقيفة عذب القوافي | 7 | 06-27-2009 10:00 PM |
|