بعد التحية ........

[malamah]

بعد التحية ياعرب جيت أقدم إعتذار
هالغريب اللي لفاكم اقبلوها معاذيره
غربتي طالت ولا لي سوى الغربة ديار
هي خلي وناسي ومالي سوى غربتي ديره
ودي أبقى معاكم لكنها الاقدار
وتعيس الحظ لا بد يرضى بمقاديره
أنا ترى مثل الزجاجة بحالة إنكسار
ومن يلمك يالزجاجة دام صرتي كسيرة
حتى ضلوعي حطب تشتعل في الجوف نار
ومالي الا الليل الأظلم وحطب جوفي ينيره
مبصر ضيع دروبه ومدري وين صار
أعمى وماني أعمى بصر , أعمى بصيرة
خل هالنيران تحرق غصون ماجاها الخضار
آه ثم آه ياعيوني آه ياليتك خضيرة
كانت طيوري كثيرة ومابقى الا طير وطار
صار يعنيني المثل عاشق وطار طيره
غديت عالفرش راقد مثل الأطفال الصغار
ياكبرها الدنيا بعيني وهالحين أمست صغيرة
جا طبيبي يداويني ثم لقى جروحي كثار
قال مافي امل من علاجه الآدمي جروحه كثيرة
خلوه يعيش اللي بقى له وترى أيامه قصار
وخلوه يتمتع هالمريض بهالليالي القصيرة
تراه مثل الطفل صاير دايم احلامه كبار
وادعوا له الله يشفيه وعندالله ماهي كبيرة
وصدق من قال المحبة أسرارها اسرار
وتوبة بعد اللي جرالي ما أجيب للحب سيرة

[متعاون]

تسلوا على هذه الروائع وعساكم للا مام دائما

والأمل باقي معنا

محبكم متعاون

[malamah]

تسلم أخوي متعاون على مرورك الكريم
واذا ما خانني التعبير انت قصدك تسلموا وليس تسلوا
وعموما مشكور على هذا المرور يالغالي