وش عاد ينفعك ياماسك بتاليها

[صاحب رخيه]

هذه قصيدة من الشاعر: احمد بن عمر الشيبه جواب على قصيدة الشاعر يسلم بن عكعوك الذي بعنوان (وش عاد ينفعك ياماسك يتاليها)
يالله يارب سالك ياعظيـــــم اعظـــــــــــم
يامنزل لرزاق للانسان تعطيــــــها

ومنزل الروح في الانســـــان يتنعــــــــم
ويعمل اعمال قدامه وينسيــــــــــها

اغفر لعبدك نهــــــار البعث بايسلــــــــــم
من نار تلهب وويله من وقع فيــــها

ياحصن شمسان من فوق الجبل تزهـــــم
ودعيت رميان جونا من شواطيـــها

جونا من الديس والبقريـــــن يتكلــــــــــم
ويقول حب الحميمه ينذري فيــــــها

ذي يخلطون العرق واللحم فوق الــــــدم
لجل المحب هو الباغض وشانيـــــها

ومن قصر ريت له حمـــــى بها يعـــــدم
ما تنتسي قصرته يومه يهنيـــــــــــها

غلبوا على العز والنـــــــاموس يايســــلم
ذي يهدم الدار ماهو مثل بانيـــــــــها

واهل العنيه قدر خمسه في المرجــــــــم
ما عاينوا كذب قاصيها ودانيــــــــها

ومن تبع خطة الشيطـــــــــــان لجهنــــم
وبايكيده ولازم بايقـــــع فيـــــــــــها

واحنا حلفنا وعاقلنا غلب واقســـــــــــــم
وخابت آمـــــــآل كل من بايدسيـــــها

واخوتك ماحد بهم يرحـــــم ولايهتــــــم
وكل سعاي والوالــــــي وقاضيـــــــها

ويا الله يارب سالك ياكريــــــم اكـــــرم
اتزيل لمراض لي نحن نقاسيــــــــــها

عسى بعفوك من الكوثر ومن زمــــزم
نشربه من مدت الرحمن صافيــــــــها

واسميت في الباقطيـــــان الجبل لبـــرم
بغضوا بلدهم وبغضوا من يحل فيـــها

وان كان جعبل هو الا دوب يتظلــــــم
من شان وحده يباهـــــــا بايربيـــــــــها

لحيث انه ولد فـــــــــــــــاهم ومتعلــم
يدرس عيال ظاهرها وغابيــــــــــــها

مختاف لاينكسر به ســــاعد السلــــم
ويشله السيل لا عبرت مجاريـــــــــــها

لاودي اسكت ولاودي اتكــــــــــلـــم
وش عاد باقول ياعارف قوافيـــــــــــها

من ذي يسوس لهم باانشدك يايسلـــم
يرسي على البير والزانه يعكيــــــــــها

مولى المبارك مع ســـده وبامهشــــم
وبن سويدان عنده في قباليــــــــــــــها

هذا جوابك من اخوانك عدد مبهـــــم
من تركة الجد ذي يفدون غاليـــــــــها

ويكسب آساد ترعض لاالجهام اجهم
ذي يرشن النار ما ضني يطفيـــــــــها

ويكسب الجود للجودات يتقــــــــــدم
للجار واخوته هو عارف مراسيــــــها

اخوه من الجدفره لاحصن بويســـلم
حافظ عليهم على اولها وتاليــــــــــها

والختم بذكر محمد خير مايختــــــم
ذي في المدينه ومكه ذي خلق فيـــها

احمد بن عمر الشيبه (بوعوض)