قصيده للشاعر حسن سعيد بن سويدان مرسله للشاعر والفنان سالم محفوظ باسنبل

[ربيع بن سويدان]

اشكرك علئ المرور اخي عاشق الجوهره

[ربيع بن سويدان]

اقتباس : المشاركة الأصلية كتبت بواسطة خالد سالم بن مهنّا المري [ مشاهدة المشاركة ]

هذا الكلام..يابن سويدان ..قصيده جزله من راس جزل الله يعطيك العافيه ..وننتظر جواب الشاعر القدير ابو فضل سالم... تقبل مروري وخالص تقديري واحترامي اخيك/خالد بن مهنا

اهلين اخي خالد بن مهنا علئ المرور
الف شكر لك
واعذرني تراني مقصر في الردور

[ربيع بن سويدان]

اقتباس : المشاركة الأصلية كتبت بواسطة عبدالقادر صالح فدعق [ مشاهدة المشاركة ]

حيا بربيع العمر بن سويدان جمييل جمييل ورائع ................. وين فناننا الجميل يشوف هذا الجمال ونبى نسمع الدندنة ظروري .. يعطيك العافية يابن سويدان . .

ياهلا استاذ عبد القادر نورت صفحتي بردك الرائع ولاكثر من مميز
اشكرك علئ اهتمامك
تحياتي لك

[ابوفضل سالم]

اقتباس : المشاركة الأصلية كتبت بواسطة ربيع بن سويدان [ مشاهدة المشاركة ]

هذي قصيده مرسله للشاعر سالم محفوظ باسنبل

اقتباس : المشاركة الأصلية كتبت بواسطة ربيع بن سويدان [ مشاهدة المشاركة ]

ارجوا ان تنال اعجاب الجميع وانشالله نشوف رد الاخ سالم عن قريب يالله يامن لك التصريف والقدره=ضاقت علينا ولاغيرك لها حلال بذكر النبي كل مومن ينشرح صدره=صلوا علئ المصطفئ وصحبته والال قال الفتئ بو عمر قدطالت السفره=الله يعين المسافر ع السفر لاطال لكن باصبر زجا بامكن العصره=وبانحط الشقر عالشال والدسمال بالله ياذي مقرر عالسفر بكره=لاارض جده تجمل خذ معك مرسال مرسال من عند شاعر قد طفح بحره=بحر الهويه وحملنا حمول اثقال لاعند شاعر محنك يصنع الفكره=بو فضل سال وقدم له عسل من صال واهده سلامي وهذا موجز النشره =رموزنا واضحه عنده بلا فصال قولوا لابوا فضل قلبي قد نفذ صبره=والحال ضيق ويامعسره ضيق الحال العين تبكي ومن كثر البكا حمره=والكير في الجوف شف قد له سنه شعال والقلب من بعدهم لاصي كما الجمره=والدمع مثل المطر فوق الوجن سيال وتالي الدمع دم قطره قفا قطره=الدم كله تكتل والعروق اوصال واسباب هذا التعب هو غصن في شجره=ضيعت عمري وانا له عالقدم رحال ضحيت لجله عبرنا في طرق وعره=لكن خساره علينا تحطمت الامال وضاع مني خساره خذتني الكبره=وكلام جا من لسان الساعي الدلال رجعت عظ اصبعي من القهر والحسره=سهران ليلي وغيري مستريح البال ماباه يابس وهو مغمور بالخضره=لاما لفيته لقا تحته نسم وضلال لاني هلالي وصون الود والعشره=مازال ذكره معي في خاطري مازال هت لي خبار الذي هو قد فنا عمره=في العشق واليوم عديته من العقال الشهر لازاد عمره بان في الغدره=والمعدن الزين تظهر لمعته لادال ياليت يرجع زمان الغشم والصغره=ويعود زين القبل بالخال والخلخال في حجال وادي عمر ياليت لك نظره =من بعد ذاك المطر والسيل لي قد سال نخل القزه من زمن ماشي كما تمره=هذه السنه قد زحي به يضربوا الامثال ومال في صوح له شانه وله شهره =ماشي مثيله وكل حبه كما مكيال وذري البطانه يهيض ينفض الهبره=يابخت من هو نشاري فيه او موال والعفو ياسامعين لاجات شي قصره =هذا كلام الهواجس ريا وخيال بذكر النبي كل مؤمن ينشرح صدره=صلوا علئ المصطفئ وصحبته والال ماشي مكاسب اذا قد ضاع راس المال= وشكرا

بسم الله الرحمن الرحيم

اتقدم بالشكر الجزيل للاخ / ربيع بن سويدان

لنقله قصيدة الشاعر / حسن بن سويدان (بو عمر)
الموجهه لي شخصياَ
والتي لم أطلع عليها إلا يوم أمس برساله وصلتني على جوالي من أحد الأصدقاء
نرجوا المعذره من الشاعر بن سويدان عن تأخير الرد في الحال
وإليكم ردي المتواضع
نرجوا أن ينال إعجاب الجميع

مع التحيه / سالم محفوظ باسنبل

ابدي بمن هو نصر موسى على السحره=يارب سالك إلهي تصلح الأحوال

صلوا على المصطفى لي جاهد الكفره=قام الشريعة بحد الصارم القتال
أنا من المنــتدى مرة علي فتره=لمان شفت الرسالة أمس عالجوال
قد كنت مشغول بالحمراء معي سمره=عاشاطئ البحر لحمر مع رجال لأعمال
قالوا دخل للسقيفة در وخذ نظره=في قسم عذب القوافي باتشوف أقوال
شف بو عمر ولد بن ماضي عطه جبره=شاعر موجه قصيدة لك وشكوى حال
بيتت سهران دير العقل والفكره=لما فتحت المشفّر وأتضح الإرسال
وإحفظت رقمه ولا بحكي لحد سره=لا يفرح الخصم والشاني مع العذال
وعرفت مقصد حسن وبان لي أمره=وحلان ودخل بنفسه في حسر وجبال
يمشي على نهج سالم ولد باصره=في العشق والشعر تتضارب به الامثال
وقعّت باليد له وبصمت بالعشره=شاعر يصوغ القوافي يحكم الاقوال
ولعاد بافهّمك وأنته معك خبره=لما متى وأنت باتبقى على ذا الحال
ما باك تدحق برجلك في طرق وعره=من قبل ما تعرف المخرج من المدخال
يقول سالم تناويش الهوى خطره=الله يعينك على حمل الهوى لا مال
حداد أم الهجر قالوا خذت عمره=والمفلحي من هوى الهجرين عقله مال
وين السماء مبعده من الارض والزهره=بينك وما بينها آلاف من الاميال
الله يجازي الذي كانوا حجر عثره=ما بين الإثنين قطعوا الخط والإرسال
وبغيت لأهل السبب من أرضنا نقره=لي شغلهم ينقلون القيل هو والقال
حليت جار الجعيدي من بني مره=لي يقهرون العدو لو كان شاجع فال
وذكرت مال البطانه مال خذ شهره=له صيت يتناقلوه أجيال بعد أجيال
والنخل لي فيه خيله يملي الخُبره=وصعب ينتال للغشمان والجُهّال
سيب الطمع يا حسن يكفي من البطره=وخل خِلك معك في الحل والترحال
أصل المحبه لواحد لا تحب عشره=والآخرين أرمهم في سلة الإهمال
من حب جم با يبات الليل في همره=لأن المحبه تعب وأهوالها أهوال
إعزم لمكه وخذ لك ذي السنه عمره=بسمع كلامك وبتجاوب معك في الحال
والختم صلوا على من جاهد الكفره=قام الشريعه بحد الصارم القتال

الاخوة المشرفين نرجوا التنسيق

[عبدالقادر صالح فدعق]

حيا بشاعرنا الكبير بوفضل ويامرحبآ آنستنا وأرحبت ..

هذي شفها باتآخذ مني ساعة أقل شي ياليت تساعدني وتضيف لها الفواصل ترسلها لي بالخاص وفورآ باأقوم بتنسيقها .. أبشر ماطلبت شي وحاضرين .

أعملها بهذا الشكل وماعليك


والختم صلوا على من جاهد الكفره = قام الشريعه بحد الصارم القتال


تحياتي وسعيد بعودتك يابوفضل .

[خالد بن مهنا]

مره ثانيه ..اهلأ وسهلأ ومرحبأ بااالاخ العزيز..ربيع بن سويدان..وبنقله المميز..واهلأ وسهلأ ومرحبأ..باالاخ الشاعر القدير ابو فضل سالم..شاعرنا وفناننا المعروف..
بدع وافي.. وجواب شافي وكافي..الله يعطيكم العافيه وانا كنت في انتظار الجواب لكي اثبت المشاركه التي جمعت شعراء لهم مكانتهم في الساحه الشعريه الشعبيه بوادي حضرموت..ولهم مكانتهم في السقيفه وفي كل مكان يتجهون نحوه وكل ديار ينزلون بها ..والاهم من ذلك ان لهم مكانه في قلوبنا ..
تم التثبيت من قبلي ورفع مشاركة ابو فضل الى الصفه الاولى ليسهل الاطلاع عليها....وتفضلوا بقبول ارق التحايا القلبيه من اخيكم/خالد بن مهنا

[خالد بن مهنا]

ولا انسى ان ارسل سلام خاص ..وتحيه خاصه للشاعر حسن بن سويدان.من خالد بن مهنا..ارجوا ان يوصل سلامي..وتقديري لشخصه ولشاعريته الفذه

[ابوفضل سالم]

اقتباس : المشاركة الأصلية كتبت بواسطة عبدالقادر صالح فدعق [ مشاهدة المشاركة ]

حيا بشاعرنا الكبير بوفضل ويامرحبآ آنستنا وأرحبت .. هذي شفها باتآخذ مني ساعة أقل شي ياليت تساعدني وتضيف لها الفواصل ترسلها لي بالخاص وفورآ باأقوم بتنسيقها .. أبشر ماطلبت شي وحاضرين . أعملها بهذا الشكل وماعليك والختم صلوا على من جاهد الكفره = قام الشريعه بحد الصارم القتال تحياتي وسعيد بعودتك يابوفضل .

ابوحمزه حبيبي الغالي
انا سعيد بكم كمشرفين اكفاء ولكم مكانتكم في قلوب الجميع
واعذرونا على الانقطاع وربنا لايحرمنا منكم
ابو فضل سالم

[ابوفضل سالم]

اقتباس : المشاركة الأصلية كتبت بواسطة خالد سالم بن مهنّا المري [ مشاهدة المشاركة ]

مره ثانيه ..اهلأ وسهلأ ومرحبأ بااالاخ العزيز..ربيع بن سويدان..وبنقله المميز..واهلأ وسهلأ ومرحبأ..باالاخ الشاعر القدير ابو فضل سالم..شاعرنا وفناننا المعروف.. بدع وافي.. وجواب شافي وكافي..الله يعطيكم العافيه وانا كنت في انتظار الجواب لكي اثبت المشاركه التي جمعت شعراء لهم مكانتهم في الساحه الشعريه الشعبيه بوادي حضرموت..ولهم مكانتهم في السقيفه وفي كل مكان يتجهون نحوه وكل ديار ينزلون بها ..والاهم من ذلك ان لهم مكانه في قلوبنا .. تم التثبيت من قبلي ورفع مشاركة ابو فضل الى الصفه الاولى ليسهل الاطلاع عليها....وتفضلوا بقبول ارق التحايا القلبيه من اخيكم/خالد بن مهنا

مشرفنا الخلوق / خالد بن مهنا
تحية لكم من كل قلبي وكلمات الشكر تعجز عن ماقمتم به ولاعليكم زود
انتم الرجل المناسب في المكان المناسب ونحن فخورون بكم كل الفخر
ربنا يحفظكم من عين حاسدكم
ابو فضل سالم

[علي بن ماضي]

الاخ الكريم سالم محفوظ باسنبل
حقيقه اسدتني بردك الشامخ والمتمكن والذي يدل على خبرتك وتمكنك
اشتقت لكلامك العذب ورومانسيتك الذي لاتنتهي اسجل اعجابي بردك
وبدع بن سويان اتحفتونا بالشهد (شغل وادي الرحمن )
اخوك /ابو اصيل