مجلس الدان الحضرمي

[عمر الذيب]

اقتباس : المشاركة الأصلية كتبت بواسطة خالد سالم بن مهنّا المري [ مشاهدة المشاركة ]

كل من يحب مخلوق يبقى يذكره ماينتسي=ويذوق مره شهد ..وحياته في اعماق الهلاك نبغى وصوف اللي تحبه ياعمر لاتستحي=وقصة العشق القوي وبدايته من وين جاك من عمد او دوعن ولا من قداء الخبت الخلي=جوب على سوالي سرع وعساك تفهمني عساك

لون الهوى والعشق يالمهتوف قصه تحتكي=ان كان خلق الله تحكي كلهم ذولا وذاك
كن الهوى في القب يتربى على شويه شوي=ويكبر معك ويمسمس اللحم الذي ستره كساك
وكل شي تعطي المحب مافيه حاجه متعطي=ويعطي المحب حتى طلبت العين محبوبك عطاك
وصف المحبه صعب ماله حد عند يابني=مابين رمشة عين واخرى متدري الا وغزاك
ولا له محل يوصف ولا له حد عا غفله يجي=ولا قد وصل يمشي في اعروقك مع قوتك وماك

عمر الذيب

[عمر الذيب]

وخل نحنا النام يكفي الليله جا لس تفوح بنا بغيت نحنا معاد ننام

[خالد بن مهنا]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

لون الهوى والعشق يالمهتوف قصه تحتكي=ان كان خلق الله تحكي كلهم ذولا وذاك كن الهوى في القب يتربى على شويه شوي=ويكبر معك ويمسمس اللحم الذي ستره كساك وكل شي تعطي المحب مافيه حاجه متعطي=ويعطي المحب حتى طلبت العين محبوبك عطاك وصف المحبه صعب ماله حد عند يابني=مابين رمشة عين واخرى متدري الا وغزاك ولا له محل يوصف ولا له حد عا غفله يجي=ولا قد وصل يمشي في اعروقك مع قوتك وماك عمر الذيب

الله لايسامحك يومك ياعمر قهدت بي=وبغيت منك شي خبر لكن ..يمنعني ذكاك
جوبت لي بغموض تمى سر عشقك مختفي=ولا بد مايظهر في اقصيدك وزاملك وغناك
ارسل لي اللي قلت برسلها بيد المعتني=الاشرطه والدان والزامل..وقل خذها وهاك
والوعد وادي العين ياباداس يمكن نلتقي=وانت ذهب صافي وكل الناس تطمع في لقاك
يافارس الميدان يامقدام ياالقلب السلي=الكل بك يفخر ويثني بك وانا عندي ثناك