هذا ردي على قصيدة النهدي وبن مخاشن

[عمر الذيب]

أبديت بالرحمن علمنا المعاني والكلم=وأرسل نبي النور جمّاع الفضائل والكلام
من بعد يا العاني قصد دار الشهامه والكرم=من نسل ثابت بن علي لجواد فيها والكرام
يلقاك بو خالد نبيل الخلق طبعه محترم=ما شفت أنا مخلوق ما با يذكر إسمه بإحترام
ونعم بو فيصل في المجلس كلامه منسجم=وإحنا من الصّغره تجمّعنا مودّه وإنسجام
قولوا لبو فيصل فسح في الراك وأعواد السّلم=يوم المحلّه في شنَع ما هي كما دار السلام
لي مركز المضباه با يضبي لكم قطعة لخم=ما شي مْتَن وأوراك ذلاّ با يجيكم ريح خام
ما با يجيب ألاّ المصايب لي نوى هدم الحرم=يا ويلكم زفّيتوا الجلحى على ولْد الحرام
يصبح من الجذمان لي قد قال ما يعدي الجذم=والناس تتجنّبْه لي مبعود في دار الجذام
غلطان يا إللي حاسب إن الذيب با يرعى الغنم=ذلاّ يعاين ساعة الغفله ويغنمها إغتنام
كله من الدلاّل لي يضحك بكم سلمان حم=لا شاف عوله ميّحت يكذب يقول الصّقر حام
غدّر عليك الليل والنّشره ورعيانك هَيَم=شوفك ضُعُف لا شفت ذيل السّعْودٍه تحسبه هام
ما يستوون الجيد والأوغاد لو أولاد عم=وأفعالهم با تنكشف هذي السنه أو بعد عام
قومي على الميثاق يرعونه ويوفون الذمم=في الحِمْر قطعوا ما يضوّون الغشاليق الذّمام
ما نحطب العُشْره ولا لِثْله ولا العلقى نرم=نطعم من الخوله ولا با نقبل الطّملِه رمام
يا نايم إصحىحان وقت الجد ما ذا الحين قم=لمّا متى نايم ومتغطّي وخلق الله قيام

[عمر الذيب]

حيا وسهلا بالقوافي والكلام المحترم=مثل الذهب والماس وزنه قال شاعر بالقرام
من بن شريشر لي يحط الكي من فوق العلم=وينجح الكيات والمظلوم عنده ما يضام
ياكم سقى اخصومه في التاريخ من علقم وسم=وكم وقف ضد الظلم والظلم واهل الانتقام
رجال بن رجال من اهل المبادي والقيم=يستاهل النيشان والنجمه وستعشر وسام
لكن في ذا الامر نا وياه مابا ننسجم=لان الذي هو راشن المضباه بن عبد السلام
يضبي لخم والا سمك والا دجاجه بلعجم=مقبول منه كل شي مادام ضد العم سام
افضل من اصحاب المضابي الطافيه افضل بجم=على الاقل مضباته اتشرر على ولاد الحرام
الناصره تشهد وحيفاء والمواقع والدشم=لي كان يستولي عليها صاحبي بالاقتحام
وبعداء وما بعدا عليها قد حلف لي بالقسم=واوفى وكفى ساعة الشده وخلاها ركام
والقول لي بالفعل جاء مقرون صم الراس صم=يوم التقى الجمان في الميدان يوم الالتحام
صلنا وجلنا وحدنا ضد التخاذل والامم=ومجلس الامن العميل اللي معاهم عالدوام
صلنا ورايس هي وبنكيمون يكيلون التهم=واحنا نكيل الرعد والزلزال وندك الصنام
ابو العمامه اليوم خذ حقه بيده وانتقم=وحرر الاسرى لنا بالفعل ماهو بالكلام
يوخذ ويعطي في ميادين التحدي كم وكم=من راس وطاها وهي كانت لنا تروم المرام
هذي الحقيقه ساعة الواقع وابراء الذمم=اما المحازي الفاضيه ما با تجيب النصر تام
الذيب هو الراعي وهو مولا الحميه والشيم=واما البقيه مالهم قيمه ولا معهم حسام
نا مو وهي تسر ح وتمرح ريت واحد التزم=وقال كلمة حق يالنهدي واعلن للتزام
واكبر شنب فيهم تدوسه بنت راس بالقدم=وكانها قدوه لنا وبوش في عهده امام
بالله ايش جابو وايش سوو مقاطيب الهمم=باعو بلا قيمه وبايبيعون عام بعد عام
هذه طبيعتهم ترىمن يوم ماكانو حجم=وابن الحجم ماله ومال الخيل مزرور اللجام
من حاصر الجلحى ومن يفتي على ذيب الرهم=ماحد بري بانت وجيه القوم وانزاح اللثام
بانت حقائقهم يقول الذيب يا فاهم فهم=اتنازلو عن قبة الصخره واطفال الخيام
لي قفلو المعبر نهار الغيث صب من كل يم=ما با استامنهم ولا باسير معهم بانسجام
باعو المقاوم لي على الجبهه يقاوم من هجم=وكملو كل مانقص واعطوه في ظهره كدام
اش من بشر ذولا لاسرائيل وامريكا خدم=ما يوم واحد قد لقو عا حدودهم شوكي وزام
وان قد لقو بالعكس يلقونه يصدو من قدم=قصده ومقصوده يناصر خوه وابنا العمام
ياخس من قشره خبيثه لي يخلو بالقسم=وثلاث لا الامس في الخرطوم اكبر اتهام
ودليل برهاني على بيعة معوسي والقثم=للقدس والضفه وبنت اجبيل والجولان تام
الصدق باقوله صبح مقتول والا متهم=مسجون في احداء زنازين العماله والسلام
القبر له قامه ومد من قال لك اربع قيم=كذاب ومنافق وبا يفطر وخلق الله صيام

[خالدحامدالبار]

صاحبي ذي حروفك نار بركان وححم ............. هيجت فيني المعنى مثل تغريد الحمام

قصيدة رائعة ظاهرها الرحمة...؟
تحياتي العطرة

[أحمد العمودي أبوفيصل]

الاخ ابوطارق
قصيده رائعه تقبل تحياتي
دمت بود

[مجمل]

رايع يابوطارق
مبدع ايه الشاعر الكبير
دمت في عز

[عمر الذيب]

اقتباس : المشاركة الأصلية كتبت بواسطة خالدحامدالبار [ مشاهدة المشاركة ]

صاحبي ذي حروفك نار بركان وححم ............. هيجت فيني المعنى مثل تغريد الحمام قصيدة رائعة ظاهرها الرحمة...؟ تحياتي العطرة

لك الشكر على مرورك الطيب
وسؤالي هل انت من اقارب الشاعر الكبير
حامد البار
تحياتي وسلامي عمر الذيب

[عمر الذيب]

اقتباس : المشاركة الأصلية كتبت بواسطة أحمد العمودي أبوفيصل [ مشاهدة المشاركة ]

الاخ ابوطارق قصيده رائعه تقبل تحياتي دمت بود

لك الشكر والتقدير على مرورك يابو فيصل
عمر الذيب

[الماسه*]

حروف باهره وابيات ظاهره واسباب قاهره!!

اعجبت ايما اعجاب بالقصيده..

وكما هو دائما حضورك فعال

فان كلامك ايضا قتّال!!

تحياتي وكل الاعجاب والتوقير.

[ابوهاني1]

سلمت يا بوطارق دائما جااااهز ما شاء الله عليكـــ

صح لسااانكــــ ولاهنت

تقبل تحياتي ومروري

[عمر الذيب]

اقتباس : المشاركة الأصلية كتبت بواسطة مجمل [ مشاهدة المشاركة ]

رايع يابوطارق مبدع ايه الشاعر الكبير دمت في عز

ما عليك زود يا بو عبد الله ولك الشكر على مرورك
عمر الذيب