رسالة حبرها دمي اسطرها بدون اقلام

[الغوربي]

رد الشاعر السعودي (هلال المالكي)
على قصيدة الغوربي



الا يامــــــرحبا يامن نصبت لحـبك الاعلام
وزفرات الهوى والحب في صدرك تتاليها

تذكرت الحبيب وكل عاشق للوصل همام
ومن شــــــوقك تبين علتاً بالقلب تخفيها

تفجر هاجسك واصبح دويه يشبه الالغام
وروحك في طلب وصل المحبه كم تعــنيها

لبســـــــت لحبك الغايب ثيابً وافيه بكمام
وترقا بالمشاعر في سماء ذكرى مواطيها

وتشكي للبحر حبك وشوقك ترسله انسـام
وزهـــــور الورد ترسلها وتحملها بكفيها

مشاعر شاعر اسـتوطن بوجدانه امل وهيام
لمن في مهجته تبرم عهود وما انت ناسيها

على وجهت حبيب الروح سافر والوعد قدام
وعلى نهل العدود اورد واشرب حلو صافيها

على مقعد بونق اركب وتوصل صاحبك مانام
بعيد الارض في ساعه ونصف يكون طاويها :

وانا يالغوربي رديت لك والقلب راح اقســـــام
مـــــــــن الريم اللعوب اللي تعذب من يخاويها

وانا قادر بصاروخ الهوى اضربها تسير احطام
ولكــــــــــــــن قلبي المجــــنون يعشقها وهاويها

ولازال الرســــن بيدي وهي تركض بليا اخطام
في اســـــطبلي سجينه مـــــــالها حيله تنجيها

بلون المـــــزنه البيضاء مثل رسمة يد الرسـام
عســـــى من كمــــل انواع الجمال الله يهديها