07-20-2009, 01:08 PM
|
#1 | |||||||
|
حال جديد
|
في رثاء العم عيظه بامطرف
كتبت هذه المرثية في الجار العزيز الغالي (رحمه الله ) العم ......عيظه بن عمر بامطرف (رحمه الله ) بعد وفاته بمدة من الزمن لا تتعدى شهرين وحاولت فيها أن اجمع باختصار كثير من خصال الفقيد ومواهبه فذكرت جلا منها حسب ما أعطتني القافية واللحن . ( والمعذره من شعار السقيفه فهذه تعتبر من بداياتي وأطلب منهم تشجيعي )
أبديت بك بالكريم الواحد الأكبر= يارافع السبع ياباسط أراضيها ربٍ رحيم ِدايما ً ينظر = جبّـــار علام تظهر له خوافيهــــــــا ذا فصل والفصل لآخر عرب الدفتر = جهز بيوته لقيفان نسويها علمٍ لفاني بليلٍ خرب المسمر = ولعاد هنيت لنا قهوة مسويهــــــــا وأتكدر الخاطر المرتاح وأتكدر = والعين من دمعها جفت مآقيــها والعقل من دهشته واقف ومتحير= والأمر لله محصيها وباريهــا قدر علينا فراق ليثنا لزور= ولا كما الصـــقر في عالي مراقيهـــا وان قلت حاتم مع النعمان مع عنتر= ولا كماقيس لي يخطب بناديها ماجو نصيفه ولا ربعه ولا بعشر=ميزان قولي مساوي مايمـــاريها بوصالح الي على الجودات يتكسر= ذبح العقاير يمينه تهتوي فيها نفسه سخية ولا يومٍ يقول اخسر=ولا يقول الخسارة وين تالــــــــيها فالعلم والمعرفه دوب متصدر= من كل فن ذراعه داخله فيهـــــــا في الفقه بحرٍ وافرٍ يزخر= فقه المذاهب لربعه ينقل فتاويهــــــــــا في النحو والصرف يتكلم ويتبختر=آجروميه معه في النحو ينحيها والشعر عنده لسان يدخلبه وبه يندر=يطربك شعره وميزانه وقافيها اما علوم القبايل مامثيله قر= عنده تواريخ تعجــبني مراويهــــــــــا تاريخ موثوق من مورد ومن مصدر= ماهي تلافيق بعض الناس تحكيها ياجارنا باذكرك في يومي كذا مخطر= صبحي وممساي مع وقت غافيها حي الفهد يبكيك وحي السوق يتعبر=تذكر طاوريك لاذكرت طواريهـــا تبكيك روضة في المسجد مع المنبر= تبكيك خطوات للمسجد تعديها تنشد عليك المطايا دوم تتخبر= وين الذي كان يهواها ويقنيها وين الذي كان يبهلها ويتصبر= على أذاها ولا يسمـع لشانيهـــــــا تنشدك مكتبه كتبها لونها اصــــــــفر =من كل علم ودرس ناجده فيهـــــــــــا قد كنت لنا بدر وضاح ومنور= واليوم صارت لنا غدرا نواحيها رحماك رحماك ياربنا تغفر =لعبدك المسكين جملة مساويها والختم صلوا عالنبي الطاهر الأطهر = خير من قد وطى في وسط أراضيها وارجو ان تكون نالت على استحسانكم ورضاكم |
|||||||
|
|
07-20-2009, 02:30 PM
|
#2 |
|
شاعر السقيفة
 
|
الله يرحم ابو صالح رحمه واسعه ويسكنه فسيح جناته امين كفو وافي يالقفيل رايع وقصيده رايعه ولكن
ليتك اتبهت على الوزن ووزنت بموجب البيت الاول مليان وزنيا ومعه بيوت كثيره ممتازه ومليانه وكذلك لاتزعل مني بيوت مرعبله وزنيا شوري عليك انك تراجعها وتعيد القصيده من جديد يمكن تتعدل بسهوله وانا ماقولك كذا الا لانكم ياهل قعوضه غاليين علينا مره وان حبيت راسلني على الخاص لكي نعيد ترميمها لان القصيده مليانه ورايعه جدا ومتعوب عليها سجل اعجابي ياخوي ومروري |
|
|
|
07-20-2009, 06:34 PM
|
#3 |
|
شاعر السقيفه
|
بداية موفقة الى حدٍ ما..
بارك الله فيك اخي القفيل . وحاول التواصل مع الاخ الشاعر بن احمد على الخاص انشاء الله تستفيد منه وكل انسان ما يخلق متعلم اطلاقاً.. والف شكر لك وتقبل تحياتي اخوك صالح باعمران |
|
|
|
07-21-2009, 02:34 AM
|
#4 |
|
شاعر السقيفه
|
لاباس بها بل جيده اذا كانت اول محاوله
اتمنى لك التو فيق وبانتظار الجديد وكما قال اخي باعمران ما حد خلق متعلم |
|
|
|
07-21-2009, 08:30 AM
|
#5 | |||||||||
|
شاعر السقيفه
|
|
|||||||||
|
|
|
07-21-2009, 10:57 AM
|
#6 | |||||||
|
حال جديد
|
الاخوان الافاضل بن أحمد. عمر الذيب . المشرف صالح باعمران . صوت سيبان
اثمن لكم تعليقكم على القصيدة ومشكورين على الدخول والمشاركة |
|||||||
|
|
|
07-21-2009, 11:00 AM
|
#7 | ||||||||||||||||||
|
حال جديد
|
اخي هذه شهادة افتخر بها وأعتز بها .
|
||||||||||||||||||
|
|
|
08-09-2009, 09:38 AM
|
#8 | |||||||||
|
عزيزالنفس:خالدعقلان نصيربومهدي
|
|
|||||||||
|
|
|
08-09-2009, 06:53 PM
|
#9 |
|
شاعر السقيفه
|
بانيه يالقفيل وتحتاج تقريع شوي
دمت في عز تحياتي |
|
|
|
08-09-2009, 08:34 PM
|
#10 |
|
شاعر السقيفه
|
صح لسانك اخي القفيل
قصيده رائعه ورحم الله العم / عيظه واسكنه فسيح جناته تحياتي لك |
|
|
 |
| مواقع النشر (المفضلة) |
|
|
|
|
العرض العادي
