مقص الرقيب

[باشراحيل]

اقتباس : المشاركة الأصلية كتبت بواسطة ابوفضل سالم [ مشاهدة المشاركة ]

رفعت الصوت في خير المواقع = واجمل منتدى ماريد غيره مقصك يالمراقب حاد قاطع = ولكنه يقص قص في شتيره بغيت الشور لك مالك مراجع = ولانته هيج تقدم عالقطيره ولا با تنفعك كثر الذرايع = حبال الكذب عدمانه قصيره لان الصدق مثل النجم ساطع= ولا يخفى على العين البصيره على الجبهات ماتقدر تدافع = ولا يوصل رصاصك والذخيره يدير الظهر لي ما هو بشاجع = يهز سيفه وهو داخل جفيره ابد ما كون له خاضع وطايع = لامره في الصغيره والكبيره قليل الخير لي هم مايرابع = مصيري ماربطته في مصيره ويتصرف بلا ناهي ورادع = وله غلطات محسوبه نكيره من اول فيه متعشم وطامع = ولكنه طلع بايع ضميره عسى شي يالشبامي طب نافع = ترى الحاله يابو صالح خطيره ولابغيت الحجج هي والمراجع = تراها عند باسنبل كثيره ابو فضل سالم المشرفين ارجو التنسيق

شكرا لهذه القصيدة أخي ابوفضل سالم .. واذا كان مقص الرقيب سيشعل فتيل الابداع للحصول على قصائد تعبر عن الواقع بغض النظر عن الصواب او الخطأ , الحق او الباطل , في الموقف التعبيري للشاعر عن القضية , فإن المقص يجب ان ينشط أكثر ليكون المحصول قصائد شعرية معبرة لاثرثرة وهدر وكلام فارغ غير ممتع على أقل تقدير ..

لأن الجمهور يحب الابداع عادة من المبدع حتى لوكان لهذا الابداع ضحايا من اي طرف كان .. أرى في رد الشاعر الحضرمي المدون بأدناه ردا عمليا ممتعا على قصيدة أخي الشاعر ابوفضل سالم فلنقرأ :

فتيك في يدك ويدي مخلع = ضربتي عشرة بالفتيك امثاله
قد قلت لك لاطلعت انا لاتطلع = مافيك للمطلع معي آلة
مادريت هل انت صقع ماتسمع= او عن غباوة زايدة وهبالة
عادصغيّر كاللبن لي يرضه = ماتميز الرقده من السحلالة
ياحسف مشيك وانت عاتتنكع = والا الشناب الاسودي وظلاله
ياحسف بدلة فيك حلوة تلمع = كأنك الا جيت من بنقالة
ماعرفت تتخلق ولا تتواضع = ولاتقنت اللف والمحيالة
ماغير تمشي في الطرق تتسكع = مع اللوافر عشت والمرفالة
يكفيك هذا الدرس ان باتقنع = وان عدت هي الا بهدلة ورذالة

ســـــلام .