مساجلات الزامــــل الشعبي

[محمد سعيد بن مخاشن]

اقتباس : المشاركة الأصلية كتبت بواسطة بن احمد [ مشاهدة المشاركة ]

المبدّل يتمي في حياته مبدل=مامعه شي نفس لن المسافه طويله باتعدي حياته كل ابوها مبهذل=ماعرف يقنص امات القرون الجليله

أنا محسّبك في غرفة الإنعاش وإنته جالس تتزمّل هنا؟؟؟


قل لسالم: رفيقك ليه عقله تعطـّــل

وإنطلت عا البصيره ميت حيله وزيله


هو ذكي حيل أنا ما قول عنـّـه مغفـّــل

بس محتار فرّط في حجل باجليله!


محمد بن مخــاشــن

[بونواس]

قال باراس عا طروح السبل باتخيل=قبل ماقول للعربان وين المخيله
باتريض شوي ياناس ماباتعجل=لاجل نكسب محبة خوي مولى الدويله

[سبع الليل]

اقتباس : المشاركة الأصلية كتبت بواسطة بونواس [ مشاهدة المشاركة ]

قال باراس عا طروح السبل باتخيل=قبل ماقول للعربان وين المخيله باتريض شوي ياناس ماباتعجل=لاجل نكسب محبة خوي مولى الدويله

هت من الزين ياخالد علينا تفضل=مانباء الا سلامة راس مولى الدويله
صاحبك صاحبي بالود والله مبخل=لوطلب نون عيني والقلب باهديه له

[سبع الليل]

اقتباس : المشاركة الأصلية كتبت بواسطة بن احمد [ مشاهدة المشاركة ]

مافي الخلق يامحفوظ واحد مكمّل=كل مخلوق عادمه وحسب الفصيله من حسانك تفضل يازميلي تجّمل = ميّز الميزر البلجيك من بو فتيله

ماعترف غيثهم من يوم شرّق وقبّل=لا هو الا استقل عاروس عندل وخيله
كان هشت المطر والسيل دفر وحمّل=وانكسر موزع الصفراء وخربت حويله

[بونواس]

ناء مثيلك نحب الزين وعليه نسال=والمحبه من الرحمن قدها فضيله
لاتضن خوك عن خط الزيانه تحول=خوك هو ذاك هودايم شروعه طويله

[أحمد العمودي أبوفيصل]

قل لبومخشن السالي تريض تعقل = خذها الا نصيحه لاتشيل الثقيله
ترك الي بغى وحده في الحقل يعمل = وانته الا مسالم وسط راسك حليله

[محمد سعيد بن مخاشن]

اقتباس : المشاركة الأصلية كتبت بواسطة أحمد العمودي أبوفيصل [ مشاهدة المشاركة ]

قل لبومخشن السالي تريض تعقل = خذها الا نصيحه لاتشيل الثقيله ترك الي بغى وحده في الحقل يعمل = وانته الا مسالم وسط راسك حليله

ألف مرحيب ألا يا شيخ قولك مسلسل

طعمه أحلى من المملي بنحر العسيله


ما معانا طماعه يا حمد في المقلقل

با نخلـّــي النـّـجاشي يمتطي ظهر فيله


محمد بن مخــاشــن

[بو مجيد]

اسقط الحمل جنب الدار ريته تجمل =ماتشل الثقل الا الجمال الاصيله
وان تنوّخ وحملي فيه من عام لوّل= سقت له زيد بالموكاه يرفع صميله

[سبع الليل]

اقتباس : المشاركة الأصلية كتبت بواسطة بو مجيد [ مشاهدة المشاركة ]

اسقط الحمل جنب الدار ريته تجمل =ماتشل الثقل الا الجمال الاصيله وان تنوّخ وحملي فيه من عام لوّل= سقت له زيد بالموكاه يرفع صميله

ياهلاء بو مجيداليوم ثنى وذبّل=جابها من شراقي مريمه لا صليله
ذي معه جرب في الصفراءومرصن ومعقل=حق له يصرب الموسم ويوخذ سبوله

[محمد سعيد بن مخاشن]

ريت كل شي ميسّر دوب با ظل تزمّـل

الزّمَل يا عرب والهوك ما شي مثيله


وآخر الليل لا جاك المغنـّـي وموّل

خير من شِـرْك صوت الدّان يا بن قبيله


محمد بن مخــاشــن