02-16-2010, 01:57 PM
|
#1 | ||||||||
|
ابوراضي
 
|
جواب الشاعر ابوراضي على الشاعر مبارك بن عمر باتيس ( بعد محاولة اغتيال الاخ مسلم )
قصيدة مبارك بن عمر بن صالح ابوعبدالمجيد مرسله للشاعر طالب بن حسن بوراضي بعد سلامة الاخ مسلم بن سالم باتيس من محاولة الاغتيال الغاشم
يقــول بوجمـعان جــاء لحـنــا خــبر= من حد محـمي بالمــيازر والــقـصوف *****في بوصلاح الجـيد قد عــاد النــظر= يـبـشر بدحـنات المــرازح والـصفوف يبشر بسيل الرووس وسيول الشحر= والـوادي المـثـعـوب يـدقـع بالـــردوف وشــعب قــده ذي ينـــقر عالشــــجر= وسـيول رهــنه ذي تزقــل بالـصروف بانـظــهر الفـعــال مـــن بــحر وبـــر=وأن حـد مـكذب عـاد عيـنه باتـشوف يــالمـعتــنــي ذلحـيــن نـــول للســفر=لا عـند بـوراضـي يرحـب بالـضيوف مايـكـترب دايـــم يرحـــب بالـدفــــر=راضــي مـع نايــف فالـمقـعــد وقـوف وأنشد على بوبدر ودعــو بـو عـــمر=ذي هــم يــشـلـون الثـقيـلـه عـالكـتوف وسـعـيد بـوعـادل ينــاطـح بالـعـجــر= والجـيد بـوجـمـعـان بـتـار الـســيــوف شـوقـي لكـم يـاذي تـزرون العـصــر= ذي هرجكــم كأنه بـغــيــه فـالــقـروف كـأنـه عسـل جـردان والا شـغـل سـر=والا عسـل مـن ساه من فوق العطوف سـلـم علـيـهــم عـــد هـشـات المــطـر= مايلـمع الـبراق فــي رووس الـقـنوف لاشــذرت باكــيـل مـن حــب الـثمــر=مـابـانــلقــط ذي مــطــيــر فـالـرفــــوف وان حــد مهون ذا السنه شرعه قصر= شــل الفـسـاله ياحـســوفـه بالحـسـوف مايـعـرف الـجــوده ولا روعــه بــدر=يمسـي يـحسب عالـمراوي والوصوف لا ماخـلــق ريـته وريــته مـاحـضــر= ريته يـقع فـي بـيـر مـن تحـت السفوف لا بـيــت الـحـداد يـظــرب عـالــزبـر=فـايــصـبح الـمنـشـار فالـبـتـله يـهـوف بايـطـرب الـنجـــار بايــلـقـي ســفــر=والقى سـواري تـحمـل اثـقـال السـقوف والخـتم بالـمـختـار هـو سـيـد الـبشـر= اعـداد مـاكـل حـاج بالـكـعــبـه يـطـوف واعـداد مـاقـاري قـراء كـل الـســور=يـشفـع لــنا لـدخـل فـي الجـنـه ســعـوف جواب الشاعر : طالب بن حسن ( بوراضي ) على الشاعر : مبارك بن عمر بن صالح
حيّــا وسهلا بالمصدر ذي صـــدر =من عند شــاعر يعرف ادغام الحروف شـاعر وعاقل في العضيدة لاحظر = يثبـت وجـــوده في تقـــاديم الصفــوف يعرف قيـاس الــوقت وابعاد النظر =بالــسانـتي متـرات مقيـــاســه يهــوف ندرس ونتعــلّم مـن اقـــــوالـه عبر = مــايعتبـــر ذي للــــوائم مايشـــــــوف حتى بصر بالعيــن كن قلبه عــور =ضيّــعه عرفه عالبو بعـض العـــروف قم يـالمعنّى شــــل مكتـوبي وســر = حطيت لك عنوان واضح عالــزروف مسـراحك البكره على مــوتر همر =ملقيــه للعـــوزات في شـح الضــروف يطوي مشـاويري كـما لمح البصر =يعجبك في سيــره ومشيــه والـوقــوف من شل مفتــاحه طـرح رجله وفـر =معــــاد تلحــقه السِّيـــاره والسـعــــوف مقصـدك لا ديـره تـرد الحلـو مـــر = وارزاقــها كلــه مــن آبــار الهـفــــوف لا خير في مــاهــا ولا حب الثمــر = ذي لا ذريتــه مابلــغ حتى شفـــــــوف واصحـابها من زادت اقروشه بطر =قــدها من اول من حكــم فيها يـــزوف ذه ديرة الاحقاف صرصرها يصر =حتى قــمرها لاكتمــل جــــاه الكسـوف لـولا بــها نـــاسي وداري والمـــقر =والا طيــــافتها تزعـّل مــن يطـــــوف ســلم عليهم عدد هشــــات المطـــر = واعداد مايبــرق ويرعد في القنــــوف واسأل على الشاعرمبارك بن عمر = ذي من كلامــه ترقــــل اذلاق النيـوف شله سعيــفك في ترحـــال السفـــر = واقصد كني من حيث رميان القصوف تلـحق مســلم سلــمه من كل شـــر =ذي مـــا بدا بــابه تقــفل عالضيـــــوف قله زعل نومي وحــالفني الســـهر =من مــا جرالك فــارق النــوم الدفـوف في الثــانية ظــهرا تلقيــت الخبــر =ذي قطع افــوادي كمـــا قطع السيــوف ماتشـوف شر لاباس يــاوعل النتر =سلمك ربي عـــالم اســرار الكفـــــوف الحمد له والشكر كـــاشف كل ظر = وكـاشف اسرار البشر في كل جـــوف بامره وتقديـره جرى حــكم القــدر = مكتــوب لك داخل سجــلات الكشـوف ذي بيت النيّــة فـي الحسبه خســر =مــــا يعــرف انّ الله بعبــــــاده رؤوف ريته ظهر سدك وقــابل مــــاغدر = واصبر على شــل الثقيــلة عالكتــــوف حــاطت به النيّـة ولا لـه شي مفر = بــايطلعــونه في المحاظر و الكشــــوف ولا بدا شي ســر مخفي مــاظهر =تظهره حلقــات المجــالس والوصــوف وانته تصبّر مـــاتندّم مــن صـبر = لاطــالت الأعمــار عــادك باتشـــــوف واحنـا بجنبك في الشدائد والعسر= نرعض سيول الروس لاجات الردوف مــانعتذر لادق ناقــوس الخطـــر =ســــاعه وقد نحنـا على جـالك وقــوف والختم صلوا عالنبي صفوة مظر =والآل والاصحـــاب أميــات الالــــوف السيّاره ( جمع سيّر ) والسيّر السعيف |
||||||||
|
التعديل الأخير تم بواسطة صالح باعمران ابو زايد ; 02-16-2010 الساعة 09:09 PM |
|||||||||
|
|
02-16-2010, 08:17 PM
|
#2 |
|
شاعر السقيفه
|
حجز ولي عودة
|
|
|
|
02-16-2010, 08:52 PM
|
#3 |
|
شاعر السقيفه
|
شـكــ وبارك الله فيك ـــرا لك ... لك مني أجمل تحية .
شرف لي ان اكون ثاني واحد ارد عليك يابو راضي \ كلام شعار كبار لهم مكانتهم في ساحة السعر ولحمد لله على سلامة الاخ مسلم موفق بإذن الله ... لك مني أجمل تحية . صح لسااااانك ولسان الاخ مبارك |
|
|
|
02-16-2010, 08:57 PM
|
#4 |
|
حال جديد
|
كلاااااااااااااااااااااااااااااااااااااااام يابوراضي عشت.
|
|
|
|
02-16-2010, 09:03 PM
|
#5 |
|
شاعر السقيفة
|
ياسلام يابوراضي بدع رايع وجواب رائع والله لايوريكم مكروه يابني نعمان والا ماحقكم باتجيبوه لو هو فين كفو والله فيك وفي ربعك
|
|
|
|
02-16-2010, 09:12 PM
|
#6 |
|
شاعر السقيفه
|
اولا الف حمد الله على سلامة مسلم بن سالم ابو صلاح
ولا يشوف شر انشاء الله ثانيا بدع قمة على قمة من الشاعر ابو عبد المجيد وجواب شافي من شاعرنا القدير و المعروف ابو راضي الله يوفقكم ولكم اجمل التحية تقبل مروري المتواضع و اعجابي الشديد اخوك صالح باعمران |
|
|
|
02-16-2010, 09:41 PM
|
#7 | ||||||||
|
ابوراضي
|
بارك الله فيك اخي ابوزايد
مرورك شرف لي ووسام اتشرف به اشكرك يالغالي على تعقيبك الرائع |
||||||||
|
|
|
02-16-2010, 09:59 PM
|
#8 |
|
مشرف سقيفة الأدب والفن
|
طااااااااااااااااااااااااااااااااالب حسن..الله يعطيك العافيه..على النقل..برغم ان الخبر..ازعجنا..جيره..واخوه..نتمنى لكم الخير..والله لايوريكم مكروه..
والحق....مايضيع مدام خلفه مطالب.. لك كل تحياتي .. اخوك/خالد بن مهنا |
|
|
|
02-16-2010, 11:59 PM
|
#9 | ||||||||||
|
ابوراضي
|
كرسيك محجوز في القلب يابوزايد |
||||||||||
|
|
|
02-17-2010, 12:04 AM
|
#10 |
|
حال نشيط
|
ياسلام عليك يااباراضي على كلام ممتع ,فأنت تستحق المساحات الواسعة في الاعلام والحديث المكرر في المنتديات وانت اهله ولديك مايجعلك في القمة .كلام جميل .
|
|
|
 |
| مواقع النشر (المفضلة) |
|
|
|
|
العرض العادي
