مساجلات الزامــــل الشعبي

[سبع الليل]

اقتباس : المشاركة الأصلية كتبت بواسطة خالد سالم بن مهنّا المري [ مشاهدة المشاركة ]

سلام لك يوصلك لمان المحل من هاهنا للبيت محكوم الركون من حي في جده يضربوبه مثل زهران اغلبهم بوسطه يسكنون حي النسيم ..اعجز بترتيب الجمل لابوصفه.وصفه يغيّب بالذهون;gra وان حد دخل لاعندنا ولا نزل متشم شي منه سوا ريح الدخون او عطر باريسي سعاره بالقلل بيصيب عقلك باالهباله والجنون لاقلب بوسالم كما قلب الجمل باينقطب من لي يشوفه بالعيون ;gra;gra;gra

خالد بمكياله وميزانه عدل=يوزن بميزان العداله والفنون
من قام بوسالم بطل ابن البطل=له سيط في الميدان يا الي تسمعون

[أحمد العمودي أبوفيصل]

في ساحة الميدان خلولي محل = بقصد في الزامل مع لي يقصدون
وان كان سبع الليل بغاني مادخل = قله انا بطلع وغيري يقعدون

[المستقل]

لازم نواصل في التحور والجدل =لما يدقق كل ذيهم يكتبون
والحق ما يزعل ولا منه زعل= هذة حقيقة عند ليهم يعرفون

[أحمد العمودي أبوفيصل]

اقتباس : المشاركة الأصلية كتبت بواسطة بن احمد [ مشاهدة المشاركة ]

ذا فصل بانفصل اذا ماحد فصل=من شانكم قولوا لحمران العيون في قول باورّده له طعم العسل=لكن نبا الشعار بعدي يدخلون الا الفشل ماحد يدوّر للفشل=ونا كما مابرّخص الغالي بدون والليل يامحفوظ بانشبي جبل=نا وياك بنظوّي جليلات القرون

يامرحبا بالقول من شاعر قبل = جاب القوافي كامله من دون دون
الشهر قد شوع مالليله وهل = نوره مسى شارق يالي تفهمون

[سالم الدهبلي]

وين الكلم الزين لا تقولو دويل=من بن حمد ذكره لايهون
ماينقاتل مقتول الا بدليل=عاد القنص على الوعل ينشدون

[طالب النعماني]

بارك الله فيكم جميعا

[احمدباعجره المشجري]

اقتباس : المشاركة الأصلية كتبت بواسطة سبع الليل [ مشاهدة المشاركة ]

نا حب عود الحمر ماحب القفل=والنغمه الزينه دواء لي يسمرون مالليله الا بايقع شتني وخل=وعبود بايوهد كما لي يوهدون ياريت يسمعنا صديقي لا دخل=في داخل الميدان يا الي تزملون هوكه وتنصوره لشانه مابخل=لن المحبه تجبر القلب الحنون

اسبع قالو المركذ الاول حتل = مني تذاكر شهرله في هاف مون
ون شفت بو فيصل وسفت المستقل = من ماحضر معهم غبونه بالغبون
وبن حمد ون شفت بو زايد وصل =نادو على طالب ودي سعفه يجون
والمعذره والعفوا من كلمة زلل= دي ماذكرت اسمه على الخاطر يمون

[سبع الليل]

اقتباس : المشاركة الأصلية كتبت بواسطة أحمد العمودي أبوفيصل [ مشاهدة المشاركة ]

في ساحة الميدان خلولي محل = بقصد في الزامل مع لي يقصدون وان كان سبع الليل بغاني مادخل = قله انا بطلع وغيري يقعدون

لا والنبي مابانبدل بك بدل=لو عبروا شفره على حلقي تهون
خليتنا افكر عسى ماشي حصل =مني ترانا يالعمودي في شطون

[سالم الدهبلي]

اقتباس : المشاركة الأصلية كتبت بواسطة أحمد العمودي أبوفيصل [ مشاهدة المشاركة ]

يامرحبا بالقول من شاعر قبل = جاب القوافي كامله من دون دون الشهر قد شوع مالليله وهل = نوره مسى شارق يالي تفهمون

يابن العمودي جبني ع سال=ليش العراب قالي ميسالون
وانا منهم مجايت حال=احنا تعبنا وهم يوعدون

[سبع الليل]

اقتباس : المشاركة الأصلية كتبت بواسطة المستقل [ مشاهدة المشاركة ]

لازم نواصل في التحور والجدل =لما يدقق كل ذيهم يكتبون والحق ما يزعل ولا منه زعل= هذة حقيقة عند ليهم يعرفون

يالمستقل لا تقول شونا في عجل=ريض وعاد الليل يعقبه السكون
قدها مقاله لي يشاور ماقتل=وان باتشاور كلهم بايزعلون
خير الكلام الزين ماقلّ ودل=والباقي الا سيل مضواه القطون