البشرماهمهم قلبي والدمعه مالهاخانه

[نديم]

على رعشة ظما جيتك .. أبي نظره على حالي
أبيك تشوف محبوبك .. كيـف ان القـدر خانـه
أجيك وكلي ياصغري .. وقلب من الكبر خالـي
وأحـاول قـد ما أقـدر .. أدور للرضـا خـانـه
آنا لو قلت آنا أحبـك .. وحبـك مشغـلٍِ بالـي
تصفق لي عروق القلب .. تغني لي على ألحانـه
آخاف آطيح من عينك .. بعد ماكنت آنـا غالـي
آخاف آكون ذاك اللـي .. فقـد ربعـه وخلانـه
آخاف أني أصوّت لك .. وآصيح بصوتي العالـي
وآخاف أنك تجاهلني .. وتنكـر قلبـي واعلانـه
آنا وشلون أسولف لك ..؟ وأعبر لك عن احوالـي
عطني فرصه وازهلها .. أخلـي الدنيـا رويانـه
قلوبٍ ترتجي وصلي .. وآنا أكبـر منهـا بوصالـي
أبيع قلوب حبتنـي .. وكـل هـذا علـى شانـه
انادي له حبيب الروح .. تعـال وخلـك قبالـي
تعال وكلي سميتـك .. ( عقـد لولـو ومرجانـه )
تعال وننسى دنيانا .. ونسكـن برجنـا العالـي
ونكتب للحزن فارق .. ماعـاد لدمعتـك خانـه
تفضل دامني خيلك .. حبيبـي وانـت خيّالـي
قصيدة عشق سميتـك .. وقلـبٍ ياكبـر شانـه
حبيبي لـو تناسيتـك .. أمانـه منهـو يبقالـي؟
بشر ماهمهم قلبـي .. بشـر والدنيـا خوّانـه
هذاك بيفرح لموتـي .. وذاك بيشمـت بحالـي
قلوبٍ ماتعرف الحب .. علـى هالدنيـا غلطانـه
حبيبي لو بغيت الموت .. أبيـك تكـون قتّالـي
بشرع الحب آنا مسامـح .. أذا هالدنيـا زعلانـه
ولو ماودك بموتي .. أكـون بسجنـك أحلالـي
سجينك من وسط سجنـه .. يناديلـك ياسجّانـه
أحبـك يالغـلا دامـك .. بقلـبـي الأول التـالـي
طيري في سما صـدرك .. يرفرفلـك بجنحانـه
أبيك تعيشني قصـة .. قبـل موتـي وترحالـي
قبل لايندفـن شوقـي .. مـدام كفوفـي عطشانـه
حبيبـي طالبـك طلبـه .. اذا وصلـك تهيّا لـي
ترا عمر الزمن جافي .. ولـو ضمتنـي أحضانـه
أبيك تضمني حتى .. تشوف أنـه هـدا بالـي
وأذا حسيت في روحي .. تراها حيـل ولهانـه
أبي أغفى على ثغرك .. وأذوب بريقك الحالي
وأذا صحتني مزونك .. تراها الـروح سكرانـه
أبي أقهر قلوب البعض .. ومنها قلوب عذّالـي
أبي أدبل كبـود اللـي .. بغـت حزنـي وعنوانـه
أبي لامنهم دروا عنك .. ترفع حاجبـك عالـي
رجيتك أسكت وطالـع .. هـذولا نـاس مرضانـه
فديت حجاجك ورمشك .. فديت الطيّب الغالـي
فديت أسمك ,, أذا أسمك .. اهـو قافـي وعنوانـه

راقت لي كثيرآ

‏>‏
‏>‏
إهداء لمشرفينا الافاضل
خالد بن مهنا :عمرالذيب :وصالح عمران:
ولكل شعراءنا الافاضل والاعضاء

[صالح باعمران ابو زايد]

شكرا شكرا شكرا لك من اعماق قلبي
اهداء جميل ومميز من انسان لا يعرف الا التميز اينما كان
كلمات راقية وهذا دليل على ذوقك الراقي
يعطيك العافية على ما طرحته هنا
مرة ثانية شاكر ومقدر لك
وتقبل اجمل التحايا القلبية
من اخوك
صالح باعمران

[نديم]

اقتباس : المشاركة الأصلية كتبت بواسطة صالح باعمران ابو زايد [ مشاهدة المشاركة ]

شكرا شكرا شكرا لك من اعماق قلبي اهداء جميل ومميز من انسان لا يعرف الا التميز اينما كان كلمات راقية وهذا دليل على ذوقك الراقي يعطيك العافية على ما طرحته هنا مرة ثانية شاكر ومقدر لك وتقبل اجمل التحايا القلبية من اخوك صالح باعمران

‏>‏
اخوي الغالي وشاعرنا القدير ابوزايد تسلم ويحفظك ربي يامنبع الطيب والله قليله في حقكم اشكرك واشكر حضورك المتميز وتقبل تقديري واعتزازي تحياتي

[خالد بن مهنا]

ماراق لنديم يروق لنا...الله يعطيك العافيه اخوي..شكرا على الاهداء الرائع,,لاتحرمنا من جديدك ومفيدك ونحن في انتظارك دائما

تقبل مني خالص تمنياتي لك بالتوفيق والنجاح..


اخوك:خالد بن مهنا

[عمر الذيب]

اخي نديم
لك كل الشكر
على هذا الاهداء
الاكثر من رائع لك الشكر والتقدير والاحترام
عمر الذيب

[نديم]

اقتباس : المشاركة الأصلية كتبت بواسطة خالد سالم بن مهنّا المري [ مشاهدة المشاركة ]

ماراق لنديم يروق لنا...الله يعطيك العافيه اخوي..شكرا على الاهداء الرائع,,لاتحرمنا من جديدك ومفيدك ونحن في انتظارك دائما تقبل مني خالص تمنياتي لك بالتوفيق والنجاح.. اخوك:خالد بن مهنا

‏^‏
اخوي الغالي خالد بن مهنا
اشكرك على مرورك والشكر موصول من شخصك الغالي وذا اقل شي نقدمه لاشخاص شعراء افاضل ومشرفين تحياتي وتقديري

[نديم]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

اخي نديم لك كل الشكر على هذا الاهداء الاكثر من رائع لك الشكر والتقدير والاحترام عمر الذيب

‏^‏
اخوي الغالي ومشرفنا الأنيق الفاضل عمر الذيب
اشكرك واشكرك حروفك النابضه
باالوفاء تحياتي واحترامي وتقديري : اخوك نديم :

[شيخه بنت مشايخ]

أبي أقهر قلوب البعض .. ومنها قلوب عذّالـي
أبي أدبل كبـود اللـي .. بغـت حزنـي وعنوانـه
اهداء مميز من نديم في قمه الروعه والجمال
تقبل تحياتي .وسجل اعجابي

[نديم]

اقتباس : المشاركة الأصلية كتبت بواسطة شيخه بنت مشايخ [ مشاهدة المشاركة ]

أبي أقهر قلوب البعض .. ومنها قلوب عذّالـي أبي أدبل كبـود اللـي .. بغـت حزنـي وعنوانـه اهداء مميز من نديم في قمه الروعه والجمال تقبل تحياتي .وسجل اعجابي

‏^‏
‏^‏
يسلموا شيخه اشكرك على مرورك الرائع كهمس النسيم وياهلا بك وغلا تحياتي