06-02-2010, 01:17 PM | #1 | |||||
حال جديد
|
رساللة ام حضرميه محششه لولدها المغترب
ولدي العزيز محفوظ
انا هنا بخير يبني وانته عساك بخير هناكفي غربتك وانا يبني اكتب هذه الجواب بشويش يومنا عارفتك ماتزهد تخبخب يم يم 00 وهذه الأيام المكلا ماشاء الله زينه مطرت عندنا مرتين في الأسبوع اللي عبر00المره الأوله جلست تمطر ثلاث ايام00 والمره الثانيه جلست تمطر اربع ايام00 ومعاد خريت شفنا من الدار ياولدي حتى الكوت حقك معاد قدرت نهببه البريد00 وبعدين ياولدي الكوت حقك ثقيل يم يم 00 وبيخسرون نحنا بيس يم على الوزن اللي فيه00 بسبب القلاس حقه ثقييييييييله يم يم00 ريعت تصرفت على شان يخف الكوت000 قصقصته القلاس حقه وطرحتهن في واحد من كياس الكوت وغديته لك بالبريد0 وختك فطوم ولدت اليوم الصبح من غبشة ربي 00 ولبعد نحنا دارين يابت زقر ولا زقره00 ومعادنا داريه نته بتقع خال ولا خاله00 وعمك يسلم سعيد جارنا سقط البارح في حفره في الكبس وجو الشماليين بغو بيطلعونه من الحفره 000 وقدك تعرف عمك يسلم مايبغض الا الشماليين قاومهم قاومهم بكل شجاعه لما مات غرقااااان في الحفره 0 وعمك فرج00 ابو عبيد صاحبك في المستشفى مينز00وقال لعبيد بنه شفنا ان متت دفنونا وسط البحر 000خلاص الشماليين معاد خلولنا شي وسع في القاع وكررها لابنه شوفنا نقولك يعبيد ان متت دفنونا وسط البحر00 وقدك عارف عبيد يحب بوووووووووووه يم يم وبغى با يبره 00 يوم شاف أبوه تعبان خلاص بيموت 00من غبشة ربي امس ندر البحر بغى بيحفر قبر أبوه جاء غرق ومات قبل أبوه ؟!! وبمناسبة العيـد يبني بغيت باهنيك برمضان ،يارب يجعله زواج سعيد و أمطار خير.. خلاص معاد شي معي هرفه غلقت وهذا كل اللي مع مك... صبر صبر شوي: أنا بغيت بطرح لك بيس في الجواب 0000بس معاد ذكرته إلا بعد ماقفلته الزرف حق الجواب00 يارب بالعافية ياولدي باغدي لك لأخرى المرة المهم يبني لعفو منك هذا والسلام مك مريم بت عبود المعروفة مريومه عبوده |
|||||
06-04-2010, 01:53 AM | #2 | ||||||
حال قيادي
|
هههههههههههههههههه
هههههههههههههههه صح لسانك يا مريومه عبوده |
||||||
06-04-2010, 06:20 AM | #3 | |||||
حال جديد
|
اختي الذكرى عذبتني تواجد رائع ومرور كله عطر . ملايين الشكر لقلبك النقي . دمتي بكل الود بتوفيق من الله . تحياتي و تقديري |
|||||
06-05-2010, 12:59 PM | #4 | |||||
حال نشيط
|
مدبله وفي نفس السقيفه ..
تشاوووووو |
|||||
06-16-2010, 03:20 AM | #5 | |||||
حال نشيط
|
بجدبجد روووووووووووووعه بس ياخي الحضرميات مايحششن يمكن الا غشو العجووووز به فقط الله يعينها والله بنت عبووووووود صراحه جواب قوي لودلدها هههههههههههههههه
|
|||||
مواقع النشر (المفضلة) |
|
|
|