والقوافي تجي طيفة على أثر طيفة

[الجوهي*]

مقتبس من الزامل الشعبي

=عوض علي الجوهي
بوحسن قال أول بدع لي في السقيفة=بافتح باب للشعار من نـوع ثانـي
باسكت بعد حمْد الله سكتـة لطيفـة=باقرأ بعدها آيـات سبـع المثانـي
رخصوا لي ولو أن البدايـة كليفـة=بانثر ماتوسلته معـي فـي ثبانـي
مامعي في ثباني شيء دراهم نظيفة=مامعي لاالمعاني حاكمات المبانـي
هن كليمات والكلمة ثنعشر صحيفة=الرضى والقناعة والوفاء والتفانـي
=الشاعر/جلوي السبع باعنس
الف حيا بشاعر والحروف الكثيفـة=صاحب الباع لطول في غزير المعاني
ذي كلامه عبر . يشرح مبادي شريفة=هرج متقون فاخر مثل شغل المجاني
واجبي باسلك دربه وبوخذ نصيفـة=في بنى البرج ذي شيده فوق المباني
بضع كلمات باقدم نصايـح لطيفـة=استمر لا يهمك كل حاسـد وشانـي
ساعف الجيد في مشيتك خلك حليفه=وابذل الجبر لان العمر ضايع وفانـي
=عوض علي الجوهي
مرحبا مرحبا ترحيب عالـي هتيفـه=يالجهيمي رحب منطقك زلزل كيانـي
وانتشى هاجسي لما بدى لـه كويفـه=قال بسقيه من صافي عسل من سقاني
شادلية وبلْقِي لـه حـراوة وضيفـة=لويكون الثمن غالي دعاء من دعاني
بايلبِّيـه مايهـاب الريـاح العنيفـة=قيْم عالعهد ياجلوي معي ماعصانـي
والقوافي تجي طيفة على أثر طيفـة=والمدد بحر طامي عالسفن والموانـي

[ابوشحوف]

احسنتم شعارنا الكرام بدع وجواب متقن شـكــ وبارك الله فيك ـــرا لك ... لك مني أجمل تحية .

[الوزيري]

الف حيا بعوض لي نال كمن نويفه =مايهاب الخطر شاعر وشاجع يماني
من طباعه الكرم من جاه حصل خريفه=والتراحيب تتناثر بذلق اللساني
يالرميدي زعيم القوم ماحد يخيفه=وان تقدم يجيب الفيد قبل الثماني
شوفتك هاهنا مكسب حكم ياخليفه=الامارات لك والجند واعلى مكاني
صدق قال الوزيري مايدور وضيفه=من رجال الوفاء عزوتي ساعد يماني

[ديسبة]

ماشاء الله ابداع فوق الوصف

[ونيس القمر]

كلااااااااااااااااام يالجوهي

[حيد لبرق]

صح لسانك واعتلا شأنك.

[الجوهي*]

بارك الله فيكم جميعا أشكركم جزيل الشكر.