السقيفه منارالشعر

[محب شبام]

سلّموالي على فارس بطل شهم عربي=اسس الدار للحلان واحمى حماها
حامي ابواب نجديه وشرقي وغربي=واحرس البحرواللي بايمر في هواها
ساعة السلم بيسالم وللحرب حربي=مايهاب المعارك يوم دارت رحاها
يشهدوا له العوامر هم وصيعر وكربي=بالكرم والشروع الوافيه ماكماها
والسقيفه منار الشعر وان زاد ضربي= في المثل اوقصر ماقلت كلمه سواها
الحضاره هنا من منهل العلم شربي=وارتوي يالثقافه من ينابيع ماها
من بغاء الشعروالفن لايعاكس بدربي =قالت شبام يحسب كل خطوه مشاها
الشبامي شبامي ماهو ياناس صربي=سمعت شبام مثل الشمس ذي في سماها
يالحون الطرب والدان غني وطربي=وانشدي لحن واعطي امّتك مبتغاها
هكذا هي شبام المجد باحلف بربي=عاليه دائما من مد لها مالفاها