من يوم ما نفسي بعشقتك ابتلت=كم من وساده عالوقاء بليتها

**غراب صاهد** · 05-06-2011, 01:06 PM

ترفع للاطلاع

عبود الرقش · 05-06-2011, 01:07 PM

اقتباس : المشاركة الأصلية كتبت بواسطة غراب صاهد [ مشاهدة المشاركة ]

ماقدر اكذب عين فيما قد رات=ونا بنفسي في الزمن ياما رايت
اشياء غريبه بالعيون ارئيتها=مابين لي باعوا ولي هم يشترون
= العيف هو والزين شفته بالعيون
شفت النجوم اللي تلاشت واختفت=وبكيت لجلك ياقمر يوم اختفيت
صامت وابكي والدموع اخفيتها=وبطيت مخفي لوعة القلب الحنون
= العيف هو والزين شفته بالعيون
باقي معي صفحتك مبعاد انطوت=لو غبت مهما غبت عني وانطويت
صفحات عشقك يالمحب ما طويتها=وحروف اسمك وشم مابا يمتحون
= العيف هو والزين شفته بالعيون
من حلوشهدك عاد نفسي ما ارتوت=في غيبتك من شهد غيرك ما ارتويت
انت الوحيد اللي بيوم ارويتها=اتبعته ابغيبتك وشكوك وظنون
= العيف هو والزين شفته بالعيون
شمعة امل عشقي بغيبتك انطفت=وانته تلاشى وهج نورك وانطفيت
اشعلت في نار الهوى وطفيتها=من مننا طفى مين ياعود الدخون
=الزين هو والعيف شفته بالعيون
من يوم مانفسي بعشقتك ابتلت=ابكي ودمعي دم من ابتليت
كم من وساده عالوقاء بليتها=رابع سنه والدمع من عيني شنون
=الزين هو والعيف شفته بالعيون

ماذا عساني ان اقول عن هذه المقطوعه الشعريه الجميله
صح لسانك !
تكفي ؟
لا
اسعفوني بما اقول
حلوه
رائعه
تحفه
شكرا للمبدع غراب صاهد

عبود الرقش · 05-06-2011, 01:10 PM

شمعة امل عشقي بغيبتـك انطفـت =وانته تلاشى وهج نورك وانطفيـت
اشعلت في نـار الهـوى وطفيتهـا =من مننا طفى مين ياعـود الدخـون
الزين هو والعيف شفتـه بالعيـون
الشطر من البيت الملون بالأحمر لعلي لم استسغ وزنه اعتقد فيه خطاء مطبعي