12-29-2011, 06:47 PM
|
#13 | ||
|
عميد شعراء سقيفة الشبامي
|
يأبا متصفحي المتواضع هذا ان يتسرب اليه الضعف والوهن في ضل كوكبة النجوم الساطعه في سماء القصيده الشعبيه الحضرميه وعلى راسهم الشاعر القدير حسن محمد باقديم .. (( ويقول حسن باقديم للواقعي مايلي ))
يأبا ويأبا الضعف يتسرب الينا والوهن= مال للوهن والضعف في ارضي وارضك شي مكن= ماهو من الليله ولا من اليوم من قادم زمن = راسك وراس القوم عاسطح القمر دندن وغن= عملتك زينه لا نطحته قرش فوق الصرف حن= ياقرش حن وصانع الخنجر لغيره ماطعن = وان رؤسهم من دون خلق الله خلقت والسين= تلهج بدهن المعصره باقول ياقلبي تمن= والنقد وحوار الاشاوس ذي على معنى وفن = يشبه مياه الغيل وسبال المخيله واللبن = لاتكالبوا الفرسان واعتكت على البئر الزون = عهداً علينا يغدي الباطل كما القفل الحجن = تقراء زبورك ياالنبي داؤد قل لي عند من = ذي قالها صادق الى قام الوثن سد الوثن= وتواروا النقاد باتعرف سقطرى من بين = ثوب العياره لو به الريحان هو والمسك بن= ان بن عند العكبري مابن عند بني حسن= واشتدت الساحات عا تغيير دولة ذي يزن= لبناء قواعد عهد ثاني من تنطاع الفتن = واحتدبت الاطراف والخرزه دوت من حسن ظن = لي جاد حل مرضي يصون حسين ويصون الحسن= وادنوا جلابيب الحدث باالعمق وازداد الشجن = ياالواقعي اسطول امريكي مرسي في عدن = ومداد بمعدات حربيه صناعه انقلن = خايف على ( الجندي ) واتباعه يدفعون الثمن = وبظل تهديدات ماتغني ولا منها سمن = ياغافل اتمعن وياجاهل من الغيه ذهن = وحسب لنفسك قبل ماتحاسب وتدرج في الكفن = طال المدى عاالجول والجمال لاخذ حين ون = ونه وراء ونه يقطبها وقاتله السهن = كم باتعد بين الحياء اموات روحه في البدن= وهو كما الميت ومن كلمه باالصدق اشتحن = ونافخ ريوشه ومتحكوي وملقي مرجحن = وان دق طنبورته غنوا له وهو معهم زفن = ذا باب قفلناه والثاني مواسي عاالمسن = شاربك واللحيه وجب تحسينها يابومعن = لوح القدر يدعيك وعمالك تسوقك للشطن= ولا تحسبها كشيشة تمر ياحجري يون = في داخل الدحاح ياحيه وعقرب يادفن = ياعين بيري ماوصلني كاس من عذبش ودن= دنيا عمارة كون لاسرحن مراكب ماضون= معاد شي يعجب يسر القلب والورث اندفن= وتنكد السالي على دنياه والهاجس ظعن= تااتي التهايم للمسالم والنميمه والمحن = وان ضاق فيها الحال نهرع لا فروضي والسنن= والقلب راتع في كنف مولى العطايا والمنن= والعفو من هفوه وزله جابها هاجس حسن= ذي عاسبيل البسط مايزعل ولايجيب الحزن= العفو من اي هفوه كتابيه
|
||
|
| مواقع النشر (المفضلة) |
|
|
|
|
العرض الشجري