((( الدان )))

[الحاير]

طاب السمر قولو لكل عاشق = اسمرو وسلو قولب عشاق
بانمشي سوا وبانطلع عرق = يد وحده سوا وبانترك كل عاق
هاتو خبر في ربيع بامسق = مثل الاسد في عرينه ماقال قاق

[مجمل]

اقتباس : المشاركة الأصلية كتبت بواسطة أبونمر

نعم يابونمر ماحد كما لنسان ذي حاذق =نباه الا هنا دايم في المقعد مع الحذاق
لدار الجول باشد المطيه ذي كما البارق= ولابايعتذر نسل الهلالي بالكرم قد فاق
وبايطيب السمر لاقد حظر ماظن شي عايق=وبانجيب الذهب والماس ذي يبتاع فالاسواق

[ثابت بن ماضي]

سلامي للوعول الحانيه عدٌ مابرق بارق=وعدً راعد رعدٌ وكورم الحراث للبراق
انا عاشانكم باسير حتى عاحفا داحق= وبالبي الدعاء وكيف لاجاء من خوه وارفاق
ذلاء عاقني يابو نمر من صوبكم عايق=عسا ذي عاقني من صحبة الجاويد بايعتاق
وسلم عا مجمل قله اني في الهواء غارق=وابا منه المشوره شي بصر في القيد ذي في الساق

[مجمل]

لقف وادي قظاعه يافتى والرزق عالرازق = وخرفه فالبواسق باتذوق القرع ياذواق
يشربن من كرع لاقد طرح لشبوب عالخانق =وباتشوف المذنب لانظرته غصب باتفتاق

[أبونمر]

عسى وجهة نظرنا كلنا ذلحين تتطابق =نقدم للهويه مائده متنوعة لطباق
وعا درب الهوى والعشق نترافق = ونمشي سيب في العشقه خوه ورفاق
ونبني بيت للعشاق بملاحقه ومرافق =ونلقي للكدر والغبن والهم ساريه مرفاق
وعالمحمود نتنافس ونتسلى ونتسابق =ونلقي للموده شأن نتسابق عليه اسباق

[أبونمر]

قضاعه مبعده وطريقها حجوات ومناتق = ومن بايطلع المحجي مصيبه حجوة المنتاق
بغينا السهل والواطي لحتى دوب نتوافق =ونتطلع لمستقبل يضئ نوره في الآفاق

[أبونمر]

هكذا سره عليه يامجمل

[مجمل]

اذا شي كاس للعشقه مخصص للذي عاشق = مجمل بايشله ذالسنه يامعشر العشاق
لان العشق في قلبي نبت من صدق مانافق = جرى فالدم ماهو حبر ذي يكتب على الاوراق
وكاس المركز الثاني لذي هومنكم صادق =وذي يسقط في العشقه مكانه في بلاد الواق

[الحاير]

ذرف دمعي في العشقه في زمن سابق = على مهره خلقها الله سبحانه الخلاق
زمن عدا وعاد القلب فل عشق رايق = كذ العشقه يسمار وانتم العشاق

[ثابت بن ماضي]

شل كاس البطوله ذي دخل فيها وهو واثق=ورابع كاس شله ذي حلف بالعهد والميثاق
بين الناس يامجمل حجج ياخوك وافوارق=وحد يقدر على الفرقه وحد مايحوق عا لفراق