مجلس الدان الحضرمي

[سبع الليل]

اقتباس : المشاركة الأصلية كتبت بواسطة المطلع [ مشاهدة المشاركة ]

مكتوب ومقدر وذا يالذيب من ربك قدر =والحكم له لاقال دوري لازم بأمره تدور الميل عاطب ياعمر له شهر في غبة قمر=قل خبرة الربان ذي ودته لاهذه الأمور

الله يعين الناس لا هبت رياحه من قطر=والا من الصومال لاقد شوعت في جولدمور
شفها فريجه بين حمران الكوافي والشعر=في داخل الميناء بواخر باتهدد بالشعور

[العائد1]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

ونات قلبي اه يهل العشق ودموعي مطر=عالميل بو دقلين لي جرفته موجات البحور لي كان له مرسى مخصص دوب في بندر عمر=انقطعت اخباره علي وعليك يامحمد سرور

الميل بودقلين يابن الذيب في الغبه شـمر = وسط العواصف والرياح العاتيه لأ بنقـــــــــلور
والمــــــوج يتلاطم ولكنه قد اجتاز الخطر = والله بايحفظه والركاب من جمع الشــــــــــرور
والقصد لطف الله نطلب في النهايه ياعمر= يلطف بذي في البحر في خنه وذي هم عالبرور

[المطلع]

اقتباس : المشاركة الأصلية كتبت بواسطة العطاااااس [ مشاهدة المشاركة ]

يامرحبا بكلام من شاعرزرالحبل زر كلام قوي مرصوص ويهز الشعور القصد والمقصود هوقالوا انتحر هذاك تاجر مسك كيف يسرق عطور

ذي هو على بالك على بالي من البارح خطر=وين الذي هو بيلقي في الخط ممنوع العبور
عاتاجر الريحان هو والمسك والعود الخضر=ولذي يبيع الفل والكادي واشكال الزهور

[المطلع]

مادام جيتوا كلكم ذلحين بيطيب السمر =نبغى السمرمابيننا مقسوم والمقسم جبور
ومن الكلام الزين بانؤخذ وبانعطي درر=ماباقدم او باخلف لاجيت باتقيد بدور
باجبر صحابي كلهم اهل الشهامه والقور=باقدر العاقل وذيهم عادهم الا زقور

[العطاااااس]

اظن ان الذئب هو والمطلع سمعو خبر
يبغون ذاك الشخص يتقدم الى باب القصور
انته صبريالمطلع شف كل واحدقدصبر
واكلكم في القدر ومتشوف القدور اتفور

[أحمد العمودي أبوفيصل]

الطامع الليله لقاله صيت والقاله خبر = يومه بغى نفسه في الدنيا من اصحاب الظهور
قله تراجع قال شاعر يارفيقي بالبصر = ماباك تستعجل تقطع في اشارات المرور

[أحمد العمودي أبوفيصل]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

ونات قلبي اه يهل العشق ودموعي مطر=عالميل بو دقلين لي جرفته موجات البحور لي كان له مرسى مخصص دوب في بندر عمر=انقطعت اخباره علي وعليك يامحمد سرور

الميل قد غيب عليكم وسط غبه ياعمر = ربان هذا الميل قالو يارفيقي بن حجور
والمشتري مظلوم الا يالذيب وانته به خبر = يومه بغى توضيب ماطوره مخبط مايدور

[العطاااااس]

اه ياقهراه تبغوني دخل في كر وفر
كل المصابيح انطفت ولعاد فيها نور
الله يحفظ بيتناوبيوتكم من كل شر
شفناه الي في الصحف مشكلتنافي الصدور

[سبع الليل]

اقتباس : المشاركة الأصلية كتبت بواسطة أحمد العمودي أبوفيصل [ مشاهدة المشاركة ]

الميل قد غيب عليكم وسط غبه ياعمر = ربان هذا الميل قالو يارفيقي بن حجور والمشتري مظلوم الا يالذيب وانته به خبر = يومه بغى توضيب ماطوره مخبط مايدور

الشعب في زره وبن عاقور حراسه غجر=قدها فضيله عاليماني ضاع من بين السطور
ولا درينا هو سببه الحزب والا المؤتمر=هاتوا خبر والا تخبرنا الذي هم في القبور
شو مابنا الا القات والرشوه وتفتيش المصر=ماشي رقابه لي تزر الحبل واطراف النزور

[عمر الذيب]

اقتباس : المشاركة الأصلية كتبت بواسطة سبع الليل [ مشاهدة المشاركة ]

الشعب في زره وبن عاقور حراسه غجر=قدها فضيله عاليماني ضاع من بين السطور ولا درينا هو سببه الحزب والا المؤتمر=هاتوا خبر والا تخبرنا الذي هم في القبور شو مابنا الا القات والرشوه وتفتيش المصر=ماشي رقابه لي تزر الحبل واطراف النزور

لله درك الف قال الذيب يا وعل النتر=يالي تجيب الصدق ما تخفيه مثناة الصدور
مالي وللاصلاح ياسبع الليالي لا انقمر=من بعد ما راحو رجال المعرفه في دار فور
نا بغيت حقي حق ثابت ياجليلين العجر=بالغصب با جيبه ولا هو في غراغير الطيور