مساجلات الزامــــل الشعبي

[بن هاشم]

لبيك يابو عامر

• بوعامر النعمان في الزامل زمل=يبغى قوافي ذي تسر السامعين
  باندخل الميدان سعف اللي دخل=في جبركم باشد حبلي واللّوين
  ياخير ليلة لي بها الهاجس وصل=جاني وله مدّه عليّه مايبين
  يحضر على الماجوب مايجيه الكسل=يغرف من الصافي ويشرب باليمين
  في الراس غيّة والمدرّف لا صهل=صوته دوا يشفي قلوب العاشقين

[بن هاشم]

الأخ طالب باتيس

العفو منك لم الاحظ مشاركتك بالفصل الجديد


فالمعذرة واللي تشوفه موافقين عليه


تحياتي

[بن هاشم]

الله يديم الود مابين الحضور=والحبل لي مشدود ما باينعطف
كلّين يبني عالمصانع والقصور=واحنا بنينا عالمروة والشرف

[مبروك بن ماضي]

بالنور بامسي عليكم والسرور= ياهل الميازر والجنابي والشلف
من اجلكم باغوص في غوط البحور= باجيب حب اللول منها والصدف

احترامي

[طالب النعماني]

عااادي يابن هاشم
المهم انه الفصل الاول تغيير وانته قدك اخبر بالفصول الزين
المهم انك تشارك معنا دايما غيابك اكبر خساره علينا فلاتخسرنا يابن هاشم

[طالب النعماني]

يالهاشمي اّنست ياصقر الصقور=انته وذي حضروا رجاجيل الشرف
مبروك ذي قوله يفرج عالصدور=كل مادعيته قال شاعر ماخلف

[مبروك بن ماضي]

نطلبك ياطالب تكثف بالحضور= ترى حضورك يالعبيثي مختلف
لك بالسقيفه ياطويل العمر نور= لاغبت متصفح سقيفتنا كسف

احترامي

[سبع الليل]

قل لطالب بانوجه لك دعاوي الي خمور=ليلة الجمعه حزرنا الشهر حمر وانكسف
لي وقع مثنات حفره بايصاليها كسور =والسبب من جملة الاخيار ياصحاب انحرف

[طالب النعماني]

احسنتوا ياشباب هكذا

[الرعد]

فـي الـراس غيّـة والـمـدرّف لا صـهـل صوته دوا يشفي قلوب العاشقين

هلا بابيات من شاعرولهان وعنده شعور =بن هاشم عندي لي قوله من اول ماختلف
ذكر لي صوت المدروف ولحان السمور =يا كم بالراس من غيات لاصوات لها شف
تسلي الخاطر من الدنيا هي والكدور = هكذا زينوا سما الزامل باقوال فيها الترف
والدعوة لطالب قايد السرب لي ينور = سما سقيفتناهو قمرها ولنا الشرف