من ينتقدني مرحبابه مرتين

[يسلم صالح بن عكعوك]

مرحب ومسهل بالردود الوافيه=من ينتقدني مرحبابه مرتين
الأوله بكرمه ثوب العافيه=والثانيه بطلعه كلة بامتين
والثالثه بعطيه كلمه شافيه=بادرّسه عندي رياض الصالحين
والعاد بخفي يالجماعه خافيه=باعقــّر القعدان ذي تحت العنين
حشوان قشره من سلاله هافيه=ياحنقباصه وش معك طرطن رطين
بعطيك لك ضربه وقدها كافيه=والعاد باتعرف يسارك واليمين
وانت خيوطك كل أبوها جافيه=بنت المكلا عرفت الوجه اللعين
لاهي منول عارفه بالقافيه=بنت المكلا ما خطت لك خطوتين
قد جربت صحبتك يا باسافيه=يوم أشتحت لوتار رحتو شاردين
أمسيت لك خادع بحجره دافيه=يوم المظلع والبرت يرشن رشين
لاهي مع عكعوك ممست حافيه=أن كانها عند النجوم الزاهرين
في راس علـّي ما نياره طافيه=مابا يجيه الخوف في الحصن المكين
لكنها غلطت وتبعت مافيه=من مافيه للموت لقشر لقشرين
وتقول لي رجعت نقيه صافيه=نشدت على المصبون وارد با حفين
تبغا مع مولى الثياب الظافيه=عكعوك يسلم ضمها دنيا ودين
معاد أباها لو لفتني لافيه=با يزعلون أخوتي ذي فالواديين
قدني مفتح ماعيوني غافيه=باتيس يعرفني وجاري بن حسين
ون حد زعل بعطيه روس الثافيه=وألا حيود الطخم يطحنها طحين

[علي فدعق الهاشمي]

يسلـــــــــــــــــــــــــــم فمـــــــــــــــــك ياعـــــــــــــــــــــــم سالم يابو الرجاجيل يامالك زمـــــــــــــــــــــــام القـــــــــــــــــــــــــــــــــــلاده .

كفيت ووفــــــــــــــــــــــــــــيت وماعاش من ينتقــــــــــــــــــــــدك ومن اينتقدك اطلق عليه قليل اصـــــــــــــــل .

اما بخصـــــــــــوص حنقباصــــة كـــــــــــــدرنا وكــــدر صفو اهـــل السقيفه الله يكــــــــــــــــدر مابقي من عمــــره, كل مادخل على موضوع لقى فيه حلبه مصارعـــــــه .
رد على قصيدتي (مواجهة الثعابين ) واتهمني بااني اجهل الشعـــر ومااعرف قوانيين الشعر .

وعنابي ماقصر في رده حــــــــــــيث قـــــــــــــال ::

يا مرحبا حنقناصـه ويـن دارك فييـن=ابغيت شوفك لأنـك مـن رجـال الأدب
العين يا بوك ما تعـلا علـى الحاجبيـن=شف كل صمصوم ما يسعف الهرج العتب
انك تبا تنـال منـي والله إنـك غبييـن=الفرق تعرفه ما بيـن السقـم والعنـب
نحنـا قبـايـل وحليـنـا فيالواديـيـن=ون حد يبا حكم راسه عاد راسي غلـب
وتغلب ادقام لي ترعـى بهـا الموفييـن=وتغلب أمات قلعة مـن طـوال القصـب
كانك تبا قسمك الزايد وقسمـي هوييـن=بعطيك ضربه وبا خلي قرونـك حطـب

كلمات عنابي محترم

دمت ياعم سالــــــــــــــــــــــــــــــم وياجــــــــــــــــــــــــــــــــــبل مايهـــــــــــــــــــــــــزك ريح .

ولدكم وتلميذكم :علي بن حامد فدعق

[يسلم صالح بن عكعوك]

مشكور يا الحامدي وما قصرت
وحنقناصه حصل نصيبه
من عنابي محترم ومني .
وذلحين معاد بيستانس يكدر صفو الناس.
ودخل في شعري (برسله على عنوانه) وعصده و يدعي
بانه غير موزون
تحياتي

[شبامي متكرف]

تسلم يمناك يالشاعر والله لا يحرمنا منك يالغالي
اما حنقناصه يستاهل اللي جاه

[المسلول]

شكراً على هذه الفصيده

[غازي عمر بن مهناء]

ممتاز جداً محاربة الجائل والغير دارس الادب وحقوق الكلمه
تسلم والله حاشاك ممايدعونه

[عوض يسلم بن عكعوك]

شبمي متكرف
مشكور على مرورك الكريم

[عوض يسلم بن عكعوك]

المسلول الله يعطيك العافيه على مرورك الكريم

[عوض يسلم بن عكعوك]

مشكور مشكور يا بن مهناء يالمريدي
على مواقفك النبيله

[ابوعقيل]

هذا المطلوب يا بوصالح اعطاك العافيه
والمطلوب من الاخوان المعترضين يردون شعرا وسلامة الجميع