المحضار مرآة عصره (( رياض باشراحيل ))مركز تحميل سقيفة الشباميحملة الشبامي لنصرة الحبيب صلى الله عليه وسلم
مكتبة الشباميسقيفة الشبامي في الفيس بوكقناة تلفزيون الشبامي

العودة   سقيفة الشبامي > الأدب والفن > سقيفة عذب القوافي
التعليمـــات روابط مفيدة Community التقويم مشاركات اليوم البحث


لا مايبا رحمه يرد مكتوب بخطب له نوال (قصيده فالحزب الاشتراكي)

سقيفة عذب القوافي


إضافة رد
 
أدوات الموضوع انواع عرض الموضوع
قديم 08-28-2006, 11:12 PM   #1
يسلم صالح بن عكعوك
شاعر السقيفه

افتراضي لا مايبا رحمه يرد مكتوب بخطب له نوال (قصيده فالحزب الاشتراكي)

بسم الله الرحمن الرحيم

السلام عليكم ورحمة الله وبركاته

أخواني وابنائي المعجبين بالشعر الشعبي

حبيت ان اكتب لكم هذه القصيده وهي قديمة العهد
في عهد الحزب الاشتراكي
وكنت انا من بين الشعراء الذين نجتمع يوميًا فالقطن
ومن أبرز الشعراء مبارك بن عقيل ومبروك بن صالح العوش النهدي
وبعد كل امسيه شعريه يعطولنا هديه ولكن لهم تمييز وعنصريه ولا ادري هل هذه عنصريه ام لبعض الشعراء شغله ثانيه لم اعلم بها ولكن اكتشفتها في ما بعد
وبعد ماضيق الحزب الخناق عليّ َ بالذات هربت إلى الشمال ومن ثم إلى الخليج في عام 1977
وتوالت مابينهم البين المشاكل وقتلو سالم الربيّع والغشمي وبعدها طردو عبد الفتّاح إلى موسكو
واستولى علي ناصر على السلطه وضيقو الخناق على علي ناصر لكي يرد عبد الفتّاح وشلته
وقام المؤتمر في عام 1986 وعاد عبد الفتّاح إلى عدن وقسمو الوظائف لناس مايستقونها ولا
لهم أي تاريخ نضالي وقلت ربما يعطون صاحبي العوش وظيفه لأنه كان يقوم بخدمتهم ولكنهم
لم يعطوه أي شي
وحبيت ارسله هذه القصيده وبعد ماوصلته القصيده بيومين قرحت مابينهم البين في 13 ياناير
وحصلت المجزره المشهوره
وبعد ذالك أرسلي راسله العوش وقال: معاد معي جواب لك يابن عكعوك ذي بايجوب من شانهم قد حسّن لهم حسّان والعفو يابن عكعوك
وهذا لي حصل في ذلك العهد
وحبيت ارسل لكم هذه القصيده مادامت محفوظه معي لأني قد ضيعت الكثير الكثير من القصيد القديم

واقوول فيها


أطلبك ثم وادعيك يارحمن ياواحد أحد=يا من رفعت الكون يا بالجود يالفضل الجلال
مقدم زماني خافني زليت ماهو بالعمد=واليوم طالب مغفره من ذي عليه الاتكال
ماحد من الزلات سالم دون بالقاسم حمد=واحنا خطايانا ثقيله وزنها مثل الجبال
يشفع لنا من نار حمرا في سقر توقد وقد=وجنة الفردوس يجعلها لنا الباري حلال
ذا فصل والهاجس عتيم الليل عالمغنا ورد=جاني يذكرني صحابي والجماعه والعيال
وجاب ذكر العوش ذي له وقت مني مانشد=رايح قفا دنياه يدرج عالمعالي والسفال
وش بايرد العوش لصحابه وهو فـّرد وند=خلا صحابه سار في مبداعلى درب النضال
القطن تشهد له وسيؤون الطويله والسدد=وحنا شهدنا له وشهدت له خطمها والرمال
لنه خدم في ثورة اكتوبر وجاهد واجتهد=وعطو له شرفه على كتفه من الشرف الثقال
ما طاع يعطي قاصره مبروك للثوره سند=عمره يناضل للأسف لكن ماحصل مجال
ليته لحق مامور والا عطوه ضابط معتمد=يعطون له نجمات فكتافه يمينه والشمال
هذا جزا خدمته من جده في اعماله وجد=كل حاج طالب مغفره والا فلا شد الرحال
فالراديو امسيت ساهر قلت خاف اسمك ورد=ألا ولا لك اسم فالرديو ولا قيل(ن) وقال
والله تأسفنا وشفهم نكدو لحنا نكد=ماطلعو بو بشر والا العوش يرشد كل ضال
مالعوش يستاهل وظيفه شفه يوفي لاوعد=ويقص لثر لا حد سرا سيار او فوق الجمال
من السهر في نيس والرمله صمد عينه رمد=يسري على لقدام حافي يوم ماحصل نعال
واما مبارك في غنيمه سد منفوح الزيد=والا نفج للقطن ولقاله على لكتاف شال
ماذاك يبغا الا ولد يدفخه من فوق الرقد=والا يحطه في قفص لما يبدل به بدال
يستاهل الا الموت ما بو بشر ضد الشعب ضد=يلقون له صوتين من سيوون لما با علال
ذا فصل بتنشدك يا مبروك في من هب وشد=وش عاد ذي رده قدا الموطن وهو روح وزال
تعرفه بن علوان ذي سارق ولكنه شرد=واليوم عود للوطن من بعد ماهو فالشمال
مكفاه مال الناس عاده حط عالنار الوقد=والله مايصلح عمل الفال يبقى دوب فال
يسرق وينهب شقه قد سرّا جمال البا صمد=ون جيت باتمسكه قدم لك بحيله وحتيال
ماحد سلم منه من الضالع إلى ريدت كند=للشحر لا سيوون لمّا القطن والحوطه قبال
وانته تحبه قلت هذا خوي من اب(ن) وجد=قحطان مرجعنا ولاحد بايزّول بي زوال
وقلت نهدي ولد بن علوان ركنه من فند=هذاك سارق قد سرق حتى المراكد والدلال
ماتفم ان شعب اليمن كافح وناضل للأبد=كافح وناضل هاكذا صمم وصّفا لحتلال
وانته تمتع شهر أو شهرين معدوده عدد=وبعد باتلحق مصيرك رجم ياعاف الخصال
وبعد ذا لاصفو الخونه وعمّرنا البلد=والمغترب يرجع قدا اوطانه على درب الوصال
يالمغترب عوّد قدا اوطانك وحل بعد النكد=يهناك ثم يهناك لاطلقو خطمها والعقال
والعوش يخطب له وبازوجه ياشاهد شهد=لا مايبا رحمه يرد مكتوب بخطب له نوال
باجيب له رخصه من القاضي ولا بي شي قهد=والمهر مانبغاه نبغا صهر من عز الرجال
شفني على موعدي مابخلف وقرّب من بعد=والهرج ما بخرجه لا ماهو بميزان القفال
لكن عاد الشرط مابيني وبينك معتمد=فزعان منك لا تشتت بي تنكل بي نكال
انك تباني صهر لي شرطين وكتب لي سند=تطرح صحيح اصبعك في ورقه وترسلي رسال
الشرط لوّل جردو بوبشر من كل العدد=وان مارضي اعطوه له قسمه من اذلاق النصال
الميد باتسكن غنيمه من وجوده لاجمد=صوّع في اصحابه وخلا النار تمسي فشتعال
والشرط لاخر سر بن عكعوك لايظهر لحد=مادام لحنا متفقنا مانبا فتح المجال
لمّا نحط الكي يامبروك من فوق العمد=انصح وألا بايقع مطلبك ذا صعب المنال
هذا وانا باسوق لك كسوه تدفي من برد=صاروم بن علوي وغتره فاخره حمرا وشال
من عند بوصالح هديّه والهديّه ماترد=وباقي الا الجود والمعروف مابين الرجال
لتقول بن غانم انسي صحبتي او مني جحد=كل من نسي صاحبه لادبر يبا ضرب النبال
اذكرك واذكر قول لك جبته على بير العقد=يوم الخنب ورد(ن) علل منهل وشرب(ن) ما زلال
ماحد ضربهن كل واحد بندقه فوق الوتد=انته وبن ريس وبن حبّان تبغون الضلال
انهارها نزعت من المحجر وتركت باعبد=وراك ماديّعت يا مبروك تذبحها حلال
ما لا حظر عكعوك يسلم وانبي لاشي مسد=لما نضويها نصاف اثمان قسمه عالتفال
ذا ذي حصل والعفو من نقصان او زايد ورد=محد من الزلات سالم او مكمّل بالكمال
وختمها صلو على المختار ماراعد رعد=ذي قد سكن طيبه وفيها القبر باقيله مزال

تقبلو تحياتي

دمتم بوووووود
التوقيع :
قال شاعر يجيب القول في كل مندر=واسم مكتوب لي في منبر الشافعيه
جدنا من بني ضنه من الحيد لزور=في زمان النبي هو دمر الرافضيه
جدنا لي دخل خيبر وهلل وكبر=ورتكز عكرهم مثل الزعوف القويه
قال بو يسلم ان حالي مكانه مكدر=يوم قدهم سوا لحناف والشافعيه
=كلمات الوالد:صالح بن عوض بن عكعوك

التعديل الأخير تم بواسطة يسلم صالح بن عكعوك ; 08-28-2006 الساعة 11:15 PM
  رد مع اقتباس
قديم 08-28-2006, 11:25 PM   #2
علي فدعق الهاشمي
مشرف سقيفة عذب القوافي

افتراضي

يسعدني ان اكون اول من يتصفح هذه القصيده الجزله الذي تفوح بريح المسك والعنبر

عشت عشت عشت ياعم يسلم

ولافض فوووك ولاعاش من يجفـــــــــــوووووك وعسى دربك السلامه ياصليب الراس

ابيات حكيمه من شاعر حكيم لاحرمنا الله منك ياعميد شعراء السقيفة .

دمت بــــــــــــود
التوقيع :
قدرت أعيش الواقع اللـي مـا قـدرت أتخيّلـه=مدري أصبت العذر أو في عذري أخطيت الصواب
بس المهم إني قـدرت اضـرب لغيـري أمثلـه=وشلون ما يرجي ثواب الصدق أو يخشى العقاب
ما هو غرور ولا تواضع .. كل ما فـي المسألـة=يا صاحبي .. إني رفضت أحسب لغير الله حساب
  رد مع اقتباس
قديم 08-28-2006, 11:39 PM   #3
مجمل
شاعر السقيفه
 
الصورة الرمزية مجمل

افتراضي

ذا من التمر الزجاج المرزوم الدويل يابوصالح اعطنا لاهنت من طعم الرايه من المخبا هذا القصيد
الذي فيه ريح قول الشيبان لاهنت يابوصالح
  رد مع اقتباس
قديم 08-29-2006, 12:29 AM   #4
عمر خريص
مشرف سقيفة التراث
 
الصورة الرمزية عمر خريص


هواياتي :  القراءة والكتابة
عمر خريص is on a distinguished road
عمر خريص غير متواجد حالياً
افتراضي

أطلبك ثم وادعيك يارحمن ياواحد أحد=يا من رفعت الكون يا بالجود يالفضل الجلال
مقدم زماني خافني زليت ماهو بالعمد=واليوم طالب مغفره من ذي عليه الاتكال
ماحد من الزلات سالم دون بالقاسم حمد=واحنا خطايانا ثقيله وزنها مثل الجبال
يشفع لنا من نار حمرا في سقر توقد وقد=وجنة الفردوس يجعلها لنا الباري حلال
ذا فصل والهاجس عتيم الليل عالمغنا ورد=جاني يذكرني صحابي والجماعه والعيال
وجاب ذكر العوش ذي له وقت مني مانشد=رايح قفا دنياه يدرج عالمعالي والسفال
وش بايرد العوش لصحابه وهو فـّرد وند=خلا صحابه سار في مبداعلى درب النضال
القطن تشهد له وسيؤون الطويله والسدد=وحنا شهدنا له وشهدت له خطمها والرمال
لنه خدم في ثورة اكتوبر وجاهد واجتهد=وعطو له شرفه على كتفه من الشرف الثقال
ما طاع يعطي قاصره مبروك للثوره سند=عمره يناضل للأسف لكن ماحصل مجال
ليته لحق مامور والا عطوه ضابط معتمد=يعطون له نجمات فكتافه يمينه والشمال
هذا جزا خدمته من جده في اعماله وجد=كل حاج طالب مغفره والا فلا شد الرحال
فالراديو امسيت ساهر قلت خاف اسمك ورد=ألا ولا لك اسم فالرديو ولا قيل(ن) وقال
والله تأسفنا وشفهم نكدو لحنا نكد=ماطلعو بو بشر والا العوش يرشد كل ضال
مالعوش يستاهل وظيفه شفه يوفي لاوعد=ويقص لثر لا حد سرا سيار او فوق الجمال
من السهر في نيس والرمله صمد عينه رمد=يسري على لقدام حافي يوم ماحصل نعال
واما مبارك في غنيمه سد منفوح الزيد=والا نفج للقطن ولقاله على لكتاف شال
ماذاك يبغا الا ولد يدفخه من فوق الرقد=والا يحطه في قفص لما يبدل به بدال
يستاهل الا الموت ما بو بشر ضد الشعب ضد=يلقون له صوتين من سيوون لما با علال
ذا فصل بتنشدك يا مبروك في من هب وشد=وش عاد ذي رده قدا الموطن وهو روح وزال
تعرفه بن علوان ذي سارق ولكنه شرد=واليوم عود للوطن من بعد ماهو فالشمال
مكفاه مال الناس عاده حط عالنار الوقد=والله مايصلح عمل الفال يبقى دوب فال
يسرق وينهب شقه قد سرّا جمال البا صمد=ون جيت باتمسكه قدم لك بحيله وحتيال
ماحد سلم منه من الضالع إلى ريدت كند=للشحر لا سيوون لمّا القطن والحوطه قبال
وانته تحبه قلت هذا خوي من اب(ن) وجد=قحطان مرجعنا ولاحد بايزّول بي زوال
وقلت نهدي ولد بن علوان ركنه من فند=هذاك سارق قد سرق حتى المراكد والدلال
ماتفم ان شعب اليمن كافح وناضل للأبد=كافح وناضل هاكذا صمم وصّفا لحتلال
وانته تمتع شهر أو شهرين معدوده عدد=وبعد باتلحق مصيرك رجم ياعاف الخصال
وبعد ذا لاصفو الخونه وعمّرنا البلد=والمغترب يرجع قدا اوطانه على درب الوصال
يالمغترب عوّد قدا اوطانك وحل بعد النكد=يهناك ثم يهناك لاطلقو خطمها والعقال
والعوش يخطب له وبازوجه ياشاهد شهد=لا مايبا رحمه يرد مكتوب بخطب له نوال
باجيب له رخصه من القاضي ولا بي شي قهد=والمهر مانبغاه نبغا صهر من عز الرجال
شفني على موعدي مابخلف وقرّب من بعد=والهرج ما بخرجه لا ماهو بميزان القفال
لكن عاد الشرط مابيني وبينك معتمد=فزعان منك لا تشتت بي تنكل بي نكال
انك تباني صهر لي شرطين وكتب لي سند=تطرح صحيح اصبعك في ورقه وترسلي رسال
الشرط لوّل جردو بوبشر من كل العدد=وان مارضي اعطوه له قسمه من اذلاق النصال
الميد باتسكن غنيمه من وجوده لاجمد=صوّع في اصحابه وخلا النار تمسي فشتعال
والشرط لاخر سر بن عكعوك لايظهر لحد=مادام لحنا متفقنا مانبا فتح المجال
لمّا نحط الكي يامبروك من فوق العمد=انصح وألا بايقع مطلبك ذا صعب المنال
هذا وانا باسوق لك كسوه تدفي من برد=صاروم بن علوي وغتره فاخره حمرا وشال
من عند بوصالح هديّه والهديّه ماترد=وباقي الا الجود والمعروف مابين الرجال
لتقول بن غانم انسي صحبتي او مني جحد=كل من نسي صاحبه لادبر يبا ضرب النبال
اذكرك واذكر قول لك جبته على بير العقد=يوم الخنب ورد(ن) علل منهل وشرب(ن) ما زلال
ماحد ضربهن كل واحد بندقه فوق الوتد=انته وبن ريس وبن حبّان تبغون الضلال
انهارها نزعت من المحجر وتركت باعبد=وراك ماديّعت يا مبروك تذبحها حلال
ما لا حظر عكعوك يسلم وانبي لاشي مسد=لما نضويها نصاف اثمان قسمه عالتفال
ذا ذي حصل والعفو من نقصان او زايد ورد=محد من الزلات سالم او مكمّل بالكمال
وختمها صلو على المختار ماراعد رعد=ذي قد سكن طيبه وفيها القبر باقيله مزال

ابو صالح .. مازلنا نتلقى من الصافي الزلال ..

الشرط لوّل جردو بوبشر من كل العدد=وان مارضي اعطوه له قسمه من اذلاق النصال
الميد باتسكن غنيمه من وجوده لاجمد=صوّع في اصحابه وخلا النار تمسي فشتعال

راح بو بشر وجاء بعده الف بو بشر .. وعلى قول المحضار ... وحلت ولاهي داريه تتجه الى وين .

لك تحياتي يابو صالح
التوقيع :
وماتوفيقي الا بالله

نقرتين لعرض الصورة في صفحة مستقلة
  رد مع اقتباس
قديم 08-29-2006, 12:47 AM   #5
الشبامي
المشرف العام
 
الصورة الرمزية الشبامي

افتراضي

كلام موزون وكله حِكم
يعطيك الف عافيه ياشاعر السقيفه الكبير
كبّرنا الخط شوي يابوصالح ترى النظر علىر قدّه نقرتين لعرض الصورة في صفحة مستقلة
التوقيع :
  رد مع اقتباس
قديم 08-29-2006, 12:51 AM   #6
شيخ القبايل.
حال قيادي

افتراضي

حياك يابن عكعوك

أيام وولت بجراحاتها ، نسال الله ان يكون بعون كل مؤمن ، محب لوطنه .



صح لسانك ودمت بكل الخير .
التوقيع :
نقرتين لعرض الصورة في صفحة مستقلة
  رد مع اقتباس
قديم 08-29-2006, 02:02 AM   #7
طلال بن قفله
حال نشيط


هواياتي :  الرياضه والقراه والتعارف
طلال بن قفله is on a distinguished road
طلال بن قفله غير متواجد حالياً
افتراضي

يا سلا عليك يا بن كعكوك
من قدك الكبير كبير دايما ودمت بخير ولك تحياتي
  رد مع اقتباس
قديم 08-29-2006, 10:10 AM   #8
الشريف رضا الهاشمي
حال نشيط


الدولة :  جدة ديرة الرخا والشدة
الشريف رضا الهاشمي is on a distinguished road
الشريف رضا الهاشمي غير متواجد حالياً
افتراضي

استاذي الشاعر يسلم بن صالح بن عكوك

صح السانك وسلم بنانك يالشاعر الفذ

ملحمةادبية ابداعية صغتها لنا بقالب شعري اثمن وانفس من قوالب الذهب الخالص

اترقب جديدك على احر من جمر

تقبل مني خالص تحياتي وتقديري

اخوك/ الشريف رضا الهاشمي
التوقيع :
نقرتين لعرض الصورة في صفحة مستقلة

الف شكر لاخوي < السيد علي المير> على التوقيع
  رد مع اقتباس
قديم 08-29-2006, 12:56 PM   #9
أبونمر
حال متالّق

افتراضي

صح لسانك ياعم يسلم كلام في مكانه كان
جزيت خيرا على ماتتحفنا به من اشعارك الجميله
تقبل تحياتي وصح لسانك يالغالي
التوقيع :
نقرتين لعرض الصورة في صفحة مستقلةنقرتين لعرض الصورة في صفحة مستقلة
  رد مع اقتباس
قديم 08-29-2006, 08:26 PM   #10
عيون المكلا
شاعرة السقيفه

افتراضي

مثلما جديدك جزل وعذب ورائع قديمك ايضا لايقل عنه
تسلم ويعطيك العافيه
وكيف نحن اذا قلنا في ماقلت عنهم ؟لقد شربنا كأس ...منهم دهاقا
قصيده رائعه لاهنت ودمت بكل ود
التوقيع :
عزيز النفس ذي قانع وراضي=ولاثرثـر لغيـره بالقنـاعـه
نفض يده من عابث وفاضـي=وقال لفاقتـه سمعـا وطاعـه
وفاقة علم عن باحث وقاضـي=تشابه مـن تدثـر بالمجاعـه
وزاره من ادب في عهد ماضي=وبردة حاضره صحب الجماعه

((((((من كلام اختكم عيون المكلا )))))
  رد مع اقتباس
إضافة رد

مواقع النشر (المفضلة)


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
إمام الحرم الشيخ علي عبدالله بن علي جابر سالم اليمان سقيفة إسلاميات 3 08-13-2011 10:52 PM
الحضارم الذين تولو الأفتاء والتدريس بالحرمين الشريفين سجل انا عربي تاريخ وتراث 11 08-10-2011 05:26 PM
الحضارم السلفيون ابوسعدالنشوندلي سقيفة إسلاميات 0 12-12-2010 02:24 PM


Loading...


Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir
Ads Management Version 3.0.1 by Saeed Al-Atwi

new notificatio by 9adq_ala7sas